رواية طفلة حطمت قسوتي الفصل الثاني 2 بقلم حكايا من ورق

جاسر:هو انتي ايه اللي جابك انا مش قولتلك مش عاوز اشوفك حتي لو صدفه؟????????

نور:ها؟وانا اصلا اعرف منين انك شغال هنا ولا اني اشوفك اصلا انا لو اعرف مكنتش دخلت المكان اصلا كده كده من ساعة ما دخلته وانا حاسة أنه مش من مستوايا????????

_جاسربتعجب:مش مستواكي؟!!!يعني قضيت عمري كله اكبر في الشركة دي عشان تيجي وحده زيك تقولي مش مستوايا والله لو اعرف مكنت بنيتها اصلا ????

_نور:يخويا حيلك علينا شوية ،وبعدين ايه وحده زيك دي انا مهندسة محترمة علي فكرة ????

_جاسر وحس أنه اهانها:انا مقصدش بس انتي كل مرة اشوفك لازم تخليني اتعصب واتكلم كلام ما اقصدوش _نور:خلاص تقبلته????

جاسر:هو ايه يا بشمهندسة اللي تقبلتيه معلش؟

_نور:اعتذارك طبعا هيكون ايه ؟

_جاسر:اعتذار؟!!!انا أمتي اعتذرت؟

__نور :أيوة أيوة انكر طبعا مهما اللي عندهم فلوس ومزز زيك لازم يقولوا كده مش ممكن يعترفوا أنهم اعتذروا لوحده بسيطة وقمر زيي????????

_جاسر :مزز؟!!والله العظيم البت دي مجنونه اه المهم يعني انتي عاوزه ايه دلوقت ؟

_نور :طبعا ما الاهتمام مبيطلبش انا قلت وانا داخلة اني انا اللي جاية عشان الوظيفه الجديدة لكن حضرتك ما اهتمتش 

_جاسر:اه فعلا عندك حق اتفضلي اقعدي يا آنسة…..؟انتي قولتيلي اسمك ايه ؟

_نور:ينهارك اسود كمان نسيت اسمي ؟!

_جاسر:نعم؟!نهاري اسود ؟هوه انتي مش واخده بالك انك في انترڤيو شغل ؟ولازم تكوني الطف من كده ولا بنت خالتك مقالتلكيش أن أهم حاجه عندي حسن المظهر والتعامل ؟

-نور:اه وانا التزمت باللي قالته طبعا ????

جاسر:اه مهو واضح عموما لو تكرمت ِ الcvبتاع حضرتك لو مفيهاش ازعاج لجنابك يعني ????

_نور:لا ولا يهمك اتفضل 

_جاسر بعد تفحص للcv:كويس جدا تقديرك العام امتياز وبتتقني لغات كتير ليه وحده بكفائتك تشتغل سكرتيرة افتكر شهادتك تشغلك في مجال الهندسة وعن جدارة 

_نور:عندك حق بس ده لو مكنش في البلد دي انما هنا محدش بيشتغل بشهادته اكيد اتمني اشتغل في مجالي لاني بعشقه بعيدا عن أي حاجه 

_جاسر :تمام مكتوب قدامي انك اشتغلتي في شركة الدمنهوري بس سبتيهم بعد فترة من شغلك معاهم ممكن اعرف السبب؟

_نوروقد امتلأت زوقاوتيها بالدموع :اه فعلا انا اشتغلت معاهم سنتين بعد التخرج لكن السبب اللي سبتهم عشانه سبب شخصي محبش أتطرق في تفاصيله واللي يهم حضرتك أن مفيش حاجه مخلة بالشرف واني ما اترفدتش انا قدمت استقالتي وده مكتوب قدام حضرتك

_جاسر :عندك حق ده موجود قدامي وانا سؤالي كان من باب الفضول لأن شركة الدمنهوري من اشهر الشركات وتعتبر أكبر منافس لشركتنا فاسف جدا لتدخلي 

_نور:لا مفيش اي داعي للاسف حضرتك حصل خير 

_جاسر : تمام انا قبلت وجودك في الشركة لكن مش كسكرتيرة حرام وحده بكفائتك متشتغلش في مجالها انتي أن شاء الله هتشتغلي معانا كمهندس منفذللمشروع الجديد اللي شركتنا داخلاه وان شاء الله هيكون البشمهندس مازن مسئول أنه يفهمك كل تفاصيل المشروع وبالنسبة للمرتب ممكن تختاري المرتب اللي يعجبك واحنا تحت امرك 

-نورباندهاش :لا بالراحة عليا عشان مش مستوعبة والله يعني انا هشتغل هنا ؟

_جاسر بابتسامة :معلش بقي الشركة مش مستواكي بس احنا محتاجين اللي زيك معانا 

_نور:انا متشكرة اوي انك اديتني الفرصة دي بس يعني ✊….

