Uncategorized
رواية ظالمي الفصل الثامن 8 بقلم دعاء محمود
رواية ظالمي الفصل الثامن 8 بقلم دعاء محمود
 |
| رواية ظالمي الفصل الثامن 8 بقلم دعاء محمود |
رواية ظالمي الفصل الثامن 8 بقلم دعاء محمود
البقاء لله يا زينه والدتك توفت
مراد خذ البواب ونزل يجيب تصريح الدفن ورن ع اهل شمس وعرفهم
زينه:انتي مسبتنيش صح ماما بطلي هزار وقومي لو سمحت
ببكاء
عارفه انا مالي غيرك فعلا ماليش ف الدنيا غيرك محدش كان مصبرني غير وجودك
ماما انا هبقي لوحدي بجد بعدك مراد اتجوزي شفقه ع حالي وبس وقريب هيطلقني هيبقالي مين غيرك
طب هعيط لمين ها مين هيصدقني ويدعمني يا امي
انا مش زعلانه منك والله مش زعلانه بس ارجعي وانا هعمل اي حاجه تقوليها بس ترجعي
وحضنتها جامد ونامت جمبها
مراد دخل لقي زينه حضنه مامتها ونايمه
مراد :زينه قومي اهلك جم ولازم ندفنها
زينه:محدش هيدفن امي انا ماما كويسه هي هتقوم دلوقتي يا مراد
مراد لقاها ف حاله هستريا من البكاء
خدها ف حضنوا وهي فضلت تعيط بحرقه
ابو شمس:زينه يا بتي جوزك كلامو صح لازم ندفنها
فين ادهم يا بتي
زينه بصريخ:ادهم السبب ف كل حاجه هو اللي قتلها
مراد:زينه والدتك توفت طبيعي مفيش اي حاجه حصلتلها
جد زينه :بتي هتدفن ف بلدها
سافرو كلهم بلد شمس وتمت الدفنه ف وسط رفض زينه ل اي حاجه بتحصل قدامها وكل اللي ف عقلها انو حلم او كابوس سخيف هتقوم منوا
مراد:بعد اذنك هنرجع احنا بقى عشان كليه زينه وشغلي
جد زينه:خلي بالك منها يا ولدي دي يتيمه
مراد:ف عنيا
ورجعوا ع القاهره
زينه:هتطلقني امتي يا مراد
مراد:هو احنا مش متفقين بعد متولدي
زينه:انا عايزه انزل اللي ف بطني ده ومش عاوز حق وله حاجه انا مش طيقه اللي ف بطني وله طايقه نفسي
مراد:ممكن تهدي انا مقدر حالتك بس كده غلط عليكي
مسك ايدها وقال:انا عارف انك مصدومه والحزن كتر ع قلبك بس نحمد ربنا ع كل حاجه
زينه بضعف:حاسه اني اتدغدغت مش اتكسرت بس
لي بيحصل فيا كده يا مراد
ف الاول بابا مات وسابني بس شمس كانت ام واب وصاحبه هي كانت معوضاني
وبعدها لما ادهم قال انو عاوز يتجوزها انا مزعلتش بالعكس كونت عاوزها تعيش حياتها هي اتظلمت كتير
ولما وثقت ف راجل واعتبرتو ابويا
اغتصبني وحملت منوا
بس برود شمس كانت جمبي وصدقتني وكانت سندي
بس هي دلوقتي ماتت وسابتني لوحدي يا مراد هي كانت كل حاجه
واترمت ف حضنوا وفضلت تعيط لحد مصوتها اختفاء
مراد بتوتر وقلبوا بيدق:زينه زينه انتي نمتي
نيمها ع سرير وغطاها كويس واعد جمبها
بيبص ع ملامحها وقد اي هي جميله حتي ف عز الحزن ده كلوا
خرج مراد من الاوضه ونزل عند والدته
سدره:ها يا مراد هي عامله اي
مراد:منهاره يا امي جدا
سدره:ربنا يصبرها يا ابني
مراد:خليكي جمبها يا امي لحد متتخطي اللي هي فيه
سدره:طبعا يا حبيبي قولي صحيح الحمل عامل اي
مراد:تفوق بس وهاخدها العياده اكشف عليها
