Uncategorized
رواية غيبوبة حب الفصل الخامس 5 بقلم رودينة جاب الله
رواية غيبوبة حب الفصل الخامس 5 بقلم رودينة جاب الله
 |
| رواية غيبوبة حب الفصل الخامس 5 بقلم رودينة جاب الله |
رواية غيبوبة حب الفصل الخامس 5 بقلم رودينة جاب الله
3 ايام .. 3 ايام لا بيكلمني ولا بلمح طيفه .. مكسوفه ووشي ف الارض طول ما انا ف البيت .. ازاي فهم كلامي وغيرتي كدا ! ازاي فهم اني مكسوفه منه وإنه مايشرفش وهو يشرف بلد ! ازاي فهم بالغباء دا ! مالقيتش حل قدامي غير إني ادخله الاوضة بقي وأمري لله
_ ممكن ادخل ؟
= ما انتِ دخلتي خلاص
_ مالك !
= مالي ؟
_ مش بتكلمني ولا بتاكل معانا ولا حتي بقيت بتسأل علينا !
= لا مش واخد بالي
_ اوعي تعمل كدة !
= اعمل ايه ؟
_ اوعي تتجاهلنا بالطريقة دي ! ولازم تعرف أننا لينا واجب عليك بقي وانك تسأل عليا وتجيبلي شيكولاتة وانت راجع يعني دا اقل واجب وكمان ماينفعش تفضل زعلان مني ٣ ايام وانت اصلاً حمار بتفهم بدماغ تانية
= خدي نفسك بس ! ايه دا كله .. حاضر يا ستي هقوم بكل واجباتي
_ انت فهمت غلط ع فكرة .. انا اتشرف بيك قدام العالم والله وتشرف بلدي بحالها .. ماكنش قصدي اللي فهمتك انت فهمت غلط !
= ما انا لو مافهمتش صح تبقي حاجة تانية وهتأدي لحاجة تانية وياريت تبقي صح وانا هفرح جامد اوي
_ مش فاهمة حاجة
= وانتِ من امتي بتفهمي.. بصي يعني مثلا لو مش مكسوفة مني يبقي كنتِ غيرانه عليا من سلمي وماكنتيش عيزاني اقولها انك اختي وبتحبيني بقي وكدة طب ما تقولي من زمان يا بنتي !
_ مالك يا عبدو انت اتجننت !
= لا ياختي ماتجننتش ولا حاجة دا انتِ وش فقر
قام وهو متعصب وانا قعدت اضحك عليه ولوني كان الود ودي اقوم احضنه بس هيقولوا عليا ماشافتش ربع ساعة تربية ????♀️
..
_ ماما فين ؟
= نزلت السوق
_ ماشي
= انت كنت عايز حاجة ؟
_ لا بس كنت عايزها تعملي فطار قبل ما اروح الشغل
= بس كدة انا هعملك !
_ لا مش عايز اتعبك
= تتعبني ايه كل حاجة جاهزة .. ألبس واجهز يكون الفطار جاهز
_ ماشي يا جميل انت
..
دخلت حضرت الاكل وحطيته ع التربيزة ونديت عليه كان جهز وخلص لبس
_ ها ايه رأيك ف الاكل ؟
= ايه انتِ اللي طبخاه ولا ايه ؟ دي جبن !
_ دايماً كدة كاسر بنفسي
= طب خلاص خلاص ماتعيطيش
_ مش معيطة هو اصلاً اصلاً يعني بدل هما جبن ماعملتش لنفسك ليه !
= اصلاً اصلاً يعني الأكل حلو علشان من ايدك واول مرة افطر كدة !
ضحكت زي الاطفال_ماشي
= عايزة حاجة يا ست البنات
_ عايزة سلامتك
..
