رواية عشقت ضابط جيش الفصل السادس 6 بقلم مجهولة

بيجاد/ دى مامى ريم

مروه بحب/ ان شاء الله ياحبيبى

ريم وحمزه وهما بيبصوا لبعض بذهول

 لتنطق غاده زى الطلقه/ مين دى اللى مامى يا بيجاد .. ايه اللى بيحصل هنا بالظبط

مروه / ما هو بيجاد حرق المفاجأه وقالك .

مروه / ومكان مكنتوش عايزنى اعرف الا على كتب الكتاب زى المره اللى فاتت .

دا اتاريكى يا ست مروه شغاله شغل على تقيل اوى .

اتاريكى عماله تزنى فى ودانه انه مش يتجوزنى علشان تجوزيه جربوعه من الجرابيع قرايبك .. ولم تكمل كلامها بسبب القلم اللى اخذته على وجهها فى وسط النادى .

ريم  بخضه ودموع تنزل على خدودها / بس .. بس  كفايه .. ايه اللى انت بتعمله دا .. وكمان ادام الولاد وفى النادى

حمزه / يعنى كنتى عيزانى اسمعها بتغلط فيكى وفى ماما مروه وأسكت.

غاده وهى تصقف / برافو برافو .. لى اوى الشو دا

بس ورحمه ابويا يا حمزه انا ما هعدى القلم دا ولازم تدفع تمنه .. وغالى اوى .

وتخرج غاده ومعها ساره .. وهى تبتسم بعد ان صورت كل ما حدث بالموبايل

على الجانب الاخر

مروه / ريم .. اهدى يا حبيبتى .. خلاص الموضوع انتهى

ريم / ازاى بس اهدى ياطنط مروه .. حضرتك شوفتى اللى حصل

حمزه بغضب / تستاهل .. انا حذرتها اكتر من مره انها تلزم حدودها .

مروه / بصراحه .. هى انسانه مستفزه

ريم بدموع/ بس مش كده .. وفى مكان عام وادام الاولاد .. وتنظر لبيجاد الذى يمسك فى حضن مروه جامد

حمزه / عارف انى غلطت .. انا اسف ياريم .

مروه / حمزه زى الجمل .. بيخزن يخزن .. لكن مره واحده بينفجر .. وفى الحاله دى ممكن يخسر حاجات كتير

حمزه بحزن / بس صدقينى .. بيبقى غصب عنى .. مقدرتش اسمع غلطها وشتيمتها ليكى واسكت

ويعم الصمت والحزن على المكان

………

اما عند غاده … تضحك بشده وهى تشاهد الفيديو قبل ان تنزله سمر على وسائل التواصل الاجتماعى .

سمر/ يخرب بيت عقلك .. دا انا عمرى ما شفت كده

غاده / امال انتى كنتى فاكره انى هقف اتفرج عليه لحد ما يتجوز الهانم اللى اسمها ريم دى .. لااا مبقاش انا غاده .. لو خليتهم يتهنوا بعض

سمر / وكان لزمتها ايه الدوشه دى كلها .. ماكنا عملنا معاها زى ما عملنا مع سلمى قبل كده …

غاده / متقلقيش .. هيحصل … لو الخطه ممشيتش زى ما انا عاوزه

سمر / تمام .. المهم هنزل الفيديو دا بعنوان ايه .. ايه رأيك ظابط جيش يتهجم على فتاه

غاده بخبث / العنوان ان مجهزاه من زمان ( يضرب زوجته فى مكان عام من اجل عشيقته )

سمر / يخرب بيت دماغك .. دا انا كده اصقفلك .. دى ضربه فى الجون ..دى مش فضيحه ليه بس .. لا وفضيحه ليها كمان

غاده / امال انتى فكرانى بلعب ولا ايه

وتضحك غاده وسمر ضحكه عاليه .

………..

ونرجع تانى للنادى

تبدا اعصاب الكل فى الهدوء .. ويبدا الاطفال فى الانسجام ثانيه واللعب وسط الاطفال .

