Uncategorized
رواية العشق لا يعرف وطن الفصل السابع والعشرون 27 بقلم أية إنسان
رواية العشق لا يعرف وطن الفصل السابع والعشرون 27 بقلم أية إنسان
 |
| رواية العشق لا يعرف وطن الفصل السابع والعشرون 27 بقلم أية إنسان |
رواية العشق لا يعرف وطن الفصل السابع والعشرون 27 بقلم أية إنسان
_هاجر : إياد .
_اياد : وحشتيني .
_ بتعمل اي هنا .
_ مش قادر أتخيل انك ممكن تكوني لحد غيري .
_ إياد لو سمحت أمشي من هنا .
_ قرب أياد عليها وقال : أنا مش همشي من غيرك .
_ إياد فوق لنفسك انا دلوقتي واحدة متجوزه والنهارده فرحي .
_ مسك دراعها بغضب وقال : مش هسمح تكوني لحد غيري انا بقولك اهو ثم اتكلم بصوت يبدو عليه الحزن وقال : حاسس ان ربنا بيعاقبني علشان سيبتك خد مني احلى حاجه في حياتي خد عز حاسس بوحدة من حوليا رغم وجود ناس كتير مش لاقي حد جنبي هاجر انا مش عاوزك تبعدي عني لو سمحت .
_ بصت هاجر عليه بشفقه وحزن إحساس الوحده أحساس قاتل وخصوصاً لما تكون متعلق بحد ويروح من بين أيدك بتدور عليه في وشوش ناس كتير بس مش هتلاقيه ، اتكلمت هاجر بصوت هادئ وقالت: إياد انا مقدره حالتك دي كويس بس لو سمحت انا مش عاوزه مشاكل امشي .
_ اتكلم بغضب وقال : هو أحسن مني في اي ليه تختاريه هو وانا لأ .
_ إياد وطي صوتك وامشي من هنا دلوقتي وانا هكلمك بعدين .
_ مستحيل انتي هتمشي معايا دلوقتي وسحبها من إيديها ومشي بيها وهي مش عارفه تفلت منه .
_ جاء صوت من وراهم وقال : تفتكر هتعرف تخرج من هنا على رجلك .
_ بص إياد وهاجر على مصدر الصوت وكان أسر .
_ قرب أسر عندهم وقال : تؤ تؤ تؤ مش عيب تلمس حاجه مش بتاعتك وشال أيده من على دراع هاجر وادله بوكس محترم فطلع إياد المسدس بتاعه ووجه على أسر .
_ حاله من الصدمه احتلت وجه هاجر هو دة اللي مكنتش عامله حسابه .
_ رد أسر : اي مستني اي اضرب .
_ رد إياد : انا مش عاوز اسببلك أذى انا هاخد هاجر ونمشي من هنا .
_ لا يا شيخ بإعتبار اي بقى هاجر مراتي .
_ انا عارف انك متجوزها غصب عنها وأنك بتحاول تداري الفضيحه دي لكن هي قلبها معايا أنا أول حب في حياتها انا ماضيها مش كده يا هاجر قوليله .
_ بص أسر عند هاجر اللي واقفه ساكته خالص ومش بتتكلم .
_ شوفت بقى يا دكتور سيبها بقى خلينا نرجع لبعض بلاش تكون انت السبب في بعدنا .
_ الباب خبط وكان أكمل ابو أسر .
_ قالت هاجر : إياد علشان خاطري امشي دلوقتي .
_ لا يا هاجر انتي مش مضطره تعملي حاجه علشانه .
_ إياد لو لسه بتحبني امشي دلوقتي علشان خاطري .
_ رد أسر : لا بجد ممتاز يا هاجر بس مين قالك أنه هيخرج من هنا بقى .
_ أسر اسمع لو سمحت انا مش عاوزه مشاكل اكتر من كده عمو بيخبط بره والناس والصحافه في كل مكان لو سمحت .
_ وانا مش هسيبه يمشي .
_ وقفت هاجر في النص وقالت : إياد نط من الشباك وامشي من هنا وانا وعد هكلمك تاني لو سمحت .
