Uncategorized
رواية العشق لا يعرف وطن الفصل الرابع والعشرون 24 بقلم أية إنسان
رواية العشق لا يعرف وطن الفصل الرابع والعشرون 24 بقلم أية إنسان
 |
| رواية العشق لا يعرف وطن الفصل الرابع والعشرون 24 بقلم أية إنسان |
رواية العشق لا يعرف وطن الفصل الرابع والعشرون 24 بقلم أية إنسان
_ في صباح جديد تستيقظ هاجر وتري أسر نايم ومحاوطها بأيده الاتنين فغمضت هاجر عيونها وافتكرت كل اللي حصل إمبارح وفضلت باصه لأسر كتير فتح أسر عينه وشافها وهي باصه ليه فإتحرجت وقالت بصوت يبدو عليه الحزن : انا اسفه مكنتش اقصد اللي قولته ولا اللي عملته امبارح وجت تقوم معرفتش لانه محاصرها بأيده فقالت : أسر لو سمحت عاوزه اقوم .
_ رفع أسر وشها ليه وقال : الحزن مش لايق عليكي شويه كلام عبيط من ناس مش فاهمه ولا عارفه اي حاجه يخلوكي بالشكل دة .
_ أسر مش عاوزه اتكلم ممكن .
_ اتنهد أسر وقال : حاضر .
_ ممكن اقوم .
_ ابتسم بخبث وقال : قومي .
_ طب وسع علشان اقوم .
_ تؤ أنا مرتاح كده .
_ وانا مش مرتاحه كده ابعد عاوزه اقوم .
_ ولو ما بعدتش .
_ يووووو بقى خلاص يا أسر ابعد عني انا مش محتاجه شفقه من حد ولا عاوزه عطف من حد ومش معني كده انك تفضل لازق فيا قال كده يعني بتخفف عني انت سبب كل المصايب دي ارحمني بقى يا أسر .
_ فك أسر أيده من حوالين هاجر وقام ساب البيت ومشي خالص .
_ قامت هاجر حدفت الكوبايه في المرايا كسرتها وقعدت في الأرض تعيط وفضلت تقول : انا معملتش حاجه لكل دة مش ذنبي اني يتيمه ومش ذنبي اني شكلي مش حلو ومش ذنبي اني تعبانه ولا ذنبي أنه سابني ولا ذنبي اي حاجه حسبي الله ونعم الوكيل فيكم كلكم مش مسامحه حد فيكم وفضلت تعيط كتير .
☆ ————— بقلم الكاتبة/ آية إنسان ————– ☆
_ قامت ميرا من النوم وهي ماسكه دماغها من الوجع ومش قادرة ولبست وخرجت راحت عند مصطفى وخبطت وفتح ليها الباب .
_ مصطفى : عاوزه اي .
_ميرا : انا موافقه على اللي انت عاوزه .
_ وانا بقى مش موافق وروحي مكان ما جيتي .
_ مسكت أيده : علشان خاطري انا مش قادره هتجنن بقالي يومين بموت .
_ انا ميخصنيش بره .
_ وقعت ميرا تبكي عند رجله وتترجاه : علشان خاطري يا مصطفى مش قادره .
_ ابتسم بخبث وقال : قومي تعالي اقعدي هنا وطلعي الفون عرفي أهلك انك هتطلعي رحله تبع الكليه أسبوع .
_ حاضر حاضر وخدت ميرا الفون وكلمت امها واقنعتها بسهوله وقالتله : عملت اللي قولت عليه .
_ حلو يلا بقى اسبقيني على جوه وانا جاي .
_ مصطفى احنا لازم نتجوز انا مش هقدر اعمل كده .
_ هههههه انا كنت هتجوزك ونكتب ورقتين بس انتي اللي شيطانك صورلك انك تمدي ايدك عليا وعلشان كده هاخد اللي انا عاوزه من غير ورق .
_ قربت منه و مسكت أيده وقالت : اعتبرها غلطه ومش هتتكرر تاني صدقني .
_ تؤ تؤ هي مش هتتكرر تاني صح بس انتي اللي اخترتي يا حبيبتي مش انا .
_ مصطفى حرام عليك ليه بتعمل معايا كده .
_ لا الدموع دي مش وقتها خالص هتدخلي ولا تخرجي انا ديمقراطي ومش هغصبك على حاجه هنزل هنزل نص ساعه وهرجع لقيتك يبقى وافقتي مشيتي يبقى احسن والإختيار ليكي .
