Uncategorized
رواية طفلة حطمت قسوتي الفصل الثامن 8 بقلم حكايا من ورق
رواية طفلة حطمت قسوتي الفصل الثامن 8 بقلم حكايا من ورق
 |
| رواية طفلة حطمت قسوتي الفصل الثامن 8 بقلم حكايا من ورق |
رواية طفلة حطمت قسوتي الفصل الثامن 8 بقلم حكايا من ورق
_سعاد:اوضة نور مقلوبة وهيا مش في اوضتها
_جاسر برعب :بتقولي ايه ؟!!!!!!!ازاي وامتي ده حصل ؟
_سعاد بدموع :والله يا ابني ما اعرف انا سبتها وكانت نايمة وطلعت اندهها زي ما قولتلي ملقتهاش
_جاسر :انا لازم اتصرف حالا
“بيتصل بمازن “
_جاسر :الو أيوة يا مازن انت فين ؟
_مازن بتلعثم :ها ،لا ابدا انا نزلت قعدت في النادي شوية عشان اخفف من التوتر اللي احنا فيه الفترة دي فيه حاجه يا جاسر ؟
_جاسر برعب :طيب تعاللالي دلوقت حالا نور مش في اوضتها وقلبت عليها القصر كله مش لاقيها ؟
_مازن:ازاي يعني هتكون راحت فين ؟مش يمكن خرجت طيب ولا حاجه ؟
_جاسر:لا مخرجتش،بقولك الاوضة مقلوبة يعني ممكن جدا تكون اتخطفت
_مازن :ايه اتخطفت ؟طيب اقفل دلوقت يا جاسر وانا جايلك ؛وهنا بيدخل راشد وبيكلم مازن
_راشد:مازن باشا عاش مين شافك
_جاسر بشك:مين ده يا مازن ؟
_مازن بتلعثم :ممم مين مش فاهم؟
_جاسر :اللي بيكلمك
_مازن:اه لا ده واحد معرفة بقالي فترة مشوفتوش لما اشوفك هبقي احكيلك كل حاجه
_جاسر:تمام بس متتاخرش عشان نشوف حل في المصيبة دي
_مازن:حاضر انا جايلك سلام
_جاسر:سلام
_________________________
“في مكتب الدمنهوري”
_مازن بغضب :انت متخلف يا بني ادم انت داخل ولا احم ولا دستور مش تستني لما اخلص المكالمة
_راشد:انا اسف يا باشا والله ما اعرف انك بتتكلم في التليفون ؛وبعدين مهو اكيد ما اخدش باله هيعرف صوتي منين ؟
_مازن بغضب:مش بقولك انك غبي طبعا يعرف صوتك من وقت ما كنت عاوز تقتل نور وده الشيء اللي خبيتوه عني ولا ايه يا كامل بيه ؟
_كامل بتلعثم:اه ،لا مخبيناش ولا حاجه الموضوع كله جه صدفه مكنش مترتبله
_مازن بشك :عاوز تفهمني انك مكنتش ورا الحادثة اللي حصلت لنور
_كامل :لا مش انا دي حادثة قضاء وقدر
_مازن بضحك :قضاء وقدر؟هو انت تعرف القضاء والقدر اصلا ؟ولا كامل الدمنهوري هيسيب حاجه تمشي كده ؟!
_كامل بغضب :انا مش هخاف منك عشان اخبي عليك حاجه زي كده انا فعلا ماليش علاقة بحادثة نور
_مازن بغضب مماثل:وانت برضو مش ورا خطفها دلوقت ؟
_كامل باندهاش:ايه ؟!نور اتخطفت ؟!ازاي وامتي ؟
_مازن بتهكم:لا والله علي اساس انك مش سامع مكالمتي مع جاسر وهو بيقولي أنها اتخطفت ولا انت فاكر اني معرفش انك جبتني هنا عشان تشغلني وتعمل اللي انت عاوزه
_الدمنهوري بغضب:قلتلك انا معرفش حاجه عن اللي بيحصل ده والظاهر أن فيه طرف تالت في الموضوع ده احنا منعرفوش ؛وبعدين انت بتكلمني ليه بالطريقة دي ؟هو انا بس المجرم ولا ايه ؟متفوق يا مازن باشا علي الاقل انا مبعتش صاحب عمري ولا ايه ؟!
