Uncategorized
رواية الاعمى الفصل الحادى عشر 11 بقلم ليلة عادل
رواية الاعمى الفصل الحادى عشر 11 بقلم ليلة عادل
 |
| رواية الاعمى الفصل الحادى عشر 11 بقلم ليلة عادل |
رواية الاعمى الفصل الحادى عشر 11 بقلم ليلة عادل
شقه اميره 4م
اميرة تجلس مع اختها ووالدتها فى الرسبشن يشاهدو التلفزيون واميرة تكتب فى مذكرتها
ياسمين … بسخريه ماما مش ملاحظه حاجه هههههه
الام … والله يا سمسمه انا بستعجب هههههههه ميرو
اميرة … نعم
الام … بخبث … يا حبيبتى مش بتروحى عند مروان ولا المركز ولا حتى النادى
اميرة … اصل مروان مسافر بيعمل فحوصات
ياسمين … طيب مش بتروحى النادى ليه ولا بتنزلى تخرجى مع اصحابك وعلى طول قعده معانا تتحسدى
اميرة … هو فى ايه ههههه مالكم
الام … ولا حاجه بس فكرة الهروب دى مش حل
اميرة … هروب هروب من ايه
الام … انا عارفه بقا انا هدخل احضر الغدا
اميرة … مالك انتى كمان بتبصى كدا ليه
ياسمين … شكله بعد بوق الحب بتاعك طردك
اميرة … انتى قراتى مذكراتى تانى
ياسمين … بصراحه اه كنت حبه اعرف التغير ده سببه ايه
اميرة … لا ياختى بالعكس بس انا فعلا كنت محتاجه ارتاح كمان بابا لما رجعت استلمنى قالى متروحيش هناك و حوار كدا
ياسمين … بس الرحله دى من اكتر من 4شهور انتى هتمثلى بقولك انا هنزل النادى تعالى معايا
اميرة … لا
ياسمين … ونبى يلا مش عايزه اروح لوحدى
اميرة … طب بعد الغدا
نادى المعادى 5م
منير ومروان يجلسون على احد الترابيزات
منير … ايه يا مارو بقلنا اربع ايام بنيجى
مروان … (بنرفزه ) لا اله الا الله يعنى لما اقعد فى البيت ومخرجش تزعلو اخرج تزعلو
منير … لا ياعم بس نغير المكان مش كل يوم يعنى ناجى النادى المهم هى اميرة لسه مختفيه
مروان … امممم
منير … غريبه انا كلمت حمزة بس بردو ميعرفش عنها حاجه
مروان … الغايب حجته معه
فجاه تظهر اميرة مع اختها وهى تسير لكن يراها منير
منير … اميرة
مروان … ايه
منير … لاء اميرة هناك اهى …(ينادي عليها ) اميرة اميرة
ياسمين … (تنظر جنبها ثم تشاور بايدها ) الراجل اللى هناك ده بينادي عليكى
اميرة … (تنظر ) اه ده استاذ منير مع مروان ينهار اعمل ايه
(تذهب اميرة الى الترابيزه)
منيرة … ايه يا مرمر عاش من شافك كل ده 12 يوم
اميرة … ازيك يا استاذ منير ازيك يا دكتور
مروان … الحمد الله..
ياسمين … ازيك يا دكتور انا ياسمين اخت اميرة الصغيرة
مروان … الحمد الله انتى عامله ايه
ياسمين … تمام …( بصوت منخفض )… ده طلع مز اوى يا بت على الحقيقه احلى , لا ليكى حق تموتى فيه
اميره … بس
منير … مكنتيش بتجى ليه
اميرة … اصل ماما كانت عيانه كنت قاعده معاها صح ياسمسم (تغمز لها
ياسمين … اه اه تعبانه اوى
مروان … لا الف سلامه.عليها هى دلوقتى بقت احسن
اميره … اه الحمد الله
مروان … منير ممكن تسبنى انا واميرة لوحدنا
منير … اه طبعا يا حبيبى
مروان …. ما تبعدش بس
ياسمين … طب مرمر انا هروح اشوف العيال لما تخلصى تعالى
اميرة … (تجلس دون ان تتحدث بعد دقايق ) ها هتفضل ساكت
مروان … مستنى تقولى مكنتيش بتيجى ليه وتليفونك كان مغلق ليه
اميرة … منا قولتك ماما تعبانه و تليفونى باظ (قبل ان تكمل كلامها)
مروان … محبش اسمعك وانتى بتكدبى
اميرة … صدقنى دى الحقيقه
مروان … هترجعى امتى مش ماما بقت كويسه
اميرة … اه بس بردو لسه هو بس عشان بابا فى البيت هو و كريم نزلنا شويه الفتره اللى فاتت كلها كانت مستشفيات قولت اغير جو
مروان … امممم هو انتى اخر مرة لما كنتى عندى شفتى حاجه.. قصدى حصل ايه ضايقك
اميره …(توتر) لا ماشفتش حاجه جتلى المكالمه وجريت حتى البن وقع منى هو و التليفون عشان كدا باظ
مروان … ها بس مش غريبه ان هادى وماجى محسوش بيكى لانك اكيد عديتى عليهم
اميرة … كان بيشوفوا فيلم
مروان … واضح انه حلو اوى واخد كل تركزهم
اميرة … اكيد
مروان … هترجعى امتى طيب
اميرة … اول ما ماما تكون كويسه
