Uncategorized
رواية العشق لا يعرف وطن الفصل الثالث والعشرون 23 بقلم أية إنسان
رواية العشق لا يعرف وطن الفصل الثالث والعشرون 23 بقلم أية إنسان
 |
| رواية العشق لا يعرف وطن الفصل الثالث والعشرون 23 بقلم أية إنسان |
رواية العشق لا يعرف وطن الفصل الثالث والعشرون 23 بقلم أية إنسان
_ دخلت ميرا الكليه وراحت عند جيسيكا صاحبتها وقالت : عاوزه اتكلم معاكي شويه .
_ استأذنت جيسيكا من صحابها وقامت مع ميرا وقالت : خير يا ميرا مالك وشك عامل كده ليه .
_ جيسيكا انا مش عارفه اعمل اي وانا كده هنتهي .
_ تؤ تؤ تؤ ازعل منك ليه تقولي كده وانا موجوده حصل اي .
_ مصطفى رحت ليه وقالي أنه ………. وحكت ميرا كل حاجه ليها .
_ طب وفيها اي يا ميرا .
_ انتي مجنونه يا جيسيكا ولا اي .
_ ولا مجنونه ولا حاجه كل الحكايه اني شيفاكي تعبانه ومش زي الاول وعاوزه اساعدك اسمعي مني اطلبي منه انكوا تتجوزوا ووقتها مش هيبقى في اي مشكله .
_ يا سلام وهو هيوافق اننا نتجوز .
_ هيوفق ما دام محدش هيعرف يبقى هيوافق .
_ محدش هيعرف ازاي يا جيسيكا مش بتقولي جواز .
_ انا اقصد جواز في السر يا ميرا .
_ لا لا انتي بتقولي اي مستحيل .
_ اسمعي مني دلوقتي انتي اللي محتاجه ليه وانتي اللي بإيدك تخليه يحبك وبعد فتره تطلبي منه يتجوزك رسمي وطبعاً في الفتره دي هيكون اتعلق بيكي ومش هيقدر يبعد عنك .
_ يا سلام وانتي جبتي الثقه دي كلها منين بقى أنه هيطلب يتجوزني رسمي .
_ ابتسمت جيسيكا بخبث : تؤ تؤ دة انتي ميرا العامري انتي مش عارفه قيمة نفسك ولا اي دة انتي شباب الجامعه هيموتوا على كلمه منك مش هتعرفي توقعي مصطفى بقى بنت عمك دي تعرف تعمل كده وانتي لا وحشه منك اوي يا ميرا .
_ فكرت ميرا شويه وبعدين قالت: لا لا يا جيسي مش هقدر .
_ يا عبيطة انا عاوزه مصلحتك هو أنا هستفاد اي من كل دة ولا اي حاجه فكري بس كويس وهو مين أصلاً هيعرف ثم بصي حواليكي شايفه البنات هتلاقي كل دول متجوزين من ورا اهلهم وعايشين حياتهم يا ميرا .
_ يا سلام وانتي بقى عامله زيهم يا جيسي .
_ هههههه علشان صحبتي حبيبتي هقولك بصراحه اه اصل انا بحب ادلع نفسي وابسطها يا ميرا .
_ ومش خايفه اهلك يعرفوا .
_ ههههه لا دة كل واحد في العالم بتاعه محدش فاضي لحد فكك مني انا وفكري في كلامي كويس يا ميرا .
☆ ————— بقلم الكاتبة/ آية إنسان —————☆
_ نزلت هاجر المطعم ودخلت تستني اسماء وبعد شويه دخلت اسماء وقالت : اي يا هاجر برن عليكي الفون مقفول .
_هاجر: معلش يا اسماء وقع في الميه المهم عملتي اي وصلتي لاي في مشروعك .
_ انا شايفه عليه إقبال كويس وبفكر ………. وفضلوا يتكلموا كتير .
