Uncategorized
رواية بيجان 2 الفصل الثاني عشر 12 بقلم نعمة ابراهيم
رواية بيجان 2 الفصل الثاني عشر 12 بقلم نعمة ابراهيم
 |
| رواية بيجان 2 الفصل الثاني عشر 12 بقلم نعمة ابراهيم |
رواية بيجان 2 الفصل الثاني عشر 12 بقلم نعمة ابراهيم
في منتصف الليل كان ايهم يجلس في الغرفة التي حجزها في المشفي
ليكون بجوار جريئه وابنته
شرد قليلا في ردة فعلة عندما عرف اسم المولودة
……..فلاش باك
كان ايهم جالس علي السرير في الغرفة التي حجزها بجوار جريئه وكان شارداً في ردة فعله عندما عرف اسم صغيرته
………فلاش باك
اتيت الطبيبة ل تطمئن عليها ولكن جريئه كانت نائمه ف أخبرتهم والدتها أنه سوف تسميها هنا
الطبيبة . هي الام هتسمي البنت اي
آيه . هنا
لاحظت آية نظرات ايهم الصادمة لها والتي تغيرت للفرحه الكبيرة وتلك الابتسامه التي كادت أن تشق وجهه من السعادة
ولكنها لم تضع في عقلها
فهي سوف تعلم لماذا ابنتها فعلت ذلك عندما تستعيد القليل من صحتها
………..عودة من الفلاش باك
سمع ايهم رنة هاتفه
ايهم . نعم ي حاجه
رابحه . اي ي ابني هتجيب عيالك ومرتك امتي….أنا بجهز كل حاجه لاستجبالكم
قال ايهم باستغراب وهو يعقد حاجبية
ايهم . استجبال اي ي حاجه
رابحه . عشان السبوع بتاع البت اللي هيتعمل هنا زي سبوع اخوها ما اتعمل هنا
اي مالك ي ولدي…نسيت ولا اي
ايهم . حاجه رابحه هو انتي مفكره اني انا وجريئة متصفيين عشان اطلب منها كده
رابحه . لية ي ولدي مش انتوا كده خلاص كل حاجه تمام
بعد ما خلفت البت…..ده حته خالك محمد فرح اول لما عرف ب أنها سمت البت علي اسم الغالية امك
زفر ايهم بضيق
ايهم . حاجه رابحه….أنا معرفش اي اللي هيحصل في الايام الجاية
بس موضوع أن السبوع يتم في الصعيد مش هيحصل ولا دلوقتي ولا بعدين
رابحه . ليه
ايهم . عشان لما امها وافقت على جوازي منها كان الشرط أن جريئه والولاد يفضلوا دائما حوليها…يعني في الإجازات والاحتفالات وغيرة يبقا عندها هي
رابحه بصدمه . وانت وافجت
ايهم . ادتها كلمها وانا مستحيل ارجع في كلمتي
وكمان متنسيش ي حاجه دي مهما كانت بنتها الوحيدة اللي ملهاش غيرها
رابحه . بس ده خالك يجلب الدنيا لو عرف بكده
ده متعود أن كل الاحتفالات بتقضيها معنا لما بتكون موجود في مصر
تنفس ايهم الصعداء وهو يقول بضيق
ايهم . معلش ي حاجه…شوفي اي حاجه جوليها للحج لحد لما افضي
رابحه . ماشي ي ولدي……وربنا يستر
يلا مع السلامه
ايهم . مع السلامه
ثم اغلق الاتصال وهو يفكر بما سيحدث في الايام القادمه
……….في نفس الوقت في غرفة جريئه كانت تجلس
مع والدتها
آية . ممكن بقا تقولي ليا ليه سميتي البنت هنا
جريئه . عاوزة تعرفي ليه
آية . اصل ايهم اول لما عرف البسمه كانت هتفلج وشه نصين
جريئه بسخرية . ي ريت وبالمره تفلج رأسه
ثم قالت بجدية
حلمت بيها
آية . وغرفتي منين
جريئه . شفت صورتها قبل كده
ثم سألت والدتها بحذر فهي لا تدري ماذا ستفعل أن علمت أنها من أخبرت ايهم بمكانها
امي هو انتي اللي عرفتي ايهم بمكاني
قالت باستنكار من سؤال ابنتها الذي كان أقرب للاتهام
آية بعتاب : لإ ي بنت بطني
جريئه بخجل . أنا آسفه ي امي بس….
