رواية وقد جمعنا القدر الفصل الاول 1 بقلم مريم فهمي

– ليه؟

– خايف انك تكسريني في يوم من الايام

– اكسرك وهكسرك ليه كلها شهر وهنتخطب يا مروان ملوش لازمه الكلام ده

– مش عارف ليه فيه شعور جوايا مخليني افكر كده

– معلش يا مروان انا هضطر امشي عشان انت عارف ماما وانا قلتلها اني هبص علي خالتو وهاجي علطول..

– سهيله توعديني انك متسبنيش ابدا

– اوعدك يا مروان يلا سلام ،عاوزة حاجه يا خالتو

– لاء يا حبيية خالتو سلام 

(مروان: شاب طويل، عيونه بني غامقه تشبه العيون السوداء ،شعره اسود يشبه ظلام الليل ، شديد الذكاء ،رقيق المشاعر ،اذا احب احب بصدق واخلاص ،يعيش مع والدته التي تعني له حياته باكملها، سيتزوج من ابنة خالته وسيقوم بخطبتها خلال شهر ، متيم بها منذ ان كان صغيرا ، ولكن مازال يعتقد انه سياتي شيء سيغير له كثير من الاشياء في حياته..)

– صباح الخير يا أمي

ردت بحنيه – صباح الخير يا مروان اقعد افطر معايا يلا

– حاضر يا ست الكل

– مش هتقلي بقي مالك

– تعبان يا امي بس ومضغوط من الشغل

– اوعي يا مروان تكدب عليا وانا حفظاك ، في حاجه حصلت مع سهيله؟؟

– خايف يا امي خايف اني اخسرها ولو خسرتها قلبي هيتكسر من بعدها ،كنت حاطط لنفسي مقدار معين من الحب عشان لو بعدت اقدر اعيش من غيرها بس للاسف حبي تعدي كل الخطوط الحمرا والحواجز الي حطتها ضيعت كل ده وادتها ثقه كبيرة اووي وحاسس انها ممكن متكنش قد الثقه دي ، قلقان انها متكنش بتحبني اصلا ويكون كل ده وهم وساعتها هتغير لانسان وحش اووي محدش هيقدر يتقبله ،ومن بعدها مش هقدر فعلا اتعامل مع اي بنت من بعدها ولا هقدر احب تاني ، عرفتي مالي يا ماما

– يا حبيبي انت ليه بتحكم علي حاجه من قبل ما تحصل ليه ديمت قلقان وشايل هم بكرة هو ربنا قصر معاك انبارح ،ليه مش عايش الحاضر بحلوه وبمره وحاطط في دماغك يا تري بكرة في اي؟ مش كده يا حبيبي لازم تشيل من جواك الخوف الي هيقضي عليك ده وتحاول تسعد نفسك وتجهز نفسك لخطوبتك ،حاول تبعد نفسك عن اي حاجه ممكن تأذيك ولو لقيت اني تفكيرك هيأذيك حاول تتغلب عليه انزل مع اصحابك ،اخرج ،قلي وانا انزل معاك ،عشان يا حبيبي متتعبش

(كان يقوم بسماعها وهو منصت للغايه فهو يعلم ان كلامها صحيح ويعلم ايضا ان مشكلته هي القلق وانه دائما ما يقلق مما يزيد ارتباكه ومما يجعله غير منتبه الي حاضره…)

ذهب الي عيادته حيث هو طبيب اسنان وناجح جدا 

السكرتيرة : يا دكتور في حاله مستعجله جدا برة وبتتوجع اووي 

– دخليها بسرعه 

قالها وهو متوتر لانه يعلم ان ألم الاسنان صعب للغايه 

دلفت اليه شابه لا تتخطي الخامسه والعشرين متوسطة الطول ،عيناها تشبه عيناه ترتدي فستان لونه اسود وخمار لونه زهري غامق وكانت تشبه الملكات 

– ارجوك يا دكتور اخلعلي الضرس ده ،انا خلاص جبت اخري منه 

– اتفضلي بس ارتاحي وانا هشوف هل ينفع نحشيه عصب ام لاء 

– بسرعه يا دكتور والنبي

فحص الضرس ووجد انه قد وصل للعصب وانه لابد من ان يقوم بحشوه حشو عصب

– بصي انا هديكي بنج قوي اهو لان بقلهالك اهو من اولها الجلسه دي اصعب جلسه وانا مش عاوز اوجعك فا معلش استحملي شويه

– آآآآآآآآه مش قاااااادرة خلاص عشان خاطري طب اخلعه مش قادرة استحمل الوجع …..وبدات بالبكاء الشديد لانه حقا كان ضرسها يؤلمها كثيرا

– انا اسف اني وجعتك بالشكل ده بس حقيقي في دكاترة كتير مش بيعرفوا يشتغلوا في الضرس ده لانه صعب اووي وانتِ کمان سبتيه لحد ما وصل لدرجه وحشه اووي 

– طيب الجلسه الي جيه امته ؟

– يوم الجمعه بإذن الله

– تمم يا دكتور طب ممكن رقم حضرتك بس عشان لو عذت استفسر عن حاجه او ضرسي حصله حاجه في الفترة دي ومقدرتش استحمل الوجع 

– طبعا طبعا اتفضلي ممكن بس اعرف اسمك اي؟

– اسمي فريده

– تمم يا فريده تقدري ترني عليا فاي وقت

ذهبت وهو يعلم جيدا انها سترن عليه اما اليوم اما غدا لان ضرسها سيؤلمها لانها واصله الي مرجله متأخرة جدا

انهي مروان كل كشوفاته وذهب للبيت علي امل ان سهيله تأتي ثانيا ولكنها لم تاتي ولكن هذه المرة لم يتأثر بغيابها كثيرا ومازال يفكر  متي ستحدثه تلك الفتاه ؟ 

-اصحي يا مروان بسرعه!!

مروان بخمول- في اي يا ماما بتصحيني دلوقتي ليه؟

– خالتك تعبانه جدا وسهيله مش عارفه تعمل اي!!

– ينهر ابيض دي غيبوبة سكر دي ولا اي؟

– مش عارفه مش عارفه انزل يلا وانا جيه اهو

نهض مروان مسرعا ثم اخذ سيارته ليذهب لبيت خالته التي هي ام سهيله ولكن في طريقه اصدمت سيارته بسيارة اخري وانقلبت سيارته واجتمع الناس حول السيارة واخرجوه منها وذهبوا به الي المستشفي وبحثوا عن اي شيء يدلهم هلي عائلته واتوا بامه..

-خير يا دكتور

– للاسف الاستاذ فاقد الذاكرة ومبيرددش غير اسم بنت بس وهي…..