Uncategorized
رواية العشق لا يعرف وطن الفصل العشرون 20 بقلم أية إنسان
رواية العشق لا يعرف وطن الفصل العشرون 20 بقلم أية إنسان
 |
| رواية العشق لا يعرف وطن الفصل العشرون 20 بقلم أية إنسان |
رواية العشق لا يعرف وطن الفصل العشرون 20 بقلم أية إنسان
_ فضلت هاجر قاعدة في المكتب مش بتتحرك ولا بتنطق ولا حتى بتفكر وكأن الزمن وقف عند نقطه الصفر إحساس صعب اوي لما تلقي اقرب الناس ليك مش شايفين وجعك والاكثر ألماً لما يكون الألم دة بأيديهم هما .
_ خرج أسر من الفيلا وفضل يلف بالعربيه ومش عارف هو قال ليها كده ليه ومضايق اوي وفي جواه أسئله كتيره مش لاقي ليها إجابه وبعد لف كتير و قرر يرجع الفيلا ودخل يدور هي فين ولكن مش لاقيها فنزل المكتب لقاها لسه قاعده زي ما هي .
_ انتي لسه قاعده عندك قومي نامي بكره يوم طويل ومش عاوز اي غلطه سامعه يا هاجر … لكن مفيش رد .
_ قرب منها وشدها من دراعها وقال : متعصبنيش ولما اكلمك ردي عليا … بصت هاجر ليه وشالت أيده من عليها وطلعت من المكتب وطلعت على اول اوضه تقابلها ودخلتها واترمت على السرير ونامت أو بمعني اصح هربت من الواقع .
_ دخل أسر الاوضه بتاعته يحاول ينام بس مش قادر ولا عارف ولكن فضل يحاول لحد ما استسلم للنوم .
☆ ————– بقلم الكاتبة/ آية إنسان —————-☆
في فيلا العامري :
_ طلعت ميرا الفون بتاعها وكلمت صاحبتها جيسيكا وقررت تحكي ليها على حوار مصطفى لان هي أقرب حد ليها .
_بعد ما حكتلها كل حاجه قالت ميرا : ها اعمل اي دلوقتي يا جيسي .
_جيسي : طب واي يعني يا ميرا مصطفى شاب حلو وغني والبنات هتموت عليه اسمعي كلامه واتسلي معاه وكده كده محدش هيشوف ولا هيعرف حاجه .
_ ازاي بس يا جيسي .
_ يا ميرا اكسبيه وخليه زي الخاتم في ايديك واضحكي عليه بكلمتين بحركتين بس خليكي ناصحه معاه يعني اعملي كل اللي هو عاوزه بس بذكاء .
_ مش عارفه بس خايفه الموضوع يكبر ويطلب حاجات انا مش هقدر عليها .
_ متقلقيش انا معاكي عرفيني اول بأول وانا هقولك تتصرفي ازاي وعاوزة نصحتي اضحكي عليه بكلمتين .
_ انتي شايفه كده .
_ عيب عليكي انتي ماي بيست فريند .
_ ماشي يلا سلام .
_ قفلت جيسي مع ميرا وكان في حد حاضنها من ضهرها وبيقول : هايل يا بيبي ، وكان الحد دة مصطفى .
_ هههههه حبيبي انا يأمر وانا انفذ .
_ انتي ونعمة الصديقه يا جيسي .
_ طبعاً يا حبيبي هي احسن مني في اي كلنا في الهوا سوى .
_ طب اي بقى وحشتني .
_ هههههه خليك مؤدب يا مصطفى .
_ يعني انتي في شقتي وفي اوضه نومي وعلى سريري وعاوزاني مؤدب دة ينفع .
_ انت باد بوي .
_ اوي اوي يا بيبي واخدها في عالم كله محرمات .
☆ ————- بقلم الكاتبة/ آية إنسان —————-☆
_ اتي الصباح وبالفعل الخبر انتشر تحت عنوان فضيحة ابن السمري .
_ صحي أسر وخبط على هاجر اللي فتحت وقال ليها : اجهزي علشان ننزل نروح المستشفى ومش عاوز غلطه يا هاجر .
