نوفيلا عشقت عفريتة صعيدية الفصل الثاني 2 بقلم رنا أحمد

في شقه عادل .

سندس بصراخ وغيظ / ي ابوي ي ابوي علي الحمار ده ينفع الي انت عملته ده .

عادل بضيق/انا مش فاهم انتي زعلانه كده ليه .

سندس بغيظ /زعلانه لايشيخ وهزعل ليه عاد بقا بعد مكان عايز يموتك ويعتدي عليك برجالته تقوم تتنزل عن المحضر كده بكل سهوله وتقول قدام الظابط أنه سؤء تفاهم .

عادل بحزن /امال عيزاني اعمل ايه الراجل كان بيطالب بحقه مغلطش وبعدين اقف قدام مين انا مش قد الراجل ده انا غلبان .

سندس بجديه /عادل مينفعش كده مينفعش تكون ضعيف والناس تستغلك بالشكل ده .

عادل بحزن /وانا عندي ايه استقوي بيه ي سندس .

سندس بجديه واببتسامه /كفايه انك تكون عندك نفسك ي عادل نفس الإنسان المفروض تكون اغلا مايملك .

عادل بغيظ /هو طالعلي عفريته من علم النفس ولا ايه .

سندس /هههههه تشكر ي سيدي .

عادل بابتسامه /تعرفي أن الي بيحصل ده ولا ف الاحلام بس انا بجد مبسوط جدا بوجودك معايا وانك جنبي .

سندس بابتسامه /انا قولتلك هفضل جنبك لحد ماتكون زي مانت عايز .

قمر بخوف /ايه ي عادل انت بتكلم نفسك .

سندس بغيظ /جات البومه ام شعر في صدرها .

عادل بضحكه مكتومه /تعالي ي قمر اتفضلي ده انا بتكلم مع نفسي ي ستي مهو من غلبي .

قمر بغضب /ينفع الي حصل ده ي عادل المعلم سباعي كل شويه يطالبك بالايجار ده فضيحتك بقت بجلاللل.

سندس بغيظ /اه ي زباله وكان فين الحديد ده وانتي بتسحبي في فلوسه بس معلش ملحوقه انتي هتكوني اول أعدائي في المهمه دي .

عادل بحزن /وانا هعمل ايه بس ي قمر مانتي عارفه حالتي .

قمر بغضب /لا ي اخويا ده انت عامل زي المراه العويله الي ملهاش لازمه اه اه بتضربني ي عادل ده انت وقعتك معايا سوداء .

عادل بصدمه /بس انا مضربتهاش .

سندس بجديه /انا الي ضربتها .

عادل بغضب /ليه ليه ي سندس دي حبيبتي انا بحبها .

سندس بغضب /حبها برص دي واحده استغلاليه مش عايزه منك غير فلوسك وبس كان لازم تقف عند حدها طيبتك هي الي خلتها اخادت عليك بالمنظر ده .

عادل بحزن /ي عني الطيبه دلوقتي مبقتش بتتقدر .

سندس بجديه /الي انت فيه ده مش طيبه الي انت فيه ده ضعف سذاجه وده الي مخلي الناس كلها تتطمع فيك .

عادل بهروب /انا لازم اخلص الشغل انا مش ناقص المدير بديني خصم كمان .

سندس بياس /مفيش فايده بس انا لازما افضل وراك مش هسيبك ودلوقتي لازما نتفكر في لقمه نأكلها .

في مملكه الجان ..

مرجانه بابتسامه /ماذا بك عفارت هل اشتقت إليها .

عفارت بابتسامه /نعم ي خالتي فهي صغيرتي لكني اعلم أنها ستعود قريبا بعد اتمام ذلك المهمه كعادتها .

مرجانه بابتسامه وارتباك /لاتريد أن تعرفها بسرك مع سراي .

عفارت بلهفه وقلق /لا ي خالتي لااود ذلك الان عندما اعثر علي سلفانا اختي ساقتل سراي وسأكون انا الحاكم وستتحول مملكه الجان الي غير ذلك مع معشوقتي الجميله .

في شركه الشماع .

في مكتب تامر …

تامر بابتسامه /اهلا شوكت .

شوكت بضيق /لا اهلا ولا سهلا ايه ي تامر لو اختك رفضاني قول .

تامر بابتسامه /رفضك ايه ي شوكت ده كلام انت تترفض بس هي بتتدلع زي البنات ي عني 

شوكت بضيق /بس دلعها زاد اوي كده ي تامر .

تامر بابتسامه /هكلمك واقولك حدد ميعاد الخطوبه احنا مش عشرت يوم ي شوكت .

شوكت بجديه /تمام ي تامر .

تامر بغيظ /وبعدين معاكي ي سلمي شكلي كده دلعتك كتير انا معنديش استعداد انك تبوظي كل الي عملته هتتجوزي شوكت غصبن عنك ..

في فيلا الشماع .

سلمي بابتسامه وحنين /ايه رايك ي بابا أننا نروح نزور عادل ابن عمي .

الشماع بحزن /والله ي بنتي مبقدر ابص في وشه حتي كل مابفتكر الي عملته فيه ي بنتي .

سلمي بابتسامه /المسامح كريم ي بابا وعادل طول عمره حنين ومسامح اكيد هيسامحنا بالذات لو رجعناله حقه .