قاطعتها والدتها وهي تقول بعتاب
آية . غير …مفيش غيري ي بنت بطني صح
جريئه بحرج . أنا آسفة ي امي
رتبت والدتها علي قدمها بود ثم نهضت وهي تقول
امي . أنا هقوم انام ي حبيبتي وبيجان قال إنه هينام مع أيهم والبنت لو صحيت رضعيها وبلاش الببرونا
جريئه . هحاول…ماشي
آية . ربنا يهديكي ي بنتي وتسمعي الكلام
………..بعد مرور أربعة أيام
كانت جريئه تجلس علي السرير وهي تحمل ابنتها بعدما البستها أحد الاطقم الجميلة للاطفال حديثي الولاده وهي أيضا كانت ترتدي اليوم ملابس للخروج فهي اليوم سوف تخرج من المستشفى عندما دخل ايهم عليها وهو يقول
ايهم . يلا عشان هوصلك البيت
نظرت له ب استهزاء وقبل أن تفتح فمها ل تلقي في وجهه كلمات ساخره لاذعة التي كانت تلقيها منذ الأسبوع الماضي كان حسام و عاصم قد دخلوا وعاصم يقول
عاصم . يلا ي جيرا عشان نروح
جريئه . شلني
عاصم . نعم ي اختي
جريئه بتذمر طفولي . ي سلام ما انت طول عمرك من وانا صغيرة وانت بتشلني
جت دلوقتي تقولي لإ
ثم أكملت بدلال يلا بقا
نظر عاصم للاعلي وهو يفكر بينما جريئه تقوم بشده من طرف قميصة بعدما أخذ حسام هنا منها ليحملها هو
قال حسام وهو يحدث الطفلة بحب
حسام . شفتي ماما عبيطه ازاي ي حبيبتي
اوعي تطلعي زيها
جريئه بسخرية . ي نصاب… أنا…..ياض دنا هخليهم يدقولها بالهون ويقولوا اوعي تسمعي كلام حسام الرسام
فاكر ولا افكرك
حسام بمرح . أنا بقول اخد كرامتي وبنتك وانزل استني تحت مع الجماعة
رجعت جريئه بنظرها لعاصم وفوجدته يضحك بصمت بسبب مشاجراتهم الطفولية هي وحسام
غيرت ملامحها ل ملامح استعطاف
جريئه . بليز ي عصومي
دنا ام حفدتك هنون حبيبتك اللي مسكين طول النهار تحبوا فيها ومش بتسألوا علي
قالت اخر جملة بضيق
ف احني عاصم جذعه وحمله وهو يقول بسخرية
عاصم . اصل هي لسه صغيرة لما تصغري زيها هشيلك
ضحكت جريئه بمرح فتلك هي الكلمه التي قالها لها عند ميلاد حسام ورؤية اهتمامه به فقد كانت تغير منه بشدة بسبب انها المدللة ولا تحب أن يشاركها احد في اي شئ ولكن عاصم استطاع إقناعها أن حسام اخيها الصغير ويجب أن تحبه مثلما هو يحبها
ف أصبحت تحب حسام وتشاكسه مثل توأمها سليم رحمه الله
كان ايهم يقف ينظر لها ب نظرات بين الغيرة والغضب والضيق حيث كان وجهه متجهم وحاجبيه معقودين بشده وشعر ب اهانه كبيرة في كرامته
فقرر أخذ تلك الخطوة حتي لو كانت سوف تألم قلبة لكن أكثر من ذلك لن يقدر
بعد قليل
كان ايهم يجلس في صالون قصره وقد خلع جاكت بدلته فقط
فقد عاد الان بعدما ترك المستشفي
نظر حوله في القصر فلم يجد
اي احد في ذلك القصر شعر الان ب كلمه جريئه عندما أخبرته ب أنه لعنه والذي يقترب منه سوف يتأذي
ولذلك أصبح وحيد
كم هو عثر الحظ مثلما اخبره موروني ليقع في حب فتاة تمتلك قلب من الصخر يصعب كسره أو حتي صنع خدش ولو بسيط به
سمع ايهم صوت صديقة شهاب
فرفع رأسه
تحرك شهاب حتي جلس بجواره وهو يقول بهدوء فهو يعلم كم أن صديقة منهار من الداخل
شهاب . الولاد عاملين اية
إجابة ايهم بصوت حاول جعله طبيعي بقدر الإمكان
ايهم . كويسين
شهاب . ومرات اخويا عامله اي و هترجع البيت امتي
هي والولاد عشان ينوروه
نظر له ايهم
ثم قال
ايهم . جريئه مش هترجع البيت ده ابدا