_مازن بغضب شديد:ماشي يا كامل يا دمنهوري انا هعرف كويس ازاي اندمك علي كل كلمة قلتهالي
“مازن في التيلفون وهو في طريقه لبيت جاسر”
_شخص:ها يا مازن فيه جديد ؟
_مازن بخوف :فيه مصيبة ،نور اتخطفت
_الشخص :ايه ؟اتخطفت ؟!!!!ازاي وامتي احنا عنينا عليها طول الوقت ومفيش حاجه منعرفهاش
_مازن:معرفش جاسر كلمني وقالي أن اوضتها مقلوبة وهيا مش موجودة فيها
_الشخص :طيب اقفل انت وانا هعرف كل حاجه واكلمك اوعي جاسر يعرف اي حاجه هو أو اي حد تبعه
_مازن:تمام سلام
_الشخص:سلام
__________________________
“في منزل جاسر الحديدي”
_مازن :جاسر فهمني ايه اللي حصل
_جاسر بحزن شديد :مش عارف يا مازن مش عارف فجأة لقينا اوضتها مقلوبة وهيا مش فيها انا مش عارف اعمل ايه يا مازن مش عارف
_مازن بحزن مماثل :اهدي يا جاسر وانا هعرف كل حاجه وهنتصرف متقلقش
“تيلفون مازن بيرن “
_مازن :طيب انا هروح الحمام وجايلك بسرعه ما تتصرفش اي تصرف الا لما اجي
_جاسر :طيب بس انت طالع فوق ليه فيه حمام هنا ولا انت نسيت الڤيلا
_مازن:لا طبعا انت عارف اني حافظ كل شبر فيها بس انا مش برتاح الا في حمام اوضتي انت عارف
_جاسربتفهم :تمام ماشي روح
“في اوضة هنا “
_سعاد:هنا،هنا قومي يا حبيبتي احنا بقينا الضهر هتنامي ايه تاني ؟
_هنا:يووووووة يا دادة سيبيني نايمة شوية بقي الله يخليكي
_سعاد :يا حبيبتي انا لو عليا اسيبك تنامي بس انتي عندك محاضرات قومي بقي
_هنا بنعاس:يادادة مش مهم سيبيني بقي
_سعاد بعصبية :ما قولتلك قومي بقي ايه الدلع ده !!
_هنا بتعجب :ايه ده يا دادة مالك متعصبة كده ليه ؟
_سعاد بندم :حقك عليا يا بنتي قطع لساني انا بس قلقانة والنبي متزعلي مني
_هنا بتفهم:لا طبعا يا دادة متقوليش علي نفسك كده اني تزعقي براحتك وتضربيني كمان انتي زي ماما وانتي عارفه
_سعاد:لا يبنتي العفو ايدي تتقطع ولا اني امد ايدي عليكي بس اعذريني انا خايفه اوي
_هنا بتعجب:ليه بس يا دادة مالك ايه اللي مخوفك يا حبيبتي ؟
_سعاد:نور هانم
_هنا:مالها
_سعاد :اتخطفت
_هنا :بتقولي ايه ؟اتخطفت ازاي وامتي وليه ومين ده اللي اتجرا ودخل قصر الحديدي دي عمرها ما حصلت
_سعاد:مهو ده اللي مخوفني انا خايفه عليكم اوي اوي اللي وصلها ممكن اوي يوصلكم وانا مش هتحمل حاجه فيكم يا بنتي
_هنا بخوف وتعجب :عندك حق يا دادة ،في حاجات غريبة ابتدت تحصل وانا مش فاهمه حاجه وبجد بدأت اخاف عموما روحي انتي يادادة وانا هغير هدومي وانزل اشوف جاسر
“غيرت هنا هدومها ونزلت عشان تشوف ايه اللي بيحصل تحت سمعت صوت من اوضة مازن “
_هنا لنفسها:ايه ده غريبة اوي هو مازن جه أمتي ؟ده بقاله كتير مبيدخلش اوضته وقفت قدام الاوضة سمعت بيتكلم مع حد في التيلفون
_مازن للشخص:طيب تمام انا هقفل دلوقت ،وهتصل وقت تاني بس انا اللي هتصل عشان محدش يشك يلا سلام
_”هنا اتصدمت من كلامه في التيلفون واتاكدت من شكوكها أنه بيكلم وحده ومش عاوز يحد يعرف فاقت من صدمتها علي صوته وهو بيكلم حد تاني في التيلفون
_مازن بعصبية :الو،انا مش قولت مش عاوز حد يتصل بيا وانا انت ايه مبتفهمش؟
