رواية تزوجتها بهدف الانتقام الفصل التاسع 9 بقلم نورهان ياسر

-افكركوا وقفنا فين  لما أسر طلب من نغم تحضرله الفطار وهيا جه ف بالها فكره ف قامت بسرعه تنفذها

أسر طلع قعد ف الجنينه واستني الفطار

-عند نغم ف المطبخ كانت محتاره بتفح ف التلاجه وتقفلها تاني

-نغم لنفسها طب اعمل اي دلوقتي.. اه لقيتها

طلعت الجبنه  الرومي والجبنه البيضا اللي ف التلاجه والانشون ولقت بيض بس هيا مش عارفه بيتعمل ازاي جابت كل الاكل اللي موجود ف التلاجه بس حطت شطه كتير ع الجبنه البيضا

-بره ف الجنينه عند أسر كان بيتكلم ف الفون :تمام عرفني الجديد اول بأول ي حسان   انا مش هرجع الفتره دي انا واخد اجازه مفتوحه ف موضوع كدا بخلصه ولما يخلص هرجع الشغل تاني  فتح عينك كويس ي حسان وزي ما قولتك انا عايز كل تحركاته يلا سلام

~~~~~~~~~~~

– ف فيلا العيله

بسمله وسلمى وصلوا بيت أسر وكان معاهم أحمد بعد ما حكوا له الموضوع من اول لما أسر خ*طف نغم وسلمى وأنه اتجوز نغم لحد الكلام اللي سمعته من ابوها وحسام

احمد للحارس : لو سمحت عايزين نشوف أسر السيوفي

الحارس :مش موجود    بس الباشا الكبير موجود جوه

احمد طب ينفع نقابله

الحارس: اقوله مين

احمد :قوله واحد عايزك ف موضوع  ضروري

الحارس :طب استنوا هنا أبلغه

بعد شويه الحارس :اتفضلوا ادخلوا

-احمد وسلمى وبسمله دخلوا.. بس احمد لما شاف حامد وقد اي هوا راجل كبير  ف السن خاف يقوله اي حاجه م اللي هوا جاي يقولها لاسر

احمد؛ لوسمحت انا كنت عايز اقابل أسر السيوفي

حامد بس هوا مش موجود ي ابني اقدر اساعدك  انا ف حاجه

احمد: انا اسمي  أحمد وانا ابقى ابن خالت نغم مراته ودي سلمي اختي ودي بسمله اخت نغم وكنا جاين نزور نغم ممكن اعرف هما فين

حامد طب ي ابني هديك عنوان ڨلته التانيه وروحله هناك

احمد :تمام شكرا لحضرتك

-على ويوسف كانوا نازلين ع السلم وكانوا مقررين من باليل انهم يروحوا لا أسر الصبح

يوسف :صباح الخير ي عمي

حامد :صباح النور ي ابني

يوسف وهوا بيبص ناحيه سلمي اللي كانت لابسه تشرت ابيض وبنطلون جينز وكانت حاطه ميكب كتير وفارده شعرها بطريقه جميله :اي دا هوا احنا عندنا ضيوف ولا اي ي عمي

حامد :لا دول مش ضيوف ي ابني دول يعتبروا أهلنا دول قرايب نغم مرات أسر اخوك وكانوا جاين يزورها بس انت عارف انهم ف الفيلا التانيه ف انا هديهم العنوان

يوسف :ناخدهم ف طريقنا انا وعلى اصلا رايحين ع هناك

احمد :لا مش عايزين نعطلكم احنا هناخد العنوان ونروح احنا

يوسف وهوا مازال ينظر  لسلمي :ولا عطله ولا حاجه يلا تعالوامعانا

احمد بعد ما لاحظ نظرات يوسف لسلمي واضايق من كدا طبعا قاله :تمام يلا

-أحمد طلع هوا وسلمى وبسمله وركبوا عربيتهم بس العربيه ما دارتش

احمد بعصبيه ناقصه تتعطل هيا كمان دلوقتي

سلمي؛ هنعمل اي دلوقتي

احمد انزلوا وانا هشوفها لو مادارتش هنطلب اوبر وخلاص

يوسف شافهم :اي ف اي العربيه مالها

احمد :شكلها عايزه ميكانيكي… روحوا انتوا واحنا هنطلب اوبر ونيجي وراكوا

يوسف؛ عيب ف حقنا لما تطبوا اوبر واحنا موجودين تعالوا اركبوا معانا

ركبوا كلهم العربيه يوسف وعلى قدام ووراهم بسلمه وأحمد وسلمي قاعده ما بينهم وكانت قصاد المرايه بالظبط يوسف كل شويه يعمل انه بيبص ف المرايه وبيشوف الطريق عشان يبص عليها

-أحمد لاحظ حركات يوسف بس حاول يكون هادي زي عادته يعني