☆ ————— بقلم الكاتبة/ آية إنسان —————☆
_ دخل أسر المستشفى يطمن على أبوه اللي الحراسه شديده عليه .
_آسر : عامل اي يا بابا .
_اكمل : كويس يا حبيبي انت عامل اي .
_ بخير .
_ مش باين انك بخير .
_ لا مرهق بس شويه .
_ مرهق ولا في واحده تاعبه قلبك .
_ ابتسم أسر وقال : مفيش حد يقدر يتعب قلب ابن السمري .
_ كذاب يا أسر الحزن باين في عيونك .
_ لا مفيش حاجه من دي المهم انت دلوقتي هتطلع بكره وانا هعمل الفرح بعد بكره .
_ ماشي يا حبيبي اللي يريحك بس ابقى سلملي على اللي تاعبه قلبك .
_ ابتسم أسر بحزن وطلع .
_ الفون رن وكان ليل .
_ الو .
_ ليل : الو اي وزفت اي يا أسر انت فين وبرين عليك من امبارح مش بترد ورحت ليك الفيلا مش موجود .
_ معلش يا ليل مشغول شويه .
_ مال صوتك يا أسر .
_ مفيش يا ليل كويس .
_ لا الموضوع كده كبير انا جاي ليك الفيلا .
_ لا خليك بكره لان انا مش في الفيلا دلوقتي هرجع بكره .
_ ماشي يا صاحبي خلي بالك من نفسك .
☆ —————- بقلم الكاتبة/ آية إنسان ————–☆
في شركه العامري :
_ دخلت وعد المكتب عند ابوها اللي مش مركز خالص في كلامها .
_وعد : عاصم بيه عاصم بيه…..بابا مالك .
_عاصم : اي معلش بتقولي اي يا وعد .
_ مالك يا بابا انت كويس .
_ اتنهد بحزن : حاسس ان اللي جاي مش كويس خايف اكون ظلمت هاجر وحشتني اوى .. عمك رجب كل يوم يجيلي في الحلم ويبصلي بحزن ويمشي بقيت خايف انام وخائف اموت واكون ظلمتها .
_ بكت وعد وقالت : بعد الشر عنك يا بابا انا بحاول اكلمها الفون مقفول دور عليها خلينا نسمعها يا بابا .
☆ ————– بقلم الكاتبة/ آية إنسان ————–☆
_ أسر قاعد في جنينه على النيل والفون رن برقم غريب فرد : الو .
_ أسر .
_ اتجمد أسر من الصوت فهذا الصوت يعرفه عن ظهر قلب وكيف له أن لا يعرفه فهو ظل سنتين يستمع إلي الصوت ولكن رد بجمود وقال : مين .
_ سارة : معقوله نسيت صوتي .
_ مش واخد بالي عاوزه مين .
_ انا سارة .
_ سارة مين .
_ انا عارفه انك زعلان مني بس صدقني كل دة كان غصب عني أسر انا لسه بحبك ….
_ الرقم غلط يا انسه وقفل التليفون في وشها وخبط أيده في الحجر اللي جنبه فاتفتحت وفضل شريط الذكريات يخبط فيه لوقت كبير .
☆ ————– بقلم الكاتبة/ آية إنسان —————☆
_ عند هاجر اللي نامت في مكانها وصحيت دخلت الحمام وخرجت الصاله طفت كل الانوار وقعدت على الكنبه دموعها بتنزل في صمت فضلت على الوضع دة كتير لحد ما دخل أسر الشقه واستغرب لما شاف النور مطفي والضلمه في كل مكان ففتح النور وشاف هاجر قاعده سانده وشها على رجل الكنبه ودموعها بتنزل في صمت ومش حاسه بأي حاجه حواليها وكإنها عايشه في سلسله من أفكارها هي بس ومش في الواقع ، نفسه يخبيها من وجع الدنيا بس قربه منها بيوجعه فقرر ميضايقهاش ودخل اوضته ولكن الازاز في كل مكان فخاف تكون عملت في نفسها حاجه او اتعورت فطلع يجري عليها وقال بلهفه : اي حصل اي في حاجه حصلت ليكي انتي كويسه .
_ رفعت عيونها الباكيه وبدون مقدمات اترمت في حضنه تعيط فضمها بحنان وقال : بس بس يا هاجر كفايه بقى يا هاجر من أمتي وانتي ضعيفه كده دموعك بتحسسني اني ضعيف واني مش قادر احميكي واشيل عنك بحس بالعجز ولكن هي مش سامعه اي حاجه هي بس عاوزه يكون جنبها وبس.