عامر راح ل شقه شمس عشان يديها فلوس سابها ادهم
عامر:بقولك اي يا عم جمعه هو محدش ف شقه استاذ ادهم
جمعه البواب :لا يا باشا امبارح الست هانم توفت وجم دفنوها
عامر:مين دي
جمعه:مدام شمس
الو يا ادهم
ادهم:اي ياعامر روحت لشمس طمني عليها هي عامله اي
عامر:ماتت
ادهم:مين دي اللي ماتت
عامر:شمس ماتت
ادهم التلفون وقع من ايدو:هي اكيد مامتتش وجري ع اوضتوا طلع صورتها
انتي اكيد معملتيش كده صح انا اسف اسف عارف اني السبب انا والله حبيتك وفضل يعيط كتيرر ويندم ع كل افعالو واتمني لو الزمن رجع ومكنش عمل كل ده
بعد مرور شهر من التعب النفسي اللي زينه كانت بتعاني منوا
مراد:فاضل أسبوع ع امتحانتك
زينه:مش هكمل
مراد:يعني اي مش هتكملي
زينه:هروح الجامعةاذاي بعد الفضيحه اللي اتعملت هناك من اخوك
مراد:انا هوديكي كل يوم واستناكي لحد متخلصي وابقي خلي حذ يقربلك
زينه:مراد انا مذاكرتش اي حاجه الترم ده ومستحيل الحق اذاكر
مراد:ياستي انا هاخد اجازه من شغل واعد اذاكرلك
زينه :تعب عليك خليها السنه الجايه
مراد :ياستي مالكيش دعوه انا حابب التعب
زينه بحب:ربنا يخليك ليا
وعدي الأسبوع ومراد بيذاكرلها وهي مغلباه وقربو من بعض اكتر قدر انو يخليها تتخطي حزنها وسندها
مهو واقع ف عشق عيونها
بس ياستي نامي عشان تصحي صبح فايقه ل امتحانك وصحيح تخلصي امتحان وتيني معاها العيادة عشان اطمن عليكي
زينه:حاضر
مراد :انتي يابت يا كسلان قومي يا خم النوم
زينه:اعاااااااااااا سبني أنام بقى
مراد:يلا عندك امتحان يازينه
طب انتي اللي جبتيه لنفسك
والف عليه مياه
زينه:اعااااا بغرق بغرق الحقوني
كده يا مراد ف حد بيصحي حد كده
مراد:بقالي ساعه بصحكيك يلا البسي عشان نلحق الامتحان
لبست زينه وخدها مراد وراح للكليه
مراد:انزلي
زينه:خايفه
مراد نزل وفتح باب العربية ومسك ايدها ومشي
وصلها لحد قاعه للامتحانات
مراد :راسك لفوق تمم هستناكي لحد متخلص هنا
زينه:حاضر
بعد ساعه ونص
مراد:عملتي اي
زينه:ووشها ف الأرض كان كان كان
مراد :متنطقي
زينه بضحكه:كان سهل أوي أوي كل الاساله آللي قولت عليها جأت
مراد ب ارتياح:وقعتي قلبي
زينه بغمزه:احم لي بقى ها ها والله شكلك بتحبني
مراد برتباك:ها بطلي هبل يلا عشان نروح العيادة
ف العيادة
عمل سونار عشان أشوف بيبي
عمل السونار
زينه:هو كل ده جو بطني يا مراد
مراد:دول توأم
زينه:ممكن أشوفهم قرب منهم اكثر كده
زينه بحزن :شكلهم حلو أوي معقول كل ده بيحصل
مراد :ممكن بلاش عياط
زينه:ذنبهم آي يا مراد يحصل فيهم كده انا هظلم طفلين عشان انانيتي
مراد:انشالله مفيش ظلم وله حاجه
زينه:تفتكر
مراد:طبعا
زياد :انا عاوزك تنفذ اللي هقولك عليه فاهم النهارده زينه تكون عندي ف العنوان ده
شخص:يا استاذ زياد دكتور مراد مبيسبهاش لحظه ده ذي ضلها
زياد:اتصرف يا حيوان امال انا بديك فلوس ليه
