رواية أنا وزعيم المافيا الفصل الثالث 3 بقلم نادين محمد

_مش عايزانا نرجع تاني و لا ايه

_انا مش هرجع مع حد و ياريت تنسيني بقا و تنسي أن كنت في حياتك انا كرهت كل الناس بسببك انت ايه مش عايزه تسبيني ليه

_عشان مفيش حد بيسيب ابنه اسيبك ازاي

_انا مش عايزك مش عايزك سبيني بقا انت ايه مش شايفه انك اذتيني كتير

_انا عايزه ابعدك عن الطريق اللي انت ماشي فيه عشان هتموت و انا مش عايزه قلبي يتوجع عليك يا ابني

_كان قلبك اتوجع عليا زمان لما كنتي بتضربيني و بتعذبيني انت حرمتيني من اكتر حضن أي حد بيكون نفسه فيه فاهمه يعني فاهمه يعني ايه لما ابقي عايز لعبه زي الكل تسبيني و تضربيني عشان طلبت لعبه انا مبعرفش اكتب و اقرأ كويس بسببك طلعتني من مدرستي عشان اشتغل في الشارع لحد ما قابلني الراجل اللي قاعد عنده من زمان و شايلني اه شغلني شغلانه زباله اقتل في الناس و اعمل كل حاجه حرام و مش كويسه بس بسبب مين كله بسببك بقيت قاتل قاتل بسببك كان نفسي ابقي دكتور حرمتيني من احلي ذكريات طفوله أي طفل ممكن يعيشها كل دا و لسه عايزاني اكلمك انتي كنتي بتجلديني ليه انا عملت لك ايه ليه كل دا؟!

_صمتت دون أن تتكلم و قفل حازم الخط في وجهها بدموع و حاول أن ينام لكنه لن يستطيع أن ينام بسبب ذكرياته مع والدته التي لن تترك مخيلاته طول الليل حتي الصباح

و في الصباح 

استيقظت مايا من نومها لتلبس و تنزل في المطبخ حتي تعمل نسكافيه لها كانت تترك شعرها البني القصير مفرود و كانت تلبس تيشرت احمر واسع و بنطلون واسع فكان هذا اللبس يجعلها في منتهي الجمال عملت نسكافيه و طلعت الي الحديقه و جلست و فتحت لابتوبها فرأت حازم شارد في غرفته بسرح فتركت اللاب توب و اخذت كوب النسكافيه و صعدت الي غرفته ثم خبطت عليه 

_لكنه كان شارد  فلم يرد أو يأخذ باله

_دخلت عليه   

_احم حازم…… حازم 

اتجهت اليه و وقفت أمامه و هو ما زال شارد فمسكت يده و ضغطت عليها جامد

_بكنه انفجر في البكاء و شدها الي احضانه و بكي في أحضانها 

كانت مايا مصدومه و لكنها طبطبت بيدها عليه لأنها ظنت أنها تخفف عنه كذلك

_كان حازم يبكي في أحضانها بشده فقد اغرق بلوزتها بالدموع 

_حازم مالك بتعيط كدا ليه حازم…….

_استفاق حازم و علم أنه بأحضان مايا فرفع رأسه و نظر إليها

_انت ايه اللي دخلك هنا جيتي ليه؟

_انا دخلت لك عشان لقيتك شارد فقولت اطمن عليك

_مسك حازم ذراعها بقوة

_انت عايزه ايه مني ردي؟

_ااااه سيب ايدي انت بتوجعني

_قولتلك ابعدي.عني ليه مصممه تفضلي كدا ورايا و تكلميني قولتلك مبحبش الستات و انسي اني…..

_انك ايه؟

_امي احن لاي بنت في حياتي أو احب صعب أوي

_بص لي صعب ليه انا عايزه اعرف ايه السبب في سبب قوي و متحاولش تنكر انا عايزه اعرفه و صدقني لو عرفت هسيبك و اوعدك اني هخلي عمي ميخليكش حارسي و لا قريب مني

_انفجر حازم في وجهها ووقع علي الارض بدموع و هو يقول

_عندي عقده من امي امي  كانت بتجلدني فاهمه يعني ايه انا مكملتش تعليمي بسببها كان احقق حلمي بس طلعتني من المدرسه عشان اسرح بمناديل في الشارع و اشتغل و اتمرمط لحد ما عمك قابلني و خدني و اشتغلت معاه و عشت هنا و اعتبرني زي ابنه كان زي ابويا اللي انا اصلا مشفتوش و لا اعرفه انت متخيله لما اكون عايز لعبه و اضرب و اتجلد عشان قولت عايزاها كنت بنام علي الارض و ساعات انام جعان كل دا بسبب أمي و من ساعتها و انا بقيت اكرهها و أكره كل الستات

_نظرت له مايا بصدمه و نزلت علي الارض أمامه و نظرت له و وضعت يدها علي وجهه تمسح دموعه بيدها الخفيفه الناعمه و بعدها اغمضت عيونها و قامت لتتمشي خطوتين……و نظرت له

_اما هقول لعمي يشيلك من حراستي و يحط واحد تاني لو دا هيريحك بس مش كل الستات وحشه

_تركته و طلعت الي الخارج نظر حازم في أثرها بحزن و دموع.