_ فسابته ودخلت من غير ما ترد عليه غيرت هدومها ونزلت تحت قعدت مع داده ندى على السفره .
_دادة ندى : هنعمل اي يا هاجر احنا هنفضل هنا قد اي ومين دة .
_هاجر : كل دي اسئله معنديش إجابه عليها يا داده صدقيني .
_ مين دة يا هاجر ومين اللي بعت الصور دي أنا مش مصدقه انك تعملي كده .
_ كويس أن لسه في حد مصدق اني مش ممكن اعمل كده لمحت هاجر الجرنال وشافت الصور والكلام اللي تحتها فحطت ايديها على دماغها بوجع .
_ شد أسر منها الجرنال وقالها : افطري علشان نمشي .
_ قامت هاجر مشيت من قدامه وخرجت فمشي وراها ولما خرجت شدها من دراعها وقال : لما اكلمك ردي انتي مش خارسه .
_ مشيت هاجر وركبت العربيه وهو متعصب منها جداً ومن تجاهلها ليه .
_ وصلوا المستشفى وقبل ما يدخلوا مسك ايديها وقال : متنسيش انك جوة مراتي وخلي بالك من كلامك يا هاجر .
_ بصت هاجر ليه بحزن وخبطت على الباب ودخلت مع أسر وقفت قدام اكمل وشافت كميه الاجهزه اللي متوصله لذلك الرجل صاحب الخمسين من عمره ذات ملامح جميله وطيبه قربت هاجر منه وبدون وعي قالت : بابا …. ففتح اكمل عيونه بتعب وفضل يبص عليها وشاف دموعها في عيونها فشاور ليها تقرب منه وقال : اسمك اي .
_ قربت هاجر ومسكت أيده وقالت : انا هاجر .
_ بص لأسر وقاله : اطلع بره انا عاوز اتكلم معاها لوحدنا .
_ آسر : بابا انت لازم ترتاح مش تتكلم كتير هجيبها وهاجي تاني .
_ اطلع بره شويه يا أسر .
_ بص أسر لهاجر وبعدين قال : ماشي .
_ قربت هاجر من اكمل وقالت : انا أسفه مكنتش اقصد كل اللي حصل .
_ هو فعلاً أسر اتجوزك ولا لأ .
_ اه طبعاً يا عمو انا حبيت أسر من اول ما شوفته و شوفت قد اي هو حنين وطيب فحبيته غصب عني انا اسفه .
_ بتعتذري ليه .
_ علشان انا اللي طلبت منه نتجوز قبل ما ننزل مصر وهو رفض في الاول وقال لازم حضرتك تعرف بس انا اصريت عليه و قولتله لما ننزل نشهر الجواز بس معرفش دى حصل ازاي .
_ وليه اصرتي عليه تتجوزوا هناك .
_ ممكن اطلب من حضرتك طلب .
_ اتفضلي .
_ ممكن حضرتك تستحملني لحد ما احس اني جاهزه وصدقني هقول لحضرتك كل حاجه ممكن .
_ عارفه يا هاجر انا هستني مش علشان حاجه بس علشان اسمك مجرد ما اسمعه بحس أن الدنيا لسه بخير كنت حاسس اني هموت لكن لما أسر قالي دي هاجر مراتي افتكرت ام أسر الله يرحمها هاجر .
_ افتكرت هاجر لما أسر قالها اسمك دة غالي عليا اوي وبعدين زعلت عليه اوي لما عرفت أن والدته متوفيه وقالت : ربنا يرحمها يا عمو ممكن حضرتك ترتاح وانا هكون عندك بكره اطمن عليك علشان ترجع معانا البيت .
_ خرجت هاجر وكان أسر بره وقال : كان عاوزك في اي .
_ متقلقش مغلطتش في حاجه هو بيرتاح .
_ تمام يلا بينا .
_ على فين .
_ هتعرفي لما نوصل .
_ بعد عشر دقائق وصل أسر عند مكتب مأذون شرعي وقالها : انزلي .
_ أسر انت جايبني هنا ليه .
_ علشان نتجوز .
_ أسر بعد اذنك وبكل هدوء بكلمك وبقولك اهو دة مش الحل المناسب للمشكلة .