مروان … انتى مصره تكدبى
اميرة … انت ليه شاكك انى بكدب هكدب ليه اصلا
مروان … انا مش شاكك انا متاكد ..اميرة انا للاسف معرفش ايه اللى حصل معاكى ولا شفتى ايه هناك ضايقك ومخليكى مش عايزه تدخلى البيت تانى وكمان مش قادره توجهينى
اميرة … صدقنى انا … (تصمت قليلا ) … محصلش معايا حاجه فعلا ماما تعبانه وبابا مضايق من وجودى عندك كل يوم معلش انا كان نفسى اقعد معاك اكتر بس لازم امشى اتاخرت عن اذنك
(تقوم تقف هى لسه هتمشى ينده عليها مروان)
مروان … اميرة … لو قولتك انك وحشتينى وافتقدك .و انى محتاجك الفتره دى ماتبعديش عنى بردو هتقولى ماما تعبانه
اميرة …(تبكى وتجلس مره اخرى ) … انت كمان والله وحشتنى اوى لو انت مفتقدنى قيراط انا 100 بس
مروان … بس ايه
اميره …(تصمت قليل) … ولا حاجه بكره هكون عندك بس ممكن طلب
مروان … اكيد
اميره … كل حاجه محتاجها تخلى كيلا تجبها انا مش هطلع من المكتب غير وانا مروحه بس ممكن
مروان .. والسبب
اميره .. من غير سبب هو كدا ممكن
مروان … موافق
وبلفعل ترجع اميرة للذهاب الى فيلا مروان مره اخرى
فيلا مروان 8 ص
اميره تدخل من الباب ماسكه بوكيه ورد وهادى نازل على السلم
هادى … يا مسكر وحشتينى كل ده كنتى فين
اميرة … مشغوله واسمى اميرة اتمنى متعديش حدودك بعد اذنك
يقف هادى مستعجب من تغير اميرة معه لكن مروان كان يستمع اليهم من غرفه المكتب تدخل اميره داخل مكتب مروان
اميرة … صباح الفل وياسمين يا روحى وحشتنى
مروان … هههههه وحشنى جنانك
اميرة … بس
مروان … ايوا بس
اميره … زعلت
مروان … بس غريبه
اميرة … هى ايه
مروان … طريقتك مع هادى
اميرة … ايه الغريب فيها كل واحد لازم يعرف حدوده سمعت كلامك
مروان … برافو
اميره … اتفضل (تديلو بوكيه الورد)
مروان … حلوى اوى
اميره … بس انت احلى منه
مروان … يلا نبدء الشغل ورانا حاجات كتير
اميره .. يلا
شقه ماجى القديمه 9م
ماجي وهادى نايمين على السرير تقبله لكن هو لا يبدلها شئ ثم يقوم من على السرير ويقف امام الشباك يدخن سجاير ثم تذهب خلفه ماجى وتحضنه من الخلف
ماجى … مالك النهارده فى ايه
هادى … مالى يعنى
ماجى … معرفش متغير
هادى .. انا كويس
ماجى .. (نظرات دلع)انا ماوحشتكش ولاه يه
هادى .. انا هلبس وامشى بقولك انا مش هاجى الفيلا النهارده
( يتركها ويرحل ماجى نظرات حقد وكره )
داخلى فيلا مروان 6 م
داخل مكتب مروان – مروان يشرب القهوه واميره تكتب على الاب توب الخاص بها ثم تقفله وتنظر الى مروان)
اميرة … مارو
مروان … نعم
اميرة … انا عيد ميلادى بكره هتاجى
مروان … كل سنه وانتى طيبه ها هتعقلى ولا
اميرة … طب بزمتك مش جنانى ده احلى حاجه فيا
مروان … بصراحه اه
اميرة … يبقى اعقل ليه
مروان … ههههه اقنعتينى
اميره … طب انت بتحب اميرة القديمه اكتر ولا الجديده
مروان … لولا اميرة القديمه موجوده مكنش اميرة بتعت دلوقتى قعده معايا ووصلت للمرحله دى
اميرة … بحبك
مروان … (بابتسامه ) كملى يلا بلاش دلع
شقه اميره 8 م
مظاهر احتفاليه بالونات اغانى حركه من الاصدقاء والاب والام واخواتها واقربائها ثم يدخل مروان معه منير تقوم باستقباله والدتها
الام … اهلا اهلا يا دكتور شرفتنا
مروان … ميرسى
الام … لا بس انت طلعت احلى من الشاشه واصغر انا مدكش اكتر من 35 على بعض
مروان … ميرسى كلك زوق
الام … اتفضلو ..يا خالد تعال سلم على دكتور مروان
الاب … اهلا واسهلا ازيك يا دكتور
مروان … الحمد الله حضرتك عامل ايه
الاب … الحمد الله اتفضلو البيت بيتكم
مروان … ميرسى
(تدخل اميرة وهى ترتدى فستان جميل طويل وشكلها جميل جدا تضع القليل من المكياج الرقيق وترتدى اكسسورات بسيطة ولكنها جميلة )
منير … لاء لاء ده احنا طلعنا موزز اهو
اميرة … انت لسه واخد بالك
مروان … كل سنه وانتى طيبه اتفضلى ( ورد)
اميرة … الله شكرا
منير … اتفضلى يا موزتنا (يديها الهديه )
اميرة … شكرا تعبت نفسك ليه.