_جاسر:بس ايه كملي ؟

_نور:لو كان ده عشان خاطر سما أو …

_جاسر بمقاطعه :انا اخر واحد في الدنيا يتقاله كده لاني بكره جدا الوسطة والمحسوبية ولو كنت لقيت الcvبتاعك مش مرضي مكنتش قبلت وجودك في شركتي ابدا ومن شغلك معانا هتعرفي انا اصلا معروف بده في وسط رجال الأعمال كله 

_نور:متشكرة جدا وانا هبذل كل جهدي عشان اكون عند حسن ظنك 

_جاسر:مفيش داعي للشكر تقدري بكرة تستلمي شغلك وانا ومازن هنكون في انتظارك بكرة عشان نفهمك تفاصيل المشروع

_نور:متشكرة جدا ،عن اذن حضرتك 

_جاسر:اتفضلي 

“جاسر لنفسه بعد ما نور خرجت 

ليه؟ليه مش عاوزه تفارقيني؟ليه دايما في احلامي ودلوقت شايفك في أرض الواقع ،ازاي كده ؟ازاي ممكن يكون فيه حد يشبه حد للدرجة دي ؟ازاي تكون شبهك في شخصيتك اوي كده نفس عصبيتك وجنونك وحتي طفولتك ،نفس لون بشرتك وعيونك اول مرة شوفتها مرضتش أواجه نفسي وعملت مش واخد بالي ،لكن القدر حطها تاني قدام عنيا ،ليه ؟ليه يا ملاك ؟بتختبري حبي ليكي انتي عارفه اني عمري ما هنساكي ولا عمر وحده هتحل محلك،بس يا تري مين دي ؟وايه حكايتها مع الدمنهوري ؟والسؤال الأهم انا ليه حاسس ان فيه رابط بينك وبينها ؟ليه؟

______خرجت من مكتب جاسر وفيه مليون شعور حاسة بيه مبسوطة ومستغربة وفي نفس الوقت خايفه 

_سما: ها طمنيني عملتي ايه ؟

_نور بفرحه :اتقبلت يسما اتقبلت 

_سما بفرحه مماثلة :الحمد لله يا حبيبتي الف مبروك انا مبسوطة اوي 

_نور:ربنا يخليكي ليا مش عارفه من غيرك كنت عملت ايه ؟

_سما وهي تحتضن نور :متقوليش كده ده انتي اختي ينور …ها قوليلي بقي هتستلمي الشغل أمتي عشان اسلمك المكتب ؟

_نور :بكرة أن شاء الله بس انا ماليش دعوة بمكتبك 

_سما :ازاي بقي؟

_نور:جاسر باشا عيني مهندس منفذ للمشروع الجديد وقالي حرام حد بكفائتك ميشتغلش شغلته 

_سما وكأنها كانت متوقعه :كنت متاكده????

_نور:بتقولي ايه ؟

_سما :ولا حاجه يحبيبتي ربنا يوفقك يارب 

_نور :يارب يا عمري يارب 

__________________

في صباح اليوم التالي 

“كان عندها اتناشر سنة ونايمة في اوضتها بسكون ….بتسمع صوت دوشه في الشارع تقوم مفزوعة من نومها وتصحي علي صوت بيقولها البقية في حياتك كانت حادثة بشعه ماتوا فيها كلهم ????????”

حلم بتشوفه نور وتقوم مفزوعه من النوم وبتعيط بشكل هستيري وتاخد الصورة في حضنها وتعيط لحد ما تهدي وترتاح وتكمل يومها وكان مفيش حاجه حصلت “

_____قامت من نومها وأدت فرضها واتجهت لشركة الحديدي وكلها حماس لاول يوم شغل

__________في شركة جاسر الحديدي صباحا 

“جاي متأخر كعادته وبيحاول يمتص غضب اللي متعصب جدا من تأخيره “

_جاسر:انت يا زفت فينك مفيش يوم تيجي فيه في ميعادك ابدا ؟

_مازن :ايه يسطا طب قول صباح الخير الاول مش كده ????

_جاسر بعصبية :اسطا؟انت يبني بتكلم سواق ميكروباص ؟!!!مش قولتلك طول ما احنا في الشغل تكبر شوية ????????????

_مازن بضحك :انت عارف اني عمري ما هكبر ومع ذلك بتحاول برضو اشرب بقي 

_جاسر :فعلا عندك حق مفيش فايدة انت فين دلوقت يا حيوان 

_مازن :انا خلاص وصلت اهو بركب الاصانصير خلاص بقي مكنتش نص ساعة تأخير 

_جاسر:نص ساعة ؟يعني هما مش ساعة ونص يا مازن ؟!

_مازن:ها؟!خلاص بقي متركزش يزميلي 

_جاسر:زميلي؟!!!!اقفل يا مازن اقفل 

_مازن:الله ليه بقي؟!

_جاسر:اقفل يا مازن وخمس دقايق بالظبط وتكون قدامي وقفل في وشه السكة 

_مازن:قفل في وشي زي عادته الحيوان 

وهوه بيبص للتيلفون بعصبية ومش منتبه بيخبط فيها وبيقع منه التيلفون 

نور بعصبية :ايه يعم انت مش تفتح ؟!ماشي تخبط في الناس وخلاص !!!!

_مازن:انا اللي افتح مش كفاية وقعتيلي التيلفون كمان بت………….مش معقول ????????ملاك؟؟؟!!!!