رواية لقيط الفصل السابع 7 بقلم أمل رجب

زين بخوف وبص ل جاسر : فى اى

جاسر : اى يبنى ما تدخل يمكن الكهربة قاطعه انت خايف ولا اى

زين : مانت عارف انى عندى فوبيا من الضلمه ( بتوتر ) تعالى ادخل معايا

جاسر بضحكه : طب تعالى يا ابو فوبيا ( وزقه فجأة سمع صوت صواريخ والنور اتفتح )

زين بخضه : بابا

اسلام بفرحه واخده فى حضنه : كل سنه وانت طيب يا حبيب بابا

زين بفرحه : وانت طيب يا بابا ( وبص حواليه ظهرت عيلته كلها وتورته كبيرة عليها صورته )

نرمين قربت منه وحضنته : كل سنه وانت طيب يا حبيبي

زين : وانتى طيبه يا ماما

( والعيله كلها عيدوه لعيد ميلاده )

زين بفرحه : كل دا عشانى انا 

نرمين بحب : هو انت شويه دانت اول فرحتى وفرحت العيله كلها وابنى حبيبي انا مفرحتش غير لما شوفتك فى حضنى ربنا يخليك ليا يا حبيبي

زين : ويخليكي ليا يا ست الكل ( وبص ل جاسر ) وانت بقى كنت عارف وساكت وانا اقول غريبه يعنى تخرج بلليل 

جاسر بضحكه و بص لاسلام : اعمل اى انا عبد المأمور ودى الخدمه اللى عرفت اقدمها بعد كل العذاب اللى شافوه بسببى وبسببك ( و قدموا هداياهم )

اسلام بص لزين بضحكه : خد يا زين

( زين اخدها وفتحها ظهر موبايل )

اسلام بضحكه : دا السبب في اللى حصل بس دا مش هديتك هديتك هتاخدها منى الصبح ( وقضو سهرتهم فى صباح يوماً جديد )

نرمين بتسأل : هو انت جبت اى ل زين يا حبيبي

اسلام بضحكه : هتعرفى الوقت

نرمين : متقول

اسلام : يا حبيبتي دى هدية زين وانتى والله هتعرفى 

نرمين بزعل:يعنى لو انت قولتلى هيحصل حاجه

(اسلام كان لسه هيتكلم فجأة الموبايل رن)

اسلام : الو

_____________

اسلام : تمام كدا ( وقفل وبص لنرمين ومسك أيدها ) تعالى معايا وانتى تعرفى يلا ( وراحو اوضة زين )

اسلام بهدوء : زين زين حبيبي اصحى بقى

زين فتح عينه بتعب : نعم يا بابا 

اسلام بابتسامة : كل دا اى مشبعتش نوم 

زين : تعبان اوى يا بابا وجسمى كلو مكسر 

اسلام بقلق : طب قوم تعالى معايا

زين بستغراب : فين

اسلام : تعالى نروح للدكتور يكشف عليك 

زين : لا يا بابا انا كويس مش عايز اروح

اسلام : عشان خاطرى

زين : يا بابا ممكن عشان التكيف كان شغال وانت عارف انى بتعب منه

نرمين دخلت عليهم وقربت من زين : مالك يا حبيبي اى اللى تاعبك يا قلب ماما

زين بابتسامة : انا كويس يا ماما

اسلام : خلاص بعد كدا ممنوع التكيف يشتغل وانت نائم ( ومسك أيده ) تعالى معايا

زين بستغراب : فين

اسلام : تعالى بس ( واخده ونزل ) ها اى رأيك

زين : رأيي في اى

اسلام : فى دى ( وشاور على عربيه )

زين بفرحه : اى دا يا بابا انت غيرت عربيتك

نرمين بقلق : هيغيرها ازاى مهى العربية بتاعته قدامك اهى والتانيه متغطيه جنبها ( و بصت لاسلام ) اى دى يا اسلام

اسلام بص ل زين وادله مفتاح : دى عربيتك يا حبيبي

زين بفرحه وحضن باباه : بجد يا بابا يعني دى بتاعتى 

اسلام : اه يا حبيبي كل سنه وانت منور حياتنا ودنيتنا 

( فجأة يوسف نزل . وشافهم وراح عليهم : عربيه مين دى

زين : دى بتاعتى بابا جبهالى هديه عيد ميلادى

يوسف بزعل : اشمعنا يوم عيد ميلادى مجاليش عربيه

اسلام بضحكه : لما تكبر وتتفوق زى زين كدا هجبلك اللى انت عايزه

يوسف بزعل وعند : لا ماليش دعوه انا عايز عربيه زيه ماليش دعوه

اسلام : يوسف اطلع فوق يلا ( وبص لزين وكمل كلامه ) يلا يا حبيبي ( وطلعوا زين دخل يغير هدومه واسلام دخل يغير نرمين دخلت عليه وهو بيغير . وباين عليها الضيق )