.منير … تعبك راحه يا موزتنا
اميره … (تنظر الي مروان) … ايه ده انت مش جيبلى هديه
مروان … مال الورد ده ايه مش عجبك
اميرة … لا عجبنى بس ورد بس
مروان … الهديه بقيمتها ولاه ايه
اميره … لينا كلام بعدين سوى
مروان …(بسخريه ) هنكد بس مش دلوقتى هههه
اميره … بالظبط كدا هههه
حمزه … دكتور ازيك
مرون .. الحمد الله وانت
حمزه .. بخير معلش هناخدها منكم شويه يلا يا ميرو تعالى
يشد حمزه اميره من يدها ثم يجلس كل من مروان ومنير على احد الكراسى – اميرة ترقص وتضحك مع اصحبها بعد قليل يقف الجميع على الترابيزه حتى تطفي اميرة الشموع يقف الجمع حول الترابيزه ثم يطفئوا الشموع وفجاه يظهر بعض الاشخاص يحملون برواز كبير فى صوره المرسومه لاميره لاحد الرسامين الكبار جدا فى العالم ممضى عليها باسمه تذهب اميره لتشهدها نظرات سعاده واستغراب منها فهذه اللوحه غاليه الثمن جدا جدا )
اميره … ايه ده مين جبها (تفضل تتنطط من الفرحه زى لاطفال )
مروان … يارب تكون عجبتك
اميرة … اوى اوى بجد مش عارفه اقولك ايه ربنا يخليك ليا مش مصدقه
ومن الفرحة ودون ان تشعر تقوم باحتضانه وتقبيله من خديه وهنا ينظر اليها الجميع باستغراب وخاصتا مروان وتفيق اميرة علي نظرات الجميع وتشعر بالخجل
اميرة … (تنظر لمروان)…انا اسفة
مروان يصمت ويبتسم
بعد انتهاء الحفله عند باب الشقه تقوم اميره بتوديع مروان ومنير
اميرة … بجد شكرا على الهديه وانك شرفتنى في بيتى وجودك معايا كمل فرحتى
مروان … دى حاجه بسيطه جدا بكرا تعالى برحتك
اميرة … ايه ده مش عايز تشفنى ده انا قولت هتقولى تعالى معايا عشان ماشفتنيش من الصبح
مروان … ( فى سره ) ياريت … (بسخريه ) لاء انا عايز انام وانتى لوجيتى هتفضلى تحكيلى تفاصيل اليوم كله
اميرة … هههههههه طبعا مش حبيبى من حقك تعرف
مروان … ( بحسم ) بس
اميرة … منير عارف انى بحبك
مروان … مافيش فايده سلام يلا يا منير
اميره … يا دكتور
مروان …(يلتفت لها ) … عايزة ايه تانى
(تقترب منه ثم تقترب من اذنه تقول)
بحبك (ثم تبتعد) سلام
مروان … ( يبتسم ) … يلا منير
منير … يلا يا حبيبى
– الفيلا مروان 9 ص
هادى واقف فى الحديقة ينتظر شخص ما
وهو حامل بايده شنطه هدايا وورد ثم تدخل اميرة بعربيتها عندما تنزل يقترب منها هادى
هادى … كل سنه وانتى طيبه
اميرة … شكرا
( تتركه وتمشى قليلا ثم يجرى وراها)
اهادى .. اميره استنى اتفضلى
اميره .. ايه ده
هادى .. هديه
اميره … بمناسبه
هادى .. عيد ميلادك اكيد
اميره … متشكره ومتاخدش منه الهديه
… عن ازنك
هادى … باستغراب انتى بتعملى معايا ليه كدا وايه المعامله دى من وقت مارجعتى وانتى متغيره معايا انا زعلتك فى حاجه
اميرة … لاء هزعل ليه و بعدين المفروض اتعامل ازاى مع اخو مراة الدكتور بتاعى
هادى … بس انتى الاول كنتى عادى معايا يعنى كنت بحس اننا اصحاب
اميرة … منا راجعت نفسى حسيت انى غلطانه عن اذنك
هادى … استنى (يمسك ايدها تنظر له بعنف ينزل ايده ) انا اسف اميرة ارجوكى بلاش المعامله دى انتى انضف حد فى حياتى انا لما بقف معاكى بحس انى حد ممكن يبقى كويس انا عارف انى وسخ بس صدقينى مجرد ما بشوفك بحس بالنضافه
اميرة … هادى انا متاخره على الدكتور سلام
يقف هادى يفكر في تغير اميرة معه ولكن كانت تقف ماجى تسمعهم من بعيد , تتصل ماجى بهادى فى نفس الوقت
