Uncategorized
رواية طفلة حطمت قسوتي الفصل الخامس 5 بقلم حكايا من ورق
رواية طفلة حطمت قسوتي الفصل الخامس 5 بقلم حكايا من ورق
 |
| رواية طفلة حطمت قسوتي الفصل الخامس 5 بقلم حكايا من ورق |
رواية طفلة حطمت قسوتي الفصل الخامس 5 بقلم حكايا من ورق
_جاسر:ثابت متتحركش من مكانك انت مين وبتعمل ايه هنا؟
_راشد برعب :انا انا مش بعمل حاجه انا قريبها وجاي اتطمن عليها بس
_جاسر بضحك :????ده علي اساس انك بتكلم عيل برسالة هيصدقك وياخدك بالاحضان مش كده ؟!
_راشد وهوه بيحاول يرفع سلاحه:انت هتسيبني أخرج بالذوق ولا يكون ده اخر يوم في عمرك ؟
_جاسر باستغراب:ده انت بجح اوي يا اخي يعني جاي علي حاجه تخصني وكمان بتهددني ده انت قلبك جامد اوي انت مش عارف انت بتكلم مين يا ابني ولا ايه ؟
وهنا كان جاسر بيضغط علي الاسورة اللي لابسها واللي مازن بيلبس وحده زيها ومعني أن يجي عليها إنذار لواحد منهم أن التاني في خطر وهنا حاول جاسر يضيع وقت اكبر مع راشد ويعطله
راشد بتهكم :لا عارف عارف كويس اوي انا واقف قدام قدام مين جاسر الحديدي صاحب اكبر مجموعة شركات استيراد وتصدير في الشرق الأوسط والعالم كله ومن اغني رجال الأعمال في العالم تقريبا
_جاسر :طب ما انت شاطر اهو وعارف كل حاجه اومال جايب جمدان القلب ده منين ؟
____________________________
“في ڤيلا مازن السيوفي”
“اول ما جتله إشارة من الاسورة وعرف أن جاسر في خطر اتصل برجالته “
_مازن :أيوة يا عادل نص ساعة بالظبط وتكون في المستشفي اللي فيها نور وتعرفلي ايه اللي بيحصل هناك وبسرعة يا عادل بسرعة
_عادل:حاضر يباشا أقل من نص ساعة وهكون هناك انا والرجالة
_مازن:بسرعه يا عادل سلام
“اتصال تاني لمدير المستشفي “
_مازن:دكتور عدلي معاك مازن السيوفي
_عدلي :مازن باشا اهلا بحضرتك فيه حاجه يا افندم؟
_مازن :فيه أن الممرضة اللي في المستشفى بتاعتك في خطر اتصل بحد فورا يامن العناية المركزة اللي هيا فيها ولينا حساب بعدين يا دكتور ????
_عدلي برعب :حاضر يباشا اتطمن آنسة نور هتكون في أمان حتي لو كان التمن عمري
⬅️اتصل عدلي بالمستشفى وفي ثواني كانت أجهزة الإنذار شغالة في المستشفى كلها واتمكن رجالة الأمن من القبض علي اللي كان مع راشد وبيامنله الطريق
“في اوضة نور “
_راشد برعب :ايه ده فيه ايه هوه ايه اللي بيحصل ؟وقبل ما جاسر يجاوبه كانت رجالة الأمن محاوطاه من كل مكان
_جاسر:خدوه من هنا وشددوا عليه الحراسة لحد ما اجيله
_احد رجال الأمن:أيوة يا باشا بس احنا لازم نطلب البوليس دي محاولة قتل
_جاسر بغضب:وانتوا كنتوا فين لما كان هيقتلها انا لولا جيت بالصدفة كان زمانها ماتت دلوقت وجاي دلوقت تقولي بوليس غور من وشي ومش عاوز مخلوق يعرف باللي حصل ده انت سامع ؟
__________________________________
“رجعت مها علي صوت أجهزة الإنذار ولقت جاسر بيخرج من اوضة العمليات “
_مها برعب:جاسر باشا فيه ايه ايه اللي بيحصل نور جرالها حاجه ؟
_جاسر بغضب:انتي كنتي فين ده كله مش المفروض انك معاها طول اليوم كنتي فين ده كله ؟
_مها بخوف :والله العظيم مغبتش كتير انا يدوب كنت بتعقم عشان ادخل اشوفها
_جاسر بشك :وانتي مين سمحلك تشوفيها ومن أمتي مسموح لحد يدخل العناية اصلا
_مها بتلعثم:مهو اصل اصل …..