_ مسك أيديها ودخلها اوضه الاطفال وقالها : حاولي ترتاحي يا هاجر انا بره لو إحتاجتي حاجه أنا معاكي .
_ بصت هاجر في عيونه تترجاه مش يسيبها بس مش قادره تقول كده بلسانها فقعدت وضمت نفسها يمكن نفسها تكون احن عليها من كل العالم .
_ أسر خرج من الاوضه ودخل يلم الازاز وفي صراع جواه بيقول : ادخل ليها خليك جنبها ،لا متدخلش احترم رغبتها هي دلوقتي مش في وعيها لما تفوق هتجرحك تاني ، حرام عليك انت اكتر واحد لازم تحس بيها ، انت مالك ومالها مهتم بيها ليه ، زعق أسر وقال : بس بقى بس كفايه ودخل ليها شافها وهي ضامه نفسها وبتبكي في صمت فقعد جنبها وشدها لحضنه وهي اتشعلقت فيه جامد وهو مبخلش عليها بالحنان فضل كده لحد ما أتأكد أنها نامت وقام يعمل ليها اكل لانه عارف انها مكلتش
☆ ————— بقلم الكاتبة/ آية إنسان ————– ☆
_ في شقه مصطفى اللي فضل ٣ ساعات يلف في الشوارع وقافل الفون وبعدين طلع شقته فتح الباب شاف ميرا قاعده هتتجنن خلاص ومش مستحمله .
_مصطفى : اي دة انتي لسه هنا دة انا نسيتك تؤ تؤ .
_ فضلت تصرخ : حرام عليك يا اخي ووقعت عند رجله وتترجاه يرحمها فطلع برشامه وحدفها ليها على الأرض وقالها : خدي فجريت عليها زي الكلبه وخدتها ونزل لمستواها وقال : علشان تعرفي بس قيمتي هدخل اخد شاور وأخرج تكوني لبستي حاجه حلوه كده من الدولاب اللي جوه ولو معملتيش كده يا ميرا هخلي ايامك كلها سواد ومش هتعرفي تهربي مني وسابها ودخل ياخد شاور وبعد ربع ساعه خرج وكانت ميرا عملت اللي قلها عليه ومستنيها بص ليها بإنبهار فهي جميله جدا بذلك القميص الاسود الطويل عاري الاكتاف .
_ فقرب منها وقالها : جميله انتي يا ميرا .
_ مصطفى لو سمحت بلاش تعمل كده اطلب اي حاجه تانيه علشان خاطري وأنا هعمل ليك اي حاجه .
_ مسكها مصطفى من شعرها وقال : جرى اي يا روح امك انا مش تحت امرك هنا انتي هنا لمزاجي وبس شغل العياط ودموع التماسيح دة مش هياكل معايا .
_ اه مصطفى شعري حرام عليك وفضلت تعيط فقرب منها وقال : طب خلاص متعيطيش وتقلبيها نكد بقى ومسح دموعها وقال : تعالي معايا وخرج الصاله وطلع ورقتين عرفي وقال : اهو ولا تزعلي يا حبيبتي امضي .
_ مسكت ميرا القلم بخوف وخايفه تمضي ولكن مصطفى سحب الورق وقال : خلاص انا غلطان .
_ لا لا خلاص ومضت الورق وخده مصطفى منها وقال : احلي عروسه ولا اي وقام شالها .
_ مصطفى ممكن …..
_ همس مصطفى جنب ودنها وقال : انتي اللي بتعصبيني اهو خليكي حلوه معايا علشان متشوفيش الوش التاني يا حبيبتي .
_ بس انا …..
_ حط أيده على بوقها : شششش وخدها في جوله كلها حرام فهل تلك الورقه تسمي حقاً زواج أم أنه مسمي لإراحه الضمير ؟!
☆ ————- بقلم الكاتبة/ آية إنسان ————–☆
في شقه أسر :
_ دخل أسر اوضه هاجر وقعد جنبها بهدوء وقال : هاجر هاجر .
_ هي بصوت ناعس : اممممم .
_ قومي يلا .
_ عاوزه انام .
_ قومي كلي ونامي تاني .
_ مش عاوزه .
_ فقرب منها وقومها ففاقت هاجر لقت نفسها قريبه من أسر فقالت : في اي يا أسر .