هادى … نعم
ماجى … بقوه قابلنى كمان ساعه فى الشقه متاخرش
شقه ماجى القديمه 4م
ماجى تنتظر هادى و هى محضرة اكل وشرب وترتدى لانجرى ثم يفتح هادى الباب تجرى عليه ماجى وتقبله لكن هو لا يبادلها اى شى وواضح علي وجه انه متضايق ومتعصب
ماجى … وحشتنى
هادى … عايزه ايه
ماجى … فى ايه مالك
هادى … مافيش
ماجى … ها تعال كل انا اللى عامله الاكل بايدى
هادى … خلصى عايزه ايه
ماجى … مالك مش طايق نفسك ليه
هادى … انا ماشى
ماجى … (بغضب )استنى هنا بدل متتشنك عليا روح اتشنك على البت اللى هتموت عليها
هادى … متحترمى نفسك مش انا اللى هموت علشان واحده وانتى عارفة
ماجى … انا معرفش عملالكم ايه مروان يفضل متعصب لما ميشوفهاش يوم وانت عشان مش معبراك تجرى وراها زى العيل الصغير
هادى … عشان نضيفه مش رخيصه زيك
ماجى … انا رخيصه يا ابن الكلب ( قبل ان تضربه بقلم يمسك ايدها)
هادى … بتعملى ايه انتى اتجننتى مش اسامه اللى وحدة تمد ايدها عليه انتى نسيتى نفسك بعدين انتى اللى ليكى السرير وبس غير كدا ملكيش دعوه
ماجى … انت بتعمل معايا انا كدا, بعد ما نضفتك عشان البت الشمال دى
هادى … (يضربها بالكف وبغضب) … انتى اللى شمال ورخصيه اللى بتغلطى فيها دى انضف منك ومنى انتى سمعه
(ثم يقوم بزقها على الارض ويغادر)
وهى واقعه على لارض انا هوريك مكنتش ماجى ما دفعتكم الثمن غالى
عربيه اميرة 7 ص
اميره تسوق متجها الى فيلا مروان وتستمع الى اغانى على الراديو وتغنى معها ثم يتم ارسال رساله لها من رقم مروان انه فى المركز تستعجب ثم تقوم ة تلف اتجاها وتذهب اليه
المركز مروان 8 ص
داخل المكتب مروان ماجى تجلس على كرسى المكتب ورافعة رجلها عليه ثم تدخل اميرة
اميرة … ايه التغير … قبل ان تكمل كلمها تتفاجى بوجود ماجى تصمت قليلا (باستغراب) هو دكتور مروان فين
ماجى … اقعدى
(تجلس اميرة على الكرسى المقابل لها )
ماجى … بصى بقى انا محبش الف والدوران موتى وسمى التحوير
اميرة … خير
ماجى … من الاخر كدا ما شفش وشك تانى في البيت
اميرة … نعم
ماجى … انتى سمعك تقيل بقولك مش عايزه اشوف خلقتك في بيتى انتى غبيه
اميرة … حضرتك بلاش اهانه وبعدين دكتور مروان هو اللى يقولى كدا مش انتى
ماجى …(يتنزل رجلها من على المكتب وبحسم ) ااااه انا كنت عارفه انك بت شمال مش هينفع معاكى الاحترام و الزوق , بصى يابت انا كنت فكرة انك مستكفيه بالراجل الكبير قولت يلا راجل اعمى تنبسطلها شويه معاه لكن كمان تلعبى على هادى لا لحد هنا وتتلمى هو ايه مروان مش مكفيكي كمان عايزه تلعبى على العيل الصغير
اميرة … (باستغراب ) انتى بتقولى ايه
ماجى … اللى سمعتيه يا ماما .. تيجى من الصبح لحد بليل وتقعدو لوحدكم فى المكتب والله واعلم ايه اللى بيحصل جوا ,. ده غير بيتكم فى اليخت لوحدكم , لا وقلة ادبك كمان مستكفتش بكدا لاء تفضلى تتسهوكى على الواد الصغير اعملك قهوه تاكل معايا عشان تقضيلك يومين معه هو كمان , ايه ما بتتهديش ريحى شويه مش كدا
(تتركها اميره لتخرج قبل ان تخرج تمسكها ماجى من كتفها عند الباب )
ماجى … (بغضب) … تعالى هنا يا حلوى بقولك ايه انتى متعرفنيش ابعدى عن جوزى واخويا احسلك شغل السهتنه والشمال ده تضحكى بيه عليهم انا لاء
اميرة (بغضب)… اطلعى برا
ماجى … برا انتى صدقتى نفسك ولا انتى مجنونه ده مكتب جوزى بصوباع واحد ارميكى برا انتى فهمه بقولك ايه اظن رسالتى وصلتلك….سلام
