Uncategorized

رواية العشق لا يعرف وطن الفصل الثلاثون 30 بقلم أية إنسان

 رواية العشق لا يعرف وطن الفصل الثلاثون 30 بقلم أية إنسان
رواية العشق لا يعرف وطن الفصل الثلاثون 30 بقلم أية إنسان

رواية العشق لا يعرف وطن الفصل الثلاثون 30 بقلم أية إنسان

_ ردت هاجر بخوف في صوتها : أسر انت …….
_ قاطعها أسر وقال  : انتي خايفه كده ليه يا هاجر انا مش قصدي اخوفك انا اقصد اني هنام على السرير وانتي جنبي .
_ وقفت هاجر وهي في قمه الغضب وقربت منه وقالت :  انت حيوان أطلع بره .
_ متشكر يا محترمه .
_ اطلع بره .
_ شششششش  نامي يا هاجر وعدي ليلتك دي .
_ هو مفيش إحساس .
_ ماشي يا هاجر اغلطي اوي براحتك .
_ مسكت هاجر المخده ودخلت الحمام وحطت وشها فيها وفضلت تصرخ يمكن تهدى .
_ أسر كان سامع صوتها من بره وقلق جداً عليها فقام يخبط على باب الحمام .
_ خرجت هاجر بكل هدوء ونامت على طرف السرير من غير ولا كلمه ولكن شدها أسر لحضنه وقال : مالك في اي .
_ ابعد عني يا أسر .
_  اسكتي دقيقه كده .
_ أسر بقولك ابعد….
_ ولكن قاطعها أسر وهو حط أيده على بوقها وقال :  شششش ونزل بودانه عند قلبها واللي حط إيده عليه بكل حنيه و  غمضت هاجر عيونها إحساس غريب جواها خايفه منه بس هو إحساس حلو .
_ هاجر انتي قلبك بيدق جامد اوي كده ليه .
_ لا عادي علشان إنفعلت شويه مش أكتر .
_ بس دة غلط انا هخدك لدكتور .
_ لا انت مالك انت قلبك ولا قلبي يا اخي .
_ تصدقي انت باردة .
_ جداً .
_ ماشي يا رمضان .
_ طب ابعد عني .
_ حاضر ، وقام لافف إيده حوالين وسطها وشدها لحضنه .
_ يادي النيله أسر عيب كده بتعمل اي .
_ طبع أسر قبله رقيقه على خدها وقال : نام متخفش يا رمضان .
_ اتحرجت هاجر ودفنت وشها في صدره وقالت بصوت واطي :  قليل الأدب .
_ سمعتك يا رمضان تحبي تشوفي قله الأدب بجد دلوقتي .
_ لا تصبح على خير .
_ وانتي من أهله .
_ وراحوا الاتنين في نوم عميق .
☆ ————— بقلم الكاتبة/ آية إنسان —————☆
_ جاء الصباح يحمل معه العديد من المفأجات :
 في بيت اسماء البكري :
_ فون أسماء بيرن وكان ليل .
_ليل :  صباح الخير .
_اسماء :  صباح النور .
_ عامله اي دلوقتي .
_ كويسه الحمد لله .
_ طيب حبيت اطمن عليكي .
_ شكراً يا ليل .
_ عاوزه حاجه .
_ اه كنت عاوزه منك رقم أسر .
_ نعم يختي رقم مين .
_ اي دة في اي .
_ وانتي عاوزه رقم أسر ليه .
_ وانت مالك يا ليل .
_ تمام مفيش أرقام .
_ لا لا أستني .
_ قولي .
_ كنت عاوزه اكلم هاجر والفون بتاعها بايظ .
_ اه قولتيلي طب هبعته في رساله .
_ ماشي .
☆ ————— بقلم الكاتبة/ آية إنسان —————☆
 في فيلا السمري : 
_ صحي أسر من النوم وشاف الساعه ٨ فقام لبس ونزل يشوف اللي دائماً سيباه دي فين بس عارف هي فين .
_ نزل وقال : صباح الخير يا بابا .
_ أكمل : صباح الخير يا أسر تعالى أفطر .
_آسر  : انت عارف يا بابا أنى مش بفطر .
_ ردت هاجر: اقعد يا أسر كل .
_ ملكيش دعوة انتي .
_أكمل :  احترم نفسك يا أسر وانت بتكلم مراتك عيب .
_ طب يرضيك انت يا بابا تخليني انام وتقوم الصبح بدري وتسيبني كده انزل لوحدي .