~~~~~~~~~

-نغم جت وحطت الاكل ع التربيظه اللي قدامه

-نغم :الاكل اهو ي سيدي اي أوامر تانيه

أسر :عرفتي تتصرفي اهو فكرتك هتروحي وتيجي زي قلتك  مجاش ف بالي انك هتروحي تجيبي كل اللي ف التلاجه وتيجي

نغم بعصبيه :انا غلطانه اني عبر*تك اصلا

أسر بضحك :بهزر معاكي ي د*بش اي ف اي اقعدي  افطري معايا يلا

نغم؛ متشكره لجانبك وجايه تمشي أسر مسك ايدها وقال:مش عشانك كلي عشان ابني يتغذى انا عايزه راجل زي ابوه

-نغم لنفسها كل اللي فارق معاه ابنه وبس

أسر ببرود:اه اللي فارق معايا ابني وبس عايزه حاجه تاني

نغم :انت سمعت ازاي انا بكلم نفسي على فكره

أسر بضحك؛ لي ي اما انه*بلتي  وبعدين اصلا انا عارف طريقت تفكيرك  ف طبيعي ابقى عارف بتكلمي نفسك تقوليلها اي

نغم :ماشي ي ابو العريف هقعد اكل بس مش عشان انت قولتي اقعدي ولا عشان ابنك دا انا هقعد عشان نفسي وبس وعشان عصافير بطني اللي بتصوصو

أسر بضحك :كلي ي نغم كلي الله  لايسيئك انا خايف على ابني منك والله

نغم : خايف عليه مني لي بقى ان شاء الله؟!

أسر :خايف ليأخذ هرمونات اله*بل بتاعتك دي وبصراحه انا عايزه راجل كدا ف نفسه

نغم بغضب  : ولا احترم نفسك كدا معايا انا بقولك اهو والا ه”قل منك

أسر :واثقه من نفسك اوي لسه  ماتخلقش   اللي يقل من أسر السيوفي خلي بالك وبطلي لك بقى وكل وانتي ساكته

-نغم بدأت تاكل لأنها كانت جعانه.. وأسر كمان كان بياكل بس اول لما بدأ ياكل م الجبنه لقاها حراءه جدا

أسر بعصبيه :ميه ميه بسرعه قومي هاتي ميه

نغم بتمثيل :رجلي واجعاني قوي مش قادره اقوم وابنك عمال ير*فس ف بطني روح هات لنفسك

أسر بعصبيه :ي نغم الك*لب..  عمره اسبوعين وبير*فس

وراح قام بسرعه ع للمطبخ وشرب مايه

وطلع بره لقى نغم قاعده بتاكل م الجبنه الحراءه وعماله تضحك

أسر لنفسه إن ما ربي*تك مبقاش انا  وراح جاب خرطوم الميه اللي ف الجنينه وفتحه وجهه ناحيتها  وفضل يرشها

-نغم قامت من ع الكرسي وفضلت تجري منه وتقول :اتهد بقى ي ابن اله*بله هد*يت حيلي

أسر من وراها :بقى انا تحطي لي شطه ف الاكل  دا انا هر*بيكي اصبري عليا بس

نغم : خلاص ي كبير اسفين والله غلطه مش هتتكرر بس نزل الخرطوم دا خلاص معنتش قادره أجرى

 -نغم وقعت نفسها بالقصد وأسر راح ناحيتها بسرعه ورمي خرطوم الميه ع الارض

-أسر بخضه : انتي كويسه حصلك حاجه انا اسف انا مكنش قص.. قاطعته نغم اللي مسكت خرطوم الميه وقامت مره واحده وبدأت ترش عليه جامد

نغم بضحك :بس انا بقى قصدي

-أسر  بضحك وهوا مستمر ف الجري اهدي ي مجنو*نه

نغم :دانا هق*طع نفسك م الجري ع اللي عملته فيا امبارح

-أسر فضل يجري ونغم تجري وراه وهيا ما زالت بترشه ب الميه

-ف اللحظه دي كان يوسف وعلى وأحمد وسلمى وبسمله وصلوا ونزلوا م العربيه

يوسف بضحك :شوف ي واد ي على َوانا اللي كنت خايف عليها منه ومجليش نوم م التفكير طول الليل وعمال اقول لنفسي يا ترى عمل فيها أي وهما هنا هايصين

على بتنهيده كدا   : ياااه بقالي كتير قوي مشفتش أسر بيضحك من قلبه كدا

سلمي وهيا بتوجه كلامها لااحمد؛: اللي يشوفه دلوقتي ما يشوفوش يوم ما خط*فنا عجايب

احمد لسه هيتكلم قاطعه يوسف :تقصدي اي ب خط*فكم  دي

احمد :متقصدش حاجه ي  ابو الكباتن  وبعدين اي احنا مش هندخل هنفضل واقفين ع البوابه كدا

