رواية متملك الفيروز الفصل الرابع 4 بقلم جودي عماد

فى المستشفى كان اسامه واقف مستني الدكتور و هو قلقان على البنت اللى خبطها بعربيه قعد على الكرسي اللى جنب الاوضه و هو مستني الدكتور عدت دقائق قليله و خرج الدكتور و هو بينزل السماعات و بيقوله:-

_حضرتك تعرف البنت اللى جوه دى. 

اسامه و هو بيقوم يقف:-

_لاء يا دكتور هى الخبطه بتاعت العربيه خلت حالتها خطيره اوى كده. 

الدكتور و هو بيبص ليه بصات شك:-

_خبطه عربيه!! 

اسامه:-

_اه خبطه عربيه. 

الدكتور بأنفعال:-

_عربيه ايه يا استاذ البنت اللى جوه حد معتدي عليها يا استاذ هو انت تقرب ليها ايه احنا لازم نبلغ البوليس و نبلغ اهلها. 

اسامه بصدمه:-

_ انا معرفهاش يا دكتور بس ازاى يا دكتور دى لما كانت ماشيه فى الشارع قبل ما تعدى الطريق كان مش باين عليها. 

الدكتور و هو بيلبس نضارته:-

_و الله يا استاذ هى دى حالتها و احنا لازم نبلغ البوليس و اهلها بعد اذنك. 

الدكتور ساب اسامه و مشي بس اسامه راح وراه و وقفه و هو بيقوله:-

_ممكن بس اذنك يا دكتور نستني لما تفوق و نشوف هى هتعمل. 

الدكتور و هى بيسيبه و يمشي:-

_ماشي بعد اذنك. 

قعد اسامه و هو مصدوم ازاى بنت زيها تتعرض لحاجه بالبشاعه دى ازاى حد يفكر يعمل فيها كده و شكلها يدى سن 17 او 18 قام اسامه و راح وقف عند الشباك و بص للشارع. 

     ꧁꧂꧁꧂꧁꧂꧁꧂꧁꧂

فى الصعيد فى بيت الحج عثمان كانت واقفه ريهام قدام اخوها الكبير و هى خايفه منه قام هو وقف و لف حوليها و قالها بصوت عالى:-

_يعنى جدك بيدور عليها و انتي هتساعديه انتى مجنونه يا ريهام. 

ريهام و هى بترجع لورا:-

_و مساعدوش ليه يا على و انا فى ايدي اساعده. 

على بصوت عالى:-

_انتى مجنونه انتى بتدورى على وحده لا ليها اصل و فصل و بعدين نضمن منين انها هتكون بنت عمتك المصون. 

ريهام بصوت عالى زيه:-

_على احترم نفسك و اتكلم عن عمتك كويس دى طريقه تتكلم بيها يا على وحده ميته يعني عندك ربك يا استاذ يا محترم. 

رفع على ايده عشان يضربها بس نزلها فى اخر لحظه و قالها:-

_حلو يا ريهام و بقى ليكي حس و بتعلي صوتك عليا اطلعى برا يا ريهام عشان و ربي همد ايدي عليكي. 

فى الوقت ده دخلت امهم على صوتهم و هى بتقولهم:-

_مالكوا فى ايه يا ولاد صوتكوا جايب لاخر الشارع مالك يا ريهام معصبه على ليه يا بنتى. 

نفخت ريهام بخنقه و خرجت و سابتهم فبص على لامه و قالها:-

_عجبك اللى بنتك بتعمله ده و الله اكسرلك راسها. 

الام:-

_حصل ايه لكل ده يا على. 

على:-

_الهانم عايزه تساعدك الراجل الخرفان ده انه يلاقى بنت بنته المصون 

الام و هى بتضرب على صدرها:-

_دى اتجننت ولا ايه دى تبقى مصيبه لو عرفوا مكانها ورث امها كله هيكون ليها. 

على:-

_ده على جثتي انه يحصل الفلوس دى حقي انا لان انا اللى اشتغلت طول السنين دى و تعبت مستحيل اخلى بنت دهب تاخد حاجه من الورث. 

الام:-

_عفارم عليك يا ابنى و انا معاك و هساعدك بس ابوك ميعرفش حاجه عن الموضوع ده. 

على:-

_عيب عليكي هو انا صغير قدامك المهم اننا نحاول نوصل ليها الاول. 

