Uncategorized

رواية العشق لا يعرف وطن الفصل الحادى والعشرون 21 بقلم أية إنسان

 رواية العشق لا يعرف وطن الفصل الحادى والعشرون 21 بقلم أية إنسان
رواية العشق لا يعرف وطن الفصل الحادى والعشرون 21 بقلم أية إنسان

رواية العشق لا يعرف وطن الفصل الحادى والعشرون 21 بقلم أية إنسان

 في فيلا السمري :
_دادة ندى  :  هاجر يا حبيبتي انا عاوزه افهم كل حاجه لان انا كده مش فاهمه اي حاجه.
_هاجر  : دلوقتي يا داده ندي انا بقيت مرات أسر وهنفضل هنا فتره لحد ما أبوه يخف والأمور تتحل كلها .
_ وبعدين هيحصل اي يا هاجر .
_ مش عارفه يا داده بس اللي عاوزاكي تتأكدي منه أن انا عمري ما عملت حاجه غلط .
_ علشان كده انا مشيت معاكي يا هاجر.
_ ابتسمت هاجر بحب وقالت :  هطلع انام شويه .
_ طلعت هاجر وقررت انها لازم تتكلم مع أسر بهدوء علشان الايام تعدي على خير هتكلمه بالليل وقامت تاخد شاور وتنام .
☆ ————- بقلم الكاتبة/ آية إنسان —————☆
_ ليل رن على أسر يطمن عليه وأسر حكي كل حاجه لليل واللي قاله أنه هينزل على اول طياره مصر علشان يكون جنبه .
☆ ————– بقلم الكاتبة/ آية إنسان —————☆
 في فيلا العامري:
_ دخلت اسماء وكانت وعد قاعده في الجنينه  .
_اسماء :  ازيك يا وعد.
_وعد :  ازيك يا اسماء .
_ وعد هي هاجر فين واي الكلام اللي مكتوب عنها دة .
_ ردت رانيا : احنا منعرفش حد اسمه هاجر هنا روحي دوري عليها بره شوفيها مع الواد اللي معاها قاعدين فين .
_ انتي بتقولي اي وعد انتي سامعه امك بتقول اي وساكته هاجر مستحيل تعمل كده اكيد في حاجه غلط.
_ رانيا : اسمعي يا بت انتي اللي عندنا عرفتيه فمتجيش هنا تاني .
_ اسماء : احسن أنها مشيت من وشكم عيله تكسف صحيح وخرجت اسماء من الفيلا تحاول للمره الالف ترن على هاجر ولكن مقفول .
☆ ————– بقلم الكاتبة/ آية إنسان —————☆
في الفيلا الصاوي : 
_  دخل الخدام وقال :  عمرو بيه في واحده بره عاوزه تقابل حضرتك .
_عمرو  :  واحده مين يا ياسر .
_ مش عارف يا فندم .
_ طيب انا نازل وبالفعل لبس عمرو ونزل وقال : سارة .
_سارة :  اي يا عمرو بكلمك مش بترد عليا .
_ سحبها عمرو من دراعها على المكتب وقال  : انتي جايه هنا ليه .
_ وحشتني يا عمرو وجيت اطمن عليك .
_ اسمعي بقى يا روح امك لو لمحت وشك الحلو دة تاني هزعلك واوي كمان انتي تختفي من حياتي مش عاوز قرف يا اما همحيكي انا خالص .
_ عمرو انت ليه بتعمل معايا كده .
_ يووووو انتي معندكيش كرامه يا بنتي اقولك الحقيقه انا كنت بكذب عليكي ولا بحبك ولا قرف وكنت بستغلك علشان اكسر أسر مش اكتر وانتي قبضتي التمن اظن .
_ بس انا بحبك .
_ وانا كنت بلعب عليكي غوري بقى بره ولو شوفتك تاني هدمرك يا سارة بره براااا .
_ خرجت سارة منهاره من العياط وقالت : انا اللي غلطانه انا اللي ضيعت أسر من أيديه انا اللي استاهل كل دة بس خلاص صدقني يا عمرو هتدفع التمن غالي وانا هرجع أسر ليا تاني ومشيت على بيتها .
