Uncategorized

رواية العشق لا يعرف وطن الفصل الثامن عشر 18 بقلم أية إنسان

 رواية العشق لا يعرف وطن الفصل الثامن عشر 18 بقلم أية إنسان
رواية العشق لا يعرف وطن الفصل الثامن عشر 18 بقلم أية إنسان

رواية العشق لا يعرف وطن الفصل الثامن عشر 18 بقلم أية إنسان

_ مشيت هاجر من الفندق وهي حاسه بالحزن والوحدة وقعدت على الرصيف بصمت .
_ جه صوت من وراها وقال : يعني انتي تتأخري عادي لكن غيرك لأ .
_ لفت هاجر وشها وكان أسر ولكن رجعت لفت وشها قدامه تاني فنزل وقعد جنبها .
_هاجر :  انا آسفة .
_ آسر : بصي هو أنا مش طايقك بس ماشي قبلت اعتذارك .
_ عادي انت من ضمن ناس كتير مش طيقني وأولهم نفسي .
_ الله مالك يا هاجر فيكي اي .
_ مش عارفه اقول اي حاسه بحاجه مش عارفه اوصفها عارف اصعب احساس ممكن يحسه الواحد منا أنه يبقى حزين جداً من جواه ومش عارف السبب أو يمكن عارف بس مش عاوز يواجه نفسه .
_ أول مره اشوفك بالحاله دي من أول ما شوفتك فين هاجر اللي على طول بتضحك وبتنصح وبتواسي هاجر المجنونه .
_ ساعات كتير بنواسي الناس بكلام احنا محتاجين نسمعه .
_ انا مش فاهم حاجه بس مش حابب اشوفك كده .
_ انا هامشي .
_ راحه فين .
_ مش عارفه بس عاوزه اكون لوحدي يمكن ألاقي هاجر اللي تاهت مني وسط زحمه الدنيا .
_ طيب يلا بينا نمشي سوى .
_ احنا طريقنا مش واحد .
_ يمكن الطريق مش واحد بس انا علشانك ممكن اخليه واحد .
_ تقصد اي .
_ تيجي نركن الزعل على جنب ونتجنن شويه .
_ بس انا عاوزه اكون مع نفسي .
_ تمام يلا بينا وشدها ومشي وهي وراه .
_ انت يا دكتور.. يا أسر… يا عم انت… هو أنا بكلم نفسي اساااااااار.
_ اي اي بتصرخي ليه .
_ سيب ايدي بس كده الأول لو سمحت .
_ اه اسف مش اقصد بس ممكن تمشي معايا وانتي ساكته .
_ لأ .
_ اوكي وشدها من دراعها وجري بيها في الشارع وهي مش عارفه تفلت منه .
_ لا مش قادره….بتتكلم بصوت متقطع:  أسر اقف قلبي هيقف كل دة جري حرام عليك .
_ ههههه يا كسولة ثم كده كده احنا وصلنا .
_ كسولة اي بس ثم انت جايبني الملاهي ليه .
_ لا بنت اختي معايا وحابب افسحها .
_ بجد هي فين .
_ جوه تعالي بقى وشدها وطلع ركب القطر السريع .
_ أسر هي فين بنت اختك دي ومركبني البتاع دة ليه .
_ تعجبني نباهتك ما شاء الله عليكي .
_ يعني اي .
_ انا وحيد .
_ اه يا كذاب انت وحيد مش أسر .
_ لا كده كتير انا هنط من هنا وهريح نفسي وبدأ يفك الحزام .
_ اعاااا انت مجنون عاوز تموت نفسك وانا معاك ليه موت لوحدك .
_ تعرفي انا استاهل الحرق اني جيت معاكي افسحك .
_ ليه وهو انا كنت …لحظه واحده يعني مفيش بنت اختك .
_ ايوه .
_ يعني كذبت عليا .
_ ايوه.
_ وانا هبله وصدقتك .
_ ايوه .
_ وحيددددد .
_ وحيد مين يا مجنونه .
_ مش انت اللي بتقول .
_ يا رب يا تخدها يا تخدها .
_ انت بتدعي عليا كمان .