اسلام بتسغراب : مالك يا حبيبتي

نرمين بزعل : مفيش حاجه

اسلام : لا فى قولى مالك بقى

نرمين : ممكن افهم جبت ل زين عربيه لى

اسلام بتسغراب : وفيها اى لما اجيب

نرمين بعصبية : فيها كتير افرض لو عمل حادثه اسمع انت يا تجبله سواق يا تاخد منه العربية

اسلام بصدمه : اخدها منه وبعدين زين سواقته حلوه وعاقل

نرمين بدموع : ماليش فيه بقى اعمل اللى انا عايزاه

اسلام بضحكه وقرب منها وهو بيلبس القميص:طب لو عملت كدا زين مش هيزعل ها وبعدين انا مقدرش على زعل زين ولا زعل ام زين ولا اى

نرمين بضحكه وساعدته فى قفل زراير القميص : طب انا خايفه عليه 

اسلام : متخافيش بس تعرفي انا فرحت اوى لما شوفته وهو فرحان بجد انا من غيرهم بحس اني عايش في ضلمه

نرمين بحب : ربنا يخليهم لينا يارب ( و بصت لاسلام ) متخليهوش يسوق غير لما يطلع رخصة وقوله يسوق براحه ماشي يا حبيبي

اسلام : حاضر يا حبيبتي ( و بضحكه ) اى فى فطار ولا افطر مع السكرتيرة

نرمين بعصبية : طب ابقى اعملها كدا

اسلام مسك أيدها و باسها : لا طبعا انا مقدرش على زعلك بس يلا عشان اتأخرت جدا وفى ملفات كتير لازم اراجعها قبل ما اسلمها

نرمين : كل حاجه جاهزه يلا نفطر ( واتجهوا إلى غرفة الطعام )

نرمين بقلق : زين بلاش تسوق انهارده

زين بهدوء : متخافيش يا ماما انا مش هسوق غير لما اطلع رخصة

اسلام بابتسامة : اطمنتى يا ستى ( و قام وقف ) يلا انا خارج ( وبص ل يوسف ) مالك يا حبيبي

يوسف بزعل : مفيش 

زين بضحكه : أصله عايز عربيه يا بابا

نرمين : دا اللى كان ناقص مبقاش الا عيل مفعوص زيك عايز عربيه

اسلام بضحكه : حاضر يا حبيبي هجبلك اللى انت عايزه يلا سلام بقى ( وخرج )

يوسف : انا مش هروح انهارده المدرسة

نرمين : لى

يوسف : كدا ماليش مزاج

نرمين بعصبية : مش بمزاجك يلا اتفضل ( يوسف بصلها بزعل وسابها وقام )

نرمين بصت ل زين : وانت مفيش عندك كليه

زين بضحكه : اي يا ماما مالك مانتى عارفه انى مش بروح انهارده (نرمين بصتله وقامت ) 

تانى يوم عند جاسر و زين فى الكليه

جاسر بضحكه : ايوا بقى موبايل جديد وعربية جديده محدش قدك يا عم 

زين : اي يا عم انت هتقر 

جاسر : من حقى 

زين : طب يلا عشان لسه عن المحاضرة 10 دقائق ( وجه يقوم قعد تانى ) 

جاسر : اى يبنى مالك

زين : مش عارف فى وجع فى معدتى من الصبح

جاسر بقلق : طب فطرت 

زين : اه يلا قوم 

جاسر : طب روح طالما انت تعبان 

زين : لا انا كويس قوم 

( وقامو راحو مع بعض ) 

( بعد مرور عدة أيام )

( عند كاميليا ظهرت نرمين باين عليها القلق وإسلام وأخواته )

نرمين : انا قولتلك يا اسلام بلاش موضوع العربية دا

اسلام بقلق : بس بقى يا نرمين يعنى هيكون مالو 

كارمن : اهدى شويه هو أتأخر نص ساعة بس . وبعدين ممكن كمان عنده محاضرات لسه

نرمين : طب لى موبايله مقفول

اسلام بعصبية : اتفائلى شويه يعنى هيكون حصله اى ( بعد مرور ساعة فجأة الباب اتفتح نرمين بصت نحيته و دموعها نزلت … )