رواية إيجار زواج 2 الفصل الخامس 5 بقلم رحمة محمد

سيف :انتي حاطه اي في وشك

فرح بستغراب :ولا حاجه غير روج ومسكره

سيف :شليهم

فرح :ليه بئا مش دي مقابله الجواز وبعدين احنا متفقين ان الجواز على الورق زي ما انت طالب مالك بئا ومال وشي والي احطه فيه أظن دي حريه شخصيه

سيف :مسكها من دراعها وشد*ها عليه، لا مش حريه شخصيه ابدا وانتي هتبقى حرم سيف سليمان رجل الأعمال المعروف يبقى تحترمي المكانه اللي انتي فيها وشغل بنات الملاجئ ده تنسيه خالص ياريت يبقى كلامي واضح ومفهوم

فرح حاولت تخلص دراعها منه :اولا انا لسه مش مراتك فحتى المسه دي مش من حقك ثانيا انا مش ذنبي ان اتربيت في الملجئ أظن أن ده نصيب وقدر ومحدش لابيختار نصيبه ولا قدره فأنت بئا بت*ذلني على أي بالظبط

سيف :يبقى تمسحي إلى فى وشك ومشفش حاجه تانيه فيه وبعدين جوا في حفله مش ابويا وامي بس يعني ناس كتير وانا هقدمك لكل الي موجودين فأرجو انك متغلطيش قدام الناس دي كلها

فرح :لا متخافش اوي كدا

سيف :ربنا يستر

بعدها أخدها ودخل الحفله وأول ما دخلت وبصت على الستات إلى فى الحفله انصدمت نص الستات فساتينهم القماش خلص في نصها وشويه تاني شفاف وكلمه مكياج قليله دول داهنين وشهم مش حاطين ميك اب

فرح في سرها :يا نهار ابيض على النسوان اي ده ويقولي امسحي الروج والمسكره وهو انا حد هيبص لي وسيب الصواريخ دي

سيف :فرح في أي سرحتي في أي

فرح :في الصواريخ دي مش كدا اي الحلاوه دي انت متأكد من قرار انك عايز تتجوزني ده راجع نفسك احسن انت صعبان عليا

سيف :هههههه الله يسامحك يا مش قادر انتي بتعاكسي الستات

فرح :لا دي موهبه بشتغلها بعد الضهر

سيف :طيب تعالي بئا اعرفك على امي الأول

بلبله حبيبه هارتي

عبله :فينك يا سيف ده بابك قالب الدنيا عليك اي ده مين دي

سيف :احب اعرفك فرح خطبتي اي رائيك في ذوق ابنك بئا

عبله :قمر بس في حاجه كدا ابوك عملها

سيف :في أي يا أمي

سليمان :انا هقولك في أي