☆ ———— بقلم الكاتبة/ آية إنسان ————–☆
_ دخل أسر المكتب بتاع ابوه وفضل قاعد حاطط أيده على دماغه ولكن باب المكتب اتفتح ودخلت هاجر وشافته كده فصعب عليها وحست أنه ضايع فقالت :  أسر ممكن اتكلم معاك شويه .
_ بصلها وقال :  تعالي يا هاجر انا كمان محتاج اتكلم معاكي .
_ اي رأيك نقعد في الجنينه بس الاول اطلع غير هدومك وانا هعملك قهوة وهاجي .
_ بالفعل طلع أسر خد شاور وغير ونزل وبعد دقيقتين خرجت هاجر وقالت :  اتفضل .
_ شكراً .
_ الاتنين مع بعض كنت عاوز/ة اي .
_ اتكلم أسر وقال : قولي كنتي عاوزه اي .
_ عاوزه اعرف اللي جاي اي .
_ هنعمل فرح في خلال الاسبوع دة والعالم كله لازم يحضر وهنفضل هنا مع بابا ولازم ميتعرضش لاي نوع من الضغط .
_ وبعدين .
_ مش عارف يا هاجر .
_ طيب يا أسر انا قبلت بالوضع دة علشانك انت وعلشان أسر اللي عرفته هناك بره وعلشان حسيت أن عمو اكمل زي بابا الله يرحمه انا لو عليا كنت مشيت لان انا مليش حد هنا انا مش طالبه منك حاجات كتير يا أسر طول الفتره اللي هكون موجوده فيها هنا مش هكون حمل عليك ومش هعمل حاجه تحط اسمك او سمعتك في الأرض طول ما انا مراتك مش هتدخل في حياتك أو اي حاجه انت حر ماشي في مقابل دة عاوزاك تعاملني كويس أو بلاش نتعامل خالص اللي يريحك يا اما نتعامل زي هناك كأصدقاء ونحترم بعض يا بلاش نتعامل خالص ونحتك ببعض غير قدام عمو مش اكتر لكن انك تقلل مني وتجرحني وتذلني دة اللي مش هقدر استحمله يا أسر .
_ اتنهد أسر وقال :  هاجر انا محتاج افهم حاجات كتير واسئله اكتر .
_ لو أسئلتك هتكون عن حياتي قبل ما اكون مراتك فانا مش عاوزه اتكلم عنها أو مش مستعديه للكلام فيها وكذلك انا مش عاوزه اعرف عن اللي فات من حياتك حاجه إلا اذا انت حبيت تقولي .
_ بس انا محبش اكون عايش معاكي على عمايا انا مش عارف انتي مين وليه أياد سابك وليه اهلك قالوا عنك كده وليه ام أياد في العزاء قالت كده هاجر انتي عملتي اي علشان اقرب ناس ليكي اللي هما اهلك يتهموكي اتهامات زي دي .
_ بصت هاجر في كل مكان إلا ليه هو و مكسوفه ومحرجه حاسه انها مذلوله إذا كان أهلها قالوا عنها انها مش كويسه ازاي متوقعه أنه هو هيصدق اللي وجعني اكتر أنه هو شاف ذلي بعينه ومن مين من اهلي .
_ مسك أسر أيديها وقال : هاجر انا مش اقصد أقلل منك او اضايقك انا بس مش فاهم .
_ صدقني لو اقدر اجاوبك كنت عملت .
_ يعني اي يا هاجر .
_ أسر انت عاوز الجواز دة علشانك ولا علشان شكلك قدام الناس وصحه ابوك .
_ هاجر انتي بتقولي اي .
_ أسر انت مش متجوزني عن حب او متجوزني برضاك انت متجوزني علشان الظروف حكمت بكده ومدام كده او كده الحكايه مسئله وقت وكل واحد يروح لحاله ليه عاوز تعرف الماضي اللي كل ما احاول اعديه واقفل عليه يتفتح تاني .