_ اومال اي الحل يا هاجر اسيبك تمشي ولا هتعيشي معايا كده .
_ أسر خد بالك من كلامك مش معني أني مش برد عليك وسيباك تقول كل اللي انت عاوزه يبقى انا مش قادره ارد عليك لو على الفضيحه انا كمان اتفضحت ولا انت مش واخد بالك .
_ اعتقد انه مبقاش ينفع الكلام دة يا هاجر دلوقتي اللي حصل حصل .
_ فكرت هاجر شويه وقالت : يلا يا أسر بس خلينا متفقين يا أسر أن دي مش اكتر من تمثليه وبمجرد ما والدك يسترد صحته تطلقني ماشي .
_ وهو دة اللي لازم يحصل .
_ وبالفعل طلعوا للمأذون واللي كتب الكتاب وقال جملته الشهيره : بارك الله لكم وبارك عليكم وجمع بينكم في خير.
_ هاجر في نفسها : حاسه إحساس غريب جوايا كان ممكن اهرب منه بسهوله بس وافقت مش عارفه ليه يمكن علشان عمو اكمل نفس منظر بابا لما شوفته لما عمل حادثه ومات انا متلخبطه بس مطمئنه ودة كفيل أنه يعيشني .
_ زعق أسر فانتبهت هاجر وقالت : في اي .
_ هاجر هفضل اقولك للمره الكام أن لما اكلمك تردي عليا .
_ مخدتش بالي كنت بتقول اي .
_ لا أبداً مكنتش بقول حاجه اتفضلي قدامي وبعد شويه دخلت هاجر الفيلا مع أسر وقال : تعالي معايا المكتب فدخلت المكتب معاه وقالت : خير .
_ دلوقتي لازم نعمل فرح كبير العالم كله يشوفه ويسمع عنه علشان الكلام دة ينتهي ونخلص .
_ ردت هاجر ببرود لو دة اللي انت عاوزه اعمله .
_ هو انتي مش فارق معاكي حاجه كده .
_ لا مش فارق معايا حاجه .
_ طبعاً مهو هيفرق مع واحده زيك اي ولا اي حاجه خالص .
_ لو خلصت ممكن امشي علشان عندي مشوار مهم .
_ نعم يختي وراكي اي .
_ عاوزه اروح شغلي يا دكتور .
_ انتي اكيد مجنونه صح .
_ أسر لو سمحت احترم نفسك .
_ لا انا محترم ومحترم اوي كمان انتي اللي …..
_ أسر في اي مالك حصلك اي ليه عمال تجرح فيا كده عماله اقول معلش هو مضغوط أبوه تعبان بس مش معني كده انك تجرح فيا واسكت اي حصلك لا يمكن تكون أنت أسر اللي عرفته في ألمانيا ولا انت كنت كده وانا مش واخده بالي .
_ اطلعي على اوضتك يا هاجر .
_ قامت هاجر خرجت طلعت الاوضه بتاعتها بتعب .
_ عند أسر تحت اللي خرج من الفيلا وهو تائه ومش عارف يعمل اي .
☆ ————- بقلم الكاتبة/ آية إنسان —————☆
في فيلا العامري في اوضه ميرا :
_ميرا : الو ايوه يا مصطفى عامل اي .
_مصطفى: والله .
_ سورى يا حبيبي جالي فون وكان لازم انزل ضروري معلش متزعلش مني .
_ ابتسم بخبث وقال: اى التغير دة بتخططي لاي يا ميرا .
_ انا قولت ليه منفتحش صفحه جديده مع بعض ونكون صحاب اي رايك .
_ وماله يا ميرا طول ما انتي بتسمعي كلامي نكون صحاب ومادام بقينا صحاب تعالي بقى الشقه نقعد شويه سوى .
_ دلوقتي مش هينفع .
_ شوفتي انتي بقى اللي مش بتسمعي الكلام ازاي .
_ طب خلاص خلاص جايه .
☆ ————— بقلم الكاتبة/ آية إنسان ————– ☆
_ مشي أسر بالعربيه كتير وبعدين اشتري عقد فل ومشي طلع على المستشفى يشوف أبوه .
_ ازيك يا بابا عامل اي .
_ كويس يا حبيبي، اومال هاجر فين.