_ اقصد أنا حالتي وحيد يعني معنديش اخوات .
_ احم ما تقول كده من الصبح .
_ صح انا اللي غبي انا أسف .
_ ما تقولش على نفسك كده يا راجل .
_ انزلي يا هاجر .
_ انزل منين يا أسر انت واخد بالك احنا في الهوا فوق والقطر ماشي بسرعه البرق .
_ ايوه انزلي بقى من هنا نطي يا اما هرميكي من هنا .
_ اعااااااااااا اعااااااااااا . 
_ بس بس يا مجنونه خلاص بطلي صريخ .
_ لا اعااااااااا .
_ يا رب على الجنان بهزر يا هاجر خلاص متخافيش .
_ ومين قالك اني خايفه .
_ اومال بتصرخي ليه .
_ الناس كلها بتصرخ من حوالينا .
_ هاجر هو انتي خايفه زيهم .
_ لا .
_ اومال بتتنيلي تصرخي ليه .
_ مش عارفه بس محتاجه اصرخ ومحدش يقولي بتصرخي ليه واظن هنا مفيش حد هيقولي بتصرخي ليه لان محدش هياخد باله .
_ ودة هيريحك .
_ تعالى نجرب سوى .
_ لا مستحيل .
_ جرب بس ومش هتندم صدقني .
_ أبداً .
_ بعد دقيقتين الاتنين في نفس واحد: اعااااااااا .
☆ ————- بقلم الكاتبة/ آية إنسان —————☆
في بيت اسماء البكري :
_ اسماء بتكلم نفسها : وأخيراً خلصت مش مصدقه نفسي بقالي اسبوعين عماله اشوف فيديوهات وأقرأ تقارير وأبحاث وكتب لما شبعت متحمسه اوي للموضوع وجوعت اوي كمان لما اقوم اعمل حاجه اكلها واكلم هاجر اقولها .
☆ ———– بقلم الكاتبة/ آية إنسان ————–☆
في فيلا العامري وخصوصاً في اوضه ميرا :
_ ميرا بتكلم نفسها : وبعدين يا ميرا هتعملي اي في الكارثه دي هتصرف ازاي مش عارفه اعمل اي ولا اكلم مين اه يا كلب انت السبب بس انا مش هسكت على الإهانة دي وهدفعك التمن غالي اوي يا مصطفي بس الصبر حلو .
_جه صوت من وراها وكانت وعد بتقول:  لا دة انتي مش هنا خالص .
_ بصت ميرا لمصدر الصوت وشافت وعد :  وعد عاوزه اي ثم مش في حاجة اسمها تخبطي قبل ما تدخلي .
_وعد :  انا جيت اطمن عليكي بقالك فتره كده مش عجباني ثم انا خبطت بس انتي سرحانه ومش سامعة حاجه بس مش مهم احكيلي .
_ احكيلك اي .
_ يا بت انا اختك احكي مالك داخله قصه حب ولا اي يا مرمر .
_ اي الهبل دة يا وعد بطلي احلام بقى .
_ هبل على العموم تشكري يا محترمه بس مالك بقى .
_ هو في اي يا وعد  هو تحقيق ولا اي مفيش حاجه قولتلك هو الكلام بالعافيه.
_ بس بس خلاص انا اللي غلطانه اني قلقت عليكي.
_ بالضبط وفري القلق دة لهاجر يا وعد .
_ ميرا انتي ليه مش قادره تشوفي أن هاجر مهما كانت بنت عمي وزي اختي فعلاً وبحبها لأنها فعلاً تتحب لكن انتي اختي يا ميرا ومكانتك عندي محدش ينازعك فيها انتي اللي مش عاوزه تشوفي دة .
_ بقولك اي يا وعد وفري كلامك وخدي الباب وراكي علشان عاوزه انام .
_ اتحرجت وعد من ميرا وقامت خرجت قابلت أمها وقالت :  ازيك يا ماما عامله اي .
_ كويسه .
_ بقالي كام يوم مش بشوف حضرتك يا ماما ممكن نتكلم شويه .
_ بعدين بعدين يا وعد انا خارجه مع صحابي دلوقتي رايحين النادي .