_ عارفه مين هيساعدك في الحوار دة يا اسماء .
_ مين .
_ احمد العجمي اللي في الجريده اكيد يعرف حد من المذيعين أو المشاهير ممكن يكلملك حد منهم .
_ بس انتي عارفه مليش كلام معاه وهو اغلب الوقت مش موجود .
_ قومي بينا طيب نروح الجريده .
_ دلوقتي .
_ قومي يا بت اخلصي .
_ طلعت اسماء وهاجر على الجريده وأول ما دخلت شافت الكل بيبص ليها نظرات مش كويسه لكن هى مش فاهمه في اي .
_هاجر : مالهم دول بيبصوا عليا كده ليه .
_اسماء : مش عارفه يا هاجر بس متخديش في بالك يلا بينا نسأل عليه .
_ دخلت هاجر عند دينا قسم الموضه والجمال وقالت : احمد فين يا دينا .
_ ولكن مفيش رد .
_ الله بكلمك ردي عليا .
_دينا : بقولك اي أنا لا عاوزه اكلمك ولا تكلميني .
_ في اي يا بنتي .
_ بصراحه انا اخاف على سمعتي متقفيش معايا بعد إذنك امشي من هنا .
_ ردت اسماء وقالت : مالك يا حلوه اهدي على نفسك دة السمعه هي اللي تخاف على سيرتها منك يلا يا هاجر نمشي .
_ لحظه يا اسماء لحظه وقفت هاجر وسط المكتب وقالت : في اي بقى مالكم كلكم النهارده .
_ رد واحد وقال : يا بجاحتك يا شيخه جايه هنا تنيلي اي مش كفايه بقى ولا هما اللي اختشوا ماتوا .
_ واحده تانيه : بصراحه مش عارفه سمحوا ليكي تدخلي ازاي بعد سمعتك اللي زي الزفت دي حتي دي جريده محترمه .
_ واحد تاني : طب ما انتي حلوه اهو ومقضياها مركبه الوش الخشب علينا ليه بقى .
_ ردت اسماء : ما كل واحد يحط لسانه في بقه اي القرف اللي انتو بتقولوه دة .
_ طبعاً مش ماشيه معاها تلاقيكي زيها صحيح واحده كل أسبوع في بلد شكل هنتوقع منها اي حاجه تكسف .
_ دخلت مدير الجريده وقال : خلاص كل واحد ساب شغله وقلبناها سوق مش كده كل واحد يرجع على شغله يلا وانتي يا هاجر شغل ليكي هنا تاني مفيش عاوزه تقابلي حد من هنا يبقى بره المكان دة محترم واظن بعد اللي اتنشر عنك مش هقدر ادخلك هنا تاني فياريت تخرجي من غير شوشره وسابها وخرج .
_ هاجر واقفه مش عارفه ولا فاهمه اي حاجه هي عملت اي لكل دة انا حاسه ان الدنيا بتضيق عليا والنفس بيقل زي اللي روحوا بتطلع ولكن مسكت اسماء إيديها وقالت : يلا نمشي من هنا يا هاجر انا أسفه اني خليتك تيجي هنا .
_ خرجت هاجر بره الجريده وشافت نظرات الناس كلها كره وسواد ولكن زعقت وقالت : انتوا بتبصوا ليه كده ليه انا عملت اي لكل دة .
_ رد واحد وقال : كمان مش عارفه عملتي اي يا بجاحتك صحيح اكيد ملكيش أهل عرفوا يربوكي علشان لو اتربيتي مكنتيش عملتي القرف دة سوأتي سمعت البنات اللي زيك روحي ربنا لا يسامحك يا شيخه .
_ حطت هاجر أيديها على ودنها وقالت : بس بس كفاية كفاية وبعدين اترمت في وشها صورها هي وأسر وحد قال : اتفرجي علشان تعرفي عملتي اي شوفي قلة ادبك .