_ في الفيلا خير في حاجه .
_ لا أبداً أصلها قالتلي انها هتيجي تاني .
_ انا مقولتش ليها اني جاي .
_ كلمها في الفون وقولها تيجي .
_ أسر في نفسه : انا مش معايا رقمها وبعدين قال : اصل الفون بتاعها ضاع وانا لسه هجيب ليها واحد تاني .
_ رن على عم حسين أو عم فؤاد وقولها تيجي .
_ هو في اي يا بابا .
_ وانت مالك مش بتقول انها في الفيلا ولا انت بتكذب عليا .
_ دخلت هاجر وقالت : صراحه يا عمو هو بيكذب عليك .
_ بص أسر ليها بحذر وقال في نفسه: هي بتهبب اي هنا .
_ رد أكمل : كنت عارف أنه بيكذب .
_ دخلت هاجر وقالت : صح علشان مخادع وضحك عليا ينفع .
_ أسر على وشك الانفجار : دي بتقول اي .
_ ولكن كملت هاجر كلام وقالت : قالي خارج رايح مشوار وانا من طيبتي صدقته وطلع رايح يقابل واحده تانيه طالع خاين اهئ اهئ ومثلت أنها بتعيط .
_ اتنهد أسر براحه وبعدين برق وقال : ثانيه ! ثانيه مين انا مقابلتش حد .
_ رد أكمل وقال : لا معندوش حق حد يسيبك ويروح لتانيه .
_ بجد يا عمو .
_ طبعاً يا هاجر .
_ بقولك اي يا عمو قول لابنك يطلقني .
_ رد أسر وقال : هاااااجر .
_ رد أبوه وقال : اسكت انت وكمل اكمل وقال : عاوزه تطلقي ليه .
_ اصل حبيت واحد تاني كده مز مز يا عمو .
_آسر: هاااااجر .
_ اكمل : واحد مين يا حبيبتي .
_ بص يا عمو هو تقريباً خمسين سنه بس شكله يدي على تلاتين عيونه عسلي وشعره مزيج بين الأبيض والأسود واسمه أكمل السمري اي رأيك .
_ ههههه الله دة انتي مركزه معايا اوي بقى .
_ بصراحه من اول ما شوفتك قلت هو دة فارس احلامي .
_ يا بكاشه فارس احلامك اي دا انا يومين وهفلسع .
_ قربت منه هاجر وقالت : بعد الشر عنك وتسيبني لمين كده ينفع .
_ بت انتي شكلك مش مريحني .
_ طب والله ظالمني حتي براءه الاطفال في عيني .
_ لا لا اطلعي بره انا غلطان إني سألت عنك .
_ هههه بتموت فيا هسيبك خمس دقائق تفكر ومهرك ومؤخرك وكله عليا من جنيه لحد ٣٥٠ جنيه .
_ هههههههه وفضل يكح .
_ يختي طب هخليهم ٥٠٠ جنيه .
_ خد مراتك وعلى بره يا أسر .
_ خرج أسر وقال : بتحاولي تثبتي اي يا هاجر .
_ تفتكر يا أسر انا لو بحاول اثبت حاجه لحد كان زماني هنا… هي دي الحاجة الوحيده اللي مش بسعي أثبتها لاني مش مضطره اثبت حاجه لحد بعد اذنك .
_ مسكها من ايديها : راحه فين .
_ مش مضطره اقولك على كل مكان اروحه .
_ لا دة كان زمان الكلام دة دلوقتي كل خطوه تخطيها لازم اعرفها لانك دلوقتي اسمك على اسمي .
_ اه قولتلي ماشي يا أسر انا عاوزه اروح الجريده ارتحت .
_ وانا قولت لا يا هاجر .
_ انا مش فاهمه مالك حصلك اي .
_ انا اللي مش عارف انتي بتحبي تعصبيني ليه ومش مقدره اننا في مصيبه .
_ شافت هاجر الناس اللي اتلمت على صوته فقالت : ماشي يا أسر ممكن تسيب أيدي علشان امشي .
_ مشي أسر معاها ووصل للعربيه ومشي بيها.
_ وقف أسر في الاشاره وهو سرحان في هو هيعمل اي في اللي جاي .
