رواية سكان العمارة الفصل السادس 6 بقلم زهراء عصام

انا اللؤاء عماد ذكي و عندي معاد مع معالي الوزير حسين الرخاوي و ابنه الرائد صخر بشا

– بطاقه حضرتك يا فندم

عماد اتفضل

– اتفضل حضرتك معالي الوزير في انتظارك

دلف عماد بتوتر كبير الي مكتب معالي الوزير و قام باداء التحيه العسكريه

حسين اتفضل اقعد يا عماد

جلس عماد بالكرسي المقابل لصخر و نظر إلي حسين

حسين خير يا عماد كنت عاوزني في أي

عماد بصراحة يا فندم عملية من أكبر و اهم العمليات في مصر تدمير قاعدة مهمه من قواعد الجماعة

انتبه صخر جيدا للحديث منذ أن استمع كلمة عملية ..

حسين و المطلوب يا عماد

ابتلع عماد ريقة و قال الرائد صخر مطلوب بالاسم أنه يقوم بالمهمة دي

حسين نعم انت عارف انت بتتكلم عن مين صخر ابن وزير الداخلية اعرضه للخطر بايدي

نظر صخر بهدوء إلي الموقف ثم قال بصوت حاد حدد معاد العملية و بلغني يا سيادة اللواء

نظر عماد لهم بحير رحمه منها حسين

حسين بضحك و انت كنت مفكرني هقول كدا و اعترض اممم لا طبعا صخر ابني بصحيح بس الوطن فوق كل شئ و لو هو اللي مؤهل أنه يقوم بالمهمة دي يبقي تمام اتفضل يا سيادة الرائد مع سيادة اللواء تاخد منه معلومات المهمه و تشتغل عليها

قام صخر من مكانه و ادي التحية العسكرية و قال تمام يا فندم

عماد تمام يا فندم و يا رب دايما عند حسن ظنكم

كادوا أن يخرجوا من مكتب الوزير إلا أن قاطعهم نداء معالي الوزير

حسين صخر

وقف صخر مكانه و التف عليه و قال أوامر حضرتك يا افندم

اتجه إليه حسين و امسكه من كتفيه قائلاً عاوزك ترفع راسي في الوزارة عاوز الكل يقول إن معالي الوزير حسين الرخاوي خلف راجل و مش اي راجل دا بطل

امسك صخر يد والده و قبلها ثم قال ربنا يجعلني سبب انك ترفع راسك و تفتخر بيا دايما يا بابا ثم احتضنه و اكمل حديثة انا هروح اسلم على اللي في البيت و احضر شنطتي و امشي علي طول

حسين ربنا معاك يا بطل

احتضنه صخر مودعا إياه ثم انصرف مع عماد الي مقر عمله

……

فيروز اومال حطاها في دماغك لي يا غزل ما تسيبي البنت في حالها عملتلك اي لكل دا

غزل بغل مش فاكرين عملت اي خلت بابا يعاقبني و احنا صغيرين إزاي

هنا بغضب لا يا غزل مش هي اللي خلت بابا يعاقبك و لو ناسية افكرك .. انتي اللي كذبتي يا غزل انتي اللي كنتي السبب في أننا نقطع علاقتنا بـ سجده و اخواتها و خليتي الاستاذ ياسين يقطع علاقته بينا

غزل Waht ever و بعدين مين ياسين اللي انتي عاوزه علاقتنا بيه تكون كويسة دي مش من مستوانا اصلا طلما فضل بنت البواب و بعدين دا حتت محامي لا راح ولا جه

ياسمين انتي بقيتي كدا ازاي احنا ميشرفناش أننا نبقي صحابك يلا يا فيروز

فيروز يلا يا سو مش عارفه جايبة التكبر دا علي اي و بعدين المحامي اللي مش عاجبك دا من اشهر المحامين في البلد و لو ركزتي هتلاقي بنته التالته على الجمهورية بعد أروي علي طول أما نشوف بقي بنت الدكتور اللي مش عاجبها حد هتطلع و هتجيب اي

غزل في داهية كلكم انتوا اصلا مش من مستوايا اني اقعد معاكم دا انا كنت بتكرم عليكم في ستين داهيه

هنا خليكي لحد ما تخسري كل اللي حواليكي زي ما خسرتيهم .. و انا هيجي يوم و تخسريني انتي رافعة مناخيرك فوق لي ها افترضا دلوقتي بابا فلس و معتش معاه فلوس و اطرينا نعيش عيشة أروي هتعملي اي فوقي بدل ما الأوان يفوت و ساعتها هاتقولي يا ريت يا شيخة دا من تواضع لله رفعه

غزل وفري نصايحك لنفسك يا حبيبتي و لاحظي اني اكبر منك يعني لازم تتكلمي معايا كويس اكتر من كدا

هنا لا دا انتي التعامل معاكي بقي محال انا ماشية

غزل في ستين داهيه انتي كمان .. انا محدش أحسن مني انا أحسن من الكل .. انا فوق الكل

…..

