رواية حياتي الفصل الثالث والأربعون 43 والأخير بقلم توته

سما : م .. م .. م .. مش .. مش .. عار .. عارفه .. ا .. انا .. 

ثم سقطت على الأرض مغشيا عليها 

نرمين : سمااااا .. سمااااااااااااا 

شهد : اطلبيلها الدكتور بسررعه 

____________________________________________________

براء : ايوه يا جامد .. هتلاقيكي انتي كمان مدلوقه على وشك مش عارفاكي انا يعني 

حياة : مدلوقه اي بس .. عايزاني اجرب نفس التجربه .. كفايه مره .. المره دي موتتني بجد .. بس الحمد لله على نعمة النسيان .. اكيد هنسي .. بيجيلك وقت وربنا بيعوضك فيها بعوض انتي مش متخيلاه 

براء : خلاص يا حياة .. متفكريش في الماضي وارميه ورا ضهرك .. واكيد عوض ربنا ليكي هو ايلان 

حياة : الحمد لله على كل شيء 

_______________________________________

ايوان : طلع حرامي بس متقلقش ظبطت الدنيا وكله تمام 

وليد : مش عارف اشكرك ازاي يا ايوان .. دي اختي وأمانه في رقبتي .. مكنتش عارف ممكن اتصرف ازاي لو كان حصلها حاجه 

ايوان : متقولش كده يا عم احنا اخوات 

وليد : واحلي اخوات .. هروح اطمن عليها واشوفها 

ايوان : خدني معاك بقااا 

_______________________________________ 

د : اطمنوا هيا كويسه بس هيا اتعرضت لصدمه أدت لخوفها وبالتالي حصلها اغماء 

شهد : اه فعلا ..

نرمين : يعني .. هيا ك كويسه 

د : الحمد لله .. اهم حاجه تحسسوها بالأمان 

وليد دخل من باب الغرفه : في أي ؟ 

نرمين : سما تعبت شويه والدكتور كان بيكشف عليها 

وليد بقلق : سما كويسه 

د : اه كويسه جدا كمان .. بس زي مقولت للأنسه اتعرضت لصدمه أدت لخوفها وحصلها اغماء .. ودي حاله عاديه جدا 

وليد : الحمد لله .. شكرا يا دكتور 

د : لا شكر على واجب .. عن اذنكوا 

وليد : اتفضل 

_______________________________________

رغدان : وحيات امك .. مش عايزه تخرجي معايا 

براء : ……………

رغدان : ومبتتكلميش كمان .. اتظبطي احسن م اظبطك بطريقتي 

ثم أتت فتاه : اي ده .. هاي رغداان 

رغدان وكأنه مصدق حد ييجي يعكر مزاج براء : موكا .. ازيك .. عامله ايه .. ليكي وحشه والله 

موكا : م انت مبتسألش بقا .. وانا زعلانه منك علفكره 

رغدان : وانا مقدرش على زعلك والله 

موكا وهي تنظر لبراء : مش تعرفنا 

براء : لاء مش مهم يعرفك .. عادي مهو واخد علي كده 

رغدان متجاهلها : دي صاحبتي وقريب هتكون حاجه مهمه في حياتي 

موكا : صاحبتك … غريبه محدش يقدر ياخد المكان ده في قلبك يعني .. مش ده كلامك 

رغدان : مهو فعلا محدش يقدر ياخد المكان ده .. غير

براء : انتوا هتفضلوا واقفين كده كتير .. اتفضلي يا موكا هانم … وانا هفضيلكوا القعده الجميله دي .. عن اذنكوا

وكانت في طريقها للخروج ولكن يد رغدان منعتها 

رغدان : لو مشيتي دلوقتي .. كل حاجه انتهت وللأبد 

موكا بإحراج  : طيب عن اذنكوا ابقي طمنني عليك يا رغدان 

رغدان : استني يا موكا .. دي براء خطيبتي حاليا ودي موكا يا براء اختي في الرضاعه واعز صديقه عندي في الطفوله 