_اسمع يا كامل يا دمنهوري انا مش هسمحلك تهد كل اللي بخططله ؛ومن هنا ورايح انا اللي اؤمر وانت عليك التنفيذ وبس والا هتشوف وش مازن السيوفي التاني وصدقني ده مش هيعجبك فاهم ؟
_”هنا مفهمتش حاجه من الكلام اللي اتقال واتحركت بسرعة لما سمعت باب الاوضة بيتفتح “
_مازن اتصدم لما شافها علي السلم
_مازن بتلعثم:ااااا هنا؟
_هنابتعجب:اه فيه حاجه؟
_مازن:ها؟لا مفيش انتي هنا من أمتي اقصد يعني رايحة فين ؟
_هنا من غير ما تبصله:رايحه لاخويا سمعت من دادة اخبار متطمنش ،ومتاكده أن فيه حاجات كتير بتحصل من ورايا وبصتله من فوق لتحت وكملت
“الظاهر اني فايتني كتير اوي “
_مازن وهو بيمسك أيدها:انا مش عارف انتي متغيرة معايا وبتعامليني كده ليه ،بس هقولك حاجه يا هنا ارجوكي متحكميش علي الأمور دي من دلوقت لان فيه حاجات كتير اوي انتي متعرفيهاش
_هنا بتهكم:فعلا فيه حاجات كتير معرفهاش ومبقاش يهمني اعرفها عن اذنك
___________________________
“الكل قاعد قلقان علي نور ومحدش عارف هيا فين ماعدا مازن اللي جاله تيلفون عرف منه كل حاجه لكن اتفق مع الشخص أنه يتصل قدام الكل عشان محدش يشك فيه”
“تيلفون مازن بيرن”
_مازن بلهفة مصطنعة:أيوة يا صفوت باشا حضرتك عرفت حاجه ؟
_الشخص :_____
_مازن:تمام يباشا متشكر اوي انا هاخد العنوان دلوقت واروح سلام يباشا ومتشكرر مرة تانيه
_جاسر باهتمام:مين اللي بيتكلم يا مازن وايه العنوان اللي بيقولك عليه ؟
_مازن :ده اللوا صفوت معرفة شخصية وانا كلمته عشان يعرف نور فين والحمدلله عرف
_هنا بمقاطعة:غريبة اوي ،طول عمرنا مع بعض عمرنا ما سمعنا عن اللوا صفوت ده
_جاسر بلهفة :مش وقته دلوقت يا هنا ،يعني هوه لقي نور بجد يا مازن
_مازن :أيوة وبعتلي العنوان واهو معايا
_جاسر بلهفة :طيب الرجالة جاهزين يلا بينا بسرعه
_مازن :مفيش داعي للرجالة انا وانت بس اللي هنروح
_جاسر بتعجب:طب ازاي دي مخطوفه
_مازن بهدوء:نور ما اتخطفتش يا جاسر نور مشيت بمزاجها وهيا دلوقت في الشقة القديمة اللي كانت فيها قبل الحادثة
_جاسر بغضب:انت بتقول ايه ؟والاوضة اللي لقيناها مقلوبة دي ؟
_مازن بهدوء:هنعرف كل حاجه منها ،ومتقلقش انا متاكد من اللي بقولهولك يلا بينا بقي قبل ما يوصلولها قبلنا
_جاسر:عندك حق يلا بينا بسرعه
_____________________________
“في شقة نور “
“قاعدة بتفكر في الفترة اللي فاتت واللي حصلها فيها وهيا مش عارفة هتعمل ايه في اللي جاي قطع تفكيرها صوت جرس الباب “
_نور لنفسها:غريبة اوي مين اللي بيخبط محدش يعرف اني هنا واول ما فتحت ولقت جاسر قدامها اتصدمت
_نور بصدمه :انت،انت ايه اللي جابك هنا وعرفت طريقي ازاي ؟
_جاسر بهدوء عكس البركان اللي جواه:مش عاوز ولا سؤال ومن غير شوشرة أمشي قدامي علي العربية ومن غير ولا نفس
_نور:لا مش ماشية انت عاوز مني ايه يا اخي متسيبني في حالي بقي
_مازن :اهدي يا نور احنا هنا لحمايتك مش جايين ناذيكي
_نور بغضب:وانا مش عاوزه حمايتك من ساعة ما عرفتكم والمصايب نازلة عليا ارحموني بقي
_مازن:يا نور احنا ..
