رواية الخائنة الفصل الخامس 5 بقلم أميرة محمود

دكتور احمد لو سمحت احنا مش بقينا أهل خلاص

احمد ، وانا ايه اللي يخلينا اصدق دموع التماسيح دي

رهف ، ده بجد اللي انت بتقوله ده

احمد ، ايوه بجد أنا مش مصدقك وكمان حاسس ان ابوكي اللي زاقك علينا

رهف ، لحد كده وخلاص شكرا اوي يا يا دكتور

وراحت سيباه وراحت ركبت عربيتها ومشت

احمد لنفسه ، ايه اللي انت عملته ده اهي زعلت بس هي تستاهل لأن فعلا ابوها اللي باعتها تعيش الدور علينا وراح ماشي مروح بيته

/////////////

احمد وصل البيت 

يوسف ، وصلتها يا عم يا بختك

احمد ، يا بختي في ايه 

يوسف ، لا ولا حاجه اصل انت كنت ماشي مع صاروخ ارضي جوى وانت مش حاسس

احمد ، أنا مش شايفها كده

يوسف ، اومال شيفها ايه

احمد ، عاديه جدا

يوسف بصدمه ، انت متأكد انها عاديه جدا 

سها ، وصلتها يا ابني

احمد ، اه رجعتها لعند عربيتها قدام الجامعه ومشيت

سها ، هي معاها عربيه اومال ليه اجت من غيرها

مروه ، اقول أنا واللا تقول انت

احمد ، أنا مرضتش اركب العربيه معاها

سها ، احمد خف شويه من علي البنت انت شادد اوي عليها دي ملهاش ذنب 

احمد ، لا ليها دي بنته يا ماما بنت الراجل اللي ذلنا يا ماما فاهمه اللي ذلنا

محمود ، بس هي ملهاش ذنب يا بني بلاش تاخدها بذنب ابوها

احمد ، بابا انت نسيت الراجل ده عمل فيك ايه

محمود ،. احنا اخوات وحرين مع بعض انتو ملكمش دعوه بحاجه خالص متتعبش قلبي يابني

احمد ، ماشي يا بابا عن اذنكم ودخل اوضته ينام طول ماهو علي السرير نايم مفتح عينيه يفكر فيها

ونفس الوضع عند رهف نايمه تفكر في احمد لحد ما كبس عليهم النوم وناموا

/////////////////////

صباح تاني يوم في الجامعه

رهف ، ازيك يا ايمان

ايمان ، لسه فاكراني اتصل بيكي كل ده ومترديش عليه 

رهف ، متزعليش مني

ايمان ، مالك يا رهف

رهف ، مالي مانا كويسه اهو

ايمان ، لا مش عجباني في ايه مزعلك عالصبح

رهف ، مفيش ياللا ندخل القاعه قبل ما الدكتور يوصل وانتي عارفه دكتور احمد بومه 

ايمان ، طيب يا ستي ياللا 

مروه ، رهف

رهف ، مروه ازيك يا حبيبتي صباح الفل

مروه ، صباح الفل والياسمين والورد علي عيونك ياقمر

رهف ، ايمان دي مروه بنت عمي اخت الدكتور أحمد

ايمان ، اهلا وسهلا 

مروه ، اهلا بيكي ياقمر 

ايمان ، ميرسي ياللا ندخل عشان لو دخلنا بعد اخوكي هيعمل مننا بطاطس محمره

مروه ، هههههههه فعلا ياللا بينا

دخلو البنات المحاضره لحد ما وصل الدكتور وعطالهم المحاضره وخرج بره يستنا اخته ورهف

مروه ،. رهف ياللا نروح احنا مفيش ورانا محاضرات تانيه

رهف ، لا مره تانيه كفايه قضيت امبارح اليوم كله معاكم

ايمان ، هو انتي روحتي امبارح عند عمك عشان كده مرضتيش عليه

مروه ، الصراحه كانت بتاكل والموبايل بيرن أنا عملته صامت عشان تكمل اكل هههههههه

ايمان ، يعني انتي السبب وانا اللي تاهمه صاحبتي انها مش عايزه تكلمني

رهف ، أنا ممكن انسا روحي ومقدرش انساكي انتي يا ايمان

ايمان ، طب هتعملي ايه هتوصليني واللا هتروحي معاهم زي امبارح

رهف ، ه‍

احمد قاطعها ، ياللا يا مروه انتي والانسه رهف هفضل واقف كتير استناكم

رهف ، لا متقفش كتير أنا مش هروح معاك في مكان

احمد ، يعني أنا اللي هموت عليكي تيجي معانا

مروه ، احمد مينفعش كده

احمد ، ياللا يا مروه 

مروه ،. لا مش هروح من غير رهف يا احمد بعد اذنك

رهف ، مش هروح معاكي يا مروه مش هروح كفايه اللي حصل امبارح أنا منمتش طول الليل بسبب للكلام اللي زى السم اللي سمعته