_هاجر  : ليه وانت عاوزني اشيلك ولا اي .
_ شايف يا بابا .
_أكمل :  لاااا انا قايم اشوف الاخبار .
_آسر  : ماشي يا رمضان براحتك .
_هاجر  : امسك يا أسر كل .
_ مش عاوز .
_ قربت هاجر منه بخبث وقالت : هتاكل ولا اقوم اقول لبابا أن أسر حبيبه بيشرب سجائر .
_ احم انتي عرفتي .
_ اه .
_ شدها أسر قعدت على رجله .
_ خلاص خلاص متفطرش وسع كده يا أسر .
_ تؤ تؤ انت بتهددني يا رمضان .
_ لالا خلاص بقى حد يشوفنا يا أسر عيب كده بقى .
_ طب ما اللي يشوف يشوف هو انا بعمل حاجه غلط .
_ يوووو بقى .
_ أكليني علشان امشي يلا يا رمضان .
_ وسع هو انت اتشليت .
_ اتكلم أسر بحزن مصطنع :  اتشليت عاوزاني اتشل يا هاجر .
_ بعد الشر عنك مش قصدي .
_ خلاص يا هاجر قومي .
_ تؤ تؤ أنا مرتاحه كده .
_ بس انا عاوز اقوم .
_ واد انت متعصبنيش كل وانت ساكت هعملك فنجان قهوه جنان بس كل .
_ طب أكليني طيب .
_ يا أسر هو انت صغير .
_ يا هاجر إعتبربني زي جوزك طيب ودلعيني شويه بس .
_ طب أسكت بقى شويه ومسكت السندوتش قربته من بوقه وهي باصه في الأرض رفع أسر وشها ليه وقال :  بتهربي من عيوني ليه .
_ إتقابلت عيونهم كم مشاعر كبير وكتير في لحظات بتعدي من عمر الانسان بيتمني يعيشها العمر كله .
_ قطع اللحظه دي عم هاجر اللي دخل وقال :  الله الله طب ما الحياه حلوة اهي .
_ بصوا لمصدر الصوت وكانت هاجر هتقوم من على رجل أسر لكن هو منعها وقال : أهلاً أهلاً عاصم بيه أتفضل افطر معانا .
_  بص عاصم لهاجر كتير بيحاول يفهم في اي وهي عماله تفرك عاوزه تقوم بس هو محاوط عليها .
_ رد عاصم وقال :  ممكن الهانم تتفضل وتتكرم عليا وتفهمني اي اللي بيحصل بالظبط .
_ فك أسر حصاره لهاجر واللي قامت قالت :  خير يا عمي عاوز تفهم اي .
_ نزل أكمل أبو أسر وقال :  في اي يا ولاد وبعدين بص لعاصم وقال  : مين دة .
_ رد عاصم وقال : طبعاً هتعرفني منين مهو المدام المحترمة نسيت أن ليها أهل .
_ رد أكمل وقال : أهل !!  مش انتي قولتي ملكيش أهل يا بنتي .
_ عاصم : كمان عرفتيه انك ملكيش أهل .
_ ردت هاجر وقالت : هما فين أهلي دول يا عاصم بيه استني ادور معاك كده ولفت حواليها وقالت  : مفيش حد ماتوا اهلي ماتوا يا عاصم بيه ولا نسيت .
_ هاجر أنتي اي حصلك ليه بتعملي كده لو هو وشاور على أسر وكمل كلام:  غصبك على حاجه عرفيني وانا جنبك انا عمك .
_ ههههههههه ضحكت هاجر بشده وقالت : جنبي وعمي الاتنين في جمله واحده آسفه بس بتقول كلام يضحك اوي يا عاصم بيه .
_ هاجر انتي اي حصلك .