(قبل ان تخرج ماجى وهى لسه هتفتح الباب)
اميرة … انا معرفش ايه البجاحه دى
ماجى … بتقولى ايه
اميرة … (بهدوء لكن بقوى وحسم )… ولا حاجه بس انا مش هبعد عن مروان مدام انتى مش بتحبيه ابعدى عنه وكملى بقا فى اللى بتعمليه انتى شيفانى اه طيبه وكيوت , لكن انتى لو مابعديش صدقينى هتزعلى وهنجيب ناس تزعل
ماجى … تقصدى ايه
اميرة … ولا حاجه انا كمان رسالتى واضحة وصلت
(واثناء الحديث يدخل منير عليهم لكن سمع كلام اميرة)
منير … (بستغراب) … فى ايه
اميرة … ولا حاجه المدام بس كانت بتسالنى على حاجه وانا جوبتها…صح يا ماجى
(ماجى تنظر بغضب وتتركهم وتخرج)
منير … ها ايه اللى حصل فاهمينى
اميرة … ولا حاجه جايه عشان تزعقلى غيرانه على جوزها رديت عليها
منير … وانتى جيتى هنا ليه مش مفروض تكونى فى الفيلا
اميرة … ما الهانم بعتتلى رسال من تليفون مروان انه هنا ومستنينى
منير … طب متقوليش لمروان حاجه دلوقتى
اميره … حاضر انا همشى
عربيه اميرة 2 م
تجلس اميره وهى تبكى بحرقه بنهنها ثم يتصل بيها مروان اكثر من مره وهى لا تجيب عليه ويرسل لها واكثر من رساله صوتيه بعد ها ترد عليه
اميره … الو يا دكتور
مروان … ايه يا اميره قلقتينى عليكى مش بتردى عليها ليه مجتيش ليه لحد دلوقت
اميرة … اصل الفون كان صامت و لسه بتفق مع الحالات اللى هنشوفهم بظبط معاهم الموعيد
مروان … انتى بتعيطى فى ايه مالك
اميرة … لا ده برد تعبانه شويه مش هقدر اهاجى النهارده
مروان …(بحسم ) اميرة نص ساعه تكونى عندى. سلام
تقفل اميرة وهى مش عارفه تعمل ايه ثم تمسك تليفونها وتتصل بحمزة ونور عشان يتقبلو
بااحد الكفيهات 10 ص
حمزه ونور واميره يجلسون على احد التربيزات اميره تبكى وحمزه ونور على ملامحهم الغضب والاستياء
حمزه … (بغضب شديد ) …بنت الكلب دى المفروض كنتى ضربيتها باللى فى رجلك هى فين
نور… (بهدوء)… اهدى يا حمزة اهدى الامور ما تتخدش بالعصبيه دى
حمزة …(بغضب)… مش شايفه قالتلها ايه
اميرة … ( محتاره)… المهم اعمل ايه
نور … قولى لمروان مش بس عن ده كمان على اللى حصل قبل كدا
حمزه … (باستغراب ) ايه اللى حصل قبل كدا
اميرة … (بتحاول تلم الموقف ) لا اصلها بردو ضيقتنى قبل كدا بس مره دى زودتها
حمزة …( بنرفزه ) لازم تقوليلو انتى هبلة
اميرة … مش عارفه خايفه . بيتصل بيا اهو انا هروح نتقابل بليل على السطح سلام
– الفيلا مروان 1م
مروان فى الحديقه رايح جاى بقلق ينتظر اميرة ثم تدخل عليه ميرة
اميرة … السلام عليكم
مروان … وعليكم السلام هو ده نص ساعه وتاجى
اميره … مهم انى جيت
(تصمت)
مروان … انتى جايه عشان تسكتى
اميرة … (مضايقه) … حضرتك اللى عايزنى نعم
مروان … مالك
اميرة …(بنرفزه ) مافيش تعبانه ولاه مش من حقى اتعب زى البشر
مروان … لاء الف سلامه عليكى …والتعبان بيتكلم بلاسلوب ده
اميرة … اسلوب ايه
مروان … اميرة
اميرة … (بغضب)… نعم نعم
مروان … اهدى مين مزعلك
اميرة … (بغضب) … ييو قولتك مافيش مش زعلانه هتزعلنى بالعافيه
مروان … طب اتفقتى مع الحالات
اميرة … لسه بعدين انا محتاجه اسافر شهر كدا اغير جو لما ارجع
مروان … والرساله
اميرة … عادى يعنى لو اتاجلت شويه انا مش مستعجله
مروان … امممم
اميرة … انا همشى معلش انا هخلص كل حاجه مع استاذ منير عشان الدنيا متبوظش لما اسافر