_ في الوقت دة كان بوكس جامد في وش الراجل اللي بيتكلم من أسر .
_ آسر : لما تتكلم على مرات أسر السمري تتكلم عدل بدل ما اقطعلك لسانك انا مش هرد عليكم دلوقتي بس كل واحد قال في حقها كلمه هعرفه مقامه ومسك ايد هاجر وسط الكل وركبها العربيه ومشي بيها وهو في كامل عصبيته وبعد شويه طلع على مكان فاضي ونزل شدها من دراعها وخرجها من العربيه وقال : عجبك اللي حصل حلوه الفضائح دي قولتلك متخرجيش من الزفت الفيلا ومتروحيش لا شغل ولا قرف بس ازاي مش شايفه غير نفسك وبس انتي مبتسمعيش الكلام ليه اهو روحتي هناك وسمعتي كلامهم عرفتي بيتقال عنك اي ارتاحتي يا هاجر ردي علياااا .
_ ولكن هو بيكلم مين هي شبه ميته و في الوقت دة وقعت فاقده الوعي فشالها بخوف وحطها في العربيه وطلع بيها علي شقه كان مشتريها علشان يتجوز فيها هو وساره وطلعها نيمها على السرير وقعد جنبها يكلمها : ليه عملتي كده مكنتش عاوزك تواجهي كل دول لوحدك مكنتش عاوزك تتوجعي مش مانعك من حاجه إلا أني عارف انها هتوجعك قوتك اللي بتباني بيها للعالم انا شايف ضعفها وخوفها ليه كده وقام جاب ريحه وفوقها وهي فاقت وبصت ليه وقامت وقفت علشان تمشي مسك ايديها وقال : راحه فين .
_ ابعد عني يا اخي بقى انا مش عاوزه اكمل في اللعبه دي .
_ هاجر اهدي انا معاكي .
_ فضلت تزعق وتقول : وانا مش عاوزه حد معايا يا اخي سيبني وامشي اطلع بره اطلع برااااا .
_ قرب منها أسر وشدها لحضنه وضمها جامد وهي فضلت تصرخ وتقول : ابعد عني ابعد عنيييييي وفضلت تصرخ كتير ولكن هو عامل حصار عليها ومش عاوزها تخرج من حضنه لحد ما حضنته جامد وفضلت تعيط وتقوله : سيبني وامشي فضل واخدها في حضنه لحد ما حس أن كل شحنه الغضب اللي جواها خلصت وخرجها من حضنه وقالها : حقك على قلبي انا آسف وباسها من دماغها وخدها و قعدها على السرير وقلعها الكوتشي وهي لسه بتعيط ومش حاسه بأي حاجه ولا سامعه اي حاجه غير كلام الناس فقرب منها وشدها لحضنه وقالها : عيطي يا هاجر وخرجي كل اللي جواكي وكأنها ما صدقت وعيطت جامد من وقت ما ابوها مات وهي معيطتش كده بس من الواضح أن قدرتها على التحمل خلصت فكل ما تزيد في العياط كل لما يشدها لحضنه اكتر وبعد شويه وقت حس بهدوءها فعرف أنها نامت وهي مستخبيه فيه كلم نفسه وقال : أنا اسف هجيب ليكي حقك من كل دول وهخلي كل واحد يحط لسانه في بوقه وباس رأسها وضمها ليه ونام براحه غريبه اول مره يحط رأسه على المخده وينام من غير صراع تفكير .
☆ ————— بقلم الكاتبة/ آية إنسان ————– ☆
_ فضلت أسماء تحاول تكلم هاجر بس مش عارفه فكررت تروح الفيلا ليها .
☆ ————— بقلم الكاتبة/ آية إنسان —————☆
_ ليل : عمرو ممكن افهم انت نزلت صور أسر وهاجر ليه دلوقتي انت قولت انك مش هتنشر الصور وأنك بس هتعرف اهلهم بس ليه عملت كده .