_ انا أهلي كلهم ماتوا يوم ما انت رفعت إيدك عليا يوم ما رجعت وإترجيتك تسمعني يوم ما بنتك ومراتك طردوني من البيت وانت وقفت تتفرج يوم ما سبتني امشي وانت عارف اني مليش حد ولا مكان طول عمري بعتبرك زي ابويا بس ابويا عمره ما في يوم رفع إيده عليا ولا زعلني وانا عشت معاك ١٠ سنين يا عمي كتر خيرك على الإقامة عملت انت فيهم اي ليه غير كل يوم تطلع تقولي انا آسف يا هاجر على جروح كل يوم  مراتك وبنتك يسببوها ليا اتحملت قرف وذل وإهانه مش علشان مليش حد لأ علشان شوفت فيك ابويا واللي مقدرش اعيش من غيره حنيتك عليا كانت مهونه عليا كتير لو دورت على كام مره أكلت فيهم في بيتك طول ١٠ سنين هيتعدوا على الصوابع كام مره خدت منك فلوس علشان حاجه أجيبها بردو يتعدوا على الصوابع اشتغلت وانا ١٦ سنه علشان ماقولش لحد هات جنية  حتي لو الحد دة انت يا عمي كنت خايفه يجي يوم وتقولي اصل انا ربيتك وصرفت عليكي واللي خوفت منه حصل عرفت اهلي ماتوا امتى يا عمي متشغلش بالك بيا يا عاصم بيه ارجع لشغلك وبيتك وعيالك وانا عايشه اهو وسط ناس بتحبني كونت عيله تانيه بس خلي بالك يا عاصم بيه هتندم اوي في وقت ندمك مش هيفيدك  ولا هيشفعلك و هتترد ليك صدقني وخرجت بره الفيلا وبعدين خرج وراها أسر وبعدين خرج عاصم حاسس بوجع في قلبه من كلامها .
_ خرجت هاجر وكالعادة راحت عند ابوها وامها .
_ فضل أسر ماشي وراها ووقف بعيد عنها و جه راجل كبير في السن وقاله :  واقف تراقبها من بعيد ليه .
_آسر  : انا جوزها وهي خرجت مضايقه فجيت وراها .
_ غريبه اوي البنت دي كل الناس بتيجي تعيط وتحكي وتشكي لكن هي بتيجي تقف كده وبس لكن بشوف نظرات لوم وعتاب وكإنها بتقولهم عملتوا كده ليه بتيجي على طول هنا من فتره للتانيه حتي كانت هنا من ١٠ ايام تقريباً .
_ قال أسر في نفسه : يعني يوم ما خرجت تاني يوم الفرح جت هنا وغمض عينه بندم .
_ وقفت هاجر كتير كتير وبعدين لفت ومشيت لحد ما طلعت عند الكورنيش فقرب آسر  منها وقال : أحسن دلوقتي ؟
_ ابتسمت بحزن : وقالت في أحسن حال .
_  هو حاسس بالعجز تجاهها  ازاي يشوف حزنها في عيونها ومش قادر يعمل حاجه ولكن رن الموبايل بتاع أسر وكان رقم غريب فكنسل فرن تاني فقام بعيد وقال :  نعم نعم عاوزه اي .
_اسماء  : اي يا عم حرام عليك حد بيرد على حد كده خضتني .
_ احم معلش مين معايا .
_ انا اسماء عاوزه اكلم هاجر لان الهانم كالعاده تليفونها يا مقفول يا صامت .
_ معلش يا أسماء معرفش رقمك .
_ ولا يهمك .
_آسر  : خدي يا هاجر أسماء .
_هاجر  : الو .
_ مالك يا بت صوتك عامل كده ليه .
_ لا بس لسه صاحيه .
_ بجد .
_ اه يا بنتي .
_ طيب كنت بقلب كده شوفت إعلان عن شغل يناسبك .
_ تعالي الفيلا نتكلم عن الموضوع .
_ خلاص تمام هجيلك اخر النهار .
_ ماشي سلام . 
_آسر  : كذبتي عليها ليه .
_ علشان معنديش إجابات للاسئله اللي بعد كلمه مالك .
_ تحبي تتكلمي .
_ معنديش كلام أقوله .
_ هاجر كتمانك دة مش حلو .
_ والكلام مفيش منه فايده .
_ ليه قولتي لعمك كده كان ممكن يكون جاي علشان خايف عليكي .
_ الوقت فات على الكلام دة يا أسر خايف عليا بعد شهرين .
_ ليه زعلك وحش اوي يا هاجر .
_ مش وحش ولا حاجه أنا بفضل اشيل اشيل علشان لما أمشي من حياه حد اكون مقتنعه تماماً اني قدمت كل حاجه اقدر عليها وبعدها مستحيل أرجع حتى لو روحي في الشخص دة .
_ متخليش قلبك يقسى على اللي منك .
_ قلبي مش قاسي قلبي مجروح ، أسر انا عاوزه ارجع البيت .
_ بتهربي ليه .
_ هتروحني ولا أمشي انا .
_ هروحك يلا بينا .
☆ ————— بقلم الكاتبة/ آية إنسان —————☆
 في فيلا العامري :
_وعد :  ها يا بابا عملت اي .