_خبطت مايا علي غرفة عمها

_ادخل

_صباح الخير يا عمي

_صباح النور يا روح عمك

_حضرتك كنت عايزه اطلب طلب

_ايه عايزه فلوس

_ لا عايزاك تشيل حازم من حراستي و تحط لي حد تاني   

_ليه ضايقك في حاجه

_لا لا ابدا بس عايزه حد تاني غيره

_تمام اللي يريحك

_شكرا يا عمي عن اذنك بقا هروح الجامعه

_تمام ربنا معاكي

_نزلت و ركبت العربه مع أحد ثاني غير حازم كانت صامته طوال الطريق شارده في كلام حازم

_احم مايا احنا وصلنا انزلي

_ها  طيب شكراً

_نزلت مايا و دخلت جامعتها و هي تائهه و لا تدري بشئ غير بكلام حازم الذي أثر فيها

دخلت محضراتها و بعدها طلعت و ركب العربيه مع هذا الشخص الذي بقي شوفرها

_ودييني علي اقرب محل ملابس بعد اذنك

_حاضر……..تحبي تشربي حاجه سخنه

_انت اللي هتعزميني يعني

_ههههه لو عايزيني اعزمك هعزمك

_لا ياعم حرام عليا اكيد مرتبك يضيع

_احم…مرتب مين دا انا اشتري المحل بالفيه

_ثواني…..تذكرت مايا عندما قال لها حازم نفس هذا الكلام

_انتوا بتشتغلوا ايه يعني عشان تشتروا المحل باللي فيه

_مش مهم تعرفي

_ليه يعني

_لانها شغلانه خطر اوي و لو عرفتي روحنا كلنا في داهيه

_مش فاهمه

_مش مهم تفهمي انزلي نشرب حاجه يلا و اوديكي محل الملابس

دخلوا و قعدوا و طلبوا حاجه يشربوها

_عايزه أسألك سؤال

_اتفضلي

_انتوا ليه غامضين كدا و ليه كلكوا بتكرهوا البنات و تتكلموا معاهم بطريقه وحشه في ايه

_ههه مش احنا قصدك حازم بس احنا الحمدلله بنحب البنات عادي يعني

_و ما دام بتحبوهم اوي كدااااا متجوزتوش ليه لحد دلوقتي

_تقدري تقولي ملقناش البنت المناسبه

_عايز تقنعني انك كل دا ملقتش البنت المناسبه

_اه 

_انا بقالي سنين عايشه برا مع مامتي و جيت هنا و للاسف والدي مرضاش يعيشني معاه عشان زي ما انت شايف لبسي قصير و كدا عشان دي البيئه و المكان و الاشخاص اللي اتولدت فيهم و ما بينهم لبسهم كدا و طريقتهم كدا بس والدي اتبري مني و جيت عشت مع عمي لانه بيحبني جدا و بعدين بقا قولت أغير من لبسي فقولت انزل اجيب حاجات جديده و كدا يعني

_انت لطيفه اوي يا مايا

_احم هههه ميرسي مش عارفه حازم دا كان قفيل اوي و مش مقدر القمر اللي معاه و لا انت ايه رأيك

_هههه حصل يا بنتي حازم دا كدا و هيفضل كدا طول عمره اصل اللي قاسه كتير في حيتته مش هيتغير

_شكلكم كلكم قسيته

_الدنيا بتعلم ياما

_اه جداً عندك حق يلا نقوم نشتري الهدوم عشان منتأخرش

_يلا

_دخلوا محلات كثيره و بدأت مايا تشتري دريسات طويله و لبس جديد كثير جدا اشترت ملابس كثيره جديده

_ايه يا بنتي حرام عليكي كل دا

_ههههه شيل و انت ساكت شويه دول قليلين 

_ايه رايك تدخلي تشتري المحل كله

_هههههه لاء مش عايزه

_لا بجد تعالي

_هههه لاء خلاص حصل خير كفايه دول

_دخلت مايا و آسر الي القصر و بيدهم شنط كثيره و هم يضحكون

_و كان الجميع يأكل

_ايه يا مايا شكلك مبسوطه اوي أنهارده

_اه يا عمو بجد آسر دمه خفيف اوي طول الطريق بيضحكني بجد شخص لطيف

_قال آسر بضحك

_شكرا شكرا مبحبش اتكلم عن نفسي كتير و الله انت اللي قمر. و عسل

_نظر لهم حازم و هو يشعر بصهد يخرج من وجهه فصعد الي فوق علي طول بغضب و هو لا يعلم سببه

_نظرت مايا له و الجميع باستغراب

_تعالوا كلوا يلا

_طيب هنطلع الهدوم فوق و نيجي

_طيب

_صعد آسر و مايا الي فوق بالملابس و دخلوا غرفت مايا ووضع الأكياس علي السرير

_مش عارفه اشكرك ازاي انك عرفتني الاماكن دي و شكرا ليك انبسط اوي انهارده

_عفوا يا ميوي هدلعك بقا هههههه يلا هنزل اكل عشان جعان بقا حرام عليكي جوعتيني

_ههههه ماشي انزل

بدأت مايا أن تعلق هذه الملابس الجديد بفرح

كان حازم في غرفته يشتعل غيره و غضب و لا يعلم السبب

_كانت مايا انتهت من ترتيب ملابسها الجديده و طلعت في البلكونه حتي تقف في الليل في هذا الهدوء و لكن ………………