Uncategorized

رواية إنسان سافل بس محترم الفصل السادس والعشرون 26 بقلم رانيا محمود

 رواية إنسان سافل بس محترم الفصل السادس والعشرون 26 بقلم رانيا محمود
رواية إنسان سافل بس محترم الفصل السادس والعشرون 26 بقلم رانيا محمود

رواية إنسان سافل بس محترم الفصل السادس والعشرون 26 بقلم رانيا محمود

خرج احمد من الحمام وعلى وشه ابتسامه وقال( طلعتي الهدوم يا ميسون )
ميسون :- أيوه يا احمد هو انت لسه ما اخدتش الدش 
أحمد :- أصل أنا عاوزك في حاجه يا ميسون
 ( وحط كوبايه العصير الفاضية على الترابيزة
قدامها  ميسون بصت للكوبايه وابتسمت وقريت منه بدلال 
ميسون :- طيب تعالى انا كمان عاوزاك في حاجه كده 
أحمد :- ههههههههه لأ مش اللي في باللك أصلي ماشربتش العصير 
( ميسون اتخضت من كلامه ووقفت مكانها في صمت )
أحمد :- شوفتي ده ( وطلع من جيبه شريط المنشطات )
ميسون اترعبت من احمد وكانت بتتنفس بصعوبه
أحمد  بهدوء:- انا عرفت دلوقتي ايه اللي حصلي قبل يوم سفري لمصر بيوم واحد بس مش عارف حطيتي منه في الأكل ولا العصير على العموم مايفرقش كتير المهم النتيجه واحده ..ميسون انا عاوز اعترفلك بحاجه انا عمري ما كنت هوافق على الجواز منك بصراحه و فعلا كنت مسافر مصر  علشان أهرب من عرضك وفعلا جوازنا كان غصب  عني وده كان واضح مش محتاج تفسير احنا لازم نطلق وحالا
ميسون :- أحمد انا بحبك ولو عملت كده فعلشان بحبك وعاوزاك جنبي 
أحمد:- ده مش حب ده اغتصاب حق مش بتاعك ده حب امتلاك لشخص مش ليكي… ارجوكي يا ميسون بلاش نقول كلام نوجع بيه بعض انا بحترمك. من أول يوم شفتك فيه أيوه فعلا انتي جميله جدا بس صدقيني عمرى ما بصتلك نظره قذره على الرغم إني كنت نايم في بيتك لكن أظن تصرفاتي معاكى تقول كده 
ميسون :- وأنا مقدرش أبعد عنك انا بحبك
أحمد :- وأنا مش عارف اعيش معاكى و متخلنيش اقول كلمه ثانيه بجد تجرحك أو تزعلك وأنا مش عاوز كده كفايه انك قريبه أعز اتنين عندي سواء مروان أو جدي كفايه يا ميسون بجد خلاص كده انا هاخد شنطتي وانزل في اوتيل وبكره الصبح هخلص إجراءات الانفصال أما بخصوص الشغل انتي ست متحضره وسيده أعمال ليها وزنها ووضعها فأكيد الانفصال في الحياه الزوجيه مش هياثر على الشغل وأنا عارف ان الشركة السياحية بالنسبه لك مش مؤثره على كم نشاطك …..ميسون انا متشكر على كل حاجه كويسه قدمتهالي …وأنا بجد اسف (  انتي طالق )
(ميسون وقفت قدام احمد متهزتش  وكانت جبل وبدون إي ملامح ولكن بمجرد خروج احمد من الاوضه انهار الجبل  تماما …كانت عامله ذي الأسد الجريح بينازع طول الليل ومليون فكره شيطانيه في دماغها فكره الانتقام هي المسيطره عليها )
