رواية جحيم القصي الفصل الأول 1 بقلم نيرة شريف

في شقة في عمارة سكانية في منطقة راقية جداً كان نايم ولأنه سكران مكنش حاسس بأي حاجه حواليه

وسمع صوت زن كتير جنبه حاول يتحكم في عقله ويتجاهل الصوت بس مقدرش ومش عارف أيه مصدر الصوت وأتمني لو يقوم ويكس*ر مصدر الصوت وقدر يِعدل نفسه فعلا ولقى إن ده صوت موبايله 

قصي بتريقة : أية إسر*ائيل أحتلت مصر تاني ؟ كل دي مكالمات 

الجد بصرامة : لا يا بشمهندش أنا رنيت عليك علشان أفكرك إن خطوبتك النهارده

قصي : طيب حاجه تاني !! 

الجد : قصي بطل برود وبعدين لو حاسس إني جابرك علي الجوازه دي فأفتكر إن كله علشان مصلحتك 

قصي : أنا محدش يقدر يجبرني علي حاجه وانت عارف كده كويس وجوازي منها بإرادتي وبعدين البنت كويسه يعني أيه المشكله

الجد : أنت مصدق كلامك ده ؟ حاول تدي للبنت نِفِس شوية وأتعامل معاها حلو أنت هتبقي جوزها خلاص 

قصي بثقه : سيبك يا جدي من الموضوع ده وبعدين هي عمرها ما هتتخنق من تصرفاتي أو هتبعد وأنت عارف كويس أن مفيش واحدة تقدر تبعد عني 

الجد : ماشي يا ابن محمود مستنينك النهارده

قصي قفل السكه وأخد شاور ولبس قميصه والبنطلون وفي إيده الجاكته وحط برفانه ولقى إيد ناعمه لمست وشه 

قصي أتنفس ببطىء وبنبرة إيجاز : أنا داخل المطبخ ودقايق وهطلع مش عايزك تكوني هنا وساعه لما هبقي عايزك هقولك تيجي 

( قصي شاب عنده ٣٠ سنه .. كفؤ جداً في شغله وعنده شركه خاصه بجده الحجار لكن هو كمان ليه شغله الخاص بعيداً عنهم وهي تجارة السلا”””ح .. رغبته في الستا*”ت كبيره جداً بس مبيربطش ده بالجواز شايف أنه لما هتيجوز هيتجوز واحده بنت عيله تكون مناسبة وكويسة .. معندوش حاجه اسمها حب قلبه قاسي بدرجه لا يمكن وصفها وبيحب أمه جداً تعتبر هي كل حياته والست الوحيدة اللي بيحبها ) 

_____________________ 

كانت قاعده بتفطر وسرحانه في المسؤليات اللي بقت عليها وعلي رغم فرحتها بس كانت خايفه وقطع شرودها أخوها طارق

طارق : نيره أولاً صباح الخير ثانياً أنا عايز فلوس الدروس والمذكرات وعارف أني محمل عليكي كتير بس أملي فيكي إنك تساعديني لغايه ما أخلص من الثانوية 

نيره بأبتسامه : حاضر متخافش كل حاجه هتبقي معاك أنا النهارده هيبقي أول يوم ليا شغل والمرتب حلو أوي وغير كده معايا شغل تاني بالليل وكله هيساعد 

طارق : كنت بتمني إني ابقي أخوكي الكبير وأصرف عليكي بس المشكله إن المذاكره واخده كل وقتي بس أنا هحاول أضبط وقتي وأدور علي شغل جمبها 

نيره بضيق : وأنا قصرت معاك في حاجة ملكش دعوة أنت بالمصاريف وركز علي هدفك ومذاكرتك ولازم تجيب مجموع حلو وتدخل الكلية اللي نفسك فيها 

طارق بإبتسامة : حاضر وخلي بالك من نفسك 

نيره : ماشي سلام بقي علشان متأخرش 

( نيره بنت متدينه لسه متخرجة من كلية الهندسة وعندها ٢٣ سنة وما صدقت لقت شغل مناسب علشان تقدر تصرف علي والدتها وأخوها لإن والدتها صاحبه مرض وأخوها ثانوية عامة ، نيره بنت عاديه جدا مفيهاش معايير الجمال الطاغية لكن ملامحها هاديه كفيله تغنيها عن العيون الخضراء والشعر الأصفر والبشره البيضاء وكل المظاهر دي .. شخصيتها كفيلة تبهر أي حد .. مش بتهتم باللبس ولا الموضه نهائياً وده يمكن مسببلها مشاكل في أي مكان بتروحه )ونزلت أخدت تاكسي لغايه ما وصلها للشركه 