_ عملت اكل يلا علشان تاكلي .
_ مش جعانه .
_ علشان العلاج يلا .
_ أسر لو سمحت …..
_ هاجر كفايه بقى جربي تسمعي كلامي مره انا مش طالب منك كتير انا بقولك كلي .
_ بصت ليه وقالت : حاضر يا أسر وقامت كلت كام لقمه وخلصت فمد أيده بالعلاج فشافت أنه لافف أيده بشاش فإنتبهت ليه وقالت : مال ايدك .
_ لا أبداً مفيش جرح بسيط .
_ شال أسر الصنيه وقال : ارتاحي وانا بره .
_ خرج أسر للمطبخ ولف فكانت واقفه في وشه وخدت نفس وقالت : حقك عليا .
_ اتنهد أسر وقال : مفيش حاجه روحي ارتاحي شويه .
_ مسكت أيده وقالت : أسفه .
_ خلاص يا هاجر قولتلك مفيش حاجه .
_ عمري ما كنت ضعيفه أو مكسوره زي دلوقتي طول عمري وانا عايشه ومش هممني اي حاجه طول عمري بسمع اي حاجه توجعني وانا ساكته مش علشان ضعيفه لا علشان مش عارفه ارد اقول اي لما ماما ماتت وهي بتولدني قالولي انتي خدتي عمرها وانا معرفتش ارد ، لما شكلي كان مش زيها وقالولى يا سمرا ويا وحشه معرفتش ارد لما بابا مات وسابني وعمي خدني اعيش عنده مراته مخلتش اي حاجه تضايقني أو توجعني إلا وعملتها هي وبنتها وكأن انا اللي اخترت كل دة بمزاجي طول عمري وانا بسافر علشان مقعدش معاهم واسمع كلامهم اللي بيوجعني بهرب منهم بشتغل علشان مش هستني عمي يصرف عليا وبعدين حد يقولي انا اللي صرفت عليكي حتي لما حبيت اياد وقولت عوض ربنا جه ليا و لما أهله خيروه بيني وبينهم هو اختارهم هما انا تعبت اوي يا أسر ومش عارفه بقولك الكلام دة ليه بس طاقتي خلصت ومش قادره اتحمل تاني انا عارفه انك ملكش دعوه بكل دة بس انا …. وسكتت شويه مش عارفه تقول اي ولفت علشان تمشي فمسك ايديها ورفع وشها وشاف الدموع في عيونها فشدها لحضنه وفضل يطبطب عليها قلبه وجعه عليها حاسس بصدق كل كلمه قالتها وقال : أنا معاكي متخافيش طول ما انا جنبك وخدها ودخل الاوضه ونيمها في حضنه ونام جنبها هو كمان يمكن يهربوا من العالم دة شويه مع بعض .
☆ ————– بقلم الكاتبة/ آية إنسان —————☆
_ صحيت ميرا من نومها وشافت نفسها انها نايمه جنب مصطفى احساس بالخوف مسيطر عليها من اللي جاي وبتكلم نفسها : انا عملت اي لو بابا عرف هيقتلني بس كنت هعمل اي يعني مكنش في حل تاني ثم هو مين اللي هيعرف .. بابا !! ثم كده كده انا معملتش حاجه غلط انا اتجوزت زي ما البنات بتعمل وبصت على مصطفي بغل وكملت كلام في نفسها : كله منك انت اللي خلتني اعمل كده اه لو أطول اطلع روحك في ايدي بس مش هقدر لاني محتاجه ليك وبعد تفكير كتير سكنت ضميرها ونامت .
☆ ————– بقلم الكاتبة/ آية إنسان —————☆
في فيلا العامري :
_ دخل عاصم تعبان من الشغل وكانت رانيا قاعده بتلعب في الفون وقالت : على فكره ميرا عاوزه تسافر تبع الكليه أسبوع علشان مترجعش تقول بتسافر من غير ما حد يعرف .
_عاصم : بذمتك دة وقته سفر وقرف ارحمي نفسك انتي وبنتك شويه بقى .
_ يووو يا عاصم سيبها على راحتها بقى بنتي مش بتعمل حاجه غلط انا عارفه انا مربيه بنتي ازاي .
_ والله انا ما خايف إلا من تربيتك ليها دي .
_ عاصم خد بالك من كلامك هو انت مش عارف تتشطر على بنت اخوك اللي ماشيه على حل شعرها هتتشطر على بنتي .