عقد شهاب حاجبيه وهو يقول
شهاب . السبب
ايهم . عشان أنا وهي خلاص
سأله شهاب بحذر وهو يستفسر
شهاب . ازاي
ايهم . أنا قررت أطلق جريئه زي ما هي عاوزة
نظر له شهاب صدمه ثم سأله بحذر
شهاب . وانت هتسبها كده
ايهم . واعمل اي ي شهاب…..أنا حاولت اصلح كل حاجه وادتها ثقتي وروحي بين ايديها والنهاية خنتني وخدت ابني ومشيت وكمان كانت حامل مني ومقلتليش
شهاب . ايهم….انت عارف انت بتقول اي
اوما له ايهم بصمت فهو يشعر ب الآلم منذ الآن
ف اكمل شهاب لكي يثنيه عن قراره
ايهم انت عارف انت بتعمل كده…..انت كده يضيع علي نفسك كل حاجه عملتها وبالتأكيد جريئه لما عملت كده
عملته من دافع أن كرامتها وجعتها ومتنساش ي ايهم
أنك مدتهاش فرصة في أنها توافق أو ترفض في جوزها منك او حتي تقرر هي عاوزة تحتفظ بالبيبي ولا لإ وكمان
متنساش انت بالشكل ده كنت حرمها من كل حاجه حلوة اي ام بتتمني أنها تعيشها مع ابنها
وكل ده صعب علي واحده بشخصية مراتك أنها تنسي غير أنها شخصيتها صعبة
استهدي بالله ي ايهم وفكر في اللي بتقوله عشان خاطر بيجان وهنا
ثم قال بمرح ليخفف ليخرجه من ذلك الجو المليء بالتوتر والكآبة
اي ي عم انت غيران علي البت من عمها
نظر له ايهم ب استغراب ف اكمل شهاب بنفس المرح
مورتنيش صورتها لحد النهارده
ابتسم له ايهم ثم أخرج هاتفه ليريه شكلها
دقق شهاب في الصورة ثم ضحك وهو يقول
عارف ي ايهم لو عندي ولد كنت خدتها
ده البت طلعت نسخ منك ي ايهم من الواضح أن المدام كانت بتموووووت فيك
قالها شهاب بسخرية مضحكه
مما جعل ايهم يضحك بشده
بعدما توقفا عن الضحك قال ايهم
ايهم . وحشني قعدتنا سوي زي زمان
شهاب . وانا وحشتني قعدتنا شوي مع بعض آخر الليل لما بتقعد نبص للنجوم ونتكلم مع بعض عن كل اللي شغالنا والمشاكل اللي في حياتنا ونحاول نلاقي حل لكل مشاكلنا
احتضانه ايهم بحب اخوي وهو يقول شكرا لوقفك جمبي
شهاب . احنا اخوات ي ايهم…مفيش شكر بين الاخوات
رتب ايهم علي ظهره بحب ثم ابتعد عنه
فقال شهاب
شهاب . ما احنا فيها اهو……يلا بينا
نظر له ايهم ب استغراب
ف اكمل شهاب وهو يخلع الجاكت الخاص ببدلته ويلقيها علي ذراع أحد الارأك الموجودة في الصالون
يلا احنا فيها اهو نتكلم أنا وأنت عن المشاكل اللي في حياتنا وكل واحد فينا يحاول يلاقي حل لمشاكل التاني
ثم امسكه من ذراعه لينهض معه
في صباح اليوم التالي
في قصر الحديدي
كان ايهم نائماً علي الأريكة في صالون القصر
عندما دخلت الحاجه رابحه وزوجها الحج محمد
فقد تفاجأ ب نومه في صالون المنزل وهو مازال يرتدي ملابس الامس دون أن يبدلها
اقتربت منه رابحه وهي تيقظه بقلق
رابحه . ايهم….ي ايهم
اي اللي نيمك هنا ي حبيبي
استيقظ ايهم وهو ينظر ب استغراب للحاجه رابحه والحج محمد
ثم قال ب استغراب من وجودهم وهو ينهض ليجلس علي الأريكة ويمسح علي وجهه بكفيه ليستعيد وعيه الكامل
ايهم . هو في اي
جلست الحاجه رابحه بجواره وهي تقول ب اطمئنان
رابحه . مفيش حاجه ي حبيبي
ايهم . طب هي الساعه كام دلوقتي
كانت الحاجه رابحه ستخبره ولكن
قاطعها الحج محمد وهو يقول بنبرة تحمل الغضب
الحج محمد . الساعة دلوجتي 8 الصبح ي ابن اختي
ايهم . تمام….انتوا طبعا تنوروا في اي وقت بس يعني…..