_ ماشي يا هاجر مادام اللي فات من حياتك مش هيأثر على حياتي انا مش عاوز اعرفه لكن لو الماضي بتاعك اتفتح وانتي لسه علي ذمتي وقتها من حقي اعرفه .
_ ابتسمت هاجر وقالت : ماشي يا أسر وبعدين غيرت الموضوع وقالت : عمو عامل اي .
_ كويس الحمد لله سأل عليكي .
_ بجد لحقت اوحشه .
_ ابتسم أسر وقال :  تقريباً .
_ لو هتروح ليه بكره خدني معاك .
_ ماشي .
_هاجر :  انا هطلع انام بقى .
_ ماشي يا هاجر تصبحي على خير .
_ طلعت هاجر وفضل أسر يفكر في اللي جاي وقلقان منه وقال : خايف أثق فيكي اتجرح حاسس انك مختلفه بس مش عاوز اجازف تاني وبعدين فرد جسمه على الكنبه ومن كتر تعبه نام في الجنينه .
_ كانت هاجر واقفه في البلكونه وشيفاه وبعدين دخلت قعدت تقرأ كتاب كيف تعيش الحياة بسعاده وبعد ساعتين قامت علشان تقفل البلكونه وتنام لان الجو سقعه شافت أسر لسه نايم تحت فنزلت تحت تصحيه .
_ أسر أسر قوم .
_ في اي يا هاجر .
_ نايم في الجنينه ليه الجو سقعه قوم اطلع فوق .
_ واضح اني نمت وانا قاعد .
_ طيب يلا اطلع فوق .
_ ماشي ..وقام بس كان هيقع فمسكته قبل ما يقع وقالت :  انت كنت نايم ولا شارب يا أسر ورفعت عيونها وإلتقت بعيونه تحت ضوء القمر العيون بتحكي اللي القلوب مش قادره تنطق بيه .
_ فاق أسر من سرحانه وبعد عنها وقال: اسف .
_ اتحرجت هاجر وبعدين قالت :  على اي يا راجل احنا اخوات .
_ هههههه طب اطلعي يا ام اخوات على اوضتك .
_ يا عم طالعه هتعرف تطلع ولا اساعدك .
_ امشي يا بت على فوق .
_ بقى كده ماشي يا رب تقع تاني ومشيت خطوتين ووقعت هي و رجليها اتلوت فصرخت بوجع .
_ شوفتي اهو ربنا اخد حقي منك والدعوه جت فيكي انتي احسن .
_ انت شمتان فيا يا أسر شكراً وقامت علشان تمشي بس مش قادرة .
_ قرب منها أسر وشالها .
_ انت انت بتعمل اي نزلني يا أسر .
_ ليه يا هاجر .
_ علشان مينفعش كده .
_ عيب يا هاجر انتي لسه قايله احنا اخوات وانا بشيلك من باب الاخوه .
_ اتحرجت هاجر وقالت :  طب نزلني وانا هطلع لوحدي .
_ هوقعك لو مش سكتي .
_ كمان بتهددني .
_بقي  كده ماشي وساب أيده فكانت هتقع بس اتشعلقت في رقبته وحضنته جامد اتجمد في مكانه أحساس غريب مسيطر عليه هو ليه حابب قربها دة وليه متأكد أن في قربها هلاكي وبعدين فاق على صوتها :  هتفضل شايلني كده وواقف .
_ لا هطلع احسن هتقسمي ضهري .
_ ليه يا خويا إن شاء الله .
_ انتي كام كيلو يا هاجر .
_ هو اي الاحراج دة يا أسر خليك ذوق يا اخي لا تسأل واحده ست عن وزنها ولا سنها .
_ شكلك ٩٠ كيلو انا حاسس .
_ نععععام يا خويا ٩٠ في عينك دة انا يا دوب ٧٥ كيلو .
_ قال كده رفيعه يعني .
_ هو أنا باكل من جسمك يا اخي ثم ليه محسسني انك ٥٠ كيلو انت لو مش ١٠٠ كيلو يبقى انا مش بفهم حاجه .
_ انا ١٠٥ يا هاجر بس انا تقلي عضلات .