_ رد أسر : مستحيل وقبل ما يتحرك وقفت هاجر قدامه وبصت ليه بترجي وهو واقف شايف نظرات الخوف في عيونها وقلبه واجعه ليه عملت كده ليه خلته يجي وليه يمسك ايديها وليه كانت هتمشي معاه وليه حكتله على حكايتهم الف ليه وليه بتدور في دماغه ولكن فاق على أيد أبوه اللي على كتفه وبيقول طبعاً واقف مع القمر ومش سامع الباب .
_ بص أسر حواليه مكنش إياد موجود وبص لهاجر اللي واقفه متوتره جداً نظرات من جمر .
_أكمل : مالك يا حبيبي فيك حاجه .
_ آسر : لا يا بابا انا بخير اي طلع حضرتك هنا كنت خليك واحنا نازلين .
_ لا انزل انت وانا هجيب العروسه وننزل .
_ بس يا بابا .
_ على تحت يلا .
_ بص أسر لهاجر نظرات وعيد ونزل تحت .
_ قال أكمل : انا قولت اطلع اجيبك علشان اسلمك للواد أسر تحت .
_ ابتسمت هاجر وقالت : انا أسفه اني تعبت حضرتك بس حضرتك عارف انا مليش أهل .
_ لا عيب كده مش انا بابا .
_ اه طبعاً .
_ طب هاتي حضن لبابا بقى .
_ جريت عليه هاجر وحضنته إحساس أن في حد جنبك ومعاك بيطمن اي حد .
_ يلا بقى احسن أسر هيقتلنا تحت .
☆ ————— بقلم الكاتبة/ آية إنسان ————– ☆
_ في نفس التوقيت في جنينه الأوتيل تحت خرجت اسماء تتصور بره ولكن سمعت الحوار دة .
_ خبط ليل في بنت وقال : آسف مخدتش بالي .
_ ردت البت وقالت بتعجب : مين ليل .
_ رفع ليل عينه لان الصوت دة مستحيل ينساه وقال : سوزي .
_ كويس انك لسه فاكرني مهو مستحيل اتنسي بردو .
_ طبعاً مستحيل تتنسي يا سوزي هانم .
_ ههههه كويس انك عارف إني هانم بس قولي بقى جاي حفله كبيره زي دي ليه انت اشتغلت عامل نظافه .
_ ردت بنت من وراهم وقالت : صح هو عامل نظافه .
_ بصوا الاتنين لمصدر الصوت وكانت أسماء .
_ بص ليل ليها نظرات حزن ولكن كملت أسماء وقالت : اصل لقينا في شويه زباله في الحفله فبشمهندس ليل تكرم وقال لازم يطلعهم بره .
_ اتعصبت سوزي وقالت : انتي اتجننتي انتي مين انتي علشان تتكلمي معايا كده .
_ ههههه الله هو حد وجهلك كلام يا استاذه الوان انتي .
_ انتي مين انتي علشان تتكلمي معايا كده مش باقي غير الخدامين علشان يتكلموا مع أسيادهم .
_ رد ليل بغضب وقال : سوزيييي خدي بالك من كلامك .
_ ههههه وانت بقى يا تربيه الملجأ اللي هتعرفني اتكلم ازاي .
_ صدمة إحتلت وش ليل وأسماء وبصوا لبعض ليل بنظرات خجل وأسماء بنظرات إستغراب .
_ ردت أسماء وقالت : تربيه الملجأ دة احسن منك على الأقل مطلعش بتاع بابي ومامي وملوش اي قيمه في المجتمع زي حضرتك كده بالظبط .
_ تصدقي انك قليله الأدب وغبيه .
_ على فكره انا بعرف ارد واشتم بردو بس اللي ربتني مش هي اللي ربتك علشان ارد عليكي .
_ انتي أصلاً مش من مستوايا علشان ارد عليكي .
_ والهانم عاوزاني انزل كام درجه علشان انزل لمستواها .
