Uncategorized
رواية طفلة حطمت قسوتي الفصل الرابع 4 بقلم حكايا من ورق
رواية طفلة حطمت قسوتي الفصل الرابع 4 بقلم حكايا من ورق
 |
| رواية طفلة حطمت قسوتي الفصل الرابع 4 بقلم حكايا من ورق |
رواية طفلة حطمت قسوتي الفصل الرابع 4 بقلم حكايا من ورق
مها:نور يا جاسر باشا نور????????
جاسر:مالها نور انطقي ????
مها:في حد كلمني من المستشفي من تيلفونها وقالي أنها خبطتها عربية وحالتها خطيرة ،ارجوك يا جاسر باشا خليني اروح لها
جاسر:انتي بتقولي ايه ده حصل أمتي انطقي ????
مها:دلوقت حالا هما لسة مكلميني ????
جاسر:طب يلا بينا انا جاي معاكي
⬅️⬅️جاسر في التيلفون
جاسر :الو يا مازن تعالي علي مستشفى (..)بسرعه
مازن:مستشفي؟!ليه ايه اللي حصل
جاسر:نور خبطتها عربية بسرعه يا مازن بسرعة
مازن :حاضر يا جاسر سلام
مازن:سلام
⬅️⬅️داخل المستشفي
“حالة من التوتر بتسود المكان ونور في اوضة العمليات والكل منتظر يتطمن عليها “
مازن :انتوا فين انا بقالي ساعه بدور عليكم
جاسر :احنا هنا من بدري بقالنا اكتر من ساعتين وهيا في العمليات مخرجتش انا خايف اوي يا مازن لو حصلها حاجه مش هسامح نفسي ابدا
مازن :اهدي يا جاسر اهدي أن شاء الله مش هيحصلها حاجه انت بس ادعيلها
جاسر:يارب يا مازن يارب
___بعد مرور ساعة أخري من التوتر علي الجميع
بيخرج الدكتور من اوضة العمليات وبيجروا كلهم عليه
_مها ببكاء:يا دكتور ارجوك طمني نور عاملة ايه ؟
_دكتور معتز:انا اسف جدا يا جماعه والله انا عملت كل اللي اقدر عليه بس الخبطة كانت جامدة اوي علي دماغها وللاسف دخلت في غيبوبة
_جاسر وهو بيمسك معتز من هدومه:انت اتجننت غيبوبة ايه اللي دخلتها اومال انت وظيفتك ايه ؟
_مازن وهوه بيحاول أنه يخلص معتز من ايد جاسر :ايه ده يا جاسر انت مجنون امشي من هنا دلوقت
_جاسر بغضب :لا مش همشي يا مازن وانت اقسم بالله لو نور ما فاقتش من الغيبوبة هيبقي اخر يوم في عمرك
_معتز:انا مبتهددش وانا فعلا عملت اللي عليا ومش خوف من حضرتك لا عشان ده شغلي
_مازن :معلش يا دكتور انا اسف جدا هو بس متعصب وخايف عليها انا اسف بالنيابة عنه
_جاسر:انت ببتاسفله؟!انت مجنون هيا في غيبوبة وانت بتتاسف
مازن:جاسر ممكن تسكت شوية اتفضل انت يا دكتور متشكرين اوي
جاسر:استني ممكن اعرف بقي هيا هتفوق من الغيبوبة دي امتي
معتز:الغيبوبة دي مالهاش وقت محدد بيفوق بعده المريض ممكن يفوق بعد يوم وممكن بعد سنة حسب درجة مقاومته وتمسكه بالحياة
جاسر بحزن:طب طب انا ممكن اسفرها برة لو حالتها محتاجه انا ممكن اسفرها برة ودلوقت حالا
معتز:صدقني مفيش اي داعي ولو حالتها محتاجه انا اكيد كنت هبلغكم بس احنا فعلا عملنا كل اللي نقدر عليه ومفيش في ايدينا حاجه نعملهالها دلوقت غير أننا ندعيلها وربنا قادر علي كل شيء يمكن تفوق بعد ساعة مفيش حاجه بعيدة علي ربنا
“جاسر انهار بعد ما سمع الكلام ده وسند ضهره علي الحيطة وهوه شارد في عالم تاني “
مازن:تمام يا دكتور شكرا واسف مرة كمان علي تصرف جاسر بس انت شايف حالته
معتز:لا ابدا انا مقدر كل ده ربنا يطمنكم عليها بعد اذنك
__________________________
“في مكتب كامل الدمنهوري “
قاعد مع سكرتيرته في وضع مذري كعادته لما سمعوا صوت خبط علي الباب
كامل :ادخل ؟
راشد :كامل باشا انا اسف اني جاي من غير ميعاد بس فيه اخبار لازم حضرتك تعرفها
كامل :انطق يا زفت في ايه ؟
راشد:نور ابو حجر يباشا
كامل :مالها تاني يا زفت ما تنطق انت هتنطقتني ولا ايه ؟!