على :انا بقول كدا برده يلا بينا

-نغم وهيا بتجري ورا أسر لمحتهم جاين رمت  خرطوم الميه ع الارض وجريت حضنت سلمي

نغم :واحشتني ي زف*ته اي اسبوعين بحالهم متسأليش عني

سلمي :انتي واحشاني اكتر ي قلبي وبعدين اول لما لقيت فرصه جيت علطول اهو

بسمله :اي ي نغم ما وحشتكيش انا كمان ولا اي

نغم وهيا بتتوجه ناحيتها عشان تحضنها :لا طبعا وحشتيني ي بوسي

بسمله بادلتها الحضن بس كانت زعلانه انها حضنت سلمي قبلها .. أحمد لاحظ الزعل ف عيون  بسمله بس مكنش عارف يعملها اي

نغم :ازيك ي أحمد ليك واحشه والله اخبارك اي؟!

احمد :الحمدلله بخير ي نغم انتي بخير طمنيني عليكي

نغم : بخير ي أحمد اطمن

أسر وهوا بيوجه كلامه ل علي ويوسف   :اي ي ند*ل منك له انا موحشتش حد فيكم انا كمان ولا اي

يوسف  بضحك :اخس عليك ي كبير متقولش كدا واحشتنا طبعا من امبارح للنهارده

أسر: اتريق ي اخويا اتريق

سلمي :طب بقولك اي ي نغم ماتيجي نتمشي ف الجنينه الحلوه دي

نغم :اشطا يلا

أسر :طب تعالو ي شباب نقعد احنا نفطر الا نغم عامله فطار اي عجب

احمد بضحك  :انت هتقولي دا عليها اكل عجب  بس حظك بقى ي عم أسر

نغم :اتريق اتريق ي عم احمد  حسابنا بعدين يلا ي بت ي سلمي

~~~~~~~~

عند نغم وسلمى وبسلمه ف الجنين كانوا عمالين يهزورا بس سلمي اتكلمت ف  النص

سلمي  بجديه :بس ف حاجه لازم اقولها لك ي نغم

نغم :ف اي ي بنتي حاساكي هاتكلمي بجد كدا  احكي ف اي

سلمي بخوف وقلق بسمله سمعت ابوكي بيت*فق مع حسام على………. وحكت لها كل اللي حصل

نغم بصدمه :انتي بتقولي اي انا عارفه ابويا كويس مستحيل يفكر التفكير دا

بسمله :صدقيني ي نغم انا سمعتهم بنفسي بيت*فقوا

نغم :اكيد بابا فاهم  غلط  هوا مايعرفش اسر زي مانا اعرفه اكيد بابا مفكر أن كدا خلاص ثروته ضاعت لما انا نقلتها باسم أسر بس   ثم أكملت وهي تضع يدها ع بطنها   هوا واعدني ان لما اجيب له ابنه ع الدنيا  بسلام  هيرجع كل الأملاك باسمي وساعتها انا هنقلها لبابا وكأن مفيش حاجه حصلت

سلمي وبسمله بصدمه :انتي قولتي اجيب ابنه… انتي حامل ي نغم

نغم بأسف : للأسف طلعت حامل وكنت عايزه انز*له بس أسر منعني واتفق معايا اني لو مانز*لتوش هيرجع لي الأملاك ف اليوم اللي هولده فيه وبعدين يطل*قني

بسمله :وانتي هتبقى مبسوطه كدا ي نغم

نغم :ما قداميش حل تاني ي بسلمه مضطره اسمع كلامه للااخر لحد م الأملاك ترجعي باسمي تاني

بسمله :ربنا يعينك ي نغم لعله خير واكيد حملك دا لحكمه من ربنا احنا مش قادرين نفهمها

نغم :ربنا يعديها ع خير

سلمي :ع العموم حذ*ري أسر وقوليله ياخد حذره كويس لأن محدش عارف ابوكي وحسام ممكن يكونوا اتف*قوا ع اي دلوقتي

نغم :هحاول اقوله بس بطريقه غير مباشره

سلمي :اللي يريحك اعمليه يلا بقى ي بسمله لأنك بره بيتكم بقالك يومين كدا

بسلمه :تمام يلا عشان مش اعايزه بابا  يشك ف حاجه

~~~~~~~~

سلمي  :يلا ي أحمد عشان سلمي اتأخرت

احمد :طب نستاذن احنا ي جماعه

أسر :ما انتو قاعدين ي ابني مستعجلين لي

احمد :ي عم هيا آخر مره اكيد هنيجي تاني كتير ونقرفك يعني

يوسف :ياريت والله تيجو تاني وكمل كلامه وهوا بيبص لسلمي  دا انتو قاعدتكوا حلوه اوي