_ ممكن حضرتك تأجلي الخروجة أصلاً حضرتك كل يوم بره .
_ يوووو هو انتي  مروحتيش الشركه مع ابوكي النهاردة ليه يا وعد .
_ قولت اقعد معاكوا يا ماما .
_ ماشي يا حبيبتي هخرج ومش هتأخر سلام .
_ سلام يا ماما وطلعت وعد حزينه ودخلت الاوضه بتاعتها.
☆ ————– بقلم الكاتبة/ آية إنسان —————☆
_ نزلت هاجر بتضحك هي وأسر وهو وقف يبص عليها وهي بتضحك وتلك الغمازات التي لا تظهر إلا لما تضحك جامد ووقف سرحان فيها .
_ بطلت هاجر ضحك لما شافت أسر مركز اوي معاها واتحرجت وقالت  : في اي بس هو مش مركز لية   …… أساااااار .
_ اي اي بتصرخي ليه .
_ مالك بتبصلي كده ليه .
_ وانتي مالك انا حر عيني وابص زي ما انا عاوز .
_ لا مش حر متفضلش باصص عليا كده .
_ قرب أسر منها وقال :  ليه .
_ اتوترت جداً وقالت :  علشان علشان وفضلت تفرك في ايديها فكمل كلام جنب ودنها وقال : علشان بتتوتري لما أفضل باصص ليكي صح .
_ بصت هاجر في عيونه اللي بتوه فيها .
_ آسر : عيوني تدوخ على فكره .
_ أنا أنا ….
_ ههههه بس بس خلاص اتنفسي انا بهزر معاكي .
_ اتعصبت هاجر جداً وقالت: تصدق انك رخم مش عاوزه اكلمك تاني ولفت علشان تمشي بس مسك أيديها وقال : خلاص بقى قلبك ابيض انا بهزر معاك يا رمضان اى مبتعرفش تهزر  .
_ لا يا خويا بهزر وللمرة الميه بقولك مش تمسك أيديه يا أسر .
_ طب خلاص على فكره انا مش قصدي اضايقك بالحركة دي بس انا متعود عليها .
_ يعني اي بنت تكلمها تمسك ايديها .
_ واي يعني مادام هي موافقه على دة.
_ يا سلام تصدق انك … ولكن رن الموبايل بتاع هاجر فردت وكانت اسماء .
_هاجر  : الو ازيك يا سمسمه عامله اي .
_اسماء  :  انا الحمد لله بخير انا خلصت وهصور الفيديو بكره .
_ بجد بالتوفيق ربنا معاكي .
_ انا قلقانه وعاوزه ألغي الفكره بصي خلاص مش هعمل حاجه .
_ اسماء اهدي خدي نفس انتي مش على الهوا ومفيش حد معاكي ولا شايفك يعني بتصوري لوحدك ثم انتي قلقانه من أي انا واثقه انك هتقدمي حاجه رائعه خليكي واثقه من نفسك كده دة بدايه حلمك متخليش حاجه توقفك ماشي .
_ شكراً يا هاجر كلامك بيشجعني .
_ ههههه اي خدمه يا اسماء لما انزل مش هقبل أقل من أكله من عم سلطان .
_ ماديه ماديه يا هاجر .
_ جداً يا حبيبتي.
_ هههههه ماشي سلام يختي .
_ سلام .
_ آسر : صاحبتك دي .
_هاجر  : اه .
_ صحاب من زمان .
_ لا يعني اعرفها من اقل من سنه .
_ غريب انا افتكرت من كلامك وتشجيعك ليها انكم صحاب من سنين .
_ ههههه لا الحكايه كلها بدأت بخناقه كبيره وبعدين بقينا صحاب .
_ مفيش حد تعرفيه عادي لازم تتخانقي .
_ طيب امشي من هنا بدل ما اتخانق معاك امشي .
_ طب ما تيجي نأكل علشان جعان ونشوف الحوار دة بعدين .
_ على شرط .
_ اللي هو .
_ اعزمك انا .
_ ليه ماشيه مع سوسن .
_ خلاص مش هاكل معاك .
_ امشي قدامي احسن اكل دراعك امشي يا بت .