شخص:حاضر يا باشا هحاول وقفل
زياد:هجيبك راكعه تحت رجلي يا زينه واحرق قلبوا عليكي
مراد:زينه انا مضطر اخليكي تروحي مع السواق تمم عندي كشف النهارده ومش هعرف اخليكي معايا طول اليوم تعب عليكي
زينه:ماشي مش تتاخر يا مراد طنط مش موجوده ومش بحب اعد لوحدي
مراد:حاضر
روحت زينه وفضلت تلف ف القصر بملل اللي كان مفهوش حد غير الحرس والخدم
لقت اوضه طالع منها نور بسيط
زينه:ياترا الاوضه دي فيها اي
اما اشوف
فتحت زينه الاوضه
لقت راجل كبير اعد وسط صور كتير لبنت
رافت:مين انتي اي دخلك هنا
زينه:انت اللي مين
رافت قرب منها:انتي مرات مراد ابني
زينه:ابنك حضرتك عمو رافت
رافت:ايو المهم اي دخلك هنا محدش قالك ان ممنوع حد يدخل الاوضه دي
زينه:لا محدش قالي ممكن اعد مع حضرتك شويه اصل مفيش حد ف بيت خالص
رافت حاسه ببراتها اللي فكرتو ب بنتو
رافت :تعالي
زينه:بس مش شكلك ابو مراد خالص حضرتك صغير جدا هي بس الدقن اللي مكبراك
رافت ضحك ولاول مره يضحك من وقت موت بنتو لانها دايما كانت تقولوا كده وتتغازل فيه
رافت:يبكاشه
زينه :عارف يا عمو انا افتكرتك اخو مراد الكبير بحاجه قد كده
رافت:هههههههه
وفضلوا يرغو كتير وهي اقنعتو يحلق دقنوا وينزل الجنينه تحت
رافت:تراترا اي رايك
زينه:طب والله الجنينه نورت خالص واي البس الشيك ده لا ده حنا ف خلال ساعتين اتبدلنا خالص يا عمو
طب والله لوله اني متجوز مراد كونت اتجوزتك
وفاجاه لقت قفا نزل عليها
سدره:يا كلبه بتشقطي جوزي
زينه:لا يا طنط خالص
سدره :اش اش اي تغير ده يا رافت وحلقت دقنك ولبست ملون وشرت
واعد تضحكوا
رافت :البركه ف ياسمين وفاجاه خد بالو انو غلط وقال زينه قصدي
يلا اسيبكم انا
زينه:استني بس يا عمو احنا لسه مقعدناش بصوا بقي احنا دلوقتي نتعشاء وبعدها هنعمل فشار ولب ونلعب كوتشينه
وله ملكش فيها يا عمو
رافت:ده انا حريف
وفعلا اتعشوا ف وسط ضحك وفرحت سدره برجوع رافت تاني
وبعدها اعدو يلعبوا كوتشينه
زينه:لا ده حضرتك مستحيل حد يعرف يكسبك ابدا بجد ده سابع دور اخسر فيه
رافت:مانا قولتك يا بنت
زينه:هههههه طيب نكمل بكرا بقي انا هطلع انام
وطلعت زينه
رافت:لحظتي حاجه يا سدره
سدره:شبه ياسمين ف تصرفاتها وروحها الحلوه جدا
انا مبسوطه اوي انك رجعت تضحك وتعد وسطنا
ع فكره زينه حامل يعني قريب هتبقي جد يا راجل يا عجوز
رافت:ده انتي اللي عجزتي وشعرك ابيض حتي بصي
سدره بزعل مصتنع:اخص عليك يا رافت بقي كده
رافت خدها ف حضنوا:انتي لسه ف عيني البنت الصغيره اللي حبتها وخلفت منها تلات عيال
سدره:انا مبسوطه اوي انك رجعت من تاني
مراد:احييييه خيانه امس وابويا ااااه يا قلبي
بتعمل اي يا رافت يا عسل واي ده اي ده لبس ومتشيك وحلقت دقنك وبتحضن امي
سدره بخجل:اتلم ياواد عيب
رافت:مراتي واحضنها براحتي يا جدع ليك حاجه عندي
مراد:ههههه ال قولي اي سر التغير ده اخيرا