الشماع بضيق/وانا هرجعلوه حقه ازي وتامر مخفي غني كل الاوراق ومش عارف اوصل لاي حاجه.

سلمي بضيق من طمع أخيها/ماشي ي بابا بس ده مينمعش أننا نشوفه ونطمن عليه دي صله رحم ي بابا .

في شقه علاء .

في الحمام .

علاء بقرف /ايه الريحه الغريبه دي ي نهار اسود ناقعه الفراخ في البانيو وقعتك سوده ي سندس.

سندس في المطبخ .

سندس بحركات راقصه /انتي بسكوتايه مقرمشه انتي قطه مفرفشه .

علاء بغيظ / ومعفنه ومنتنه .

سندس بغيظ /انت هتلبخ ولا ايه مش كفايه بعملك طفح .

عادل بغيظ /ايه القرف الي انتي عملاه ده في حد ينقع الفراخ في البانيو .

سندس بلا مبلاه /اعمل ايه مالحوض مش فاضي.

عادل بغيظ /صبرني يارب .

سندس /طب بطل رغي وهات ليمونه من عندك .

لتقوم سندس بعصر اليمونه ليتطاير قطرات منها في عيناها لتصرخ الم اه ا ..

 عادل بلهفه وهو يمسك بالمنديل المبلل /همسحها حالا ..

سندس بالم /بسرعه بتحرقني جوي جوي .

ليتذكر عادل بابتسامه حالمه نفس ذلك المشهد .

فلاش باك …

كانت تجلس سلمي وهي عمرها خمس اعوام وهي تلون البيض بالالوان المائيه فكانت تزيح خصلات شعرها الحريري لتتطاير الالوان في عيناها لتصرخ وتبكي ببراءه .

عادل بعشق ولهفه /متخافيش ي حبيبتي متعيطيش علشان خاطري .

سلمي ببراءه ووجه ملاكي /بتحرقني اوي ي عادل .

عادل بعشق /سلامتك من الوجع ي روح عادل .

باك …

عادل بعشق وهمس واشتياق /وحشتيني اوي ي سلمي .

سندس بمرح /شويه كمان وانا هوحشك ي عم ساموزين فقعت عنيا .

عادل بغيظ /سلاما قولا من رب الرحيم .

سندس بغيظ /ايه شوفت عفريت .

عادل بضحك /هههههه امال انتي ايه .

سندس بابتسامه /اولا انا جنيه مش شريره فكرتني بعفارت .

عادل باستغراب /عفارت مين ده .

سندس بغرور ومرح /ده الكابل بتاعي بالشعبي اوي ي عمي المز بتاعي .

عادل بضحك /ههههه ربنا يعينه .

سندس بغيظ /ليه ي اخويا ده انا مزه المززز .

عادل بضحك /ههههه ماشي ي ستي هروح اكمل الشغل مش ناقصه كلمه من المدير .

سندس بتخطيط /لازم إبداء في مهمتي بجد .

في فيلا الشماع .

في غرفه سلمي .

تامر بغضب شديد /ي عني ايه مش عايزه تتجوزي شوكت عيبه ايه .

سلمي بحده /عيبه أنه سكري وبتاع ستات واني مقبلش زوج زيه ابدا .

تامر بغضب /علشان كده بس ولا بتحني للي فات .

سلمي بقوه /حتي لو ده ميخصكش ي تامر وانا مش هتجوز شوكت لو مهما حصل وروح بقا ي اخي رجع لليتيم ده حقه بدل نار جهنم ماتحراقك .

تامر بتوعد وغضب /ده بعدك ي سلمي مش هيحصل ابدا وهتتجوزي شوكت غصبن عنك وعادل ده هتمسحيه من حياتك زي احنا مامسحنها من زمان ياما قسما بالله رصاصه واحده تخلصني منه ومن صداعك عنه انتي وابوكي .

في الشهر العقاري ..

المدير بغضب شديد /ايه القرف ده ي استاذ.

عادل بقلق/فيه ايه سعادتك ده انا سهرت عليه طول الليل .

المدير بغضب /سهرت علي ايه بالظبط شخابيط هو ده الي عملته .

عادل بصدمه /شخابيط .

المدير بغضب /انت مرفود .

عادل بضيق /ي افندم اسمعني بس .

المدير بغضب /مش عايز اسمع حاجه انت عارف الحسابات دي علشان تتعاد من الاول عايزه وقت اده ايه وفلوس كمان يلا سلم كل حاجه تخصك وغور من هنا .

في شقه عادل ..

كانت تجلس سندس باستمتاع وهي تشاهد التلفاز .

سندس بضحك /هههههه فيلم حلو اوي .

عادل بغضب /ليه عملت كده انت جايالي علشان تخربي حياتي .

سندس ببرود /ليه عملت ايه .

عادل بحده /انتي عارفه كويس عملتي ايه وبسببك اترفدت من الشغل وهنرمي في الشارع ..

سندس بجديه /وهو ده المطلوب .

عادل بصراخ /قصدك ايه .

سندس بجديه /لانك كفايه عليك كده ي عادل لازم تروح لعمك لازم تاخد حقك لازم يبقا معاك فلوس قد الي معاهم بالظبط لازم تامر وتنهي زيهم لازم تتجوز البنت الي بتحبها كفايه الي انت عشته كفايه .