_ انا هغور من وشك علشان ترتاحي يا رانيا وسابها وطلع ينام .
☆ —————- بقلم الكاتبة/ آية إنسان ————–☆
_ عند اسماء اللي عماله تفكر في هاجر وأنها مش عارفه توصل ليها ازاي ومضايقه جداً من تفكير ليل أنها ممكن تعمل كده علشان الفلوس ولكن نامت من تعب التفكير .
☆ ————— بقلم الكاتبة/ آية إنسان —————☆
_ عند وعد اللي قاعده في اوضتها حزينه على صاحبتها وبنت عمها اللي مش عارفه هي فين وقررت تدور عليها بكره اكيد .
☆ ————— بقلم الكاتبة/ آية إنسان ————– ☆
في صباح يوم جديد :
_ صحيت هاجر من النوم ولتالت مره تصحي وتكون في حضن أسر مكلبش فيها في الوقت دة لمست وشه وقالت بصوت هادئ : شكراً انك كنت جنبي الفتره دي واستحملتني رغم انك ملكش ذنب في كل دة انا آسفة.
_ آسر : بس انا مشتكتش يا هاجر .
_ برقت هاجر وقالت : انت صاحي .
_ لا نايم يا ذكيه .
_ ابتسمت هاجر وقالت : معلش الواحد الصبح مش بيركز .
_ طب تعالى نركز سوى وضمها ليه جامد .
_ اي دة اي دة في اي يا أسر مالك .
_ بركز يا هاجر .
_ احم طب خلاص بقى قوم .
_ تؤ .
_ يا أسر طب وسع أقوم أنا .
_ لا الوضع دة عجبني .
_ اه يا قليل الادب انت مستغل اوي .
_ احترمي نفسك انتي اللي فضلتي تحضني فيا بالليل وانا قولت خليك محترم يا أسر ومتتهورش .
_ هاجر وشها تولع من عليه الكبريت من كتر كسوفها وإحراجها وقالت : انا انا مكنتش اقصد على فكره ثم ..
_ حط أسر أيده على بوقها ورفع وشها وقال : عادي انا زي جوزك بردو يعني وقت لما تحسي انك عاوزه تستخبي من حاجه تعالي ادخلك حضني انا مش هبخل عليكي بالحنان يا هاجر يعني لو مش هتقبلي بيا كزوج اعتبريني في اختيار تاني صديق أو اب اختاري اللي يريحك .
_ هاجر سرحانه في عيونه هي مش في الواقع هي فوق في عالم كله حب .
_ لو هتفضلي باصه ليا كده انا مش ضامن هعمل اي فبلاش .
_ احم انا انا …..
_ ضحك أسر ضحكه رجوليه رنانه سرحت فيها هاجر فقرب منها وطبع قبله رقيقه على خدها وهي اتجمدت زي اللي لدعتها حيه وقالت : انت قليل الأدب وقامت جريت على بره .
_ اتنهد أسر بحزن وقال : طول مانا جنبك هحاول اطلعك من الحاله دي يا هاجر وهساعدك في اي حاجه انتي قدمتي ليا اوقات كتير حلوه وانا من واجبي اسعدك وقام دخل الحمام وبعدين خرج ليها قرب منها وحط أيده على دماغها وقال : عامله اي لو لسه تعبانه نروح المستشفى .
_ لا لا انا الحمد لله بخير .
_ اتوترتي كده ليه متخافيش .
_ لا أبداً مفيش حاجه بس انا الحمد لله بخير ، صحيح عاوزه اروح اشوف عمو اكمل .
_ لا عمو اكمل هو اللي هيروح الفيلا النهارده هوديكي الفيلا وهروح اجيبه واجي .
_ ماشي .
_ وبالفعل فطروا ونزلوا ووصل أسر هاجر الفيلا ومسك إيديها وقال : هاجر بعد إذنك متخرجيش من الفيلا .
_ ابتسمت هاجر بحزن وقالت : متقلقش يا أسر ونزلت دخلت جوه وهو طلع يجيب أبوه من المستشفى وبعد ساعه رجع أسر الفيلا مع أبوه وطلعه يرتاح شويه .
_هاجر : ها عمو عامل اي ينفع اطلع اشوفه .
_ هو نائم دلوقتي شويه وشوفيه بس تعالي عاوز اتكلم معاكي شويه .
_ خير يا أسر في اي .
_ بصراحة كده فرحنا هيكون بكره .
☆ —————