_جاسر بغضب :انتي لسة هتماماي ما تنطقي مين اللي سمحلك تدخليلها ؟
_مها بخوف :حاضر هحكيلك
“حكتله كل اللي حصل من اول ما الممرضة جتلها لحد ما رجعت علي صوت الانذار”
_جاسر بشك:والممرضة دي فين دلوقت ؟
_مها:معرفش انا سبتها وجريت علي نور خفت يكون حصلها حاجه معرفش هيا راحت فين
_جاسر بغضب:انتي ايه يبنتي السذاجه اللي انتي فيها دي هوه اي حد يجي يقولك حاجه تصدقيها وحتي لما حسيتي بخطر سبتيها تمشي عادي كده انتي مجنونة ????
_مها بدموع:يباشا انا والله معرفش حاجه انا كان كل همي اني اشوف نور بس حضرتك بتقول خطر حضرتك تقصد ايه ؟
_جاسر بغضب:اقصد أن نور كانت هتموت كان فيه حد بيحاول يقتلها بحقنة هوا لولا جيت ولحقتها بالصدفة
_مها برعب :ينهار اسود قتل طب طب نور عاملة ايه نور فيها حاجه ؟
_جاسر بتعب :لا الحمد لله انا ربنا بعتني في الوقت المناسب
_مها بدموع:انا اسفة كل ده بسببي والله العظيم ما اعرف ان كل ده هيحصل لو اعرف مكنتش …..
_جاسر بشك:مكنتيش ايه ؟!
_مها بتلعثم:مكنتش مكنتش يعني اتحركت من مكاني انا اسفه يجاسر باشا والله ما كنت اقصد بجد اسفه
_جاسر بهدوء:خلاص يمها مش وقته وبعدين انا عارف انك مكنتيش تقصدي روحي انتي دلوقت يا مها وسيبني لوحدي
____
“بيرن تيلفون جاسر”
_جاسر:أيوة يا مازن
_مازن:الو يا جاسر طمني ارجوك انت كويس؟
_جاسر:اهدي يا مازن متقلقش انا بخير
_مازن برعب:جاسر انا لحد دلوقت مش فاهم حاجه ممكن تفهمني في ايه ؟
_جاسر بهدوء:هفهمك كل حاجه يا مازن بس انت اسبقني دلوقت علي المكان بتاعنا هبعتلك عادل والرجالة ومعاهم اتنين عاوزك تروقهملي لحد ما احصلك
_مازن :فهمني طيب مين دول وتبع مين ؟
_جاسر :لحد دلوقت انا معرفش دول مين وتبع مين انا هنقل نور الڤيلا بتاعتي واجيلك
_مازن باستغراب :الڤيلا ؟طب ازاي هننقلها الڤيلا وهيا في العناية وليه ده كله اصلا ؟
_جاسر:هنقلها في غرفة مجهزة وهجبلها ممرضة تهتم بيها عشان حياتها في خطر يا مازن
_مازن باستغراب:طب ازاي بس فهمني ؟
_جاسر :هفهمك كل حاجه يا مازن بس انت روح دلوقت واعمل اللي قلتلك عليه
_مازن:تمام يا جاسر هستناك في مكاننا
_جاسر:تمام سلام يا مازن
“اتحرك مازن علي المكان السري واللي محدش يعرف عنه حاجه إلا هوه وجاسر والموثوق فيهم من رجالتهم بس “
____________________________
“في ڤيلا جاسر الحديدي”
“هنا في اوضتها بتقلب في الرواية اللي في ايديها لما سمعت صوت عربية إسعاف بتدخل الڤيلا نزلت بسرعه ورعب علي سلم الڤيلا وهنا شافت رجالة الإسعاف داخلين بحد مش عارفه تكشف هويته وهنا قلبها كان هيقف من الرعب من فكرة أن ممكن يكون جاسر “
_هنا برعب:مين دول يا دادة ومين اللي جايبينه ده ؟
_سعاد بخوف مماثل:والله يبنتي ما اعرف انا فجأة لقيتهم داخلين بحد مغطيين وشه ومش عاوزين يردوا علي حد مننا
_هنا برعب:يا نهار اسود يا دادة تبقي مصيبة لو كان أبيه …وهنا سمعت صوت من وراها
_جاسر بمقاطعة :متخافيش يا حبيبتي انا اهو مفياش حاجه
_هنا جريت علي حضنه:أبيه جاسر انت بجد كويس ؟
_جاسر وهو بيحضنها:اه يا قلبي والله متقلقيش خلاص بقي بطلي عياط
_هنا وهيا بتمسح الدموع :طيب الحمد لله وفجأة وكأنها افتكرت حاجه …قالت بعيون مفتوحه مازن؟!!!