 ميسون بتكلم نفسها :- لا يمكن يتعمل معايا كده انا اللي ببتدي الحكايه وأنا اللي اقول كفايه في الوقت اللي يعجبني وبس حياتي بأيدي مش بأيد حد تاني  وخصوصا انا لسه ماكتفتش منك يا  احمد دورك لسه مخلصش ازاي يجرؤ يعمل كده ليه اكيد وراه سر لازم أعرفه 
ميسون متحدثه في التليفون 
ميسون :- الو جون مساء الخير
( مدير الأمن في مجموعه شركات ميسون وكان ضابط في FBI في أمريكا ) 
جون :- مساء الخير سيدتي
ميسون :- لقد تم الطلاق بيني وبين احمد 
جون :- خساره سيدتي ..والمطلوب 
ميسون :- مراقبة احمد سواء هنا في إنجلترا أو خارجها وذلك بشكل مستمر ومكثف أريد ان اعرف عدد أنفاسه ماذا يحلم في منامه مفهوم جون 
جون :- نعم سيدتي انا أعلم شغلى جيدا
ميسون أنهت الحوار :- لازم يا احمد اعرف ايه اللي وراك ولازم ادمرك
أحمد أول ما خرج من بيت ميسون كلم ندى وحكلها كل شي بالتفصيل
ندى :-الحمد لله انك عرفت الحقيقة وقدرت تخلص من الازمه دي لكن يا احمد انا خايفه عليك منها دي جباره ربنا معانا المهم هتعمل ايه دلوقتي 
أحمد :-  انا لازم اسافر السعودية واقابل مروان وكمان جده علشان ميسون وكمان الشركه والاهم من كده أقابل اخوكي واخطبك 
ندى :- بجد يا احمد ????
أحمد :- طبعا يا ندى قلبي كفايه بقى كل اللي فات انا تعبت نفسي اخلص بقى وتبقي في حضني
ندى سكتت مع ان المفروض تكون مبسوطة …..
أحمد :- ايه يا ندى سكته ليه زعلانه من ايه 
ندى:- ليلى يا احمد
أحمد :- أول مره ياندي تقوليلي ليلى هو انتي لسه مش عارفاني ليلى دي بنتي يامجنونه. انا اساسا هتجوزك علشان ليلى ههههههه
ندى :- يا سلام يا سيدي
أحمد :- كفايه يا ندى أنها بنتك وحته منك انا بجد حبيتها وكأنها بنتي
ندى :- بس انت ماجربتش إحساس الابوه قبل كده 
أحمد :- لاجربته لما كنت خايف عليكي ان حد يعرف إني بكلمك ويتكلموا عليكي علشان بتعرفي حد ذي احمد ذيدان وكمان لما خفت عليكي من ميسون وحمدت ربنا انك كنتي بعيده عني علشان متعرفش عنك حاجه كنت خايف عليكي خوف الأب لبنته اللي عاوز يخبيها جواه مش لازم أكون أب فعلا علشان احس بليلي انا ديما كنت بحس اني مسؤول عنها وبحب اشوفها مبسوطه وحقيقي بكون في قمه سعادتي لما بكون انا السبب في ضحكتها ..وبعدين أمينه مجربتش إحساس الأمومه ومع ذلك اللي حكتهولي عن قصتها مع البنت الصغيرة اللي اتبنتها فده إحساس مش بنحتاج نكون أصحابه علشان نعرف نعيشه فاقد الشيء ممكن يعطيه ياندي لأنه بيكون اكتر حد حاسس بغيره انا جربت حرمان الأب وهي كمان
ندى :- انت هتكون آب رائع 
أحمد :- علشان انتي هتكوني أم رائعه لولادي
ندى :- طيب فيه حاجه عمرى ماقولتهالك قبل كده ولا اتكلمنا فيها انت عارف انى أكبر منك ب 6 سنين تقريبا …….
أحمد :- وبعدين !!