موكا : ايه ده .. ألف مبروك يا رغدان .. مكنتش اعرف انك خطبت .. ألف مبروك يا براء .. بس متنساش تعزمني على فرحكوا بقا 

رغدان : اكيد 

موكا : عمشي انا بقا .. عايز حاجه 

رغدان : سلامتك 

براء : سيب ايدي يا رغدان 

تركها رغدان 

رغدان : خليكي فاكره .. لو مشيتي كل حاجه بينا انتهت 

براء : انت ليه بتعمل معايا كده 

رغدان : عملت معاكي ايه .. هااا .. صبرت عليكي وانتي قلبالي وشك 24 ساعه بس كل انسان وليه اخر .. وانتي مبتقدريش اني بصبر عليكي .. حاولي تغيري من نفسك وخليكي متسامحه .. بالطريقه دي هتخسري كل اللي حواليكي 

براء : صبرت عليا قد ايه .. زهقت يعني من صبرك لكام يوم .. اومال بعد كده هتعمل ايه 

رغدان : انا مقولتش اني زهقت انا قلت إن كل انسان وليه اخر .. أنا بحبك ومستحيل ازهق منك في يوم .. بس لو انتي مش عايزاني بجد .. هسيبك .. هسيبك تعيشي حياتك .. بس هتكوني سيبتي فيا جرح .. ومش هعرف ألمه 

براء : لاء والله مستحيل اسيبك أو افكر في كده ..  أنا عايزاك وهفضل متمسكه بيك لاخر يوم وآخر نفس في عمري .. بس انا مش متخيله حياتي من غيرك من ساعه مقلبك السخيف ده 

رغدان : طيب بصي .. اللي زعلان م التاني يقوله هو زعلان وليه .. وبكده مش هيكون في خلاف تاني .. ايه رايك 

براء : اكيد رايي رايك 

_______________________________________

وليد :  حمد الله على سلامتك يا سوسو 

سما : الله يسلمك 

وليد : عامله ايه دلوقتي 

سما : الحمد لله تمام 

ايوان : حمد الله على سلامتك 

سما : الله يسلمك .. وبجد مش عارفه اشكرك ازاي .. لولاك مش عارفه كان ممكن ايه اللي يحصل 

ايوان : متقوليش كده انتي زي اختي برضو واكيد لو كنت شوفت حد مكانك كان ده هيكون رد فعلي 

_______________________________________

حياة : انت واخدني على فين .. وايه البتاع اللي حاططها على عيني دي 

إيلان : امشي وانت ساكته لما نوصل هتعرفي 

_______________________________________

سما : لاء أنا بقيت كويسه وبعدين احنا جايين هنا ليه .. يلا يا نرمين ننزل تحت وانت بقا شوف صحابك ومتشغلش بالك بيا 

وليد : هسيبك بس عشان احنا نازلين فسحه .. بس بلاش تهور .. وخلي بالك منها يا انسه نرمين 

نرمين : اكيد .. في عيني 

_______________________________________

حياة : قدامنا كتير 

ايلان : لاء خلاص وصلنا 

حياة : اخيرا .. طيب انغ مش شايفه حاجه م البتاع اللي على عيني دي 

ايلان : هشيلها اهو .. بس لما تطلعي معايا كده 

حياة : منا مش شايفه 

حمل ايلان حياة : كده معندكيش حجه .. احنا اصلا وصلنا 

حياة : ايه ده .. انا بعرف امشي علفكره .. بس انا مش عارفه انت واخدني على فين 

ايلان : ممكن بلاش اسئله لحد منوصل 

حياة : حاضر 

صعد ايلان الي أعلي المكان ثم ترك حياة 

حياة : ايه خلاص .. وصلنا 

ايلان : اه .. وصلنا ..جاهزه !! 