مروان … (بعصبيه ) … لاء متشكر والله متتعبيش نفسك وخدى اجازه شهرين اوثلاثه لحد ما تاخدى القرار انك تقولى الحقيقه لانى زهقت كدبك ده ممكن تتفضلى
اميرة … مروان انا
مروان … (بغضب) … اسمى دكتور مروان اتفضلى
اميره … طب اسمعنى بس
مروان … قولتك اتفضلى
اميرة … (مضايقه)… اوف سلام
– فيلا مرون 7 م
داخل مكتب مروان , يجلس مروان على كنبه يفكر ثم يدخل عليه منير
منير … ايه يا حبيبى مالك قاعد لوحدك ليه
مروان … مافيش بس مضايق شويه
منير … من ايه
مروان … اميرة معرفش مالها بقلها فتره متغيره
منير … طب متسالها
مروان … بتكدب انا متاكد انها مخبيه عليا حاجه
منير … حاجه زى ايه
مروان … (يصمت قليل ) …ولا حاجه بقولك تعال نشتغل
– شقه اميره 1ص
غرفة اميره – اميره تجلس على كرسى المكتبها فى غرفتها تكتب فى مزكرتها ثم يدخل عليها الاب
الاب … ميرو لسه صاحيه
اميرة … حبيبى وحشتنى (ثم تقوم وتقبله)
الاب … انتى بكاشه
اميرة … انا انت ظلمنى اوى يا خالود
الاب … هحاول اصدقك ما نمتيش ليه
اميره … هكتب بس شوية حاجات وانام حضرتك لسه راجع من العياده
الاب … اه كان عندى شغل كتير
اميره … ربنا يقويك يا حبيبى
الاب … مش ناويا تسالي عن سبب زيارتى
اميرة … هههههههه انت تاجى باى وقت بس واضح فى حاجه
الاب … فى واحد متقدملك
اميرة … بابا انا مش بفكر فى الموضوع ده لما اخلص الماجستير
الاب … انا مش بقول اتجوزيه بكرا شوفيه اتكلمى معه
اميرة … يا بابا
الاب … (بحسم لكن خفيف) … الناس جاين بكرا مش عايز نقاش اقعدى معه بعدين لو معجبكيش ارفضى
(يخرج ويتركها ..تضايق تقفل مزكراتها تفكر )
– شقه اميره 7م
اميرة الاب والام والاخوة والعريس ومامته يجلسون فى الراسبشن اميره تجلس مضايقه
العريس … ها يا اميره وانتى بتعملى ماجستير فى ايه
اميرة … (مضايقه) … علم نفس (الظروف الاقتصاديه واثرها فى الاسرة المصريه والجريمه)
العريس … ها موضوع كبير
اميرة … اه اوى
(الاب بصوت واطى) … افردى وشك
اميرة … تضحك برخامه
– فيلا مروان 8 ص
فى مكتب مروان – تدخل اميرة لكن مروان ليس متواجد بها ثم تخرج تسال كيلا عليه
اميرة … لو سمحت الدكتور فين
كيلا … عند الاسطبل
اميره .. شكرا
تخرج اميره خارج باب الفيلا
– حديقه فيلا مروان 8ص
منظرعام للاسطبل وجمال الخيال العربى الاصيلى عند وصول اميره للاسطبل تشاهد مروان واقف تقترب منه وتقف بجواره
اميرة … تعرف انك وحشتنى
مروان … ( بضيق) …مش قولتى هتسافرى
اميرة … لا غيرت راى اصل مقدرش ابعد عنك ثوانى
مروان … ها واضح بس انا الايام دى مش محتاجك ممكن تاخدى اجازه لواحتجتك هكلمك
اميرة … تعرف وانت مكشر وزعلان بتبقى قمر
مروان … والله
اميره … والله بس غريبه اول مره تيجي هنا
مروان … مكنش ليها لازمه
اميره … ليه يعنى
مروان … عمرى ما تخيلت ان اكتر حاجه بحبها تبقى قصدى مش عارف حتى اشوفها و اركبها
اميرة … ليه يعنى عادى متركب وتقرب منهم هما مش بتوعك
مروان … اه
اميرة … طب خلاص تعال (تمسك ايده)
مروان … اجاى فين
اميره … تعال بس
(يدخلون جو ثم تطلب اميرة من السايس ان يحضر لها حصان )
مروان … ايه اخرة الجنان ده
اميرة … استنى بس
(ياتى السايس معه حصان تطبطب عليه اميره ثم تمسك يد مروان وتضعها على الحصان)
اميرة … اهو موضوع سهل انت اللى مكبرها ده حصان مش اسد هههههههههه