_ اتعصبت سوزي اوي وقالت : انتي ازاي ……
_ قاطعتها اسماء وقالت : اسمعي يا بت انتي انا محترمه مع المحترم واعرف اعلم اللي مش محترم معني الاحترام فلو هتقفي قصادي هتزعلي اوي اجري روحي لبابي اشتكي ليه وخدي الباقي من كرامتك وامشي علشان لو وقفتي اكتر من كده مش هتلاقي كرامه تلميها .
_ اتكلمت بغيظ : هدفعك التمن غالي اوي صدقيني ومشيت من الحفله .
_ بص ليل لأسماء وقال بوش حزين جداً : أنا آسف على اللي حصل .
_ لا عادي دي بت عاوزه ربايه .
_ ليل مش عاوز يبصلها وقال : بعد إذنك ومشي خرج من الحفله واسماء دخلت الحفله وبعد شويه نزلت هاجر مع عمها اكمل وسلمها لأسر وسط ذهول الجميع .
_ فضل أسر باصص لهاجر كتير وبعدين ابتسم وقال : احب اعرف الجميع هاجر السمري مراتي .
_ اي ازاي .
_ طلع واحد من الصحافه وقال : بس اللي اتنشر عنكم قبل كده غير .
_ طبعاً غير وكل واحد كتب كلمه غلط هيتحاسب وكل واحد قال كلمه وحشه عليها هعرفه مقامه احنا كتبنا الكتاب من بدري ونظراً لتدهور صحه الوالد أجلت الفرح وحياتي الشخصيه مش مشاع للعالم انا حر اعلن اني اتجوزت أو اخبي دي حياتي ومش مسموح لحد أنه يتدخل فيها واظن رسالتي وصلت وخد أسر هاجر ووقف قدامها وطلب منها ترقص معاه وبالفعل رقصت معاه بس كل واحد جواه مشاعر مختلفه هاجر حاطه إيديها على قلب أسر وحاسه بضربات قلبه اللي بتزيد وهو حاسس برعشه جسمها تحت أيده كل لما يقربها لحضنه وخلصت الرقصه وقرب ليل من أسر وحضنه وقربت أسماء من هاجر وحضنتها وقالت : مبسوطه اوي علشانك يا هاجر .
_ ابتسمت هاجر بحزن .
_ اسماء : مالك في اي .
_هاجر : مفيش بس تعبانه وعاوزه امشي .
_ حاسه بحاجه طيب .
_ لا إرهاق بس مش اكتر .
_ متقلقيش كل حاجه هتكون بخير شويه والحفله هتخلص .
_ ابتسمت هاجر وقالت : شكراً انك جنبي .
_ يا عبيطه انتي اختي هروح اجبلك عصير وهاجي .
_ راحت اسماء البوفيه ووقفت جنبه وقالت : على فكره مفيش داعي تتهرب مني وكل لما تيجي عينك في عيني تهرب انت مش عامل عمله اياً كان انت مين خليك دائماً فخور بنفسك كلام الناس خليه تحت رجلك هيرفعك لفوق لكن لو حطيته على كتفك هيهدك بلاش تخلي حد يهدك بكلام غبي زيه اكبر وغير من نفسك ندمهم أنهم في يوم قللوا منك يا بشمهندس وخدت العصير ومشيت .
_ بص ليل لطيف اسماء اللي مشيت وقال : مين دي هي ازاي كده وبعدين بتتكلم عني بثقه وكأنها تعرفني من سنين .
_ قرب أسر من ليل وقال : مالك يا ليل .
_ هاااا لا مفيش يا صاحبي اي مش هتسافر مع مراتك ولا اي .
_ لا غيرت رائي مفيش سفر دلوقتي .
_ ليه .
_ بعدين بعدين يلا سلام .
_ شال أسر هاجر وسط الحضور وطلع بيها فوق في الاوتيل وسط تصفيق جميع الحضور .
☆ ————— بقلم الكاتبة/ آية إنسان —————☆
في فيلا العامري :
_ وعد : بابا يا بابا .
_ عاصم : في اي يا وعد .
_ امسك الفون واتفرج كده فرح هاجر .
_ اي فرح مين .
_ اتفرج .