ندى :- وبعدين ايه انا مش فاهمه
أحمد :- ندى يا حبيبتي انتي ممكن تكوني أكبر منى في العمر لكن في الحياه والتجربه  انتي يادوبك قد بنتك مش بقلل من عقلك بس انتي فعلا طيبه اوى وطفله بجد سيبك من الكلام الفارغ ده انا بحبك وبعشقك وبس المهم بعد 48 ساعه هكون في الرياض وهكلمك من هناك من عند اخوكي كمان 
ندى:-  وانا هقول لاخويا ايه 
أحمد :- ولا حاجه متقوليش حاجه لما اروحله يبقى يسألك ساعتها احكيله لكن سيبيه يعرف  من الأول وأنا هقوله على كل حاجه
ندى :- كل حاجه كل حاجه 
أحمد :- أيوه ياندي لأن مابُنٍي على باطل فهو باطل وأنا مش عاوز ابتدى غلط انا عاوز ابتدى صح والمهم عندي هو انتي  وبس 
تاني يوم ندى مع شله الأنس في بيتها
ندى :-انا النهارده جمعتكم علشان اقولكم ان احمد خلاص طلق ميسون وهنتجوز وكمان هو سافرالسعوديه علشان يقابل اخويا 
سلمى :- أزاي احمد طلق ميسون مش انتي قولتلنا أنها ست غنيه جدا وليها كيانها ووضعها في لندن وبعدين دول يادوبك متجوزين من 3 شهور بس 
ندى :- انا هحكلكم على كل حاجه
 (( بعد شويه ))
نهى :- يعني انتي عاوزه تقولي انا ينسون دي ضحكت على احمد بتاع الستات اللي مقطع السمكه وديلها لا معلش مش داخله دماغي 
أمينه :- سوري ياندي وانا كمان يعني انتي اللي بره الموضوع حللتي اللي حصل واحمد الدنجوان مقدرش
ندى :- اولا اسمها ميسون يا ست نهى  وبعدين مالكم مستغربين ليه مش بيقولوا ما يقع إلا الشاطر 
سلمى :- ياندي بلاش عصبيه احنا بس بنستفسر منك لأن فعلا مش مصدقين احمد معقول مايعرفش تأثير المنشطات ده راجل ومش اي راجل كمان ده ليه علاقات نسائية كتير جدا معقول عمره ماجرب يعني ولا حتى من بابا حب الاستطلاع ياستي
ندى :-  هو قالي كده وكمان اكدلي ان النوع اللي استخدمته ميسون موجود بس في اوربا وامريكا مش متداول في الوطن العربي حتى 
نهى :- بس احمد مرشد سياحي عارف أجانب كتير 
ندى :- يعني هيروح يقولهم هاتولي معاكم منشطات جنسيه …انتوا فيه ايه متقولوا كلام معقول
أمينه :-   خلاص يا جماعه كفايه بجد انا شفت احمد في السعوديه وحقيقي كان مختلف تمام عن احمد اللي تعرفوه وبعدين والله انا شفت في عينه نظره حب والم وشغف لندي كان بيتكلم معايا لكن عينه على ندى نظرته لندي عمرى ما شفت راجل بيبص لحبيبته وبيقولها انا اسف زي نظره احمد لندي حتى يوم ما كنت انا وطارق عند الماذون واحنا بنطلق ماشوفتهاش في عيون طارق ….حقيقي احمد اتغير وأنا شايفه أنه للأحسن 
سلمى :- على العموم مادام اخد خطوه جاده ناحيه الجواز وانه يروح لاخوكي السعودية فده بدايه مطمنه ..ألف مبروك ياندي  