مروه / بصى يا ريم .. اللى هقوله لك دلوقتى حمزه ميعرفش انى هكلمك فيه

ريم / تحت امرك ياطنط

مروه / ايه طنط دى مش اتفقنا انك هتقولى لى يا ماما

ريم / اسفه .. اللى حصل من شويه خلانى مش مركزه … اتفضلى حضرتك عايزه تقولى ايه ..

مروه / انا مش هتكلم كتير .. سلمى بنتى ماتت من سنه.. وقبلها فضلت ٣ سنين تتعالج ومعظم الوقت فى المستشفى  .. كانت مريضه بمرض خبيث .. كل الدكاتره كانوا محتارين .. مش عارفين هى ليه دايما حالتها  كانت بتسوء ..المهم .. فى الوقت ده حمزه انطفى بمعنى الكلمه .. وكمان بيجاد .. تخيلى طفل فى عز ما هو محتاج لامه .. واول ما بدأ يقول ماما .. يتحرم منها .. تخيلى ام يبقى كل حلمها تشيل ابنها فى حضنها ومش عارفه ومش قادره .

مروه بدموع /تخيلى اول مره اشوف فى عين حمزه اللمعه اللى كنت بشوفها فى عينه لما كان بيبص لسلمى

حمزه / ايه الكلام اللى بتقوليه دا يا ماما

مروه وهى تضع صابعها على شفتيها/ اشششششششش ياريت تسبنى اكمل كلامى يا حمزه .. بلاش تقاطعنى

مروه / ريم .. انا بطلب ايدك لابنى حمزه

ريم /????????????????????

حمزه / ماما….

مروه / شششششششششش

مروه / لازم تعرفى انى مكنتش هفتحك فى الموضوع ده لولا انى شفت فى عينك نفس اللمعه اللى فى عين حمزه

ريم بتهته / بس .. انا .. بس .. اصلى

مروه / لازم تعرفى انى عمرى ما هبقى مطمنه الا لو كان حمزه و بيجاد فى امانتك .

حمزه بعد تفكير / انسه ريم .. مش هقولك انى بحبك علشان مش اكون كداب .. انتى فعلا شدتينى .. شغلتى تفكيرى من امبارح للنهارده …كفايه ان بيجاد اللى حبك قبلى واختارك تكونى امه قبلى … فكرى ..وخدى راحتك فى التفكير .. ولو وافقتى .. انا هاجى انا وماما مروه وبيجاد علشان نكلم سياده اللواء ..

ريم وهى تنظر ليديها التى تفركهم فى بعض/ انا مش عارفه اقول ايه .

حمزه / خدى وقتك فى التفكير .. وشاورى الناس اللى انتى بتثقى فيهم

ريم وهى تنظر فى الساعه بإرتباك / طب استأذن انا … علشان اتأخرت …وتنادى على ياسين

ويأتى ياسين وبيجاد ..

بيجاد/ انتى رايحه فين يا ريم

ريم وهى تنزل لمستوى بيجاد / هنروح بقى .. اتأخرنا

بيجاد ببكاء / لا متمشيش .. خليكى .. تعالى روحى معايا ..ياما انا اللى هاجى اروح معاكى

ريم / بيجو حبيبى .. صدقنى مش هينفع .. انت لازم تروح دلوقتى علشان تاخد شاور وتغسل جسمك من العرق ..وبعدين هو فيه راجل بيعيط ..

بيجاد / لا مش هعيط .. بس خليكى معايا

ريم / بص انا رقم تليفونى مع تيته مروه ..فى اى وقت تحتاجنى كلمنى ونتفق ونتقابل .. تمام

بيجاد / حاضر ..هسمع كلامك علشان مش تزعلى

وتقبل ريم بيجاد وتسلم على تيته مروه وتنظر لحمزه .. وتودعهم بتحيه الاسلام وتذهب