_عمرو : انا حر يا ليل اعمل اللي اعمله في الوقت اللي انا عاوزه .
_ بس دة مكنش اتفاقنا .
_ لا دة اتفاقنا انك تساعدني من غير كلام كتير .
_ عمرو انا مقدر حالتك وظروفك بس انت كده بتيجي على هاجر مع أسر مهما كان دي ملهاش ذنب .
_ واختي مكنش ليها ذنب وامي مكنش ليها ذنب وانا مكنش ليا ذنب ثم هي اللي حظها وحش ودخلت اللعبه بمزاجها كان ممكن تهرب بس معملتش كده مش ذنبي أنها غبيه .
_ بس يا عمرو …..
_ الموضوع منتهي يا ليل .
_ انا ماشي وخرج ليل من عند عمرو وبيحاول يكلم أسر بس الفون مقفول فقرر يروح ليه الفيلا .
☆ —————- بقلم الكاتبة/ آية إنسان ————–☆
في فيلا العامري :
_ ميرا عماله تفكر في كلام جيسيكا وهل فعلا دة صح وقامت وقفت قدام المرايا تبص على شكلها قد اي هي جميله وشيك والف شاب عاوز بس يكلمها وفاجأة خطرت صوره هاجر في بالها ودة عصبها جداً وقامت خرجت بره الفيلا تتمشي .
☆ ————— بقلم الكاتبة/ آية إنسان —————☆
_ وصلت أسماء في دخول ليل الفيلا :
_ اسماء : انت .
_ليل : انتي … هو انتي مرقباني ولا اي يا بت انتي .
_ ما تحترم نفسك يا جدع انت هراقبك ليه من جمالك اوي .
_ اللهم طولك يا روح يا بت مش عاوز امد ايدي عليكي .
_ لا وانت تقدر اوي .
_ خرج حسين من الفيلا وقال : في اي بتتخانقوا ليه انتو الاتنين .
_ اسماء : معلش هو حضرتك مين .
_حسين : والله انا اللي مفروض أسألك السؤال دة يا انسه .
_ انا اسماء صاحبه هاجر هي جوه .
_ لا مش جوه خرجت من الصبح ومجتش .
_ليل : طيب يا راجل يا طيب أسر جوه ولا لأ .
_ لا يا ابني هو كمان خرج ومرجعش .
_ اسماء : يعني اي دة ماشي هو وهاجر من ٣ ساعات .
_ بص ليها ليل وقال : هو انتي شفتيهم .
_ اه شفتهم لما … وسكتت اسماء وقالت : انا همشي ومشيت شويه ووقفها ليل وقال : استني هنا انتي شفتيهم فين .
_ وانت مالك .
_ اتكلمي عدل يا انسه انا بدور على صاحبي مش بحكي معاكي على الفاضي .
_ قالت اسماء بصوت حزين : انا كمان بدور على صاحبتي وكملت بشراسه : انا متأكده أنه كله من أسر دة هو السبب في كل المصائب اللي هي فيها دي .
_ وانا صاحبي ماله بقى .
_ هو اللي اكيد نشر الصور دي عنها واجبرها تتجوزه علشان يذلها .
_ وليه متكنش هي اللي نزلت الصور علشان تخليه يتجوزها وتاخد فلوسه أسر دكتور كبير وعنده فلوس كتير واي واحده في العالم تتمناه .
_ هو دة تفكير الناس المريضه اللي زيك فاكر ان كل حاجه فلوس فلوس فلوس نسيت أن الفلوس وسيله مش غايه اهم حاجات في الحياه مش هتقدر تجيبها بالفلوس مفيش بنت طبيعيه تقبل تدمر مستقبلها وسمعتها وحياتها علشان الفلوس هاجر مستحيل تعمل كده انا متأكده صحيح معرفهاش من كتير بس قلبي بيقولي أنها غير كل دول مفيش ليها حقد ولا كره لحد بس الدنيا اللي دايما واقفه عكسها وكأن الدنيا دي مفيهاش غيرها علشان تركز معاها انت مش هتفهم انا بقول اي علشان كده الكلام معاك ملهوش فايده وسابته ومشيت .