نيره وقفت من بعيد بتبص علي اسم الشركه الضخمه من بره وأخدت نفس وقالت : يارب أنا مش عايزه غير التوفيق في الشغل ده خليك معايا 

دخلت الشركه وأول حد قابلته في وشها بصلها بدهشة وكملت طريقها وكل ما يجي حد قدامها تاني يبصلها بنفس الطريقه لغايه ما شكت أن في حاجة فيها غريبة أو يمكن لبسها!

وبعدين سمعت صوت اتنين واقفين بيتكلموا وباين عليهم كِبَر السن

الراجل الأول : ما شاء الله أهو في حد عدل هنا جي يشتغل أحسن من اللي جايين ولا كأنهم جايين فرح

الراجل التاني : أيوه والله الواحد قرف من الاشكال دي 

نيره من الكلام أتوترت مرة واحدة ومسكت هدومها عدلت فيها لغايه ما هديت

” لو سمحتي ” كان صوت بنت شكلها رقيق جداً وملتزمه إلي حد ما 

نيره : أيوه 

عليا بإبتسامة : أنا  شايفاكي واقفه متوتره أقدر أساعدك في حاجه ؟!

نيره ابتسمت : آه ياريت انا جيت مرة واحدة ساعة لما قدمت ال cv بتاعي بس نسيت المكان اللي هيودني للمكتب ومش عارفه المكتب فين 

عليا : أنا برضه مكنتش فاكرة بس سألت وعرفت المكان بصي أنتِ هتروحي للأسانسير تركبي وبعدين هتطلعي للدور السابع وهتلاقي هناك المكتب والموظفين 

نيره : طيب أنتِ هتبقي فوق ؟؟

عليا : أيوه متقلقيش 

نيره بصتلها بإطمئنان : شكراً جداً

عليا : علي أيه العفو ..

نيره ابتسمت ومشيت ناحيه الاسانسير وأبتدت تحس بالأمان شويه أن في حد كويس معاها ودخلت الأسانسير بس أتفاجأت بحد ركب وراها 

نيره : لو سمحت ممكن تطلع بره وبعد ما أنا أطلع أبقى أركب 

قصي لف وشه وبصلها بنظرة باردة برغم إستغرابه بس قدر يخفي ملامحه وفي نفس الوقت نظرته خوفتها 

فبلعت ريقها وأخدت نفس بسرعة وقالت : أتفضل أمشي ياريت أنا متأخرة وهما قالولي إن المدير ده عصبي ونرفوذ وكلهم بيخافوا منه والشغل معاه صعب وهو متكبر ومفيش حاجه بتعجبه وأنا حسيته رخم ف عايزه أوصل بسرعه علشان مش ناقصه مشاكل 

قصي بصلها ورفع حاجبه وضغط علي الأسانسير وعينه ومستوي راسه لسه قدام عينيها وشغل الأسانسير وطلع بيه لفوق 

نيره بعصبيه وهي بتزعق  : إيه قله الذوق دي أزاي تجبرني أطلع معاك كده 

الأسناسير وقف وقصي نزل ومشينيره : مش فاهمه أيه الناس دي يعني مدير يخوف والموظفين يخوفوا أكتر منه وبعدين ماله ده بيتكبر علي أية فاكر نفسه بيه هو كمان .. استغفر الله العظيم خلاص يا نيره بطلي عصبية هو من أول موقف هتتعصبي كده استحملي أنتِ عندك شغل كتير وياما هتشوفي ناس زي كده

دخلت الدور لقت بنات أ’فظع من اللي تحت كل واحده شكل ولبسهم أغلبه عر*”يان م*ثير للشهو*ة ويعتبر مفيش غير كام بنت لبسها فورمال وهي الوحيدة اللي شكلها مختلف وبمثابة واحدة فلاحة وسطهم بس أفتكرت إن معاها واحده زميلتها وقعدت تذكر ربنا علشان تطمن قلبها شوية