_ يا عم اتنيل بلا عضلات بلا نيله .
_ دخل أسر الاوضه وحطها على السرير وجاب علبه الاسعافات الاوليه وطلع مرهم .
_ خدي حطي على رجلك يا قلبوظه .
_ كده يا أسر انا قلبوظه ماشي وكشرت وشها .
_ قرب أسر منها وطبع قبله رقيقه على خدها وده خلاها تتسمر مكانها وهمس عند ودنها وقال: دي من أسر .. الولد أمني وانا لازم اكون قد الامانه .
_ انت انت قليل الادب اطلع بره .
_ خرج أسر من الاوضه وهو بيضحك على كلامها ومن كسوفها اللي بيبان كل ما يقرب منها .
_ فضلت هاجر حاطه إيديها علي خدها وقلبها بيدق جامد وقالت :  واحد قلق الادب وابتسمت وبعدين كشرت وقالت :  انا قلبوظه يا حيطه انت غيران بس انا عارفه .
_ سمع صوته من بره وقال  : الحيطه سمعتك على فكره .
_ مش انت يا عم دي حيطه تانيه ودهنت المرهم ونامت مبتسمه.
_ دخل أسر الاوضه بتاعته وبيكلم نفسه : وبعدين يا أسر انت اكيد محبتهاش انت بس حبيت وجودها مش اكتر مش عارف بكره مخبي اي بس انا فوضت امري لله ونام براحه وعمق .
☆ ————— بقلم الكاتبة/ آية إنسان ————– ☆
 في فيلا العامري :
_ كان عاصم نايم في ولكن بيحلم أن رجب اخوه بيبصله بعتاب من غير ما يتكلم ومشي قام عاصم مفزوع وقام جري على اوضه هاجر ولكن هي مش موجوده جاء صوت من وراه وقال :  مش مصدقه أن هاجر ممكن تعمل كده يا بابا .
_ انا كمان بتمني يكون دة محصلش يا وعد .
_ حاسه اننا ظلمناها يا بابا .
_ اتنهد عاصم بحزن وقال : يا ريت اكون ظلمها فعلاً .
☆ ————– بقلم الكاتبة/ آية إنسان ————–☆
_ جاء الصباح وصحي أسر لبس وكان هينزل بس قرر يدخل يشوف هاجر خبط ودخل وكانت نايمه وحاضنه المخده جامد ومن تعبير وشها بتضحك وهي نائمه وقف ابتسم على ابتسامتها ومحبش يصحيها ولف علشان يمشي .
_هاجر :  استني متمشيش .
_ لف أسر وشه ليها  .
_هاجر  : استني بابا متمشيش خدني معاك انا مليش حد هنا .
_آسر  : واضح أن هاجر بتحلم بأبوها بس عاوزه تروح معاه ليه يا ترى شوفتي اي في حياتك علشان تتمني تسيبيها يا هاجر وقرب منها وقال :  هاجر هاجر .
_ قايمه يا بابا خمس دقايق بس .
_ ابتسم أسر وقال :  بابا بابا مش مهم وقام فتح النور والستائر  .
_ لااااا ليه كده أطفى النور يا وعد يا جزمه .
_ مره بابا ومره وعد مفيش مره أسر ….هاجر هاجر قومي بقى .
_ فتحت هاجر عيونها : اعاااااا انت مين انا فين .
_ يادي النيله عليا هو انتي لما وقعتي وقعتي على رجلك ولا دماغك .
_ ايوه ايوه افتكرت خلاص ثم انت ازاي تدخل عليا كده يا استاذ .
_ اومال ادخل ازاي .
_ المفروض مش تدخل أصلاً مش في بنت نايمه عيب كده .
_ لا يا شيخه اتنيلي قال بنت قال .
_ أاااسر .
_ خلصي يا هاجر علشان انا عاوز امشي .
_ بس انا مش ماسكه فيك يا أسر .
_ يا رب اقتل حالي يا بنتي مش انتي قولتيلي إمبارح خدني معاك عند عمو اكمل .
_ صح صح افتكرت .