_جاسر بمقاطعة:استني انت يا مازن ،اسمعي يا بت انتي مش حتة عيلة زيك هتحيرني وتلففني وراها والمقلب اللي عملتيه وهروبك من البيت هحاسبك عليه وحسابك هيكون عسير وقسما بالله يا نور لو ما مشيتي معايا دلوقت هفرج عليكي الناس وابوظ سمعتك في غمضة عين انتي سامعة ؟
_نور :انت بتهددني ؟!يا اخي انا مش عاوزه اعيش معاك هو بالعافية ؟
_جاسر بهدوء:اه بهددك واه هتعيشي معايا بالعافية وكمل بصوت عالي قداااااامي
_نور بخوف وغضب :ربنا علي الظالم
_مازن وهو بيكتم ضحكته :لا جامد بصراحة عجبتني
_جاسر بغضب:بقولك ايه اقسم بالله انا مش ناقصك ولو طلعت غلي فيك هموتك يا مازن انت فاهم ؟
_مازن بخوف مصطنع:لا يباشا الطيب احسن ،اتفضل حضرتك احسن تهرب تاني دي مجنونة وتعملها
_جاسر :مازن لم لسانك ومتغلطش
_مازن باستفزاز :الله ما انت عمال تغلط اهو اشمعنا بقي ؟
_جاسر بعصبية:انا بس اللي اغلط فيها مش حد تاني ولا حتي انت
_مازن:ليه بقي أن شاء الله
_جاسر بتسرع:عشان هيا تخصني
_مازن باستفزاز:تخصك في ايه بقي أن شاء الله ؟
_جاسر بتسرع وغضب:عشان بحبها
_مازن بانتصار:اخيرا يا اخي نطقتها ده انت طلعت عين اهلي
_جاسر بندم :انا انا اصل
_مازن :انت ايه بقي ما خلاص يا اسطا
_جاسر بغضب:انت ايه يا اخي ما ارتحتش الا لما وصلت للي انت عاوزه
_مازن بغرور مصطنع:طبعا يبني انا مازن السيوفي برضو مش اي حد
_جاسر بغيظ:ماشي يا مش اي حد ربنا يرزقك باللي توقعك وساعتها اقسم بالله لاذلك
_مازن وهو بيفكر في هنا :لا يا اخويا انا ماليش في الحاجات دي يلا نلحق الهانم قبل ما تاخد العربية وتجري
_جاسر بضحك :اه والله عندك حق يلا بينا
______________________________
“في قصر الحديدي”
“نور بتدخل وهيا متعصبة وصوتها عالي لدرجة خلت هنا تخرج من اوضتها علي صوت الزعيق”
_نور بعصبية:اوعي بقي يا اخي وعلي فكرة انت مش هتمشي كلامك عليا انت فاهم ؟
_ هنا :انت ايه البجاحه اللي انتي فيها دي يا بت انتي تعملي الغلط وكمان مش ساكتة مش كفاية من ساعة ما دخلتي البيت ومشفناش يوم عدل انتي ايه يا شيخه ؟!!