قاطعة الحج محمد مرة اخري وهو يقول ب غضب
الحج محمد . جصدك اي اللي جبنا دلوجتي وفي الساعة البدري دي
كان ايهم ينظر له ب استفهام
ف اكمل الحج محمد بعدما تحرك ليجلس وهو يقول بنفس نبرة الغضب ويتخللها العتاب
جايين عشان نحضر سبوع حفيدة اختي الوحدانيه
واللي كان مفروض يتعمل في الصعيد عشان بعد السبوع تاخد البت وتوديها لستها تشوفها زي ما شافت اخوها
فجلت برضوا لازم نروح ونودي عشا البت الصغيرة معنا عشا يليج ب حفيدة اختي الوحدانيه
اهو نبجا لا عملنا السبوع عندينا ولا حتي نشوف البت ولا نحضر سبوعها لازم نروح ونحضروا
مش هي دي الأصول ي ابن اختي
نهض ايهم وهو يقول
ايهم . عداك العيب ي خالي…….أنا هجوم اخد شاور وهطلب من الخدم يعملوا فطار وبعد الفطار هخلي الرجالة هما عارفين الطريق يروحو مع حضرتك يوصلوك انت والحاجة
نهض الحج محمد وهو يقول بغضب
الحج محمد . ليه وانت موت عشان متحضرش سبوع بنتك
نهضت الحاجه رابحه وهي تقول بعتاب لزوجها
رابحه . بعد الشر عليه ي حج في أية…..ده مهما كان ابننا اللي مخلفنهوش….امال لو مكنش انت اللي مربية
هو ايهم طبعا هيجي معنا…دي مهما كانت بنته برضة ولازم يحضر سبوعها
ثم نظرت ل ايهم وهي تقول بهدوء
يلا ي حبيبي اطلع فوج خدلك دش يفوجك كده وبعديها انزل نفطر مع بعض ونروح السبوع
اصل مرتك جالت لي أن السبوع هيبداء علي الساعه 12 كده يلا ي حبيبي خلينا نلحج نروح
نظر لها ايهم بصمت ثم ذهب في اتجاه الدرج ليصعد للاعلي
بعد صعوده
قالت رابحه ب عتاب ل الحج محمد
مكنش ينفع ي حج تجول كده
الحج محمد . انتي تسكتي خالص انا مش طايج اسمع منك حاجه من ساعة ما عرفت بالنصيبه اللي عملها
دافعت عنه رابحه وهي تقول بهدوء
رابحه . بس هو ما كنش يعرف
الحج محمد بغضب . في النهاية ابنه الوحيد اتولد في الحرام وبجا اسمه…..
