رواية عشقت ضابط جيش الفصل الثالث 3 بقلم مجهولة

وتأخذ ريم بيجاد ويذهبوا الى منطقة الالعاب وحمزه متابعهم من بعيد .. واول مره يجد بيجاد يلعب ويضحك بهذا الشكل من سنه .. خصوصا فى الوقت التى تأخذه ريم فى حضنها .

ريم / انت عندك كام سنه

بيجاد / يعد على ايده .. واحد .. اتنين .. تلاته .. اربعه .. خمسه .. عندى خمسه سنه

ريم / يا غتى .. دا انت كبير خالص ..والمفروض نشوفلك عروسه

بيجاد / لا .. اما اجوز بابا الاول

ريم / ههههههههههه انت مشكله .. متأكد ان عندك خمسه سنه

واثناء حديثهم يأتى حمزه

حمزه/ مش كفايه كده يأستاذ بيجاد ..كده تيته هتقلق علينا .

بيجاد/ كمان شويه يابابا .. علشان خاطري عايز العب ريم كمان شويه

ريم /ايه رأيك نتقابل فى النادى

بيجاد / خلاص ماشى هروح دلوقتى  .. بس اوعى تنأخرى بكره

حمزه / وكمان بتاخد مواعيد عينى عينك ..يلا يأستاذ

تقف ريم وهى تودع بيجاد وعنيها على حمزه .

تأتى منى من خلف ريم وتهمس فى ودنها /مشى قرة عينك

ريم وهى تهز رأسها / بس هيوحشنى

ريهام وهى تقلد ريم / بس هيوحشنى .. انتى مجنونه يا بنتى

ريم وهى تضع زراعها على كتف ريهام / فيه ايه بس يا مرات اخويا يا عسل انتى

ريهام / ريم انتى عارفه انى بحبك واتمنى لك الخير .. وانك قبل ما تبقى اخت جوزى انتى بنت عمى .

ريم / وانا عملت ايه بس

منى / الراجل يقول ايه لما يلاقيكى هيمانه وموكوسه عليه كده .. انتى عبيطه صح .. عبيطه

ريم / اولا ..انا متملمتش معاه خالص

       /ثانيا .. ان كنت هشوف بيجاد فى النادى بكره فدا علشان طفل يتيم وعنده مشكله نفسيه وقلبى وجعنى عليه

ثالثا / الحاله اللى بعملها معاكم .. بتبقى معاكم انتوا بس علشان اهزر معاكم .

لكن مش هتسهوك يا ست منى علشان انا عارفه حدودى كويس ..بعد اذنكم ..انا طالعه انام علشان تعبانه .. تصبحوا على خير

وتتركهم ريم وتجرى على غرفتها .

ويقف كلا من منى وريهام .. تنظر كل منهما للاخرى

وتدخل ريم غرفتها . وتغير ملابسها استعدادا للنوم ..وتجلس على السرير وهى تضع يدها على قلبها وتفكر فى ما حدث منذ ان رأت حمزه .

      —————————————–

حمزه فى سيارته واول مره يرى بيجاد مبسوط وسعيد .

حمزه / مبسوط يا بيجاد

بيجاد / اوى اوى يابابا

بيجاد / بابا .. ممكن نشترى لعب شوكولاته ومصاصه ..

حمزه وهو ينظر لبيجاد بإستغراب/ هههه ومش عايز شيتوس كمان

ويذهب حمزه وبيجاد الى اقرب محل لعب .. وقد اشترى الكثير من اللعب والحلويات لبيجاد

وبعد الكثير من الوقت يرجع حمزه وبيجاد الى المنزل .. ليجد تيته مروه تجلس فى الحديقه الاماميه بإنتظار حمزه وبيجاد

ويجرى بيجاد على تيته مروه التى بدورها تأخذه فى حضنها.

تيته مروه بإستغراب لانها اول مره بعد وفاه امه تجده يضحك بهذه الطريقه / حبيب قلب تيته من جوه .. عامل ايه .. شكلك مبسوط

بيجاد / اوى اوى يا تيته .. اعملى حسابك بكره هنروح النادى علشان اقابل ريم .

تيته مروه / ريم مين .. وهى تنظر لحمزه

بيجاد / ريم صاحبتى يا تيته .. تعالى معايا بكره وانتى تتعرفى عليها

تيته مروه / ان شاء الله .. طب مش يلا بقى علشان تنام .. علشان تصحى بدرى ونروح النادى

بيجاد / حاضر .. تصبحوا على خير .. ويقبل جدته ويقبل حمزه

ويصعد حمزه ومعه الداده لكى تغير له ملابسه وتنيمه

مروه / مينةريم دى يا حمزه

حمزه وهو يسرح فى ريم / اخت عماد زميلى .. ويقص لها حمزه ما حدث ( طبعا دون ان يذكر معاكسه ريم له)

مروه وهى ترى اللمعه فى عين حمزه .. وقد بدأ ينمو بداخلها امل ان يتزوج حمزه لكى تطمئن عليه هو وبيجاد قبل ان تموت / ربنا يقدم اللى فيه الخير

 وياتى صباح جديد على كل الابطال … بأحداث جديده .

يتبع…