_ يا بوسبوس اعملي سلطة قوام قبل اخوكي ما يجي
= حاضر يا ماما
_ اهو عبدو جه اهو
* سلام عليكم
_ وعليكم السلام ورحمة الله وبركاته .. تعالي يا حبيبي
* ايه بقي حماتي بتحمني
_ طبعاً بتحبك اومال
* يلا حطوا الاكل بقي علشان عندي ليكوا خبر
_ خير إن شاء الله
* خير يا ست الكل .. هدخل اغير عقبال ما بسنت تحط الاكل
_ ماشي يا حبيبي
حطيت الاكل وانا فيه 100 حاجة بتيجي ف دماغي ومش عارفة موضوع ايه دا اللي عايزنا فيه ! قلبي بدأ يتوغوش .. اوعي يا عبدو تقول انك هتخطب والله ازعل !!
_ بسنت يا بسنت
= ها .. نعم ؟
_ سرحانه ف ايه ؟
= لا ولا حاجة كنتِ بتقولي حاجة !
_ بقالي ساعة بقولك هاتي لأخوكي رز !
= اخويا مين ! اه اه حاضر
* مالها البت دي
_ ونبي يا بني ما عارفة !
= الرز
* تسلميلي
_ ماقولتليش بقي يا حبيبي ايه الموضوع اللي عايز تقولهولنا
* فيه مستشفي كويسة اوي من اكبر المستشفيات الموجودة ف مصر وطالبين دكاترة وهروح اقدم
_ مبروك يا حبيبي .. ألف مبروك
*ماتبركليش دلوقتي .. باركيلي لما اتقبل
_ وهما هيلاقوا زيك فين بس
* لا ما هما بيختاروا دكاترة مش عريس
_ والله الاتنين تنفع فيهم ونص
*ربنا يخليكِ ليا يا ست الكل
_ ويخليك ليا يا نن عيوني
= مبروك يا دكتور مقدماً بالمناسبة الحلوة دي بقي هقوم اعملكم زلابية تاكلوا صوابعكم وراها
* لا ونبي لا مش عايزين نتعلك احنا نجيب جاهز
= هه جاهز؟ بيقولك جاهز يا ماما .. جاهز وانا موجودة!
* طب ايه طيب
= هتطلع حلوة وهتشوف ومش هوكلك منها
* ياريت والله
= بتقول حاجة !
* لا يا حبيبتي بقولك ياااه مش هقدر استحمل مادوقهاش
= لا مش هدوقك برضو
* قلبك بقي قاسي
..
= عملتلكم بقلاوة بقي انما ايه محتاجة حد ياكلها علشان ياكل صوابعه وراها !
* الله ايه الحلاوة دي جميلة ايه الاشكال الهندسية اللي عملاها دي
= ع فكرة بقي انت ماعندكش دم
* لا انا عندي دم بس لا عندي لا زيت ولا سكر ولا دقيق علشان خلصتيهم
= فدايا
* قوليلي الجاهز قصر معاكي ف ايه ؟
= جاهز برضو
* انا بحس اني بغلط ف امك لما بقول جاهز
= اكتر ! انت بتهين روح الشيف اللي جوايا
* روح الشيف اللي جواكي ! لا ما قدرش طبعا اهين الشيف اللي جواكي طب هاتي كدة البتاعة دي لما نشوف بتقول ايه
= خد
* تسلم ايدك
= بجد عجبتك !
* اه جميلة
= والله انت اللي جميل
* شاطرة والله هي كان ناقصة تبقي مدورة بس
= والله انت اللي ناقص وهات بقي مش واكل
* قلبك بقي قاسي اوي
..
بعد يومين*
_ ها يا دكتور مستعد
= ادعيلي بس اهم حاجة
_ بدعيلك علطول .. ربنا يفرح قلبك ويراضيك ويرضي عنك ويكتبلك الخير كله
= ايه الدعوة الحلوة دي ، ويخليكِ ليا يا ست البنات
_ إن شاء الله تتقبل وتشتغل
= إن شاء الله ، مش عايزة مني اي حاجة
_ لا عايزة سلامتك بس
..
الحمدلله عبد الرحمن اتعين ف المستشفي وزي عادته قدر يثبت مكانه زي ما قدر يثبت مكانه ف قلبي كدة اه .. وانا خلاص عديت وخلاص هاخد افراج إلا ترم .. كلها شهرين واتخرج ومتشوقة جداً اني هشتغل ف المهنة اللي طول عمري بحلم بيها