_جاسر :لا والله متقلقيش مش مازن وبعدين عشان اريحك خالص دي بنت مش راجل ارتحتي يا ستي؟
_هنابارتياح: طيب الحمد لله ايه ؟بنت؟!!!!بنت في قصر الحديدي طب ازاي ده مفيش بنت دخلت القصر ده غيري من ساعة وفاة ملاك ؟
_جاسر بحزن :عندك حق بس ده وضع مؤقت وهينتهي قريب اوي
_هنا وكانت انتبهت انها جرحت بكلامها :انا اسفة يا أبيه والله ما اقصد بس …..
_جاسر بمقاطعة:لا يا حبيبتي مفيش اي داعي للاسف انا هفهمك كل حاجه بس مش دلوقت اخلص بس من الدوشة اللي انا فيها دي وبعدين افهمك كل حاجه ماشي ؟
_هنا:ماشي يا أبيه انا هطلع اوضتي ارتاح من الخضة اللي انت خضتهالي دي
_جاسر :اتفضلي يا روحي
____________________
“في مكتب كامل الدمنهوري”
_كامل:هبة فين الزفت اللي اسمه راشد ؟
_هبة :معرفش يا باشا هوه قال إنه هيروح وبقاله كذا ساعة مجاش انا هتصل بيه واعرف هوه فين ؟
_كامل بغضب:انتي غبية ما انت اتصلت كتير اوي علي تيلفونه مبيردش
_هبه:خلاص يباشا اهدي وفي اسرع وقت هيكون عندك ؟
“بعد مرور بعض الوقت “
“كان جاسر وصل للمكان السري”
_جاسر:ها يا مازن طمني ايه الاخبار
_مازن:الاخبار المفروض عندك يا جاسر ؟
_جاسر:أيوة انت تقصد اللي حصل انا هحكيهولك بس انت قلي عملت معاهم ايه ؟
_مازن:هما لسة ما جوش عشان انا اتصرف معاهم انا فكرت أنك اخرتهم وجايبهم معاك
_جاسر بتعجب:ازاي دول كان المفروض يكونوا هنا من كذا ساعة المسافه من هنا للمستشفي مش بعيدة كده كده
_مازن بحيرة :فعلا عندك حق حاولت اتصل بيك كتير لقيت تيلفونك مقفول واخر مرة كلمت عادل قال انهم جايين قلت انت اخرتهم واكيد جايين معاك
_جاسر بغضب :ازاي انا ……..وهنا سمعوا خبط علي الباب
_واحد من رجالة جاسر:جاسر باشا اسف للمقاطعه
_محسن:فيه ايه يا محسن انطق ؟
_محسن بحزن:الرجالة اللي بعت عادل يجيبهم؟!
_جاسر بغضب :مالهم يا محسن انطق
_محسن بحزن:هربوا يا باشا
_جاسر باندهاش:هربوا ؟انت بتقول ايه انت اتجننت هربوا ازاي ؟
_مازن:هربوا ازاي ورجالتنا معاهم ؟
_محسن برعب :الظاهر يباشا أن ….