مروان … انا بقرب منهم وبحط ايدى عادى بس مقدرش اركبه فهمتى
اميرة … لا هتركبه
مروان … لا بلاش جنان
اميرة … انسى
(تطلب اميرة من السايس المساعده وبالفعل يركب مروان )
مروان .. الجنان ده اخرته ايه فهمينى
اميرة … امسك كويس انت بس
مروان … هبقى اعمى وظهرى مكسور على ايدك
اميرة … (بمزح ) قول يارب تاجى على قد كدا بس ههههههههه
بعد لف شويه جو التراك الخاص بلاسطبل ينزل مروان هوسعيد جدا
مروان … احنا ازاى ماعملناش كدا من زمان
اميرة … وعد كل يوم هلففك ساعه
مروان … بجد مش عارف اقولك ايه
اميرة … قولى بحبك
مروان … امممم مافيش فايده
اميرة … ( تغنى )… عارف البحر شو بعيد كبر البحر بحبك ..شايف السما شو بعيدة بعد السما بحبك كبر البحر وبعد السما بحبك يا حبيبى يا حبيبى بحبك
مروان … ههههه اقسم بالله مالكيش حل
اميرة … مش انت كنت هتقولى مبروك يا عروسه
مروان … (يتوتر ) … ازاى
اميره … الحج جبلى عريس
مروان … اممم وبعدين
اميرة …ههههه لالا متتخضش رفضته
مروان … متخضدتش على فكره
اميره … كداب على فكره
مروان … مابعرفش اكدب على فكره
اميرة … ونبى كداب وبتحبنى
مروان … يلا احنا هنبات هنا
اميرة … طب يلا
(يسيرون قليلا ثم تظهر البوابه الخلفيه)
.اميرة … ايه ده
مروان … ايه
اميرة … فى بوابه هناك اهى
مروان … اه انتى متعرفيش ان فى بوابه تانيه هنا
اميره … لاء
مروان … ده انتى بقالك اكتر من سنه بتيجى
اميرة .. اصل عمرى ما جيت هنا
مروان … دى ليها حكايه كبيره ههههههه
اميرة … لا ء احكيلى
مروان … لاء اصلك هتمسكهالى زلة
اميرة … لاء ما انت هتحكيلى يا هسيبك وامشى
مروان … هعرف اروح لوحدى
اميرة … طب ونبى ونبى
مروان … طب خلاص خلاص بس جنان لما كنت بتاخر ايام ثانوى وجامعه بابا كان شديد كنت بخاف منه كنت بنط من هنا وادخل من باب الخدم
اميرة … احلف ده انت طلعت فاشل وشقى وصايع اهو هههههه
مروان … واللهى كنت عارف انك هطولى لسانك
اميرة … بصراحه لازم فى دكتور محترم ينط من على السور
مروان … كنت لسه صغير على فكره
اميرة … هههههههههههه بردو فاشل استنى هجربها
مروان … تعالى هنا
اميرة … لا ونبى استنى
( تتركه تروح تقوم بصعود على البوابه)
مروان … اميرة بلاش شقاوه اعقلى بقا هتقعى
اميره … استنى فاضل حته صغيره هههههههههههه الله سهل اوى
مروان … طب انزلى يلا
اميرة … تعال نزلنى
مروان … متعصبنيش انزلى
اميرة … قولى بحبك وهنزل
مروان … بلاش عند
اميرة … بلاش عند انت قولى ب ح ب ك سهله اهى
مروان … انا همشى (يمشى قليلا )
اميرة … خلاص استنى هنزل اهو (تعمل نفسها وقعت على الارض ) اااااااااه
مروان (يتخض عليها ويجرى ينزل على ارض يسندها راسها على صدره وبلهفه) … انتى كويسه حصلك حاجه
اميرة … (ابتسامه بسيطه جدا وتغنى )… رحماك من هذا العذاب قلبى من الاشواق ذاب
مروان …( باستغراب ) … ايه
اميرة … ليلى ضنى صبحى اسى عيشى على الدنيا سراااب
مروان … انتى بتهزرى وانا كنت هموت من الخوف عليكى اوعى
(يرميها على الارض ويغادر)
اميرة … اااااه مره دى وجعتنى بجد استنى بس يا عم الموز متسبنيش وتمشى كدا
(ثم تمسكه اميرة مروان من ايده وهما يسيرون )
مروان … مش هتعقلى ابدا
اميرة … (ثم تغنى مره تانيه اثناء سيرهم )… من سحر عيونك يييا من رمش جفونك يييا
شقه اميره / فيلا مروان 12 م