_ وقف ليل وفكر في كلامها : معقوله لسه في حد بيدافع عن حد كده الناس كلها قالت انها مش كويسه حتي أهلها وكمان أسر بيشك فيها وصاحبتها اللي مصدقاها ولا يمكن متفقين مع بعض مهي لما تاخد الفلوس صاحبتها هتاخد معاها بس صوت جواه بيقوله : انت هتكذب الكذبه وتصدقها ولا اي يا ليل مش انت اللي صورت الصور وانت اللي ودتهم لعمرو وانت اللي خليت أسر يشك فيها وبعدين يا ليل ناوي تعمل اي .
☆ ————— بقلم الكاتبة/ آية إنسان ————– ☆
في فيلا مختار :
_ فريده بتقول بحزن : طنط سلوى هو إياد فين من وقت ما عز مات وانا مش بشوفه على طول في اوضه عز انا محتاجه ليه جنبي اوي حاولت أكلمه كتير بس مش قابل يسمعني .
_ سلوى : مش عارفه يا بنتي والله كل يوم يرجع متأخر ويمشي بدري ومحدش عارف بيروح فين ولا بيجي منين حتي الشركه مش بيروحها .
_ في الوقت دة دخل إياد الفيلا وطلع الاوضه بتاعته هو وفريدة .
_ سلوى : اطلعي يا بنتي وراه يمكن يقبل يتكلم .
_ طلعت فريده فوق وشافت إياد بيلم هدومه .
_فريدة : انت رايح فين .
_ اياد : ماشي .
_ اياد لو سمحت متمشيش خليك جنبي محتاجه ليك اوي .
_ وانتي كنتي فين وابني محتاج ليكي كنتي فين وهو بيموت كنتي فين ردي علياااا .
_ فريده بدموع : انا آسفة والله انا مكنتش اقصد صدقني يا إياد .
_ اسفك دة هيعوض ابني هيرجعه تاني !!
_ تعالي ننسي اللي فات ونبدأ من جديد .
_ انا فعلاً هنسى اللي فات واللي كان مخليني اكمل معاكي راح وانا همشي من هنا هدور على قلبي اللي مات وقت ما سبتها هرجعها ليا أما انتي ورقتك هتوصلك على بيت أهلك يا فريده ومش عاوز اشوف وشك تاني في حياتي انتي طالق وسابها ومشي وهي وقعت منهارة على الأرض .
☆ ————— بقلم الكاتبة/ آية إنسان —————☆
_ ميرا قاعده في كافيه وسرحانه .
_ بنوته معدية قالت لميرا : والنبي يا ست هانم اي حاجه اكلها احسن جعانة ومسكتها من هدومها وقالت : اي حاجه والنبي جعانة اوي .
_ ميرا : يعععع اي القرف دة امشي يا بت انتي من وشي أشكال تقرف معرفش بيدخلوكوا هنا ازاي وقامت مشيت والبت اللي كانت بتطلب منها مساعده فضلت تعيط .
☆ ————— بقلم الكاتبة/ آية إنسان —————☆
جيسيكا في الفون :
_ اي يا حبيبي عامل اي .
_مصطفى: انا زي الفل انتي عملتي اي طمنيني .
_ ههههه عيب عليك عملت ليها غسيل مخ معتبر بكره هتلاقيها عندك لما الوجع يشتد عليها متقلقش .
_ احبك وانت فاهمني .
_ ههههه طبعاً يا حبيبي بس قولي ناوي معاها على اي .
_ ضحك مصطفي بخبث وقال : على كل خير يا حبيبتي انا بس هعمل ………
☆ ————-