    ꧁꧂꧁꧂꧁꧂꧁꧂꧁꧂

فى بيت مالك شاب فيروز و خرج من البيت فقررت فيروز انها هتعمل حاجه مش هتسيب مالك يتحكم فيها اكتر من كده و القرارا هتنفذ النهارده بس الاول لازم تعمل حاجه مهمه جداً عشان تقدر توقف مالك عند حده و انها مش هتفضةل كده و مش هتستسلم ليه و انها هتثبت براءتها بنفسها نزلت من اوضتها و دخلت اوضه مكتب مالك لقت اللاب توب بتاعه موجود قعد على مكتبه و هى بتحمد ربها بينها و بين نفسها.. 

على الجانب التاني فى المستشفى خرجت الممرضه من اوضه البنت و راحت لأسامه و قالتله:-

_يا استاذ البنت فاقت و عايزة تشوف الشخص اللى ساعدها و جابها هنا. 

دخل اسامه الاوضه و هو بيبص للبنت بشفقه و قالها:-

_حمد لله على سلامتك يا انسه. 

ضحكت البنت و قالتله:-

_اسمي سمر يا استاذ اتفضل اقعد استريح. 

قعد اسامه على الكرسي و قالها:-

_انا اسف على اللى حصلك بسببي بس كنت حابب اتكلم معاكي فى موضوع. 

اختفت ضحكه سمر و قالتله:-

_اتفضل حضرتك عايز تقول ايه. 

اسامه:-

_الدكتور عملك فحوصات و تحاليل و اثبتوا ان فى.. فى.. حد. 

قاطعته سمر و ضحكت بوجع:-

_الدكتور عرف اني مغتصبه صح. 

اسامه و هو بيهز راسه بأه بهدوء:-

_الدكتور عايز يبلغ البوليس عشان اللى عمل كده ياخد جزاته و كمان نعرف اهلك. 

عيطت سمر بهسيريه و قالتله:-

_لاء ابوس ايديك اهلى لاء اهلى لو عرفوا هيقتلوني. 

اسامه:-

_ازاى يعنى هما المفروض يساعدوكي و بعدين انتي ملكيش ذنب فى حاجه. 

عيطت سمر و قالتله و هى بتترجاه:-

_ارجوك بلاش تخلي الدكتور يقول لاهلي انا مش عايزه اموت يا استاذ ابوس ايدك. 

اسامه و هو بيسيبها فى الاوضه و يخرج:-

_بس خلاص اهدى متخافيش. 

خرج اسامه و قعد على الكرسي و هو بيفكر هيعمل ايه فى البنت دى بس وصل لتليفونه رساله فتح الرساله و ضحك و هو فرحان و قام مشي من المستشفى.. 

    ꧁꧂꧁꧂꧁꧂꧁꧂꧁꧂

فى بيت مازن صاحب مالك اللى كان قاعد عنده و هو بيفكر فى فيروز و قسوته معاها خرج مازن من المطبخ و قاله:-

_و بعدين يا مالك هتفضل كده حالتك بتسوء يوم عن يوم و الدليل اللى انت بتعمله مع فيروز. 

مالك:-

_قصدك ايه يا مازن انا سليم و مفيش فيا اى حاجه و طريقتى مع فيروز ده رد فعل للعملته هى. 

مازن:-

_يعنى انت شايف انك كده كويس. 

مالك و هو بيقوم عشان يمشي:-

_اه يا مازن انا كويس و لاخر مره بقولك متجبش السيره دى تاني عشان مهما حاولت معايا مش هتجيب نتيجه. 

مازن:-

_لو حبيت يا صاحبي ترجع لعلاجك تاني هتلاقيني موجود دائما معاك و جنبك فى اى وقت. 

مالك و هو بيخرج:-

_متقلقش انا مش محتاج اتعالج و اظن انت عارف كده كويس سلام يا صاحبي . 

مازن:-

_مالك بلاش تهور مع فيروز اديها فرصه انها هى اللى تيجي و تحكيلك فاهمني. 

مالك:-

_فاهمك و انا هعمل كده.. 

     ꧁꧂꧁꧂꧁꧂꧁꧂꧁꧂

فى شارع جانبي ضالمه كانت واقفه عربيه أسامه و هو قاعد جواها بيلعب فى تليفونه فجأه بيتفتح الباب اللى ورا و بيركب حد فبيضحك اسامه و هو بيبص فى المرايا بتاعت العربيه و بعدين يدورها و يمشي… 

فى بيت مالك فتح مالك الباب و دخل البيت و طلع فوق لاوضة فيروز و اول ما دخل الاوضه شاف حاجه صدمته..