ندى :- المهم انا عاوزه اقولكم حاجه بس مش عارفه ابتدى منين 
نهى :- قولي ياعروسه من غير مقدمات 
ندى :- انتوا عارفين انا أكبر من احمد وقبل ما اسمع تعليقاتكم  استنوا شويه انا فتحت الموضوع مع احمد وقالي ان الموضوع ده مش مهم بالنسبه له وكده بس انا مش عارفه لما الموضوع وصل لمرحلة الجد ابتديت أقلق
سلمى :- ندى حبيبتي في ستات كتير وبنات كمان بيكونوا أكبر من أزواجهم وهنروح بعيد ليه السيده خديجة كانت أكبر من سيدنا محمد واغني كمان ومع ذلك حياتهم كانت الاروع واجمل مثال لحياه زوجيه مثاليه 
ندى :- هو انا السيده خديجه ولا احمد هو سيدنا محمد ( صلي الله عليه وسلم). اتكلمي كلام معقول ياسلمي 
سلمى :- يابنتي انا بديكي مثال وبعدين في بجد في حياتنا حالات كتيره كده الاهم من السن وحتى الشكل الروح الأخلاق التفاهم الاحترام  وكل ده نحطه على بعضه يطلع لنا حاجه حلوه اسمها الحب مجرد حرفين بس فيهم الخلاصه هييييييح.. ههههههههههههه
نهى :-الله الله الله ياست الدكتووووور سلمى حلو اوى البوقين دول 
أمينه :- بطلي تريقه يا هبله لأن سلمي كلامها صح جدا ندى يا حبيبتي احمد جرب كتير وانتي الوحيده اللي دخلت قلبه وعششت كمان وبعدين قصه حبكم بجد روعه وحرام تضيعيها بكلامك العبيط ده افرحي واتبسطي وحقيقي احمد بيحبك انا شفت ده في عنيه 
ندى :- حقيقي كلامكم ده يا جماعه ولا علشان أنتم أصحابي وبتوسوني 
سلمى :- يخربيت دماغك بنوسيكي ايه يا هبله انتي هو الفرق بينكم 20 سنه دول 6سنين وبس وبعدين انتي ذي القمر اقسم بالله مايبان عليكي اصلا سنك ولا انك عندك بنت سنها 10 سنين بلييييييز افرحي بقى
 ( ضحكوا كتير وحضنوا بعض وغنوا ….افرحي ياعروسه انا العريس ياعروسه يا عروسه انا العريس هههههههههههههه
في السعوديه 
أحمد :-وادي ياجماعه الحكايه كلها من الأول للاخر 
مروان :- الله يخرب بيتك يا ميسون ماكنتش متصور ابدا ان يوصل الأمر لكده دي مش طبيعيه اكيد دي اتجننت ..الفلوس وجميع العلاقات اللي عندها خلاها تتجنن دي مريضه بمرض داء العظمه الحمد لله يا احمد انك خلصت منها 
الجد :- ومين قال لك أنه خلص منها دي ميسون الترك مش بالسهوله اللي أنتم متصورنها 
أحمد ومروان في صوت واحد :- يعني ايه 
الجد :- يعني ندعي ربنا يهون اللي جاي 
أحمد :- جدي ارجوك متخوفنيش انا ماصدقت خلصت من الموضوع ده وانا متأكد أن ربنا دايما هيكون معايا المهم فيه مشوار عاوزكم معايا فيه 
الجد :- خير يا بني
أحمد :- انا عاوز اروح أخطب ندى من اخوها هو موجود في جده معايا رقمه وعنوانه كمان 
الجد :- على بركه الله. 