خرجت أروي إليهم بينما صرخ الجميع عفريييت

ضحكت اسماء بصخب و قالت تعالوا يا هبل مهي قدامك اهي زي ما هي

هبه اه تصدقي طلعت سليمه معلهاش عفريت بس اي اللي كان حاصل لعينك

أروي معرفش بس طنط اسماء بتقول متلازمة

سجدة متلازمة ازاي يعني

اسماء متلازمة بتغير فيها لون العين حسب الحالة المزاجية ليها يعني لما تبقي فرحانه زي ما شفتوا عينيها بتفتح

الجميع بصوت واحد واااو

سجده تعالوا يلا ندخل جوه بقي طلما مفيش عفاريت

……

مني ها يا احمد اشتريت الهدايا

احمد ايوه يا مني اشتريت لكل واحدة فون كويس و انتي عملتي اي

مني جبت تورته كبيرة ليهم و كل واحدة خاتم دهب و كمان زينه نزين الجنينه على المغرب كدا

احمد تمام فكرة كويسة

ياسمين بابا عاوزه احكيلك على حاجة

احمد خير يا حبيبتي

قصت له ياسمين كل ما حدث بالنادي من غزل و اسلوبها الغير مرغوب فيه

احمد و أنتي عملتي اي

ياسمين قولتلها اني ميشرفنيش انها تبقي صحبتي و مشينا

احمد جدعة يا ياسمين واحدة زيها محتاجة ترباية من أول و جديد اوماااال مدارس اي بقي اللي دخلتها خليكي متواضعة يا حبيبتي و لو عاوزة تتكلمي مع أروي و سجده انا معنديش مانع

فيروز بجد يا بابا

احمد ايوه بجد انا اكتشفت اني كنت غلط كلنا سواسية .. و كمان احنا ناخد من الناس الحاجة الحلوه اللي فيهم و الوحشية لا

……

دلف ياسين الي المنزل بسرعة و لهفة و قال أروي سجدة يا ولاد تعالوا هنا

اجتمع الجميع على صوته و قالت اسماء اي يا ياسين

ياسين انا مش مصدق نفسي اد اي انا فخور بيكم انتوا الاتنين كل واحدة تطلب اللي عاوزاه و هيجيلها .. اخيرا حققتوا حلمكم أروي انا متاكد انك هتبقي اشطر مهندسة و سجده هتبقي اجمل دكتوره أطفال و عبال هبه و عمر بقي

اسماء أن شاء الله يا ياسمين بس يلا بقي الغدا جاهز من بدري و أروي كانت هتنزل خلاص

ياسين لا تنزل اي هتتغدي معانا الأول و تطلب هديتها

أروي صدقيني يا عمو مش عاوزة حاجة

ياسين لا طبعا انتي زيك زي سجدة بالطبظ .. طب اقولك اللي هجيبه لسجده هجبلك منه

اروي تمام يا عمو

تناول الجميع الطعام و استاذنت أروي بالنزول

محمد اتاخرتي كدا لي يا أروي

أروي معلش يا بابا طنط اسماء مسكت فيا اتغدي معاهم

محمد طمنيني عملتي اي

اروي التانية علي الجمهورية و سجده الثالثة

محمد بجد يا أروي

أروي ايوه بجد

احتضنها والدها بشدة فرحا بما وصلت إليه ابنته .. جاءت سهاد  علي صوتهم

محمد بلي الشربات يا سهاد أروي رفعت راسي و طلعت التانية على الجمهورية

أطلقت سهاد الزغاريط بغزارة و ادمعت عينيها و اسرعت تبلل الشربات

رأت أروي الفرحة في اعين والديها ففرحت لهذا الفرح مما أدى إلى تغير لون عينيها

……

عماد اتفضل يا سيادة الرائد دا مكتبك و مجهز بسرير زي ما طلبت

صخر تمام يا فندم ملف القضية يكون بعد ساعتين على مكتبي اكون جبت حاجتي

عماد تمام

اتجه صخر الي منزله ليودع أهله و يذهب إلى مهمه جديده

….

نورا شايف بتزغرط ازاي بتغظني انت لازم تشوفلك حل

يوسف يا حول الله الست فرحانه ببنتها لي تنكدي عليهم دا انتي بقيتي لا تطاقي و خليكي فاكره اصلك يا نورا ها

نورا انت بتعايرني يا يوسف

يوسف لا اله الا الله انا عايرتك امتي ها امتي و الا انتي اللي بقيتي واحده غلويه باصة لغيرك .. لي بقيتي كدا ها افتكري اهلك عايشين زيهم و اكتر كمان اي هتتبري منهم .. و يا ريت وقفت عليكي انتي خليتي بنتك نسخة مصغرة منك .. لولا لحقت يزيد و هنا كانوا زمانهم زي غزل روحي يا شيخة منك لله ثم تركها و غادر

نورا بتزعقلي علشان بواب و بنته لا مش هسكت ثم ارتدت ثيابها بسرعة و اتجهت إلى الاسفل

…..

صفاء يعني اي هتروح مهمه فجاه كدا

صخر يا امي و الله فجأة كدا اي هقول للشغل لا

صفاء دا انت ابن الوزير يعني المفروض تقول هاخد المهمه دي و مش هاخد المهمه دي

صخر و دا يصح برضوا يا ماما يلا بس يدوبك اجهز شنطتي و امشي

صفاء امري لله

صعد صخر الي غرفته و تفاجأ بـ …..