_ في الناحيه التانيه هاجر اللي باصه من الشباك وسرحانه ولكن فاقت على حد بيحدف عليها حاجه وبصت كان ولد صغير وبيحدف عليها شيبسي فإبتسمت وقالت : ينفع كده .
_ بص أسر عندها ولسه هيرد ولكن شاف الولد وهو بيحدف عليها شيبسي تاني .
_ انت يا واد يا حليوه هنزل اضربك .
_ متعلفيث .
_ وقعت هاجر من الضحك معاه وقال : معلفث ازاي بس هههههه .
_ متضحكيس عليا يا وحسه.
_ كمان وحسه هههههه .
_ فأتعصب الواد ورمي كيس الشيبسي عليها وقال : غلسه .
_ طب قول أمير كده .
_ اميي .
_ هههههه انت عاوز سمكري حروف يظبطك .
_ زعل الولد ودخل العربيه .
_ اي دة اي دة طب يا واد انت استني خد وفضلت تدور حواليها وشافت عقد الفل وخدته حدفته على الولد وكل دة وأسر متابع بحب .
_ خرج الولد وقال : عاوزه اي .
_ انت زعلت انا اسفه بضحك معاك .
_ مس تكلميني تاني انا زعلان .
_ مسكت ودنها وقالت : اسفه دة انا حبيتك علشان كده كنت بهزر معاك انت جميل خالص .
_ بجد .
_ اه والله .
_ خلاص سامحتك انتي كمان حلوة .
_ لا كده كتير هات بوسه يا واد وجات تفتح العربيه تنزل مسكها أسر : انتي مجنونه صح .
_ انت مالك انت .
_ هاجر يا حبيبتي اسكتي .
_ وانت مالك هبوسك ولا هبوسه ….وحطت ايديها على بوقها وقالت : يختي عليا ولفت وشها بسرعه فأبتسم على جنانها .
_ يلهوي هيقول عليا اي دلوقتي .
_ رد أسر: هقول مجنونه .
_ هو انت كمان طالع في أفكاري .
_ بطلي تفكري بصوت عالي.
_ بصت هاجر الناحيه التانيه وقالت : كنت عاوزه ابوسك بس خد بوسه هوا بقى .
_ عمو عمو .. بص أسر للولد وقال : نعم يا حبيبي .
_ ممكن تبوس البت دي بدالي علشان بابا مس هينزلني .
_ بص أسر لهاجر اللي قالت : طيب يا حبيبي ادخل جوه يلا .
_ علشان خاطري يا عمو .
_ حاضر حاضر يا … اسمك اي .
_ أسيي يا عمو .
_هاجر : هههههه كمان أسمك أسر حسبي الله .
_ كده وحسه هاتي السيبسي بتاعي .
_ مسكت هاجر الكيس وكلت منه وقالت : لا .
_ انتي سييه اوي على فكره .
_ انا اي يا عنيه .
_ سييه .
_ يعني اي يا واد .
_ خبط الواد على دماغه وقال : وكمان غبيه .
_ أسر فضل يضحك من قلبه وقاله : في دي معاك حق .
_ فتحت الاشاره ومشي أسر الصغير وهو بيطلع لسانه لهاجر .
_ ضربت برجليها الارض وربعت إيديها وهتموت من الغيظ علشان أسر بيضحك عليها .
_ انت بتضحك على اي انت كمان .
_ وانتي مالك يا شريره انتي .
_ أاااااسر .
_ هو اللي بيقول وانا مالي .
_ ماشي لما اشوفه الواد دة تاني .
_ وانتي هتشوفيه تاني فين .
_ عادي زي ما شوفته المره دي .
_ مش كل شخص شوفتيه مره ممكن تقابليه تاني يا هاجر .
_ ممكن تسكت وتروحنا ولا مش ممكن ؟
_ طبعاً بس لازم أنفذ كلام أسر علشان لما تقابليه تاني تقوليله عمو أسر عمل اللي قولتله عليه .
_ بصت هاجر لأسر وهتموت من الإحراج وقرب عليها جامد وهي بعدت وقالت : انت انت هتعمل اي قرب منها جامد ووشه قريب من وشها هي حاسه بأن في طبول شغاله في قلبها وقالت بصوت مرتعش : أسر لو سمحت أبعد .