لم يستطع إكمالها وهو يستغفر ربة
ثم قال بحزن
لإ وكمان سبتوني اظلم البت وطلعت في النهاية مظلومة
وهو اللي غلطان
صمتت الحاجه رابحه فهو لدية كل الحق فيما يقول فليس هناك مبرر لما فعله ايهم
ف حبه لا يبرر فعلته الشنيعة
………………..في البيت الكبير
علي الساعه 11:30
كانت استعدادات سبوع المولود الجديد علي أتم الاستعداد
وكانت جريئه ترتدي قفطان مغربي من اللون الذهبي الفاتح وتترك شعرها حرا وعلي كتفها كانت تضع حجابا من نفس لون القفطان المغربي تحسباً لدخول اي احد
من غير محارمها
وتقف وهي تحمل ابنتها الصغيرة وبيجان بجانبها حيث كانت تراقب الاستعدادات التي كانت تقام علي قدم وساق في الصالة الكبيرة الموجودة في البيت والمخصصة للعزومات والجلسات الكبيرة
وعلي شفتيها ابتسامة سعيدة
سمعت صوت جلبة في الخارج
بعد ذلك ظهرت الحاجة رابحه التي اقتربت من جريئه
وسلمت عليها بعدها طلبت أن تحمل الفتاة ف اعتطها لها جريئه بحب
إشارات جريئه الي أحد الارأك الموجودة وهي تقول بود
جريئه . اتفضلي طيب ي حاجه اقعدي هنا
رابحه . يزيد فضلك ي بنتي
جريئه برقة . مرسي
اتت من ورأها والدتها التي سلمت علي الحاجه رابحه هي وداليا التي كانت معها
بعد قليل
بدأت طقوس السبوع المصري
بعدما أخذ الجميع واجبة وقد أصرت جريئه ووالدتها بالإضافة إلى داليا علي أن تأكل معهم الحاجه رابحه التي رفضت في البداية بشدة ولكن امام إصرارهم وافقت علي الاكل معهم بعض اللقيمات
كانت جريئه خلاله تضحك بشدة خاصتاً
وهي تمر من فوق المولودة وعند فقرت (اسمع كلام) وداليا التي كانت تدق الهون كانت جريئه قد قالت جميع اسماء العائلة حتي لا تسمع ابنتها كلامهم ابدا حتي صقر الذي قد حضر مع والدة ووالدته التي ظلت تتعارك مع جريئه قليلا بمرح
علي ان تسمع الفطتاة كلام صقر في المستقبل
وبعدما انتهي ظلت جريئه ترقص قليلا مع الفتيات بمرح وكان بيجان يمرح مع فاطمه وسرين فكما يقولون هذا الشبل من ذاك الاسد
ولكن لم تكن ترقص بجد بل كانت تمرح فقط
وقد قابلت الفتاة التي طلبت مساعدتها من قبل لكي لا تتزوج من ابن عميها و تكمل تعليمها وقد عرفت أن قد دخلت كلية الألسن وأنهم قد سمحوا لها بالذهاب والجلوس مع عمها الذي يقيم في القاهره هي وابنة عمها
وقد فرحت جريئه لها بشده علي ذلك الخبر الجميل
بعد قليل
كان الاحتفال كان انتهي
وظل بعدها ايهم يحمل طفلته بعدما اراها ل خالة الذي فرح بها كثيراً لأنها تشبة أخته بشكلاً كبير
كان ايهم ينظر ل ابنته الصغيرة وبجوارة بيجان بحزن شديد فهو سوف يضر أن يتركهم هنا مع والدتة وما زاد آلمه أكثر أنه لن برا ابنته وهي تكبر أمام عينيه مثل اخيها
وأنهم سوف يظلوا هنا بعيدين عنه ولن يكون له سوس يوم واحد فقط في الاسبوع لكي يراهم وبالتأكيد سوف يضيع ذلك اليوم في الطريق إليهم أن ذلك صعباً بشدة عليه
وقف عناني أمامه لكي يأخذ منه الطفلة احتضانها ايهم ثم نظر له بقوة وهو يعطيها له فهو علي قدر حبه ل طفلته علي قدر كرهه ورفضه أن يرا أحداً ضعفة
بعد عدة ساعات كان ايهم يجلس في غرفة بعدما ظل طوال الطريق يقود السيارة وهو صامت لم ينبث ببنت شفة ولم يجرؤ أحد على أن يتكلم معه فما يعترية في صدرة يكفي ويزيد
……………..في البيت الكبير
كانت جريئه تجلس في غرفتها
و علي السرير وهي ممدة الأرجل وتسند ظهرها علي ظهر السرير
وهي تتحدث مع صقر وتضحك بشدة علي ما حدث اليوم
حيث عاصم قد اخذ الطفلة هو وحسام لتبقي معهم وبيجان ينام مع والدتها
صقر . بقا رومي تقول تسمع كلام صقر تقومي تقولي انتي لإ…..اه ي وطيه يلي مطمرش فيكي العشرة
ضحكت جريئه بشده وهي تقول
جريئه . مهو أنا لو عارفة انها لو سمحت كلامك هيتصلح حالها مثلا كنت قلتلها لكن احنا دفنينوا سوي…….
ياض دنا لسة فكره اسماء لستت البنات اللي كنت مصاحبهم…. واحده واحده
صقر بسخرية . اي ده انتي متعرفيش….مش ربنا تاب علي !