احمد :الجايات مفيش اكتر منها  طب اي مش هتقوم توصلنا ولا اي  احنا مش جاين بعربيتكم ي ابني

يوسف : يسلام دا انت تؤمر يلا  تعالوا اوصلكم

أسر :لاء استني ي يوسف انا عايزك ف موضوع كدا وصلهم انت ي على وابقى تعالى خد يوسف

على :طب يلا ي جماعه

~~~~~~~~~

نغم :طب اسيبكم انا تقعدوا براحتكم

أسر :ما تقعدي معانا بدل ماتطلعي تعملي مص*يبه

نغم :لاء متخافش ي اخويا مش هب*له  انا هعمل مصيبه هطلع اخد شاور واغير الهدوم اللي اتغرقت دي

أسر : تمام

~~~~~~~~~

يوسف بضحك :اي ي عم فكرتك هت*عمل فيها حاجه امبارح مجاش ف بالي انك هتعديها عادي كدا

أسر :لا اطمن ي اخويا رن*تها عل*قه محترمه

يوسف : انا كنت متوقع تاخد موقف بس مش للدرجه دي ي راجل عل*قه مره واحده

أسر :هيا جت كدا بقى وبعدين دا اللي كان المفروض يحصل المهم سيبك مني انا  ملاحظ كدا والله اعلم انك حاطط عينك ع البت سلمي اي هنفرح قريب ولا اي

يوسف :ي عم مش للدرجادي دا مجرد إعجاب بس وبعدين اصلا انا عدي عليا بنات يما بس مش عارف انا حاسس كدا ان فيها حاجه مختلفه مع اني متعاملتش معاها مباشر. كدا

أسر : أهم حاجه اني عايزك تتلم قريب بس حاسس كدا ان سلمي دي مش استايلك

يوسف :ي عم دا مجرد إعجاب ومظنش انه هيتطور لا اكتر من كدا

أسر :اما نشوف ي سي روميو

يوسف :انا همشي ي عم بدل ما  تلبسني رسمي

أسر :امشي يلا دا انت رخم

يوسف :بمناسبه الرخامه بقى هاخد عربيتك التانيه اروح بيها

أسر :موافق بس خلي بالك منها يلا دا غاليه وانت عارف

يوسف بضحك  :هيا ونصيبها بقى

~~~~~~~~~

-نغم كانت فوق بتاخد شاور وطلعت وهيا لافه فوطه عليها ع اساس ان أسر تحت

-راحت وقفت قدام المرايا وبدأت تسرح شعرها

-أسر كان داخل الاوضه فتح الباب ودخل وقف مكانه من شكلها

-نغم شهقت بخضه وحطت ايدها ع كتفها  :اي ي عم انت البيوت ليها حرمه اتفضل اطلع بره بقى ع ما اغير

أسر :يبقى مغ*فل اللي يطلع ويسيب القمر دا لوحده ودخل الاوضه وقفل الباب وبدأ يقرب منها

نغم :أسر احنا ماتفقناش على كدا  ابعد انت بتقرب لي

فجاءه نغم كانت لازقه ف الحيطه وأسر قريب منها جدا

أسر بتوهان :اول مره اخد بالي انك حلوه اوي كدا وبدأ يدفن راسه ف عنقها

نغم بتحاول تبعده بس مش عارفه

أسر بتوهان للمره التانيه :نغم انا عايزك.. ف اللحظه دي نغم  زقته بكل قوتها واتكلمت بزعيق :أسر فوق انت اللي ليك عندي هوا ابنك اللي ف بطني وانا ليا عندك املاكي غير كدا ماتحلمش انا بقولك اهوا وراحت سايباه ودخلت غرفه الدريسنج

-اسر اتعصب من رفضها ليه بالشكل دا وللحظه قعد يفكر هوا لي عمل كدا مع انه حاطط حدود لنفسه ف المعامله معاها (مكنش يعرف انه على وشك البدايه ف طريق يسمى الحب)

-قاطع تفكيره صوت رسايل ع التليفون

-كان تليفون نغم مسكه وفضل يجرب ف الباسورد لحد ما دخل تاريخ ميلادها وفتح معاه

-أسر انصدم م الرسايل المبعوته وكان الرقم متسجل باسم( حبيبي)

-الرسايل كانت ك الاتي :

-نغم انت واحشتيني اووي  أنا ما وحشتكيش؟!

-اتمنى تكوني ما زعلتيش مني م اللي حصل بينا آخر مره

-نغم انا مستنيكي ف المكان اللي كان شاهد على بدايه حبنا.. انا متأكد انك هتيجي زي كل مره طلبتك فيها وجيتي …

بحبك ي قلبي ❤️

-أسر خلص قرأه الرسايل دي واتعصب قوي ووشه احمر جامد م الغضب

أسر بعصبيه :نغاااااام#بقلمي_نورهان_ياسر

Stop

يتبع ……