راشد :لا يباشا هنطق اهو في عربية خبطتها وهيا راجعه من مكتب جاسر الحديدي
كامل :عربية خبطتها؟!وده من ترتيبك انت يا زفت انطق ومتخفش
راشد :والله ابدا يا باشا انا حتي ملحقتش اخطط أبعدها من شركة الحديدي لقيت الواد اللي زارعه في الشركة بيبلغني انها خبطتها عربية وفي المستشفي في حالة خطر
كامل :خلاص يا اخويا هتحكيلي قصة حياتك عموما هيا حاجه في مصلحتنا احنا كده كده كان لازم نخلص منها هيا الوحيدة اللي معاها سرنا دلوقت المهم قولي هيا ماتت ولا لا ؟
راشد :لا ماماتتش يا باشا بس الراجل بتاعي بيقولي أنها في غيبوبة وحالتها خطيرة يمكن تيجي من عند ربنا يباشا وتغور بقي ونخلص منها
كامل بغضب :لا يا روح امك هو انا لسة هستني لما تيجي من عند ربنا ؟!!!
راشد بحيرة :يعني ايه يباشا
كامل بغضب :يعني نور ماتت وفي خلال يومين هتيجي تعزيني فيها
راشد بغباء:لا مؤاخذة يباشا بس انا يعني مش فاهم سيادتك تقصد ايه ؟
كامل بعصبية :انت يا زفت هتفضل طول عمرك غبي افهم يا حيوان حقنة هوا هتخلص الموضوع كله وانت بنفسك اللي هتنفذ عشان المرة دي انا مش هقبل اي غلط انت فاهم
راشد بخوف وتلعثم:اايوة يباشا بس انا مقدرش اعمل كده اقصد يعني ده قتل وبعدين دي تحت حماية جاسر الحديدي يعني لو اتكشفت هتفرم
كامل بغضب وصوت عالي:مقدرش؟!انت فاكر أنه بأمرك وحياة امك ؟????
راشد بخوف :لا العفو يباشا بس ي….
كامل بمقاطعة :كلامي خلص واللي قلته قدامك يومين بالكتير وتنفذه لاما البت دي تبقي برة الدنيا لاما انت وعيلتك كلها اللي هتبقوا براها انت فاهم؟ ????