_جاسربغضب:أن ايه ما تنطق انت هتنطقتني ولا ايه …
_محسن بخوف:حاضر ،الظاهر يباشا أن عادل معاهم وكان عارف اللي هيحصل كله ؟!
_جاسر بصدمة:ايه ؟!ازاي وانتوا عرفتوا ده ازاي
_محسن :مهو ده يباشا الخبر التاني اللي جاي أقوله لحضرتك ؛احنا لقينا كل الرجالة اللي كانوا معاهم مقتولين مفيش الا واحد فيهم كان فيه الروح وهوه اللي بعتلي رسالة عشان نلحقهم وقالي علي المكان وقالي أن عادل هوه اللي سلمهم وهرب مع الرجالة اللي كانوا معاهم
_جاسر بغضب:رجالتي ماتوا!مين ده اللي استجري أنه يقرب من رجالة جاسر الحديدي انطق
_مازن:اهدي يا جاسر عشان نعرف نفهم ونتصرف؛قولي يا محسن الراجل ده في انهي مستشفي
_محسن بحزن:للاسف يباشا قبل ما نوصل بيه المستشفي كان قابل وجه رب كريم
_جاسربغضب:ازاي !ازاي كل ده يحصل مين اللي بيلعب معايا بالشكل ده انا عمر ما حد اتجرا يمد ايده علي حاجه تخصني ازاي رجالتي ازاي
_مازن :اهدي يا جاسر اهدي ارجوك خلينا نفكر ؛روح انت يا محسن وفي خلال يوم او اتنين بالكتير تفاصيل الموضوع ده تكون عندي فاهم ؟
_محسن :حاضر يباشا احنا كمان مش هنسيب حق اصحابنا اللي راحوا دول هدر عن اذنك يباشا وفي خلال يومين بالكتير هنكون عرفنا كل حاجه
_مازن :ماشي روح انت دلوقت
_محسن :حاضر يباشا
“جاسر كان في حالة صدمة وشرود وبيحاول يوصل مين اللي بيحاول يعمل كده “
_مازن:جاسر انت كويس ؟
_جاسر:ولا عمري هكون كويس الا لو اخدت بتاري مش جاسر الحديدي اللي يسيب حقه ابدا انت عارف يعني ايه حد يمس رجالتي يا مازن
_مازن:عندك حق بس ده كله مش انت اللي مقصود بيه يا جاسر ولا نسيت ؟
_جاسر :قصدك؟قصدك نور ؟
_مازن :ايوه طبعا اللي عمل كده مش عاوزنا نوصله ولا نعرف كان عاوز يقتلها ليه البنت دي وراها سر كبير اوي يا جاسر ؟
_جاسر :عندك حق وخصوصا أن كل أعدائنا في السوق أعداء في الشغل وبس معندناش عداوة شخصية مع حد تخليه يعمل معانا كده
_مازن:عندك حق ؛بس تفتكر مين عنده مصلحه يعمل كده في نور
_جاسر:مش عارف يا مازن انا بعد اللي حصل النهارده معنديش دماغ افكر حتي
_مازن :هيا حاجه تحير فعلا عندك حق وخصوصا أن اللي زي نور مش هيكون عندها عداوة مع حد تخليه يعمل معاها كده ومش مكتوب في الملف بتاعها أنها اتعرضت لحاجه زي دي قبل كده
_جاسروكانه انتبه لحاجه بعد ما سمع من مازن كلام عن ملف نور واسترجع في دماغه كلام قالته نور في مواقف مختلفه
“السبب اللي خلاني سبت شركة الدمنهوري سبب شخصي مش حابة اتكلم فيه ” “انا اللي قدمت استقالتي ما اترفدتش” “لولا حد قذر واقف في طريقي كان زماني دلوقت شغالة في مكان احسن من ده ميت مرة “
_جاسر :مازن
_مازن :ها ؟
_جاسر :كامل الدمنهوري ????????????????