مروان :- مبروك مقدما يا احمد 
((   لندن ))
جون :- نعم سيدتي السيد احمد الآن في السعوديه وبالتحديد في الرياض 
ميسون :-  اوك عند جدي ومروان طيب فيه حاجه جديده فيه اي اخبار عاطفيه أو حتى ظهور سيده في حياته اوي اي شي آخر 
جون :-  حتى الان لا ياسيدتي……لكن .أريد أن اسال سؤال هل السيد احمد لديه خط هاتف آخر 
ميسون :- لا ياجون احمد لايستعمل خطوط أخرى
جون :- لا أعتقد هذا لدي معلومه تقول ان السيد مروان اشتري 4خطوط جديده في بدايه تأسيس الشركة 3خطوط مع السيد مروان أما الرابع مع السيد احمد وأنا حاليا على اقوم بجمع معلومات مكثفه لمعرفه في ماذا يستعمل السيداحمد هذا الهاتف 
ميسون ما تراه مناسب ياجون أفعله المهم لدى النتيجه
جون :- بالتأكيد سيدتي 
في السعوديه 
أحمد :- السلام عليكم استاذ جمال ( اخو ندى )
جمال :- وعليكم السلام مين معايا 
احمد :- انا احمد ذيدان بتصل بحضرتك لأني حابب اتشرف ونتقابل علشان فيه موضوع شخصي
جمال :- احمد ذيدان مين وايه هو الموضوع الشخصي اللي بينا علشان نتقابل 
احمد :-  هو بخصوص اخت حضرتك مدام ندى انا زميلها في الشركة في مصر وأنا حاليا موجود في السعوديه وعاوز اتقدم لها واكيد مش هحكي لحضرتك التفاصيل في التليفون وعاوز من حضرتك ميعاد
جمال :- خلاص يا استاذ احمد بكره الساعه 6 تمام …خد العنوان 
(( احمد كان عارف العنوان بس ماحبش يقوله أنه اخد العنوان من ندى علشان اخوها مايظنش فيها حاجه وحشه 
———————-
جمال :- الو اذيك يا ندى بصي بدون مقدمات فيه واحد اسمه احمد ذيدان عاوز يتجوزك تعرفيه 
ندى :- أيوه هو كان زميلي في الشركه وعارفه أنه اتصل بيك علشان  عاوز يتقدملي
جمال :- طيب ماقولتليش ليه
ندى :-اولا احمد فاجأني أنه كلمك النهارده و ثانيا يا جمال انا عاوزاك تسمع منه من غير ما يكون عندك خلفيه عنه بس عاوزه تحط في الاعتبار أن احمد راجل بجد مهما كانت ظروفه فده ماضي وأنا فعلا بحبه جدا وبس فكر في الكلمتين دول لكن بعد ما تسمعه الاول
جمال:- حاضر ياندي هو جاي بكره الساعه 6 ولينا مكالمه تاني بعد ما اقابله مع السلامه
        في لندن “”””””
جون :- سيدتي لقد توصلت لأمر هام الرقم الرابع فعلا يخص السيد مروان لكن السيد احمد هو من كان يستعمله ليس هذا فقط بل أيضا هذا الرقم لا يتحدث فيه الالشخص واحد فقط سيده تسمى ندى وهي كانت زميله له في شركته السابقه بالقاهره  وهذه كل المعلومات عنها
 (ميسون مسكت الملف وشوفت صوره ندي وافتكرتها)
جون :- سيدتي في غضون. ساعه سوف احصل على كل التسجيلات التليفونيه بالتواريخ أيضا 
ميسون :-أعلم يا جون انك رجل المهمات الصعبه ولك مني مفاجأه عظيمه 
في نفس اليوم بالليل كانت ميسون بتسمع كل المكالمات بين احمد وندي وعرفت كل شي وان ندي هي اللي خلت احمد ينتبه لموضوع المنشطات
ميسون -: (( للدرجه دي واحده زي ندى مالهاش سعر تعمل كده معايا هو انا كنت نايمه على وداني انا ميسون الترك تمام كل حاجه وليه اخر)
ولفت انتباها مكالمه احمد لدكتور طارق وسمعت الحوار اللي دار بينهم واتصلت بالدكتور طارق 