حياة : امم 

سحب ايلان الخيط الذي يغطي عينينها وتفاجئت حياة من جمال المنظر كان المكان في منتصف البحر في أفخم السفن وملئ لورود النادره الملونه وفي منتصف هذه السفينه من المبنى الأعلي يخت من افخم الأنواع ومزين باسم “حياة إيلان ” وفي الجانب لوحه من اللون الوردي مزينه ومنحوته بكلمه ” تتجوزيني ” وتوجد على الجانب الأخر طاوله من افخم الطاولات تحمل عشاء مخصص لهما 

حياة : الله .. ايه ده .. المكان ده حلو اوي والزينه دي .. انا عمري مشوفت كده في حياتي .. 

إيلان : انتي تستاهلي يتعمل عشانك اكتر من كده 

حياة : انت فعلا بتحبني ولا بتشفق عليا 

ايلان : يعني دي كلمه تتقال 

حياة : لاء بس انا مستاهلش كل ده .. ومكنتش متوقعه أن دي اخرة صبري 

ايلان : لاء انتي تستاهلي اكتر من كده .. واكيد بحبك مش شفقه .. اهم حاجه انتي بتحبيني .. مش عايز اضغط عليكي 

حياة : احم .. هو .. يعني .. انا مكنتش عايزه اجرب اي تجربه تجرحني تاني .. أنا تقريبا كرهت كل حاجه في حياتي وكرهتني انا شخصيا .. بس مش عارفه .. مش عارفه ممكن احب حد تاني ولا لاء .. وممكن اتجرح تاني ولا لاء .. وممكن انت كمان تسيبني بعد م اتعلق بيك

ايلان : حياة .. مش عايزك تفكري في الماضي .. انسي الماضي .. انسيه بكل اللي فيه .. وخليكي في المستقبل .. حبي تاني بس مش هتحبي تالت ولا حتي تاني عشان انا الاول اصلا .. موافقه تكملي بقيت حياتي وتزينيها بيكي .. موافقه تكوني نصي التاني .. موافقه تتجوزيني 

حياة : اكيد موافقه 

_______________________________________

سما : فعلا الجو هنا حلو اوي 

نرمين : اممم .. حلو فعلا 

سما : بقولك ايه .. تيجي نلعب طايره مع اللي هناك دول 

نرمين : والله فكره .. يلا بينا 

سما : هاي شباب .. ممكن نلعب معاكو 

+ اكيد .. انا اسمي مريم  وانتي 

سما : انا اسمي سما 

نرمين : وانا نرمين 

مريم  : تشوفنا يا قمرات .. بصي هعرفكو علينا كلنا 

سما : تمام 

مريم : احنا يعني 7 مش كتير .. دي نها ودي جميله وده عمر وده مالك ودي هنا وده هاني 

سما ونرمين : تشرفنا 

وعلى الناحيه التانيه 

وليد : هقولك على سر يا صاحبي بس متقولش لحد 

ايوان : عيب عليك .. سرك في بير 

وليد : صاحبك وقع 

ايوان : قول والله كده 

وليد : والله .. وقعت ومحدش سمى عليا 

ايوان : ومين تعيسة الحظ بقا 

وليد : نرمين صاحبت سما 

ايوان : وهيا كمان علفكره .. باين اوي 

وليد : مظنش .. م ده اللي انا خايف منه 

ايوان : متظنش ايه ده واخده بالها منك 24 ساعه 

وليد : تفتكر 

ايوان : انا لسه هفتكر .. ياعم الحقها قبل م تضيع منك 

وليد : طب وانت اي .. مفيش اخبار عنك كده محدش هيفرح بيك 

ايوان : والله مش عارف اللي انا فيه ده ايه .. بس هعرف قريب وقريب اوي 

وليد : اما نشوف 

ادم : ايه يا شباب مش باينين ليه .. انتوا جايين ليه .. خفوا شويه 

ايوان : ايه يا عم .. كل واحد واخد جنب ليه .. م انتوا لو مفرفيشنها هنفرفيشها 

ادم : اعمل ايه انا لو عليا هخربها بس انا طالع مع سكرانين .. طروا القعده كده بدل م هيا ناشفه .. يلا بقا نجمع كده شويه أصناف اجنبي على مصري على لبناني ونخربها 