_ انتي في غيبوبه مؤقته قومي خلصي .
_ طب اطلع بره طيب علشان البس .
_ ماشي هستناكي تحت .
☆ ————— بقلم الكاتبة/ آية إنسان —————☆
_ خرج ليل من المطار ووقف يفتكر ذكريات كتير خد وعد على نفسه أنه مش ممكن يرجع ليل اللي مشي من البلد دي والنهارده رجع بس ليل تاني خالص وبعدين طلع على الاوتيل يرتاح .
☆ ————– بقلم الكاتبة/ آية إنسان —————☆
_ رجعت هاجر بعد ما اطمنت على أكمل وأسر وصلها الفيلا  و الفون بتاعه رن وكان ليل وعرف أنه وصل مصر ونزل فى اوتيل فطلب منه يجي عنده الفيلا .
_ خلص أسر المكالمه وقال :  هاجر هو الفون بتاعك فين .
_ مش فاكره فين ممكن يكون في الشنطه فوق .
_ يمكن !! يا بنتي اهتمي بحاجه واحده في حياتك .
_ انت عاوز الفون بتاعي في اي انت .
_ علشان لما أحتاجك اعرف اكلمك .
_ هات ارن عليه كده من عندك .
_ شويه وقالت :  مقفول يبقى فصل شحن هدور عليه فوق وهاجي وبالفعل طلعت تدور عليه فوق ولقته وكان فاصل شحن فحطته في الشاحن وبعتت رساله لاسماء بالعنوان لان في فوق الالف مكالمه منها والفون 
فصل تاني فنزلت تحت .
☆ ————– بقلم الكاتبة/ آية إنسان —————☆
_ جت رساله لأسماء وقامت لبست ونزلت تروح العنوان اللي في الرساله وحاولت ترن على هاجر بس الفون مقفول .
_ كان ليل ماشي بالعربيه وفرمل مره واحدة قبل ما يخبط البنت .
_  انتي يا عم مش تفتح .
_ نزل ليل من العربيه ووقف قدامها وهي بالنسبه ليه مش باينه وقال :  انتي يا بت انتي اتجننتي ماشيه تبصي في كل مكان إلا قدامك خلاص مفيش مخ .
_ الله ما تحترم نفسك يا جدع انت .
_ كمان غلطانه وبجحه .
_ انا محترمة ومش هرد عليك على فكره .
_ انتي أصلاً متعرفيش تردي .
_ يا عم اتلهي على جنب ووسع مش وشي وانت عامل زي الباب سادد ميه ونور وسع ومشيت من قدامه كان هيلحقها بس أسر رن عليه وقاله أنه دقيقتين وهيوصل .
_ وفعلاً بعد خمس دقائق سمع أسر صوت زعيق قدام الفيلا وكمان نزلت هاجر تشوف في اي .
_ليل :  انتي يا بت ماشيه ورايا عاوزه اي .
_ وانا هعوز من واحد زيك اي اصلاً .
_ لا انتي شكلك عاوزه تتربي .
_ وانت اللي هتربيني ولا اي .
_آسر  : باااااس في اي يا ليل مين دي .
_ اهي بلاوي بتتحدف علينا من الصبح .
_البنت واللى هى اسماء :  ما تحترم نفسك يا جدع انت الله .
_ يا بت هكلك قلم اخفيكي .
_ تصدق خوفت انا كده .
_آسر  : بااااس بقى انتو الاتنين .
_ نزلت هاجر بتعرج وبتقول :  في اي يا أسر .
_ ليل وأسماء مع بعض في نفس واحد  ليل قال : انتي ، واسماء قالت :  هاجر .
_ بصت هاجر شويه وقالت : مش انت بتاع مهرجان التزلج .
_ البت دي بتعمل عندك اي يا أسر .
_ رد أسر وقال :  ليل خد بالك من كلامك هاجر دلوقتي مراتي .
_ ليل وأسماء مع بعض :  نعم .
_ ردت هاجر وقالت : تعالي يا اسماء هفهمك كل حاجه .