عليا : أنا جيت 

نيره بصتلها بسرعة وردت : الحمد لله 

عليا : مالك خايفه كده ليه هو أول مره ليكي تشتغلي 

نيره : آه أول مره أشتغل في شركه وأتعامل مع ناس غريبة عني شوية

عليا : متقلقيش من أي حاجة وأهي كلها تجارب بناخدها في حياتنا علشان نتعود المهم يلا نشوف شغلنا بقي علشان المدير ده اللي عامل زي البوع بوع

نيره بضحك : فعلاً بُوع بُوع 

قعدوا سوا وأستلموا ورق كتير وظبطوا وده كان أول أختبار ليهم في الشغل 

نبيل : أهلاً وسهلاً بالموظفين الجداد هنا أعرفكم بنفسي أنا مستر نبيل كنت جاي علشان أقولكم إن الشغل اللي أتطلب منكم النهارده يعتبر مجرد أختبار هيوصل لقصي باشا المدير الرئيسي لشركه الحجار وطبعا كان هيوصل لأيهم باشا الشريك التاني لو مكنش قصي باشا موجود فبالنسبه للورق بتاعكم هيتسلم بعد شوية للمديرين وقبل ما تدخلوا للبشمهندش قصي هتيجوا عندي علشان أسجل الدخول وفرصة سعيدة ليكم 

نيره : ربنا يستر والشغل يعجبه 

عليا: إن شاء الله خير ومتقلقيش

نيره : بيقولوا إن مش بيعجبه أي حاجه وأخاف أترفد 

عليا : ثقي دايماً في نفسك وفي ربنا وهتلاقي كله ماشي سهل

نيره : أنا واثقه أن أي حاجه ربنا كاتبها ليا فيها الخير 

عليا ابتسمتلها علشان تطمنها وبعدين أتنادي علي نيره علشان تدخل 

نبيل سجل دخولها وبعدين بصلها بتركيز 

نبيل : أتفضلي  

نيره : حاضر 

ومشيت ناحية باب المدير ومسكت الباب 

نيره في نفسها : يارب خليك معايا 

خبطت وسمعت إذن الدخول ودخلت 

نيره : بشمهندش قصي؟

قصي كان قاعد عاطيها ضهره وأول ما سمع صوتها ابتسم بخبث

قصي : كويس إنك جيتي كنت مستنيكي 

نيره استغربت كلامه ولغاية دلوقتي مشافتش وشه 

نيره : لو سمحت

قصي لف نفسه بثقه وإبتسامة غرور : أيوه يا أنسه لو سمحت 

نيره وقفت مكانها وكأن لسانها إتشل 

نيره في نفسها : راحت عليكي يا نيره

قصي : إية مش سامعك يعني؟

نيره : أنا أسفه مكنتش أعرف أن حضرتك تبقي المدير 

قصي : الغلطه عندي بفورة وأنتِ غلطتي  

نيره : أنا مغلطتش 

قصي : أومال أعتذرتي ليه ؟!

نيره : علشان يعني مكنش ينفع أوصفك وأقولك الكلام اللي أتقال عنك 

قصي : وأنا معنديش حاجه اسمها مكنتش أعرف 

نيره : يعني إية هترفد؟

قصي : لا مش هتترفدي مع أن أي حد بيضايقني علطول بطرده بس أنتِ هخليكي علشان شكلك مش بتاعة مشاكل 

نيره : شكراً جدا لحضرتك 

قصي : استني متشكرنيش أنا اللي هشكرك أصلك هتنزلي تشتغلي في المخزن اللي تحتنيره : مخزن إية؟

قصي : مخزن الورق أنتِ هتشتغلي فيه هتجمعي ورق وتحطي ورق يعني شغلانة بعشر اضعاف الشعل العادي وحقيقي هتندمي إنك جيتي هنا

نيره كشرت : طيب وليه أنا عملت أية لكل ده؟

قصي بزعيق : مفيش حاجه اسمها ليه انتي تشتغلي وبس زي الآلة ومتتكلميش فاهمه؟

نيره : وأنا مش آله أنا إنسانة ومن حقي أعرف إشمعنا زمايلي يشتغلوا في مكان وأنا في مكان 

قصي : أنا المدير يعني أنا اللي احدد 

نيره بصتله بتفكير : مرتبي هيبقي كام ؟!

