رواية أسيرة جلادي الفصل الحادي عشر 11 بقلم مريم حسني

هند بابتسامة صباح الخير يا شريف

شريف التسم لها صباح الخير يا هند ازيك

هند الحمد لله رايك المستشفى

شريف اه ان شاءالله خالتو فين

هند بتعمل الفطار

ريف طيب هدخل اسلم عليها

هند طب شريف كنت عاوزه اقولك حاجه

شريف خير في ايه

هند انا بحبك

شريف استغفر الله العظيم يا رب وبعدين يا هند تاني تاني يا هند مش انا قولتلك مليون مره انك اختي وانك تنسي الحكايه دي

هند بعياط هو انت مبتحبنيش ليه عشان مشوه صح

شريف بضيق اني مجنونه يا هند ازاي اللي انتي بتقوليه ده انتي عارفه اني مش كده هند انتي غاليه عندي اوي من ساعه مادخلت البيت ده يا هند وانا معتبرك اختي الصغيرة وبنتي كمان انا ماشي يا هند ولو فضلت الاوهام دي في دماغك انا هعزل من هنا بس اعرفي حاجه يا هند انك جميله جميله اوي كمان انتي اجمل بنت انا شوفتها في حياتي انتي تربيتي يا هند جمالك اللي من بره ميقلش ابدا عن جمالك اللي من جوه انتي جميله من جوه ومن بره انا ماشي سلام وسابها ومشي

……………..

شريف دخل لندي بابتسامة صباح الخير

ندي ابتسمت له وهزت راسها كا رد

شريف ازيك النهاردة اخبارك ايه

ندي شاورت بمعني الحمدلله

شريف طيب نبدا راغي النهاردة ولا ايه اكلتي الاكل

ندي هزت راسها بلا

شريف امممم ليه كده بقي انا كنت هزعل منك

ندي شورت بمعني مش جعانه

شريف طيب انا كمان مفطرتش بس الفرق ان انا جعان ممكن ناكل سوا لو مش هضايقك

ندي ابتسمت بخجل وهزت راسها بماشي

شريف طيب انا هطلب من الممرضه تجيبلنا الاكل احنا الاتنين

……………..

في لندن

صابر بغضب سهيله راحه فين

سهيله بخنقه اوووووف ايه يا دادي سؤال كل يوم هكون راحه فين يعني مع صحابي في ايه

صابر بزعيق بت انتي ردي عدل احسنلك

سهيله بخنقه fine  fine هبقي ارد عدل انا نزله واحتمال ابات بره النهاردة باي

صابر بزعيق ماجده يا ماجده

ماجده ايه يا صابر بتزعق كده ليه

صابر متشوفي بنتك يا هانم

ماجده مين ندي

صابر بزعيق ايه هو انتي مخلفتيش غير ست زفته ركزي بقي مع ولادك اللي هنا انتي بالك كله بقي في ندي هانم

ماجدة مالها سهيله يا صابر

صابر مالها بنتك يا هانم كل يوم بتخرج وبتبات بره

ماجده ابتسمت بسخرية اعملها ايه لو كنت تقدر تعملها حاجه كنت عملتهالها احنا هنا في لندن ودي سهيله مش ندي زي مانت بتقول مش هتقولها كلميتن وتضر*بها قلمين  وتسكت انت عارف كده كويس متجيش تطلع عصبيتك عليا انا راحه اشوف ورايا ايه

………………

فادي وبعدين بقي يا ريم في الزن ده في ايه انا كش رايقلك

ريم عاوزه اعرف انا عملت ايه مزعلك مني كده

فادي انا ورايا شغل يا ريم سلام وقفل في وشها

حسام فادي هو انت معدكش فضول تعرف حكايه ريم ايه

فادي حكايه ايه مش فاهم

حسام يعني مش عاوز تعرف ريم عامله كده ليه ليه هي مباله للعن*ف باشكل ده وبتحبه

فادي هو انت تعرف وتعرف منين اصلا

حسام اه اعرف اعرف منين من الدفتر ده

فادي دفتر ايه ده

حسام مذكرات ريم

فادي وده جيبته منين

حسام بصراحه كان واقع منها قدام المكتب بتعها وانا كان عندي فضول اعرف في ايه ولما حكتلي حايتك مع ندي حبيت اني اديك الدفتر ده تقراه وتعرف ان كل الناس مش شبها ويمكن ده يساعدك انت كمان

فادي احم هاتله فادي اخد المذكرات وقام انا رايح مكتبي وخرج

حسام اتنهد يا ريت انت كمان تفهم انك عيان ولازم تتعالج يا فادي وتلحق نفسك زي مانا لحقتها

……………

فادي بداء يقرا المذكرات دي فيها ايه (الكلام ده علي لسان ريم )

…………….