_نور بعصبية شديدة اول ما شافت هنا :انتي تاني؟انا المرة اللي فاتت سكتت على اللي عملتيه معايا عشان مكنتش في وعيي انما اوعي تفتكري اني ضغيفه ده انا أجن منك مليون مرة وحياتكم دي يا اختي انا مجبرة عليها
_هنا :وايه يا اختي اللي جابرك ما تروحي وتسيبنا في حالنا
_نور بعصبية :اسالي اللي قدامك ده يا اختي هو اللي معاه الإجابة
_جاسر بمقاطعه :بااااس اسكتوا انتوا الاتنين وانتي تعالي معايا واخد نور وطلع بيها الاوضة
_هنا بتعجب:والله عندها حق انا حتي اخويا مبقتش فاهمه تصرفاته
_مازن :غريبة اوي انا كنت فاكر انك اول وحده هتفهمه
_هنا :افهم ايه بالظبط
_مازن :أنه بيحبها
_هنا بذهول :ايه بيحبها ؟ازاي وامتي ودي يتحب فيها ايه دي مجنونة ومخها طاقق
_مازن:شوف مين اللي بيتكلم ،وبعدين مهما دول اللي يتحبوا واوي كمان
_هنا : هما مين ؟
_مازن :المجانين اللي مخهم طاقق
_هنا وبدأت تفهم أنه بيلمحلها لكن عينيها اتملت دموع لما افتكرت مكالمات التيلفون وتصرفاته الغربية في اخر فترة
_هنا بدموع:عن اذنك
_مازن :رايحه فين ؟
_هنا :تعبانه وعايزه انام
_مازن:من أمتي وانتي بتنامي دلوقت خليكي معايا شوية
_هنا:معلش محتاجه انام تصبح على خير
_مازن بحزن :وانتي من أهله
_______________________________
“في غرفة نور “
_نور بعصبيه :هيا البجاحه وصلت بيك لحد هنا كمان جاي ورايا اوضتي ما ارحمني بقي وتسيبني في حالي
_جاسر بجنون وعصبية :انت ايه مبتحسيش مجنونة بتتصرفي من غير عقل انتي عارفة لو كانوا وصولوك قبل ما نوصلك كان ايه اللي هيحصلك ؟!
_نور بعصبية :هيحصلي ايه اكتر من اللي حصلي انا خسرت كل حاجه من زمان اوي معنديش حاجه اخاف عليها الدنيا دي كلها متفرقش معايا انت فاهم ؟
_جاسر بحنية :اهدي علشان خاطري ؛وارجوكي فهميني ايه هو اللي حصلك يا نور صدقيني انا مش عدوك وانا هنا عشان ما تتاذيش
_نور:وانت هتستفيد ايه مني وهيحصلك ايه لو انا اتاذيت
_جاسر :ها مش ده بالظبط السبب ،لكن اللعبة دي اكبر منك ومش مجرد حد عاوز ياذيكي ؛أنا كمان مقصود يعني انابرضو بحمي نفسي وعيلتي
_نور بتعجب:انت ؟وانت وايه عيلتك ايه دخلكم في الحكاية دي ومين قالك انك مقصود ؟
_جاسر :مها السكرتيرة هيا اللي قالتلي
_نور بتعجب:مها صحبتي ؟!ودي ايه دخلها بالحوار ده كمان ؟
_جاسر بغضب :متقوليش عليها صحبتك دي وحدة خاينة وكانت عارفة كل اللي هيحصلك وهيا اللي سلمتك ليهم لولا أن ربنا بعتلي ليكي في الوقت المناسب
_نور بذهول وهيستريا ضحك :هههههه؛انا بجد مش مصدقه صحبتي اللي اكلت معاها عيش وملح وحكتلها وحكتلي تطلع هيا اللي بتوصل اخباري مش معقول لا وحضرتك عاوزني اثق فيك واحكيلك
_جاسر بعصبية:انا مش زيهم يا نور صدقيني انا مش زيهم انتي متعرفنيش انا بجد خايف عليكي
_نور وهيا لسة في ذهولها:وانا اللي يضمنلي يا باشا مش يمكن تسلمني زي ما الكل باعني
_جاسر بهدوء:هثبتلك اني مش هبيعك
_نور بتهكم :هتعمل ايه يعني
_جاسر بهدوء:هتجوزك
_نور:……
تم