قصي :  تفكير مادي كويس وبكده ينفع نشتغل 

نيره ضحكت بتريقه علي تفكيره السطحي وعلي أنه أفتكر أنها وافقت علشان بتحب الفلوس مش علشان حاجتها ليها 

قصي : مرتبك هيبقي هو هو وبعدين انتي مش شايفه ان ٤٠٠٠ جنيه كتير 

نيره : عندك حق فعلاً كتيره بعد إذنك 

ومشيت ناحيه الباب بس وقفها بصوته 

قصي : بلاش تتكلمي مع حد تاني يا أحسن تغلطي فيه برضه من غير ما تقصدي 

نيره وقفت مكانها ولفت  : في حاجه تانيه؟

قصي : لا اتفضلي علي شغلك 

_____________________ 

نيره بعد ما خرجت : أنا كنت عارفه ان اليوم مش هيعدي علي خير بس الحمد لله مغلطش فيا وإلا كنت سبت الشغل ما هو مش ناقصة قرف

  قابلتها عليا في الممر 

عليا : نيره عملتي ايه 

نيره : هببت الدنيا وهتنقل المخزن اللي تحت 

عليا : إية ده ليه ؟؟

نيره حكتلها اللي حصل كله وعليا زعلت لأنها مش هتبقي معاها في نفس المكان 

عليا : قل لن يصيبنا إلا ما كتب الله لنا 

نيره : ونعم بالله أنا هروح بقي اشتغل 

عليا : ماشي روحي وهبقي أشوفك علي أخر اليوم 

___________________ 

عليا دخلت جوا عند قصي ونسيت تخبط علي الباب 

عليا لنفسها : يخربيت الغباء وأنا اللي عماله أقول لنيره أنتِ شكلك أول مره تشتغلي أنا هطلع بسرعة وأخبط تاني طالما مفيش حد في الاوضه 

“أستني عندك “

عليا الصوت وقفها مكانها ولفت بصدمه 

أيهم : أدخلي 

عليا بصدمة نطقت ولكن موصلوش صوتها : أيهم 

أيهم مكنش مصدوم لأنه شاف ال cv بتاعها قبل ما تدخل

أيهم : أتفضلي أدخلي وأقعدي 

عليا قعدت بذهول مكانتش متخيلة أنها هتشوفه تاني ويوم ما تشوفه يطلع مديرها!!

أيهم : وريني الورق 

عليا : أتفضل

قعد كتير يبص فيه لغايه ما سابه وبصلها 

أيهم : شغلك حلو يا عليا برافو عليكي أقدر أقول مهندسة عليا كان نفسك تسمعيها مني من زمان صح 

عليا بتوتر : ملوش لزوم الكلام ده يا بشمهندش أيهم

أيهم : فعلا يا عليا بس أنتِ اخبارك ايه ؟!

عليا : الحمد لله 

أيهم بتريقه : لا أقصد يعني اخبارك أتجوزتي ولا لسه علي نفس الحال 

عليا بصتله بضيق  : أظن إن ده مكان للشغل مش للإستجواب الشخصي

ورن موبايل أيهم وبص علي الاسم أبتسم بغرور

أيهم : ألو يا حبيبتي 

سارة : أزيك وحشتني أوي

أيهم : الحمد لله وأنتِ وحشتيني أكتر

سارة : هتخلص شغل بدري ؟ 

أيهم : آه والنهارده هنروح نحضر حفلة سوا

سارة بفرحه : آه حفله خطوبه قصي صح.. 

أيهم : أيوه هي 

سارة : طيب يا حبيبي أنا هقفل دلوقتي وأنت رن عليا وعرفني أجهز أمتي 

أيهم : ماشي يا حبيبي سلام 

ساره : سلام

عليا كانت بتخطف نظرة عليه وتبعد عنيها بسرعة بس خافت أنه يكون فعلا اللي في بالها 

أيهم : ثانيه واحده 

عليا هزت رأسها وسكتتأيهم : ألو يا مؤمن ألغي كل مواعيدي النهارده علشان عندي ميعاد مع خطيبتي 

عليا وهنا فهمت ان اللي كانت حاسه بيه صح 

أيهم : عليا ..