_ احم قولت هناكل أي .
_ هههه قدامي 
☆ ————– بقلم الكاتبة/ آية إنسان —————-☆
في فرنسا عند عمرو :
_ مستر عمرو انا حجزت تذكرتين للسفر بكره .
_ ماشي يا سومان اتفضلي انتي .
_ بعد اذنك .
_ رن موبايل عمرو وكانت ساره فكنسل عليها ففضلت ترن فقال :  يادي القرف انا لازم احط حد للحوار دة علشان البت دي قرفتني بس لما ارجع حاضر وقفل الفون علشان ينام .
☆ ————– بقلم الكاتبة/ آية إنسان —————-☆
_ عند ساره اللي قاعده هتموت من الغيظ :كده يا عمرو بكلمك مش بترد عليا  بقى كده بس انا اللي جبت دة كله لنفسى انا اللي رفضت النعمه اللي كانت في أيدي .
☆ ————– بقلم الكاتبة/ آية إنسان —————-☆
في فيلا ماهر مختار :
_ دخلت سلوي اوضه عز حفيدها لأنها متاكده أنها هتلاقي إياد فيها .
_ سلوى ام اياد : اياد يا حبيبي انت بقالك شهر حابس نفسك في اوضه عز أخرج شوف مراتك وشغلك وحياتك .
_ مراتي اللي السبب في موت ابني ولا شغلي اللي خلاني امشي واسيبه مع واحده مهمله ولا حياتي اللي انتو السبب في دمارها مش هسامحكم أبداً .
_ اياد انا …
_ اخرجي وسببيني لو سمحت .
_ خرجت سلوى تبكي على حال ابنها .
_ فضل اياد قاعد ماسك صوره عز ويبكي بمرارة .
☆ ————– بقلم الكاتبة/ آية إنسان —————-☆
عند آسر وهاجر : 
_آسر :  بقولك أي يا هاجر .
_هاجر  : قول يا دكتور .
_ هو انتي هنا ليه .
_ هتصدقني لو قولتلك مش عارفه .
_ هصدقك .
_ ابتسمت هاجر بحزن وقالت  : شكراً .
_ على اي يا هاجر .
_ مش عارفه بس حسيت اني لازم اقولك شكراً .
_ ماشي يا ستي العفو .
_ مش عاوزاك تكون لسه زعلان مني انا عارفه اني لبخت في الكلام بس يعني انا …
_ بس بس يا هاجر اهدي متقوليش حاجه أنا متفهم الوضع .
_ يعني خلاص صافي يا لبن .
_ حليب يا قشطه .
_ هو انت هنا ليه يا أسر مش كنت قاعد في المانيا بس انت نزلت مصر ليه .
_ انا نزلت لان بابا تعبان وكان لازم اكون جنبه وكنت هسافر ألمانيا ولكن وانا في المطار جالي تليفون أن لازم اجي اليابان لان في مؤتمر مهم ولازم حد من المستشفي يحضر وانا اللي اختاروني علشان اجي هنا .
_ الف سلامه على والدك متغبش عنه كتير خليك جنبه بما انك ابنه الوحيد يا ريت تكون جنبه الاب مش بيتعوض .
_ انا بفكر اخده يعيش معايا في ألمانيا بس هو مش عاوز .
_ طب مامتك موافقه .
_ امي متوفيه من ٨ سنين .
_ ربنا يرحمها .
_ مش عارف هو متمسك بالعيشه في مصر ومش عاوز يسافر ليه .
_ علشان عاش عمره كله هناك كبر واتربي وعاش اجمل واصعب اللحظات في مصر وكمان الذكريات هناك صعب تتنسي يعني عارف زي السمك لو طلع من الميه هيموت في ناس كده يعني انا سافرت كتير ولفيت كتير بس مصر بلدي فيها حياتي فيها عمر كامل صعب يتكرر تاني .
_ هاجر هو ممكن أسألك سؤال ؟
_ اكيد .
_ انتي اي علاقتك بإياد مختار .
☆ —————
يتبع ……
لقراءة الفصل التاسع عشر : اضغط هنا
لقراءة باقى فصول الرواية : اضغط هنا

اترك رد