من وانا عندي سبع سنين  وانا امي متوفيه انا فاكره كل حاجه حصلتلي مره كنت في المدرسه ونسيت الكتاب بتاعي هناك روحت قولت لبابا انا فاكره كويس نزل فيا ضر*ب بالح*زام لحد ماغ*مي عليا ونقلني المستشفى

ساعتها هو قالي اني غلط ولازم اتعاقب عشان مغلطش تاني انا ساعتها قعدت حولي شهر مرعوبه منه وخايفه من كل حاجه وخايفه اعمل ايه حاجه لحسن اتعاقب تاني هو مضر*بنيش تاني بالطريقة دي لحد في مره وانا عندي ١٢ سنه بابا شافني وانا خارجه من المدرسه ولد من مدرسه الولاد اللي جنبنا جه كلمني وقبل حتي ما رد عليه بابا ساعتها اخدني عل البيت وفضل يض*رب فيا لحد ما ك*سرلي دراعي وقالي ساعتها نفس الكلمه اني غلط ولازم اتع*اقب الغريبه اني لقيت نفسي بتعمد اغلط عشان اتع*اقب منه معرفش ليه كنت ببقي مبسوطه وكبرت وانا كده ومعرفتش اتغير حولت كتير اقاوم الموضوع ده بس معرفتش انا معرفش فيا ايه ومش عاوزه اعرف انا اتربيت علي كده وخلاص

فادي قفل المذكرات بزهول وارتباك ايه ده يعني هو انا مش فاهم حاجة وراح لحسام

فادي حسام انا مش فاهم حاجه من المذكرات دي

حسام كل اللي انا اعرفه ان كده ريم مريضه نفسيا ومحتاجه تتعالج زي احم زي

فادي بحده زيي صح انت عاوز تقولي اني مريض نفسي

حسام المرض مش عيب العيب ان الواحد يبقي عارف ويكابر

فادي بعصبية بس انا مش عيان انت فاهم وسابه وخرج

…………………

فايزه يا حبيبتي كفايه عياط كفايه يا قلبي

هند بانهياروعياط هستيري هو مبيحبنش عشان العلامات اللي في جسمي انا عارفه طب انا ذنبي ايه انا عملت ايه مليش ذنب انا كنت عيله صغيره مكنتش فاهمه ان لما الميه المغليه تدلق عليا هيحصلي كده مكنتش اعرف انا وحشه وعمر ما حد هيرضي يتجوزني عشان اللي حصلي

فايزه عيطت عشانها وحضنتها متقوليش  علي نفسك كده انتي اجمل بنت في الدنيا كلها وفادي مش مبيحبكش انتي عارفه غلاوتك عنده قد ايه هو بس شايفك اخته مش اكتر

هند بعياط اكتر انا مش عاوزه ابقي اخته انا بحبه هو ليه مش بيحبني انا عمر محد هيحبني ولا يرضي بيا زي ما كل الناس بتقول عشان انا جسمي متش*وه

…………….

شريف الف هنا

ندي ابتسمتله

شريف ندي عاوز اتكلم معاكي عنك شويه احم تحبي نبدا بمين فادي ولا مامتك

ندي بصتله بخوف وعنيها دمعت

شريف بصي يا ندي لازك تبقي عارفه من جواكي انك عندك مشكله ولازم تبقي عاوزه تحيلها مش تهربي منها واحنا لازم نتكلم في المشكله دي عشان تتحل ماشي ندي انا عارف ومتاكد كمان انك لو عاوزه تتكلمي هتتكلمي وبمنتهي السهوله وان عدم الكلام ده مجرد نوع من انواع الهروب فانتي اللي هتقرري ان كنتي عاوزه تساعدي نفسك ولا لا ها عاوزه تساعدي نفسك

ندي دمعت وهزت راسها بايوه وحاولت تضغط عل نفسها ا. ا ا وخرج منها بصوت مهزوز اه

شريف ابتسم بفخر كده نبدأ