ميسون :-الو د،طارق اذيك 
طارق :-أهلا ميسون هانم أذى حضرتك
ميسون :- د.طارق هو احمد لما جالك المستشفى وسالك على المنشطات وحضرتك قولت له على الدكتور صديقك ممكن أعرفه لان حالته اتدهورت وبصراحه ماكنش عاوز يعرفني حاجه بس انا قدرت اعرف منه راح لدكتور تبعك بس مارديش يقولي التفاصيل 
(
( طارق افتكر لما احمد طلب منه أن مافيش حد يعرف وخصوصا ميسون بس هي دلوقتي عرفت منه علشان كده قالها وعرفها بدكتور هاري 
ميسون ذهبت الي مستشفي د .طارق 
ميسون :- أهلا دكتور هاري انا زوجه. السيد احمد ذيدان صديق د.طارق وبصراحه زوجي مدمن منشطات وحالته الصحيه ليست جيده انا اريد  إن اعرف ماذا دار بينكما. وماذا طاب لكي استطيع مساعدته 
د.هاري :- لم يطلب سوى بعض المعلومات عن أنواع المنشطات الجنسيه وساخبك سيدتي بكل شي
خرجت ميسون من المستشفى وقد قررت خطه ليس فقط لتدمير احمد بل ندى أيضا
لكن في البدايه لابد من اتصال تليفوني 
ميسون:-  الو استاذ جمال انا ميسون الترك حرم الاستاذ أحمد ذيدان اللي جاي لحضرتك النهارده علشان يخطب اختك 
جمال :- نعم حضرتك مراته 
ميسون:- من فضلك عندك وقت احكيلك مين هو احمد ذيدان 
جمال :- اتفضلي انا معاكى مدام ميسون 
ميسون  اتكلم عن ماضي احمد وجمال يسمع منها بدون تعليق وحكت عن اخته اللي خربت بيتها واخدت جوزها وتقريبا شوهت سمعتها عند اخوها 
جمال :- وطالما احمد بالأخلاق دي اتجوزتيه ليه وكمان زعلانه انك اتخلصتي منه واختي تتجوزه مش كلامك  متناقض شويه مدام ميسون
ميسون :- أظن ده شي يخصني لوحدي استاذ جمال انا بقولك أبعد اختك خرابه البيوت أحسن وطبعا انت في السعوديه وتعرف كويس عيله الترك ونفوذها
جمال :- افهم من كده انه تهديد
ميسون :- افهم اللي تفهمه مع السلامه 
جمال كان هيتجنن من كلام ميسون و كان عاوز يكلم ندى لكنه قرر انه ينتظر احمد ويسمع منه ….اتي الميعاد وحضر احمد ومروان والجد …جمال رحب بيهم لكن علامات الغضب كانت واضحه على وشه رغم انه كان بيحاول يداريها لكن مقدرش وجد مروان حس ان جمال مش مرحب بيهم ولامقتنع وأن فيه شي غلط في المقابله دي 
جمال :- أهلا وسهلا ياجماعه اتفضلوا 
احمد :- انا يا استاذ جمال احب اعرف حضرتك عني انا اسمي احمد انا مرشد سياحي عندي 31سنه وعند ي……
( وابتدي احمد يحكي. عن ومؤهلاته المهنيه والماديه ) 
واحب اعرفك علي الجماعه اللي جايين معايا هما مش أهلي بس دول أهم عندي من الدنيا كلها دول ……
الجد :- استني انت يا أحمد  واسمح لي اعرف الأستاذ جمال علينا ( واعتدل ووجه. كلامه لجمال )انا أكون عبد الرؤوف الترك كبير عائله ال ترك وده حفيدي رجل الاقتصاد السعودي مروان الترك احنا اتعرفنا على احمد من خلال شغله كامرشد سياحي لينا في مصر من أكثر من 3 سنين وحقيقي كانت معرفه رائعه احمد ذيه ذي كتير من الشباب عنده هفوات وأخطاء لكن الاصل طيب صحيح انا ماعرفش عيلته معرفه شخصيه لكن  اللي استشفيته من خلال معملتي ليه أنه انسان مثابر و شجاع وعنده طموح والاهم من كده انا صادق جدا لأبعد حد وده أمر نادر لما تلاقيه في شباب هدي الايام ..أحمد شخص واضح حتي في أخطائه واضح وصريح ..وأنا كشخص في سني و مركزي ده ..احب اني اعتبر احمد واحد من احفادي و افتخر بيه 