جريئه بنفس السخرية . لإ لسة ما تبش
صقر بسخرية . وده ازاي ي فقيقا
جريئه بجدية . سلمي…..ي ابن امك
صدم صقر مما قالت فقال بتوتر حاول مدارته
صقر . وده ازاي
جريئه بجدية . سلمي ي صقر…اي ناوي تلعب ببنات الناس
صقر . احممممم……..بس سلمي أنا بعتبرها اختي ذيك
قالت جريئه بسرعة
جريئه . كداب ي صقر…..انت بتحبها
صقر بانكار . لإ طبعا
جريئه . صقر…..دحنا مربين بغض…..هتخبي عني
صقر . مش القصد…..بس انا بحبها.. احممممم….قصدي بحبها ذيك يعني
جريئه بهدوء . تمام
صقر . تمام كده عادي من غير اي أسأله
جريئه بخبث . خلاص بقا ي صقر….أنا كده خلاص اتاكدت انك مش بتحبها وهروح اقول لحسام عشان يخطبها بقا….ده عاصم هيفرح قوي لما هيتجوز…..اهو علي الاقل يلقيه حفيد يشيلة ويبطل يتخانق مع الكل لما يجيوا يشيلوا بنتي
قال صقر بسرعة قبل أن يغلق الخط
صقر . الف مبروك
نظرت جريئه الي الهاتف بصدمة
ثم قالت
جريئه . ي ابن المجنونة
والنعمه منا سيباك غير لما الخميس الجاي يبقا خطوبتك عليها
ثم أعادت الاتصال به مرة اخري بعد اخري حتي فتح الاتصال
فتح صقر وهو يقول بتأفف
صقر . نعم
جريئه . نعم في زورك ي بتاع سلمي….لما انت بتحبها بتكابر لية ولا هو غباء علي الفاضي
ظل صقر صامتاً ف أكملت جريئه بهدوء
بص ي صقر لو بتحبها بجد روح اخطبها لأن دي سكتها الوحيده
صقر . وحسام
ابتلعت جريئه ريقها وهي تقول بتوتر
جريئه . انا اللي طلبت من حسام يقول كده يوم الفرح
قال صقر بعصبية وهو يصرخ فيها
صقر . نععععععععععم…ي اختي
ابعدت جريئه الهاتف عنها بسبب صراخه وهي تغمض عينيها ثم قالت بمرح
جريئه . ما أنا كنت عاوزاك تتلحلح شوية وتجبلك عيل بدل لما انت معنس
صقر بسخرية . ااااااه…….وانا اجيبك منين ده انتي في سنه بقا عندك عيلين
جريئه بغيظ . احلي عيلين ربنا يخليهم ليه
(نعمه مراعيط)
ثم قالت بجدية
ارن علي سلمي اقولها بكره هتقرأ الفاتحه عندها في البيت
صقر بصدمه . اي ي عم انت رايح فين
وتعالي هنا فين الرهان
جريئه باستفسار . رهان اي
صقر باستنكار . رهان اي…..بتهزري صح
جريئه . ااااه…..الرهان ده….بس كويس فكرتني عشان تدفع
صقر باستنكار . ادفع….اي
جريئه . مش انت اللي هتتجوز عن حب
صقر . وانتي اللي اتجوزتي الاول وحلفتي كمان عيلين مش واحد
جريئه . أيوة……بس متنساش أنا ما اتجوزتش عن حب
وده كان أهم شرط وكمان أنا محملتش في اول بيبي برضاية
صقر . تصدقي….