ايمان ، رهف اهدي بس عشان العصبيه غلط عليكي

احمد قلق مره واحده من كلام ايمان فحاول يصلح اللي عمله لأن وش رهف اصفر خالص

احمد ، خلاص يا انسه رهف حقك عليه 

رهف ، لا والله ده بجد

احمد ، اه بجد خلاص بقا 

مروه ، خلاص اهو صالحك والله ماما لو روحنا من غيرك والله هتزعل اوي منك

رهف ، خلاص يا مروه أنا جايه معاكم ياللا بينا بس بشرط يا دكتور احمد

احمد ، نعم 

رهف ، هروح بعربيتي

احمد ، لا

رهف ، خلاص انا هوصل ايمان اروحها واجي أنا ومروه وسيادتك روح لوحدك

مروه ، اه تمام ياللا يا احمد روح انت

احمد ، حسابنا أما تروحي يا مروه سلام

رهف ، سلام يا اخويا سلام

احمد لف وبصلها ورجع بص قدامه ومشي

رهف ، ههههه والله اخوكي ده مجنون يا مروه

احمد ، اخويا ده اعقل واحد في الدنيا بس عنده عزه نفس رهيبه 

رهف ، ربنا يهديله نفسه لأنه فعلا صعب اوي

وراحوا راكبين وصلو ايمان وراحوا شقه الحج محمود

سها ، حمدالله علي السلامه والله وحشاني يا رهف

رهف ، الله يسلمك يارب ازيك انتي يا ماما 

سها ، الحمدلله تمام ادخلوا ياللا وراحت بصه عالسلم الله اومال اخوكي فين يا مروه

مروه ، أنا جايه في عربيه رهف هو جاي مواصلات يعني فاته علي وصول 

سها ، هو مرضاش يركب معاكم 

رهف ، تؤتؤ

سها ، دماغه ناشفه ياللا ربنا يهديه ادخلوا انتو غيروا هدومكم علي ما احضر الغدا ياللا يا حبايبي

رهف ، ماشي يا طنط 

مروه ، انتي تؤمرى واحنا ننفذ يا ست الكل 

سها ، ميؤمرش عليكم ظالم يا حبايبي ياللا 

مروه دخلت تغير هدومها وررهف لمحت باب مفتوح وجوه في الاوضه قطه صغيره رهف فرحت ودخلت جرى ورا القطه لقتها نزلت تحت السرير رهف نزلت وراها تحت السرير تجيبها 

احمد فتح الباب ودخل اوضته يغير هدومه قلع جاكت البدله والجرافيت والقميص فضل بالفانله وجاي لسه بيفك البنطلون سمع تعالي بقا والصوت تحت السرير

رهف مسكت القطه وخارجه من تحت السرير لقت احمد في وشها بالفانله وعضلاته باينه شده انتباهها جامد

احمد ، بتعملي ايه في اوضتي

رهف اتحرجت راحت ناحيه الباب تفتحه

احمد ثبتها عند الباب وفضل باصص في عينيها بصه طويله

رهف دقات قلبها زادت لدرجه انها حاسه انها سمعاها وسرحت في عيون احمد العسليتان

احمد ، مالك

رهف ، مش ملاحظ انك مانع حركتي ومثبتني مش عارفه أخرج

احمد ، مش هسيبك غير أما تقولي كنتي هنا ليه

رهف ، عشان دي وراحت مورياله القطه اللي في أيده 

احمد ، اممم طيب عندك البيت كله اتمشي فيه براحتك تيجي عند اوضتي واستوب معتبيهاش

رهف ، ليه يعني ان شاء الله

احمد ، اهو كده وبطلي تطولي لسانك عليه عشان الخلقه القمر دي مش لايقه علي اللسان ده

رهف ، أنا قمر

احمد ، اممم 

رهف ، بجد

احمد ،. ليه هو انتي محدش قالك كده قبل كده

رهف ، لا قالولي بس كنت محتجاها منك انت

احمد ، ليه

رهف ، مش عارفه بس اهو كده وخلاص ممكن تبعد ايدك بقا عني عايزه أخرج

احمد ، خلاص تمام أخرجي 

رهف جت تخرج راحت لفه وقايلاله ، علي فكره انت كمان قمر وعضلاتك قمر وراحت خارجه جرى

احمد ابتسم ابتسامه خفيفه وراح مكمل تغيير هدومه

مروه ، انتي كنتي فين يا بنتي احنا قلبنا الدنيا عليكي

رهف ، ااا

نص ساعه وهنزل الحلقه الجديده واسفه عالتأخير اشوف التفاعل الجميل ياللا واشوف رايكم بليز في التعليقات وياريت تنشروها في كذه جروب اشهروهالي بليز لأن أنا دي اكتر روايه كتبتها و حبتها