 ( الجد كان حابب يعزز من موفق احمد )
أحمد :- في البدايه أحب أقول إني من 5سنين ولحد السنه اللي فاتت كنت شاب مستهتر جدا وليا علاقات نسائيه كتيره جدا لكن ندي بالنسبه طوق النجاه اللي انقذني من دايره الضياع اللي كنت عايشها كانت الصديقه والاخت وأحيانا الأم اللي بتسمع من غير ماتعاتب  استاذ جمال ندى كانت طبيبي المعالج اللي خلاني اعرف مشكلتي وادور على حلها
 (احمد. حاول يوضح لجمال ندي بالنسبه له ايه وكان جمال صامت بيسمع من غير مايعلق وفي وسط الكلام سأل احمد سؤال )
جمال :-, هو انت متجوزتش قبل كده 
أحمد بتلقائية :- أيوه  كنت متجوز من بنت انجليزيه وللأسف اتوفت من كام سنه و اتجوزت تاني لمده 3شهور  من السيده ميسون الترك و هي حفيده السيد عبد الرؤوف الترك وانفصلنا من 10 أيام ودي قسيمه الطلاق وماعنديش استعداد ارجع تاني ليها حتى لو ماكنش ليا نصيب مع ندى وعلى فكره انا كنت هقول لحضرتك لكنك سألتني الأول  شوف استاذ جمال طريقه جوازي من ميسون كانت غير طبيعيه ……..
الجد مقاطعا :- معلش يا احمد بقطعك اسمحلي ياجمال يابني انا إللي هقولك مين هي ميسون واتجوزت احمدليه وازاي لأنها بنت ابن  اخويا .وهي حفيدتي وبما اني كبير عائله الترك فأنا اكترحد عارفها كويس 
كان جمال بيسمع عن ميسون لكن المره دي ملامحه كانت متغيره مزيج من الدهشه ..غضب.. زعل ..لكن فيه مقدار لا باس به من السعاده ان كلام ميسون ليه بخصوص أخته وعلاقتها بهدم بيتها كان غلط 
الجد :-ودلوقتي يا بني بعد اللي سمعته قولي بقى ميسون كلمتك امتى وقالتلك ايه 
(( الكل استغرب وخصوصا جمال ))
جمال :-, زي ما حضرتك وأحمد كنتم في منتهى الصراحه معايا هقولكم كل حاجه
 (وحكلهم المكالمة).
جمال -:.هو ده الحوار اللي حصل… انا فكرت اتصل بندي بس حبيت انتظر وأسمع وبصراحه متوقعتش صراحه احمد دي انا توقعت انك هتكدب لكن انت خيبت ظني 
جد مروان :- المهم نقرأ الفاتحه
جمال :- بس قبل الفاتحه احمد انت عارف انك اصغر من ندى ب6 سنين وبصراحه ……
احمد:- لو جيت الصراحه ندي اصغر من بنتها ليلي… مش بالسن …بالخبره في الحياه… انا عندي 31 سنه لكن خبرتي تديني 60 سنه أما ندى فاخبرتها  15 سنه بالكتير يعني أن جيت للحق انا عجوز عنها هههه
جمال :- وبنت ندي 
احمد :- دي بنتي من غير تفكير و انا من أول ماشفتها بجد دخلت قلبي انا اساسا بدايه كلامي مع ندي كان بسبب ليلى ا 
ونظر لجمال بنظره رجاء و توسل وقال …
احمد -:  ارجوك .استاذ جمال انا محتاج أكون رب الاسره دي 
جمال :- الموضوع مش سهل محتاج تفكير يعني ادوني فرصه وهرد عليكم يومين تلاته
جد مروان :- لا ارجوك  بكره وبس وأنا بنفسي اللي هكلمك
جمال :- انشاالله
يتبع ……
لقراءة الفصل السابع والعشرون والأخير : اضغط هنا
لقراءة باقى فصول الرواية : اضغط هنا

اترك رد