_ مسك عاصم الفون واتفرج والصدمه محتله وشه وقال : يعني هي كانت مراته طب خبت علينا ليه .
_ لا يا بابا انا متأكدة أن في حاجه غلط انا لازم اتكلم معاها .
☆ —————- بقلم الكاتبة/ آية إنسان ————–☆
في شقه مصطفى الزهار :
_ مصطفى : ميرا يا ميرا .
_ميرا : اي يا مصطفي في اي .
_ تعالي يا بيبي اتفرجي علي فرح قريبتك .
_ قريبتي مين ، ومسكت ميرا الفون واتفرجت وهي متعصبه وقالت : ازاي دي يتعمل ليها فرح زي دة وهو بيتكلم عنها كده ليه وكأنه امتلك كنز فقالت بكل حقد وغضب : كل دة كذب هي أصلاً كانت ماشيه معاه قبل كده علشان كده طردناها من الفيلا عندنا وهو عمل كده علشان يداري الفضيحه مش اكتر .
_ ههههه الله وانتي متعصبه ليه كده اوي تكوني غيرانه .
_ نعااام انا اغير من دي ليه عندها اي أنا احلى واجمل واغني هي جنبي ولا حاجه يا مصطفي ولا حاجه .
_ اه طبعاً يا حبيبتي مين دي أصلاً هي تيجي جنبك اي يا وحش انت وقرب سحبها وقعت في حضنه .
_ مصطفى ابعد عني انا عفاريت الدنيا كلها بتتنطط في وشي .
_ تؤ تؤ تؤ تعالي وانا هبعد كل العفاريت دي من وشك .
_ هو انت اي حيوان مش بتفهم .
_ ضربها بالقلم ومسكها من شعرها : انا هفرجك الحيوان حاضر وسحبها على اوضه النوم وأعتدي عليها بكل عنف وغضب ولم يهتم لصراخها فهي التي اختارت ذلك .
☆ —————- بقلم الكاتبة/ آية إنسان ————–☆
في الاوتيل عند أسر :
_ دخل أسر الأوضة ونزل هاجر بالراحه من غير ولا كلمه .
_ التوتر هو سيد الموقف فقربت هاجر من أسر وقالت : ممكن تسمعني .
_ شششششش انا سمعت ما فيه الكفايه اوي النهارده ومش عاوز اسمع منك اي حاجه .
_ أسر انت أكيد فهمت غلط صدقني انا ….
_ قاطعها أسر ومسك دراعها بغضب وقال : فهمت غلط هو اي اللي فهمته غلط انك بتترجيه يمشي وانتي هتكلميه ولا أنه صعبان عليكي وبتهوني عليه موت ابنه ولا انه لسه بيحبك ولا أنك كنتي هتمشي معاه ولا انك هربتيه ولا انك خلتيه يجي وحكتيله كل حاجه عننا خلاص مش قادره تبعدي عنه ولا قادره تعيشي من غيره اي كنتي بتمثلي عليا.
_ أسر انت بتقول اي انت فاهم غلط انا مش ممكن اعمل كده .
_ اخرسي يا هاجر مش عاوز اسمع صوتك بس هخليكي تندمي على كل حاجه صدقيني .
_ طلما انت مش عاوز تفهم مضايق ليه هااا بتدي نفسك حق مش حقك ليه يا أسر اوعي تكون فاكر ان المسرحيه دي بجد كله تمثيل .
_ لزقها في الحيطه وقرب من ودنها وقال : لا دة مش تمثيل انتى مراتي واسمك على اسمي مش تمثيل فوقي انا أسر السمري مش معني أني اتعاملت معاكي كويس قولتلك ماضيكي ميأثرش على مستقبلك معايا وعرفتك أن طول فتره عيشتك معايا تحترميني لان مش هسمح حد يقول مرات أسر السمري ماشيه على حل شعرها .
_ بصت هاجر ليه بحزن وقالت بصوت هادئ عكس النار اللي جواها : سيب دراعي لو سمحت .
_ بص أسر على نفسه شاف أنه هيكسر دراعها فسابها وخد ترنج ودخل الحمام وهي قعدت على السرير دموعها رافضه انها تنزل .