_ ليه يا هاجر وبص في عيونها وقرب منها سحب الحزام بتاع العربية ولبسه ليها وبعد عنها وهي لفت الناحيه التانيه وفضلوا ساكتين طول الطريق لحد البيت .
☆ ———– بقلم الكاتبة/ آية إنسان —————☆
في شقه مصطفى دخلت ميرا .
_مصطفى : أهلاً يا بيبي .
_ميرا : أهلاً يا حبيبي عامل اي .
_ تعالى قربي وفعلاً قربت منه وقعدت على رجله فلف أيده حوالين وسطها وشدها عليه وقال : بحبك وانتي بتسمعي الكلام يا ميرا .
_ ابتسمت ميرا بخبث وقالت : انا بعمل كده علشان مش عاوزاك تزعل .
_ هههههههه حبيبي المطيع وعلشان خاطر عيونك الحلوين دول خدي خدت منه البرشام وشربته بالميه وقال : طيب انا هقوم اخد شاور تعالي معايا يلا .
_ عيب يا حبيبي كده هستناك هنا .
_ ههههه لا انا مؤدب ثم اخاف اسيبك تمشي زي المره اللي فاتت .
_ لا لا متخفش .
_ شوفي هتزعليني منك ازاي .
_ بس انا يعني ….
_ مفيش بس وشدها معاه جوه وقفل الباب .
☆ ———— بقلم الكاتبة/ آية إنسان ————–☆
عند اسماء :
_ فينك يا هاجر برن عليكي مش بتردي انا مش مصدقه الكلام اللي في الجرنال دة في حاجه غلط ردي بقى .
☆ ————— بقلم الكاتبة/ آية إنسان —————☆
في فيلا العامري :
_ دخلت وعد اوضه هاجر بتعيط وبتفتكر كل أوقاتهم مع بعض وبتقول : انا مش عارفه اعمل اي نظراتك قتلتني يا هاجر بس انا كنت مصدومه وفضلت تعيط .
☆ ————– بقلم الكاتبة/ آية إنسان ————— ☆
في فيلا ماهر مختار :
_ سلوى بتقول : الحمد لله اننا مقبلناش بيها اهي ماشيه على حل شعرها وسيرتها على كل لسان… سمع إياد الكلام دة وخرج بره الفيلا .
☆ ————– بقلم الكاتبة/ آية إنسان —————☆
_ خرج مصطفى من الحمام وخرجت بعده ميرا بعد ما ظبطت هدومها ومشيت وهي حاسه بتأنيب الضمير .
_ انا ماشيه .
_ سلام يا بيبي بعد كده هاتي هدوم معاكي وسيبيها هنا .
_ اوكي سلام .
_ نزلت ميرا ورن الفون بتاعها وكانت جيسيكا صاحبتها .
_جيسيكا : ميرا حبيبتي طمنيني عملتي اي .
_ عملت زي ما انتي قولتي بس حاسه بالذنب انا مش كده .
_ وليه هو انتي عملتي اي كله بيعمل كده واولهم بنت عمك الانسه مكارم أخلاق دي ثم هو انتي عملتي اي اوعي يكون …..
_ لا لا محصلش اللي في دماغك دة هو بيحاول يقرب بس انا ببعده .
_ لو على قد قرب وكام لمسه خلاص انتي في السليم .
_ انا حاسه ان دة غلط وانا قلقانه .
_ لو غلط مكنش كله عمله انتي بتبسطي نفسك شويه وفيها اي ولا عاوزه مصيرك يكون زي هاجر والكل يهرب منك .
_ لا لا هاجر دي مين اللي تقارنيني بيها .
_ طيب خلاص فكي وعيشي يا ميرا اتبسطي .
_ انتي شايفه كده .
_ طبعاً .
_ ماشي يا حبيبتي سلام .
_ لفت جيسيكا وشها وقالت : ههههه مش سهل انت يا بيبي .
_ مصطفى : تؤ تؤ خالص .
_ وناوي على اي .
_ على كل خير بس انتي اسمعي هتعملي اي ……….
☆ —————