رافت:البركه ف زينه
مراد :مالها زينه
حكولوا ع اللي عملتوا كلوا
مراد:المفعوصه دي ترجع رافت الضوء يضحك وانا وماما وزياد نفشل
رافت:ميجبها اللي صغارها
عند زينه خدت دوش وخرجت لبست وكانت بتنشف شعرها لقت ايد اتحططت ع رقبتها وف سكينه
شخص:لو اتحركتي او صوتك طلع هتموتي بهدوا كده تنزلي معايا ياما قولي ع نفسك يا رحمان يا رحيم
زينه بعياط:حاضر حاضر
يلا انزلي معايا
وخدها ف طريق عند باب الخدم
وفاجاه لقا حد خبطوا ع راسوا
بصت زينه:لقت مراد جريت عليه حضنتوا
زينه:كان هيقتلني اعاااااا
مراد :تعالو خدو الكلب ده ع مخزن وانا جيالو فوقو لحد ماجي
مراد:اهدي اهدي انا جنبك
وشالها طلعها اوضتها
اهدي تمم
زينه :مين ده مين انا ليه بيحصل فيا كده ليه
مراد فضل يطبطب عليها لحد منامت
رن ع مامتو
مراد:خليكي جمبها يا امي عشان الحمل تاعبها ممكن
سدره:حاضر يا حبيبي
مراد:انت مين بعتك
شخص:محدش
مراد:اقسم بالله لو نطقت لتكون مين أنت دخلت سرابه مراد الضوء عشان تخطب مراته عارف عقابك هيكون آي
الموت
شخص بخوف:يا باشا أنا عب المأمور والله مقدرش انطق
مراد ضرب طلقه من مسدس اللي ف ايدو جات ف رجلو
شخص:اااااه
مراد:التانيه ف قلبك
شخص:زياد بيه اخوك
مراد :انت بتقول اي يا حيوان
شخص:والله لعظيم زياد بيه اخوك ادالي 50الف وقالي اجيب مدام زينه عندو ف شاليه المعموره
مراد:عالجو وارمي براء وعلموا عليه علامه حلوه
خرج مراد من السرايا ف طريقوا لزياد
زياد:انت اي اللي جابك
مراد:عايز اتكلم معاك ممكن
زياد سابو ومشي
دخل مراد وقفل الباب
مراد:اول حاجه ضربت مراتي قدام عيني وتانيه حاجه فضحتها ف الجامعه وتالت حاجه بعت واحد يخطفها
زياد :انا مبعتش حد
مراد :الزبالة اللي بعتو مسكناه واعتراف
انا عاوز اعرف بتعمل كده ليه
زياد :عشان بحبها وانت كالعاده اي حاجه احبها بتاخدها مني من واحنا صغيرين طماع
حتي البنت الوحيده اللي حبتها بجد حامل منك واتجوزتها
مراد:انا طماع يلا زياد ده انا بعتبرك ابني من صغرك انت مش فاهم حاجه يا زياد وزينه انت عمرك محبتها لو كونت حبتها بجد مكونتش هتعمل كده فيها ومتصدقهاش
اعد يا زياد هحكيلك كل حاجه
وحكي مراد ل زياد القصه كلها
زياد: افرض كلامك صح وانك فعلا هي قالتك كده وانت بتقف جنبها انت اذاي مصدق انها مش كدابه
مراد:شوفت انك عمرك محبتها
زينه مش كدابه يا زياد زينه ضحيه ذي ياسمين اختك
انا بحاول انقذها واخد حقها افهم بقي انا مش هستحمل ان نهايتها تكون موت ذي ياسمين
زياد:حس انو غلط وبدا يفهم كلام مراد اعد وحط ايدو بين راسوا
مراد :فهمت بقي انك ضيعتها من ايدك
زياد:يعني انت وهي جوزكم وهمي وانت فعلا عاوز تجيب حقها
مراد:طبعا
زياد:مبتحبهاش
مراد ب ارتباك :لا مبحبهاش
زياد :تمم انا عاوزك تساعدني اعتزرلها
مراد:حاضر
زياد:وحاجه كمان بعد متولد وتثبت كلام ده هطلقها قانونا وانا هتجوزها