عليا : أيوه يا فندم 

أيهم : معلش قعدك كتير المهم من النهارده هتبقي في القسم اللي تبعي أنا وهتبقي تحت إشرافي يعني شغلك مش مع البشمهندس قصي 

عليا : تمام بس ممكن اعرف ليه مش معاه ؟

أيهم : عليا أنا الشغل عندي حاجه مهمه جداً علشان كده لما بلاقي حد كويس بجيبه لأنه هيفدني مش أكتر 

عليا : تمام بعد إذنك 

أيهم : اتفضلي 

عليا مشيت تحت نظراته اللي هتحرقها وهو كان باصصلها وهو بيجز علي سنانه وبيفتكر الماضي 

أيهم : وحياة الكسرة اللي كسرتيني بيها لأخليكي تمو*تي مقهورة

عليا بعد ما طلعت قررت أنها تخلع قناع البرود وتعيط ولو شويه وفعلاً عيطت بس منزلتش دموع هي حست بعياط جاي من قلبها ومن كسر*ته ومن إحساسها لما عرفت أنه خطب وعل منظرها قدامه وكأنها هي الغلطانة! 

عليا : مش لازم أنتِ اللي تزعلي هو اللي خسرني أنا كنت مخلصه ليه بس هو مصدقنيش وكذبني وصدق الحيو**ان .. مش لازم تضعفي أبداً أنتِ اللي كسبانة..

_____________________ 

نيره وصلت المخزن وأفتكرت انه هيكون فيه مكتب عادي بس معزول والشغل في كتير بس أتفاجأت لما لقت أنه مفيهوش نور حتي الشبابيك متغطية وكل حاجه فيها تراب والورق والأرض فيهم تراب وكل حاجه تخوف 

نيره : بسم الله الرحمن الرحيم أية المكان ده هشتغل فيه ازاي لا لا أنا لازم أمشي 

بس وقفت لما أتكررت في دماغها جملة طارق وأنه محتاج مصاريف 

يارب أنت الوحيد اللي عالم بتعبي أرحمني يارب من الظلم والإستبداد ده وأديني الطاقه علشان أكمل 

وبعدها راحت عند الشبابيك ودورت علي فوطه ومياه ومن حظها لقتهم ومسحت بيهم كل الشبابيك وفضلت رايحه جاية جايه وترجع تنضف تاني لغايه ما الشبابيك لمعت ودخلت الشمس علي الاوضة 

نيره : أهو أول أنجاز الحمد لله يارب بس إيه الحر وفين المروحه ولا التكيف مش فاهمه أزاي سابين الأوضه دي كده بس أصلا شكل محدش محتاجها  ..

وجنبت كل الورق ونضفت الأرض ونضفت المكتب ومن حسن حظها كمان أنها لقت مروحه بس خربانة شويه ونفضتها من التراب وشغلتها وقعدت قدامها شويه لغايه ما جسمها أرتاح وبعدها مسكت الورق اللي مطلوب أنها تجهزه واللي مطلوب أنها تلمه وطبعاً دي كانت أصعب مرحله بالنسبه ليها ولتركيزها اللي قل من كتر الشغل لكن بثقتها الكبيرة في ربنا خلتها تقدر تكمل لغايه ما خلصت وفي نص تعبها سمعت صوت الأذان علي موبايلها فقامت أتوضت وصلت بصعوبة

نيره : أخيراً ودلوقتي أقدر أنزل وأمشي بقي دلوقتي الساعه ٦ يا خبر كده هتأخر لازم أمشي بسرعة

ونزلت بسرعه لتحت ونفضت هدومها في الطريق وعدلت من نفسها لغايه ما وصلت بس لقت المكتب مفيهوش حد ومفيهوش نور 

نيره بصوت عالي : لا والنبي بلاش ضلمة أنا بخاف 

أكيد في عفريت هيطلعلي حد يلحقني 

(نيره عندها فويبا من الضلمة بتتخيل حاجات غريبة ودي من أكتر المشاكل اللي بتأثر عليها وعلي نفسيتها وممكن تخليها يغم عليها مش بعيد )

نيره بصوت عالي وفجأه ابتدي صوتها يقل  : افتحوا النور .. افتحوا النور 

والرؤيه عندها بقت مغبشة لغايه ما أختل توازنها 

و………

يتبع..