_ قلعت اسماء الشنطه والموبايل وادتهم لليل وقالت :  أمسك لحظه وسابتهم من غير ما تسمع رده وخلعت فرده الكوتشي وبصت لهاجر وقالت :  اتجوزتي صح وبتقرب منها .
_ اسماء اهدي هفهمك كل حاجه .
_ دة انا هطين عيشتك وطلعت تجري عليها وهاجر جريت ولفت ورا الطرابيزه وقالت :  هفهمك والله .
_ بقى انا كنت هموت من القلق عليكي ورنيت فوق الالف مره والهانم قافله الموبايل واقال اى اتجوزت…وبيلفوا ورا بعض : 
_هاجر : يا غبيه هفهمك اصبري .
_ انا اروح الفيلا والوليه دي تطردني علشان بطمن عليكي وانتي طلعتي متجوزه .
_ ليل بص لأسر وقال :  مين دي .
_ آسر : مش عارف .
_ اطلب مستشفي المجانين الاتنين دول هربوا من هناك .
_ تعالي ندخل المكتب وسيبهم مع بعض .
_هاجر  : بس بقى يا أسماء تعبت من اللف ورجلي وجعتني اكتر ما هي وجعاني .
_ والله ما هسيبك .
_ لا دة انا علشان ساكته هتشوفي نفسك عليا ولا اي قولتلك اتهدي بدل ما اهدك انا يا بنت البكري .
_ انا أصلاً غلطانه اني جيت سلام .
_ شدت هاجر اسماء من ايديها وقالت :  اتهدي بقى وافهمي .
_ اخلصي قولي .
_ …………………
_بعد ما هاجر حكت كل حاجه لأسماء قالت :  يااااا يعني كل دة حصل .
_هاجر  : تخيلي بقى .
_ حاجه ولا في الخيال انا قرأت قصص وروايات كده وبعدين انتي وهو تحبوا بعض وتعيشوا سوى وتخلفوا صبيان وبنات الله .
_ قربت هاجر منها : واي كمان يا اسماء يخربيت الروايات اللي أثرت عليكي وعلى دماغك فوقي فوقي .
_ جتك قرف بت فصيله .
_ معلش اصل لقيتك بتحلمي قولت افوقك .
_ بقولك اي تعالي نخرج نتغدا بره .
_ البعيده مفيش احساس اقول مش قادره اتحرك تقول نتغدا بره .
_ خلاص جتك قرف .
_ المهم طمنيني عملتي اي في مشروعك .
_ تصدقي كان حته فيديو …….وفضلوا يرغوا كتير .
_ عند أسر وليل في المكتب .
_ اسر : تفتكر مين ليه يد في كده يا ليل .
_ مش عارف يا أسر بس ليه متكنش هي هاجر نفسها اللي عملت كده .
_ وهتفضح نفسها ليه يا ذكي .
_ انت مش قولت ملهاش حد وأنها مش مهتميه بالموضوع ولا فارق معاها .
_ مهو دة اللي مجنني مش عارف بس لو هي عملت كده تفتكر عملت كده ليه .
_ تفتكر كانت صدفه أنها تقابلك في ألمانيا وتقابلك في مصر وتقابلك في اليابان اي مش غريبه انها كلها صدف .
_ نفترض كلامك صح هي هتعمل كل دة ليه .
_ كلهم بيجروا ورا حاجه واحده وهي الفلوس يا أسر .
_ لا معتقدش يا أسر .
_ تقدر تفهمني قبلت ليه كان ممكن تهرب بسهوله .
_ فضل أسر يفكر في كلام ليل وفي صراع جواه وبعد كلام كتير خرج ليل وأسر من المكتب وشاف هاجر وهي بتضحك مع اسماء وقام سلم على أسر ومشي وكمان أسماء سلمت على هاجر ومشيت .
_آسر : هاجر هو انتي مهربتيش ليه مادام انتي تقدري .
_ هاجر : نعم .
☆ ————-
يتبع ……
لقراءة الفصل الثانى والعشرون : اضغط هنا
لقراءة باقى فصول الرواية : اضغط هنا

اترك رد