قاطعته جريئه وهي تقول لتغيظه
جريئه . عارفة انك معفن ومن زمان
المهم
يلا بقا عشان منساش….أنا هتصل ب سلمي واجيب رقم السيد الوالد عشان نفرح بيك
صقر بسخرية . ولية الاستعجال ده
جريئه بجدية . صقر…..انت عاوزها ولا لإ
صقر . عاوزها
جريئه . تبقا تدخل البيت من بابه
صقر . تمام….بس مقلتليش انتي اي اللي خلاكي ترقصي في السبوع وانتي تعبانه….اصل لمؤخذه ي جيرا احنا مش صحاب من يومين….اي اللي في دماغك
ابتسمت جريئه بخبث وهي تقول
جريئه . كويس انك عارف…..كنت عاوزه الحاجة رابحه تشوف اني هموت من الفرحه طول ما أنا بعيد عن ايهم بما اني كنت عايشة معاهم لحوالي تلت شهور وهي بنفسها شافت الفرق مبين أنا هناك عامله ازاي وهنا فرحنا ومبسوطه وانا بعيد وفي وسط اهلي
صقر . بس سؤال…..هو مش غريبه أن عناني وعاصم يستقبلوهم عادي كده
جريئه . مهي رابحه اتصلت بية امبارح عشان تعرف امتي هنعمل السبوع
وهي طبعا مش هتيجي لوحدها فكان لازم اوريهم اني مش ضعيفة سواء من حيث العيلة أو المكانه وان عايلتي
زي ما انت شفت كانوا شغالين دبيح وتفريق وأما وشرب وهيصة ولا كأنها فرح مش سبوع
معناه أنا بديهم فكرة اني مش قليلة عند أهلي واني غالية قوي قوي…حتي يمكن اكون انا اغلي واحده عند اهلها ممكن يشوفها
ف مش هيقدروا يتكلموا مع ايهم في أنه يرجعني
لاني اولا أنا مش محتاجه ل ايهم ماديا في اي حاجه
ثانيا اني فرحانه وسعيدة طول ما أنا بعيد عنه
صقر . انا كل يوم بكتشف اني غلبان قوي مقارنتاً بيكي
ضحكت جريئه بشده وهي تقول بسخرية
جريئه . انت هتقالي…..دنا عجناك وخبزاك لدرجه ان من كتر غلبك….رفعت ربنا يديلة الصحه مكنش ماشي وراك في الأقسام يطلعك من المشاكل والمصائب اللي كنت بتعملها
صقر . دي كانت…
قاطعته جريئه وهي تقول بسخرية
جريئه . أيوة كانت اي…..شاقوة صح !
والنعمه أنا خايفة علي البت سلمي منك…ربنا يسترها بجد
صقر بسخرية . لية هكلها
جريئه بنفس السخرية . لإ هتكلني انا
صقر . جريئه
جريئه . نعم
صقر . هو مش انتي بقيتي ام
جريئه . أمال جبت عيالي من الملجاء
صقر . مش قصدي…بس هو فين دور الأم اللي اسمع عنه
اللي هو لو حد بيكلمها تقعد تتكلم بصوت واطي وتقوم من عز نومها تشوف الولاد متغطين ولا لإ…كده يعني
جريئه باستفسار . لية بتقول كده
صقر . اصل انتي بقالك ساعه بتتكلمي معايا وما شاء الله بتضحكي وتعالى صوتك زي ما انتي عاوزة ولا في عيل عيط ولا حاجه….هم فين العيال؟
جريئه بلامبالة . البنت مع عاصم شكلها هتنام معاه
وحمزة مع امي نايم
اعمل اي أنا
بس عارف انا خايفة من حاجه بجد
صقر . اي هي ؟
جريئه . حمزة شكله خد جينات أبوة
صقر بسخرية . اي الغباء ده…مش أبوة لازم ياخد جيناته
جريئه . مش قصدي ده ي ظريف…أنا قصدي أنه من يوم واحد بس اتعرف على بنات حسن وبيقوا صحاب قوي وهو البنات طول النهار لزقين في بعض
خايفة ل يطلع بتاع بنات زي أبوة
وخاصتا أن بنات حسن مش بيحبوا اي حد بسرعة كده حتي لو كان من سنهم
انفجر صقر في الضحك بشده
جريئه بضيق . متضحكش…عشان أنا بجد قلقانه ليطلع زي ايهم ويجبلي العار….أنا معندناش واحد عاكس بنت قبل كده…..ف ابني أنا يطلع بتاع بنات
صقر . معرفش بقا…..بس ربنا يعينك علي تربيته
جريئه . انت عارف لولا أني لازم اسافر القاهره عشان افتح الشركه الشهر الجاي
انا كنت قعدت هنا علي طول….عشان ميطلعش شبه ايهم
صقر . المهم هتعملي اي في موضوع الطلاق
جريئه . اتصلت ب المحامي وقالت له يكمل الإجراءات القانونية
ويشوف اليوم اللي نحضر فيه في المحكمه عشان نكمل الإجراءات وأطلق
صقر . ده انتي مجهزة نفسك….بس مش خايفة من عيالك لما يكبروا يعاتبوكي
خاصتا انك مش ناوية تتجوزي تاني
جريئه . عيالي لما يكبروا لو سألوني هعرفهم بوساخة ابوهم….ساعتها بس مش هيقدروا يلموني
المهم انت متقلش حاجه ل رفعت لحسن أو عرف هيجي يبوظ كل حاجه انا عارفه
صقر . جريئه …بلاش جنون……حمزة لما يكبر ويعرف الحقيقة هينهار….كده انتي هتأذي ابنك لانه هيعرف أن اتولد وهو……انتي عارفة
غيرت جريئه الموضوع وهي تقول بهدوء مصطنع.