ايوان : يلا بينا 

وليد : انتي بتعملي ايه يا سما 

سما : بلعب طايره .. العبوا معانا 

وليد : ايه رأيكوا يا شباب 

ايوان : والله فكره .. بس اي رأيكوا نتنافس 

عمر: فكره حلوه بس انت اللي هتبدأ يا شبح 

ايوان : وانا موافق .. بس مين اللي هينافسني 

سما : انا ممكن انافسك 

ايوان : هتعرفي تلعبي ولا هتخسري 

سما : بلعب احسن منك .. بس انت تكسب بس 

ايوان : نشوف 

وليد : لاء بقولك ايه دايما سما تطلع الأولي في اللعبه دي وتغلب 10 زيك .. دي لعبتها المفضل 

ايوان : وانا قلت ايه .. انا بقول نشوف 

مريم : واخد مقلب في نفسك اوي علفكره .. لعبها حلو 

ايوان : انتوا طلعتوا فيا كلكو كده ليه .. انا مقولتش حاجه يعني 

وبعد مرور أقل من ساعه تقريبا 

سما : لاء لازم تتعلم اللعب على كده 

مالك : 10 / 1 لسما 

ايوان : غلبتيني هنا بس في العاب مش هتعرفي 

سما : العاب الكره كلها بغلب مش بتغلب 

وليد : انت بعد الخساره العظيمه بتاعتك دي متتكلمش اصلا 

ايوان : في ايه يا شبح اهدي كده على نفسك انت في لعب الكوره معنديش ارحميني ياما 

وليد : ماشي يلا كلنا نلعب بقا 

ايوان : يلا 

وبعد مرور الكثير والكثير من الوقت واللعب والمرح والخساره والمكسب

سما : خلاص تعبت مش قادره تاني 

نرمين : انا كمان تعبت … عن اذنكوا

سما : خديني معاكي 

__________________________

بعد مرور شهر 

ايوان : لو مش هتقل عليكي ممكن تنقليلي المحاضرات 

سما : مفيش غيري اصلا بينقلوهوملك 

ايوان : بتعايريني يعني ولا اي مش فاهم 

سما : لاء منا كمان بطلب منك .. فمش هعايرك 

ايوان : بس انا هعايرك

سما : كده .. طيب مش ناقله حاجه .. شوف حد غيري ينقلهم 

ايوان : مفيش غيرك اصلا بيعبرني 

سما : وليد لسه مجاش 

ايوان : لاء عم الرومانسي من الصبح مرجعش 

سما : ماشي 

ايوان : ايه راحه فين كده .. انقليلي المحاضرات 

سما : لاء 

ايوان : هقولك بس 

_______________________________________

نرمين : يلا نروح سما مستنياني 

وليد : دايما فصيله البت دي كده .. بس انتي عايزه تروحي 

نرمين : مهي كل شويه ترن عليا 

وليد : سيبك منها .. هاتي الفون ده 

نرمين : ليه هتعمل ايه 

وليد : هعمل ايه يعني هقفله 

نرمين : لاء عشان ماما لما ترن عليا 

وليد : ماشي هسيبه مفتوح بس بشرط 

نرمين : اي 

وليد : متقوليش عايزه اروح وسما بترن والحوارات دي 

نرمين : خلاص ماشي 

__________________________

سما : عايز ايه 

ايوان : عايز اقولك حاجه 

سما : اتفضل سامعاك

ايوان : مش احنا بقينا صحاب 

سما : اه صحاب 

ايوان : بس انا من زمان عايز اغير الفكره دي ومنكونش صحاب 

سما : يعني مش عايز نبقي صحاب 

ايوان : لاء 

سما : خلاص براحتك .. اوعدك مش هكلمك تاني او تشوفني تاني مدام ده هيريحك 

ايوان : مش ده اللي هيريحني 

سما : مش انت اللي قلت مش نبقي صحاب 

ايوان : ايوه عايز ارقي المرحله دي 

سما : ازاي بقا 

ايوان : انتي مخك تخين كده ليه 

سما : والله مخي تخين .. عن اذنك 

ايوان : سما .. اهدي واستني 

سما : عايز ايه يا ايوان .. بلاش شغل الألغاز ده .. اللي انت عايزه قوله وانا مش هزعل 