داخل غرفه اميره – وغرفه مروان – مع تقصيم الشاشه بينهم اميره نايمه على السرير ومروان جالس على سرير ويتكلمون عبر التليفون على ملامحهم الابتسامه
اميرة … تعرف انك وحشتنى الحبه دول
مروان … اممم
اميرة … انا الفت شعر ليك
مروان … كمان بقيتى مؤلفه
اميرة .. يس يس استنى اعدل نفسى بقا (تقوم وتقعد على السرير) ها ركز
مروان … مركز اهو
اميره … انت لست توام روحى ولا انت نصف الاخر بل انت قلبى الذى ينبض فى مكان اخر , ها عجبتك
مروان … لاء ليكى مستقبل
اميرة … ياخربى عليك لاء لاء مينفعش كدا مينفعش تكلم مراتك المستقبليه كدا انت من دلوقتى مش رومنسى وامال بعد الجواز هتعمل ايه لاء كدا هطلقك ورميلك عيالك
مروان …(يمزحها ) طب والعيال زنبهم ايه يا تفيده
اميرة … زنبهم ان ابوهم مابيدلعش امهم كدا وناشف عليها يلا طلقنى
مروان … (بلهجه صعيدى )… لاء يا ماما انا صعيدى احنا معندناش طلاق يلا روحى نامى عندنا شغل بكرا الصبح
اميرة … (بدلع ) … يالهوى لاءلاءلاء يا ابوزياد براحه عليا ما تشختش فيا كدا عايز الود يطلع عصبى
مروان … هههههههه واد مين
اميرة … انا مقولتكش انى حامل
مروان .. لاء كدا تخبى عليا لاء زعلان (ثم تدخل ماجى)
ماجى … بتكلم مين يا مروان
مروان … (بجديه ) طب يا اميرة بكرا نكمل كلامنا متتاخريش سلام….ها فى حاجه
ماجى … البت دى مش عايزها تاجى البيت تانى
مروان … والسبب
ماجى … ( تقترب منه وهو على السرير جالس وضع ايدها عليه) … بغير عليك وبعدين واخدك منى
مروان … (ينزل ايدها ) … بنا شغل و مديرة اعمالى بشرفلها على رسال بتعتها طبيعى تبقى موجوده كل يوم معلش انا هنام
ماجى …(مره اخر تقترب منه)…انت مش قولتلى محتاجين نرجع زى زمان انا كل ما اقربلك بتبعد عنى
مروان … ماجى فات كتير اوى على الكلام ده انتى نسيتينى من زمان
ماجى …انت اللى كل مقرب منك تبعد
مروان … ( ينهد من على السرير) …الجواز مش علاقة وبس ..الجواز اكبر من كدا بكتير يا فنانه
ماجى … امممم ده اللى هو ازاى يا دكتور
مروان … من غير تريقه بعد الحادثه كتر الف خيرك كنتى معايا فى السفر بس عملتى حاجه لاء , غيرتى فيا حاجه لاء ساعتينى بشى لاء كل اللى عليكى معلش , هههه معلش بتعتك دى وبعدك عنى والجفا اللى شفته منك خلت المسافه اللى بنا قبل الحادثه اصبحت ماسافات
ماجى … اميرة بقا اللى ساعدتك
مروان … هى دى مش الحقيقه اتحملت قلة ادبى وعصبيتى والاهانه فضلت جنبى لحد ما وقفت على رجلى و رجعت اقوى من الاول , انتى كنتى فين كنتى مشغوله فى لوحاتك وحفلاتك واصحابك وانا ماكنش ليا وجود فحياتك , من قبل الحادثه وانتى كدا انا كنت فاكر ان الحادثه هتخليكى تفوقى وتقربنا لبعض بس للاسف , الحادثه خلتنى اشوف اوضح انا كنت اعمى من قبل معمل الحادثه
ماجى … (ببرود)… بعد كل المحاضرة دى ها
مروان … ياريت نسيب بعض بكل هدواء و كل حقوقك هديهالك
ماجى … كدا يعنى كل ده عشان البت الشمال اللى واكله عقلك انت شويه وهادى شويه دى واحده رخيصه وشمال
مروان (بشده)… ماجى انا مش عيل ولا اهبل عشان تسخنينى عليها انا عارف اخلاق اميرة بلاش انتى تقولى مين شمال ومين رخيص
ماجى …تقصد ايه
مروان … انك لما تتكلمى عنها ياريت تتكلمى بحترام وياريت تتفضلى عشان عايزانام
ماجى … بكره هتندم
تخرج ماجى من الباب وهى مستفزه جدا وعصبيه جدا جدا