جريئه . معرفش بقا…بس يلا سلام خليني اشوف سلمي علي بكره الصبح
سلام .
صقر . مع السلامه
في صباح اليوم التالي
كانت جريئه تجلس لوحدها في صالون المنزل حيث بيجان قد خرج مع حسن منذ قليل وهنا تحملها آية وتلعب معها
وتعطيها ل جريئه عندما تريد أن ترضع فقط حيث أنها لاحظت أن حالة والدتها قد تحسنت بشدة بعدما انجبت لها هنا ومن قبلها بيجان بعدما عرفت ب أنه حفيدها
فهي كانت تتمني حفيد…الان أصبح لديها اثنين واحدهم منهم يشبه ابنها المفقود والثانيه فهي مدللتها الصغيرة
فتحت جريئه الاتصال وهي تقول ب استغراب من هذا الرقم المجهول
جريئه . الو…الو
لم تسمع أي صوت لمده دقيقه فقررت أن تغلق الاتصال حينما رد ايهم
ايهم . جريئه…..أنا ايهم
جريئه باستغراب . أيوة
ايهم . انا كنت عاوز اتفق معاكي علي يوم عشان نكمل إجراءات الطلاق
لا تعرف لماذا شعرت بانقياضه في قلبها ولكنها قالت بهدوء
جريئه . تمام…بكره كويس
ارتفعت ابتسامه متآلمه علي شفتيه وقال ل قلبة كم انت سخيف ايه القلب هل ظننت أنه سوف ترفض وتنسي وتسامحك علي ما فعلت بها
ايهم . تمام بكره هاجي ومعايا الماذون
جريئه . تمام
وبعدها كانت جريئه تتصل ب المحامي ل تلغي جميع إجراءات الخلع ف ايهم في النهايه سوف يطلقها
في مساء اليوم التالي
في غرفة الصالون كان المأذون يجلس في المنتصف ويجلس بجواره ايهم ومن الناحيه الأخري كان يجلس شهاب وفي مقابلته كان عناني وعاصم يجلسون وفي منتصفهم كانت جريئه تجلس وعلي وجهه لا يظهر اي تعبير
جلس المأذون يقول تلك المقدمه قبل الطلاق والتي يحاول بها أن يثني الزوجين عن الطلاق حتي لا تتفكك الأسرة خاصتا بعدما عرف بوجود اطفال
قال المأذون باسي
المأذون . يعني دي النهاية….ومفيش اي أمل انكم ممكن تكملوا مع بعض عشان حتي الولاد
قال عاصم بقوة
عاصم . أيوة دي النهاية…و ي ريت حضرتك تخلصنا مش عاوزين نضيع وقت اكتر من كده
نظر لها ايهم ثم ابتسم بسخرية
ف بالتأكيد هي تتمني أن تتخلص منه هذه الثانيه قبل التي تليها
ولكن ما جعله يستعجب أنها لم ترفع راسها منذ أن دخل
كما أنها لا تبدو سعيدة…..ولكنه نفض تلك الفكره عن عقلة فهي من كانت تريد الطلاق وتصر عليه حتي أنها وصل له خبر أنها سوف تكمل في قضية الخلع لماذا إذا سوف تكون حزينه لابد أنها سعيدة بشدة من الداخل
المأذون . حيث كده نبداء…بس ارجوا التفكير مرة اخري
وعندما لم يجيبه أحد أكمل بأسف وهو يقول
ارجوا البطاقات الشخصيه
اخذ منهم البطاقات وهو يقول ل ايهم
ارمي عليها يمين الطلاق لو سمحت
نظر لها ايهم بآلم لم يستطع إخفائه ولكنه قال بثبات
ايهم . جريئه..
رفعت جريئه رأسها تنظر له حيث خيل له أنه برا صراع داخلي في عينها مع نظرة آلم
ولكنه كذب نفسه
انتي………….
كملى لوسمحتى