ايوان : انا .. انا بحبك يا سما .. بحبك من اول يوم شوفتك فيه 

سما : وان..  ايه .. قولت ايه ؟ 

ايوان : بحبك 

سما : قول والله 

ايوان : والله 

سما : والله انك بارد .. انا خلاص كنت فقدت الأمل 

ايوان : ايه ده ده انتي مدلوقه بقا 

سما : بعينك .. بس خليتك تعترف 

ايوان : امممم .. بمزاجي 

سما : م مزاجك ده بتاعي 

ايوان : ومزاجك بتاعي .. بتحبيني !!؟ 

سما : امممم .. مش عارفه 

ايوان : وحيات امك .. نتظبط كده هاا .. انا بقالي شهر واسبوع بخطط وانتي في الاخر تقولي مش عارفه 

سما : انت قلبت ليه 

ايوان : م انتي تنرفذي الصراحه 

سما : مش اكتر منك وحياتك 

_______________________________________

جميل : چيلان 

طنط چيلان : نعم 

جميل : عندي ليكي خبر هيخليكي تتنططي من كتر الفرحه 

طنط چيلان : خبر ايه 

جميل : ولادك التلاته 

طنط چيلان : مالهم 

جميل : لقوا نصهم .. كل واحد فيهم جاي وجايبلي واحده وب…..

لم يكمل جملته حتي وجد طنط چيلان ترقع زغروطه عاليه 

جميل : حرام عليكي وداني 

طنط چيلان : مش مهم ودانك المهم الكلام .. التلاته .. يا م انت كريم يا رب 

جميل : هنحدد ان شاء الله فرحهم التلاته مع بعض 

طنط چيلان : ده احلي خبر سمعته في حياتي 

ايلان : في أي اي الزغاريط دي 

رغدان : انا والله كنت نايم لقيت السرير كان بيتقلب بيا خلاص زي Tom & jerry  بس الحمد لله لحقت نفسي 

ايوان : هو الواحد ميعرفش ينام في ام البيت ده شويه 

طنط چيلان : انتوا صحيح عايزين تتجوزو انتوا التلاته 

رغدان : قولي والله .. احنا التلاته 

ايلان : تلاته مين 

ايوان : ليه هو احنا التلاته .. لا حول ولا قوه الا بالله 

جميل : انا خلاص حددت كل حاجه 

ايلان : كل حاجه ايه 

جميل : انتوا التلاته هيكون فرحكوا مع بعض 

ايوان : سوري .. انتوا الاربعه بقا .. منا صاحبي هيتجوز هو كمان .. فهنكون كلنا مع بعض 

جميل : مفيش اي مشاكل .. هحدد الفرح مع أهالي العرايس الحلوين واقولكم 

رغدان : تمام 

_______________________________________

بعد مرور 3 شهور 

في قصر من افخم القصور في مصر نري اروع الحفلات الفخمه النادره في مصر ومكلفه ومزينه على احدث طراز نجد الكثير والكثير من الأشخاص .. ينتظرون أجمل العرسان المنتظر فرحهم منذ وقت طويل 

ونجد أيضا افخم السيارات الحديثه التي تحمل كل من ( ايلان _حياة _ ايوان _ سما _ رغدان _ براء _ وليد _ نرمين ) وكل منهم في سيارته الخاصه وكانت الفرحه تعم المكان 

كان هذا اليوم من أجمل الأيام في تاريخ هذه الاسره وكان الجو ملئ بالحب والسعاده .. فعن أي عوض تتحدثون بعد عوض الله .. الشئ الذي من نصيبك سيصيبك ولو بعد حين .. فكن مؤمن أن الله يحب عبده ويرزقه أضعاف مما ننتظره من عزته وجلاله .. فاصبر وستفرح بالتأكيد واعلم أن الله على كل شئ قدير 

تمت ❤️