_ عاصم : مش عاوز اسمع موضوع هاجر دة تاني .
_ حصل اي طيب .
_ محصلش ومش عاوز كلام فيه تاني .
☆ ————— بقلم الكاتبة/ آية إنسان ————– ☆
في فيلا السمري :
_ دخلت هاجر وطلعت اوضتها ولبست ونزلت تستني اسماء وشويه وجت اسماء .
_ اسماء : عامله يا يا جوجو .
_هاجر  : بخير يا حبيبتي .
_ شكلك مش عاجبني .
_ ههههه واي الجديد .
_ يا غلسه .
_ قوليلي اي الشغل .
_ في منظمه حفلات عاوزه مصور فوتوغرافر حلو وفي مكان مرموق وحلو .
_ خلاص اجرب اي المعلومات .
_ خدي الرقم اهو .
☆ ————— بقلم الكاتبة/ آية إنسان —————☆
_ خرج أسر من المستشفى بعد ما اتقبل فيها وخرج يقعد في كافيه .
_إياد :  عامل اي يا دكتور .
_ انت عاوز اي انت بتراقبني .
_ مش مهم المهم دلوقتي انا عاوز اكلمك في موضوع هاجر .
_ إياااااد .
_ روق يا أسر هاجر بتحبني انا وانا حبها الاول هي زعلانه مني مش اكتر وانا عاوز ارجع ليها انت لو بتحبها سيبها وخليها تختار انت اللي جابرها .
_ ولو خيرتها و مش اختارتك  .
_ انا عارف انها هتخترني .
☆ ————— بقلم الكاتبة/ آية إنسان —————☆
_ خرج مصطفي من المستشفي وراح فتح النت ونشر صور وفيديوهات كتير وكلم الصحافه وبعت ليهم كل الصور والفيديوهات .
_ هههههههه انا بقى هعرفك مين مصطفى الزهار يا ميرا .
☆ ————— بقلم الكاتبة/ آية إنسان ————-☆
 مساءً في فيلا السمري :
_ دخل أسر الفيلا وكانت هاجر قاعده في الجنينه فقعد جنبها وحط دماغه على رجلها .
_هاجر  : مالك يا أسر .
_آسر  : ممكن أسألك سؤال .
_ اتفضل .
_ ماذا لو عاد معتذراً .
_ اي دة في اي .
_ هاجر انتي عاوزه ترجعي لإياد .
_ تاني يا أسر .
_ انا بتكلم بجد لو هو حب يرجعلك ويعتذر منك تقبلي.
_ اسمع يا أسر فعن العفو فقد عفونا وأما الود فلن يدوم .
_ يعني اي .
_ يعني خلاص يا أسر إياد صفحه من حياتي واتفقلت ومش هتتفتح تاني .
_ انتي بتقولي كده علشان انتي متجوزاني .
_ لا أبداً بس دة قراري يا أسر .
_ طب ينفع تعملي ليا قهوة .
_ اكيد .
_ مشيت هاجر وطلع أسر الفون من جيبه اللى كان الخط مفتوح وكان اياد هو اللى على الخط وقاله : اظن سمعت بودنك لو قربت منها تاني هنسفك يا إياد وقفل في وشه السكه .
_ شويه ودخلت هاجر بالقهوة وقالتله : صحيح هنزل بكره هعمل مقابله عمل .
_ فين وامتى لقيتي شغل .
_ لا دي أسماء اللي جابت الشغل في أوتيل بينظم حفلات طالبين مصورين وانا هروح اشوف الدنيا اي .
_ مبلاش يا هاجر .
_ أسر لو سمحت احنا أتكلمنا قبل كده .
_ خلاص اعملى اللي يريحك .
_ تمام هطلع انام بقى .
_ خديني معاكي علشان عندي شغل ٨ الصبح .
_ ماشي يلا وبالفعل طلعوا ناموا وأسر شدها في حضنه .
_هاجر  : أسر .
_ شششششش نامي .
_ وبالفعل إستسلمت للنوم .
☆ ————— بقلم الكاتبة/ آية إنسان —————☆
_ وجاء الصباح يحمل مفاجأه سوف تنهي اسم عائله العامري .
_ جاءت رساله لعاصم العامري الساعه ٦ الصبح ففتحها وصرخ بأعلى صوت عنده :  ميرااااااااااااا .
☆ ————-
يتبع ……
لقراءة الفصل الحادى والثلاثون : اضغط هنا
لقراءة باقى فصول الرواية : اضغط هنا

اترك رد