_وبعد شويه خرج لابس ترنج ازرق ودخل البلكونه يطلع غضبه في السجائر وهي دخلت لبست بيجامه سودا بكم وراحت نامت على الكنبه من غير ولا كلمه .
_ بعد شويه خرج ولقاها نائمه على الكنبه وملامح الحزن باينه عليا وقرب منها ولسه هيلمس وشها افتكر كلام إياد وده خلاه يغلى وخرج البلكونه تاني .
☆ ————— بقلم الكاتبة/ آية إنسان ————–☆
_ بعد ما الحفله خلصت وقفت أسماء تبص يمكن تلاقي تاكسي يوصلها ولكن شافت صوت من وراها بيقول : مش هتحرمي تمشي لوحدك بالليل بردو .
_ بصت أسماء لمصدر الصوت وكان ليل فقالت : نصيب يا بشمهندس نعمل اي بقى .
_ طب تعالي نتمشي لحد ما نشوف عربيه لان مفتاح العربيه بتاعي وقع ومش عارف فين .
_ ماشي .
_ فضلوا ساكتين شويه وبعدين اتكلم ليل وقال: انا ليل جمال الهواري اتولدت مش فاكر لا امي ولا ابويا طفل عنده ٧ سنين لقيت نفسي في ملجأ عشت فيه لحد ١٨ سنه بس جمدت نفسي واعتمد على نفسي وكملت تعليم وذاكرت مكنش ليا صاحب الوحدة كانت صاحبتي احساس انك ملكش حد صعب بس محدش بيختار عيشته بس إعتمدت على نفسي اشتغلت كل حاجه واي حاجه ممكن تتخيليها وكافحت ودخلت ثانويه عامه وجبت مجموع كبير ودخلت هندسه وقابلت سوزي وللأسف حبتها كنت بتمني تطلب وانا انفذ وجيت قولت أتقدم ليها وخدت ألم عمري ما هقدر أنساه في حياتي قالتلي مبقاش غير ابن الملجأ اللي يتقدم ليا يعني لا عندك فيلا ولا عربيه ولا فلوس ولا مركز اجتماعي ولا حتي اهل انت لو هتشتغل عندي مش هقبل بيك مش تتجوزني عرفت كل الكليه حكايتي ضحكوا عليا اتهنت إهانه كبيره بس هي عندها حق مين يرضي بحد زاي .
_اسماء : عارف يا ليل انت كنت ممكن مش تروح ملجأ وتترمي في الشارع وتتربي في الشارع وتكون صايع وبدل ما تكون لوحدك هتعرف ناس بس مش شبهك ناس كان ممكن تعلمك السرقه أو المخدرات انت ربنا كرمك بس انت اللي باصص لنص الكوبايه الفاضي لقيت مكان تعيش فيه وغيرك نايم في الشارع لقيت اكل وشرب وغيرك بياكل من الزباله لقيت دراسه وغيرك مش عارف يكتب اسمه مش مهم انت ابن مين ولا عايش فين المهم انت مين اخلاقك هي رأس مالك أدبك هو مكانك وسط عالم أغلبه انعدمت أخلاقه انت صحيح مخترتش اهلك لكن انت اخترت تعيش ازاي بلاش حياتك كانت صعبه معاك حق بس لازم تشكرها علشان لولاها مكنتش بقيت البشمهندس ليل اوي تخلي حاجه توقفك يا ليل بص حواليك كويس وشوف نعم ربنا مش هتلاقي كرم اكبر من كده .
_ فضل ليل وأسماء يتكلموا طول الليل لحد ما وصلت البيت عندها .
_ مش معقول احنا مشينا كل دة .
_ ههههه صحيح الكلام خدنا ومش حسينا بالطريق .
_ شكراً يا اسماء .
_ على اي .
_ على كل حاجه .
_ تصبح على خير .
_ وانتي من أهله .
_ فضل ليل يتمشي في الشوارع وتلفونه رن وكان عمرو فقال : الو .
_عمرو : انت كده اللي بتلعب بالنار يا ليل خليك عارف …..
☆ ————