راشد برعب :لا والنبي يباشا كله الا مراتي وعيالي حاضر يباشا حاضر والله هنفذ كل اللي طلبته
كامل :مقدامكش اختيارات يلا غور من وشي
_________________________
“مر اسبوع ونور لسة في الغيبوبة وجاسر تقريبا مش بيسيب المستشفي وبيتردد عليه مازن ومها باستمرار “
“في المستشفي “
جاسر واقف قدام العناية وبيبص علي نور من الازاز زي كل يوم لحد ماجه مازن وحط ايده علي كتفه
مازن:جاسر عامل ايه دلوقت؟
جاسر وهو مازال في شروده :الحمد لله
مازن بخوف علي صاحب عمره :جاسر انت متاكد انك كويس ؟
جاسر:لا يا مازن انا مش كويس وعمري ما هبقي كويس لا لو قامت ووقفت علي رجليها من تاني
مازن :أن شاء الله هتفوق وهترجع احسن من الاول انت بس ادعيلها
جاسر :دعيت والله وبدعيلها كتير اوي انا عمري ما دعيت لحد كده وبجد مستعد اعمل اي حاجه بس تقوم وتعدي الأزمة دي
مازن :ياه يا جاسر للدرجة دي هيا غالية عندك اوي كده ؟
جاسر وكأنه انتبه لكلامه:ها؟!لا يعم غلاوة ايه هوه انا كنت اعرفها اصلا قبل كده هيا الحكاية كلها تأنيب ضمير مش اكتر من كده
مازن :بص يا جاسر انا عارف ان ده مش وقته بس انا لازم اقولك الكلام ده احنا مش بس أصحاب احنا اخوات ومتربيين مع بعض وانت عارف اني اكتر حد بيفهمك ويحس بيك حتي من غير ما تتكلم وانا عارف من غير ما تقول انك اول مرة توصل للدرجة دي من الخوف علي حد حتي ملاك الله يرحمها
جاسر بمقاطعة:مازن انت بتقول ايه انا …
مازن:متقاطعنيش واسمعني للاخر وفكر في كلامي انت فعلا موصلتش للحالة دي مع ملاك انا عشت معاك فترة مرضها ويوم وفاتها كمان انت عشت ده كله وموصلتش للحالة دي من الدمار واللي انت فيه ده مش مجرد احساس بالذنب يا صاحبي
جاسر بضحكه مصطنعه :اومال ايه بقي يا ابو العريف ؟
مازن بثبات :حب ،حب يا جاسر
جاسر بعصبية:حب؟حب ايه يا ابني انت اتجننت ؟!
مازن :لا مش مجنون يا جاسر بص لنفسك وشوف انت في اسبوع واحد وصلت لايه هتعرف اني مش مجنون ولا حاجه
جاسر بعصبية :لا مجنون وبتخرف كمان وانا كل اللي حاسه دلوقت مجرد احساس بالذنب لاني كنت السبب في اللي حصلها وانا محبتش الا ملاك يا مازن فاهم وعمري ما هخلف وعدي معاها حتي لو كان التمن موتي انت فاهم؟ سلام
مازن:جاسر استني يجاسر اسمعني
مفيش فايدة ربنا يهديك يا صاحبي وتخرج من السجن اللي حابس نفسك فيه بدون اي داعي ويشفيكي يا نور وتكوني فعلا طوق النجاة اللي هيخرجه من سجنه ده
___________________________
“خرج جاسر من المستشفى وهوه في قمة غضبه وركب عربيته ومشي وخرج وراه مازن اللي راح يتابع الشغل في الشركة وهما غافلين عن العيون اللي بتراقبهم”
_شخص:أيوة يا راشد باشا
_راشد:قولي فيه اخبار جديده؟
الشخص:أيوة يباشا البت يعتبر لوحدها دلوقت مفيش معاها الا البت السكرتيرة ودي ممكن نغفلها باي طريقه
راشد :تمام اوي عينك ما تغفلش عن المستشفى لحد ما اجيلك مفيش نملة تدخل ولا تخرج الا لما اعرفها وانا نص ساعه بالكتير واكون عندك
الشخص :حاضر يباشا امرك
“عدت النص ساعة وراشد كان وصل المستشفي “
راشد:انت هتدخل دلوقت تشغلي البت دي باي طريقه لحد ما انفذ وأخرج وتقف تراقب الجو لو حسيت اي خطر تقولي
الشخص :امرك يباشا
راشد :طب يلا اسبقني انت
_________________
قدام غرفة نور
ممرضه بعد ما اتفق معاها الشخص ده أنها تشغل مها
ممرضه:آنسة مها؟
مها:أيوة في ايه نور مالها
الممرضة:متقلقيش مفيش حاجه انا بس شايفاكي تعبانه وقلقانة عليها فاستغليت فرصة أن الدكاترة مشيوا وقلت ادخلك تشوفيها
مها بلهفة:بجد!؟يعني انتي بجد هتخليني اشوفها
الممرضة:أيوة طبعا
مها بلهفة وهيا بتشدها :طب يلا بينا بسرعة ارجوكي
الممرضه :استني بس انتي لازم تيجي معايا غرفة التعقيم دي عناية مركزة انتي عارفه
مها:حاضر حاضر يلا بينا
“دخل راشد اوضة نور وقبل ما يديها حقنة الهوا
جاسر:ثابت مش عاوز ولا حركة انت مين وبتعمل ايه هنا؟