Uncategorized

رواية قارئة الفنجان الفصل الاول 1 بقلم نور شاهين

 رواية قارئة الفنجان الفصل الاول 1 بقلم نور شاهين
رواية قارئة الفنجان الفصل الاول 1 بقلم نور شاهين

رواية قارئة الفنجان الفصل الاول 1 بقلم نور شاهين

القهوة مشروب كل الناس وأعتقد ما فيش حد ما بحبش القهوة 
وحكايتي بدأت من أول فنجان قهوة شربته بحياتي 
كان وقتها عمري 15 سنة تقريباً و قبل ما ابتدي الحكاية
اعرفكم بنفسي 
أنا حلا و زي ما الناس بتقول لكل حد من إسمه نصيب
أنا بقى ليا من اسمي نصيب كبير
أصل ربنا اداني كل حاجة حلوة من جمال بالشكل والكلام 
ومايخركشي من لساني غير كل كلام جميل والحمد لله 
وحكايتي مع القهوة حكاية طويلة وبدأت في يوم كانت ماما
بتشرب قهوتها الصبح و حبيت أعمل زيها واجرب أشرب
وأعرف طعمها إيه وليه ماما بتحبها للدرجة دي 
صبتلي ماما فنجان وهي بتقولي دي طعمها مر مش حلوة زي السكاكر لي بتاكليها طول النهار 
معلش يا ماما عايزة أجرب عشان ابقى اشربها معاكي
و أوانسك 
ضحكت ماما طيب يا حلولا خدي الفنجان واشربيه 
خدت الفنجان من أيدها وشربت شفطة صغيرة 
الله يا ماما دي طعمها حلو و زي العسل إنتي بتقولي عنها مره ليه 
عشان هي مره وأنا بحبها من غير سكر 
بس دي حلوة اوي يا ماما وطعمها يجنن 
ضحكت ماما وقالتلي خلاص لو عجباكي اشربي
وبدأت أشرب بلذة و ما كنتش عايزة الفنجان يخلص ولما حاولت أملاه ماما رفضت وقالتلي إنتي صغيرة على القهوة و فنجان واحد يكفي 
أنا زعلت ساعتها وبدأت أدور القهوة لي باقية فيه وكانت بطلع اشكال جميله 
بصي يا ماما القهوة عاملة إيه جوى الفنجان ده شكله زي الحصان و ده شكله خاتم جميل أوي
هههه بس يا بت إنتي بقيتي بصارة ولا إيه
يعني إيه بصارة يا ماما 
البصارة هي لي بتقرأ الفنجان للناس وتشوف بختهم 
يعني الزاي تقرأه مش فاهمة حاجة 
يعني بتشوف الأشكال لي إنتي شيفاها وبتفسرها بحاجات بتصير مع الناس لي بتقرألهم بختهم 
دي حاجة جميلة جداً وعايزة اتعلمها 
بس دي كلها تخاريف يا حبيبتي وما يعلم بالغيب إلا ربنا 
وكفاية رغي بقا و قومي هاتي القهوة وحصليني على المطبخ عشان نحضر الفطار 
دخلت ماما المطبخ وأنا مسكت الفنجان وبصيت فيه 
فجأة لقيت أشكال بتظهر من بقايا القهوة قربت منه أكتر
شفت شكل أشخاص و كأنهم حاملين صندوق خشب طويل زي ما يكون تابوت 
والغريب إني الأشكال دي بتمشي و بتظهر وراهم بنت شكلها كئيب وحزين 
فركت عينيا بكف أيدي ورجعت بصيت من تاني
الله ده حقيقي و أنا مش بتخيل نديت على ماما 
ماما تعالي بصي
في إيه مالك يا حلا 
بصي جوا الفنجان ده في حجات غريبة 
بصت ماما جوا الفنجان ورجعت بصيتلي وقالتلي
دي بقايا قهوة إيه الغريب فيها 
لأ أنا شفت أشخاص حاملة نعش جواه
ههههه إنتي بتتخيلي ولا بتعملي كده عشان احضر الفطار لوحدي
لا والله أبدا بس أنا شفتهم صدقيني
طب خلاص تعالي ورايا وبلاش شغل الجنان ده
سبتني ورجعت المطبخ تاني وأنا فحالة صدمة عشان كنت متأكدة إني مش بحلم ولا بتخيل 
وبصيت عليه تاني لقيت أحرف بتتشكل جواه 
وبدأت اقربه مني و أقرأ الأحرف بدون تفكير 
وكانت……
يتبع…
لقراءة الفصل الثاني : اضغط هنا
لقراءة باقي فصول الرواية : اضغط هنا

اترك رد