Uncategorized
رواية العشق لا يعرف وطن الفصل السابع والثلاثون 37 بقلم أية إنسان
رواية العشق لا يعرف وطن الفصل السابع والثلاثون 37 بقلم أية إنسان
 |
| رواية العشق لا يعرف وطن الفصل السابع والثلاثون 37 بقلم أية إنسان |
رواية العشق لا يعرف وطن الفصل السابع والثلاثون 37 بقلم أية إنسان
صباحاً في فيلا جيسيكا :
_ دخلت ميرا الاوضه عند جيسيكا وقالت : عاملة اي يا جيسي .
_ جيسيكا : حاسه نفسي تعبانه يا ميرا ودماغي وجعاني اوي من إمبارح .
_ متقلقيش هتلاقيه إرهاق بس من سهرك بره كل يوم والتاني .
_ مش عارفه بس دماغي هتنفجر .
_ هنزل اعملك قهوة وهاجي .
_ ماشي .
_ رن تليفون جيسيكا وكان مصطفى وقال : صباح الخير .
_ صباح النور .
_ مدام ميرا العامري عاملة اي دلوقتي .
_ مصطفى انا مش قادرة لأي كلام دلوقتي نتكلم بعدين .
_ خير مالك يا حبيبتي .
_ تعبانه يا مصطفي .
_ طب اي رأيك تيجي وانا اضيعلك التعب .
_ انت مفيش دم بقولك تعبانه .
_ خدي بالك من كلامك يا جيسيكا .
_ مصطفي اقفل دلوقتي وبالفعل قفلت ورمت الفون على السرير .
_ دخلت ميرا وقالت : اتفضلي القهوة .
_ شكراً .
_ بصراحه يا جيسيكا انتي مش عجباني من وقت ما خرجتي من اسبوع كده انتي صحبتك دي كويسه ضمناها .
_ تقصدي اي يا ميرا .
_ اقصد لتكون حاطه ليكي حاجه في الاكل أو العصير اديكي شوفتي مصطفى علشان يضمن اني هعمل اللي هو عاوزه شربني الزفت دة من غير ما اعرف .
_ لا لا يا ميرا أنا واثقة فيها مش ممكن تعمل كده .
_ مفيش حد بقى مضمون يا جيسي بس ارتاحي دلوقتي وهطمن عليكي بعدين وخرجت ميرا على وشها إبتسامه نصر كبيرة .
_ فضلت جيسيكا تفكر هل ممكن مصطفى يعمل فيها زي ميرا بس نفضت الفكرة من دماغها وقامت تاخد شاور .
☆ —————– بقلم الكاتبة/ آية إنسان ————-☆
في شركة العامري :
_ دخل عمرو وقال : ريم انقلي حاجات الانسه وعد ورجعيها مكتابها تاني وشوفي ليا سكرتيره ضروري .
_ تحت امرك يا فندم .
_ بعد ساعتين دخلت وعد الشركة وراحت على مكانها اللي عمرو خصصه ليها ولكن إستغربت أن حاجتها مش موجودة فقالت : ريم فين حاجتي اللي كانت هنا .
_ مستر عمرو طلب ارجعهم مكتبك تاني يا انسه وعد .
_ تمام يا ريم انا في مكتبي .
_ شويه ودخلت ريم المكتب عند عمرو وقدمت ليه الملفات .
_عمرو : آنسة وعد وصلت .
_ اه يا فندم ودخلت مكتبها .
_ تمام اتفضلي انتي .
_ في مكتب وعد طلبت هيثم رئيس قسم الحسابات وقالت : ممكن افهم الحسابات دي غلط ليه .
_ نعم ! لا مش غلط الحسابات مضبوطه .
_ لا غلط يا استاذ هيثم في نقص ما بين اللي مكتوب في الورق واللي انت واخده من الخزنة .
_ وانا بقول لحضرتك أنه مفيش غلط .
_ هو انت بتتكلم معايا كده ليه .
_ خير يا انسه وعد انا شايفك عماله تتكلمي في حاجات متخصكيش أصلاً بأي حق تكلميني أو تحاسبيني كان زمان يا انسه وعد لما كان ليكي سلطه لكن انتي هنا زيك زي اي موظف ويمكن اقل كمان فمش من حقك تتكلمي معايا كده وسابها وخرج .
_ وقفت وعد مصدومة من الكلام والدموع في عيونها معقوله هي بقت ولا حاجه من رئيس مجلس الإدارة لولا حاجه !! فقامت خرجت من المكتب والدموع مهدده بالانهيار في اي دقيقه بس قابلت عمرو في وشها واقف زي البركان الثائر اللي هينفجر .
_ رفعت عيونها وقالت : انت …
_ قاطعها عمرو وقال : شششش ومسك أيديها ونزل بيها تحت وسط الشركة وزعق بعلو صوته وقال : هنا شركة العامري واي حد هيتخطى حدوده في الكلام أو المعامله انا اللي هعلمه يتعامل ازاي واي حد هيتعامل بإسلوب غير محترم مع غيره ملوش مكان عندي من اول فرد الامن لحد المدير التنفيذي للشركه واي غلط هيحصل انا مش هتقبله ومن هنا ورايح النظام هيتغير واللي مش هيمشي عليه يشوف شغل في مكان تاني وبص بغضب لهيثم وقال : صفي حسابك واطلع بره .
_ انا ليه عملت اي يا فندم .
_ عملت انك اطاولت على المدير التنفيذي للشركة ودة مش مقبول خالص .
_ بس انا يا فندم معملتش كده انا حتى معرفش هو مين .
_ ازاي يا استاذ متعرفش هو مين وانت لسه كنت عندها من خمس دقائق وبتعرفك أن في غلط في الحسابات .
_ ابتلع هيثم ريقه وبص لوعد اللي واقفه مذهوله من الكلام وقال : انا اسف يا فندم انا مكنتش اقصد .
_ اسفك مش ليا اسفك للانسه وعد العامري لو قبلت اسفك تقدر تكمل هنا مقبلتش اسفك تصفي حسابك وتمشى من هنا والكلام للجميع مش هكرره تاني وطلع مكتبه .
_ راح هيثم وهو عينه في الأرض وقال : انسه وعد انا اسف انا مكنتش اعرف ان حضرتك المدير التنفيذي للشركة .
_ سبحان الله يعني علشان انا المدير التنفيذي بتتعامل بكل احترام لكن اي حد تاني لا عارف انا مش هخليك تترفد علشان كل لما اشوفك افتكر انك واحد واطي وسابته وطلعت عند عمرو وهي في قمة الغضب وقالت : انت كده بتحاول تثبت اي .
_ انا مش مضطر اثبت حاجه لحد .
_ ومن امتى انت بتكذب عليهم اي صعبت عليك مش كده .
_ لا أبداً انا اي حد في مكانك كنت عملت كده مش مسموح لحد يتطاول على حد هنا .
_ يا بجاحتك يا اخي اومال انت بتعمل معايا اي .
_ لسانك الطويل دة هقطعه ليكي يا وعد .
_ لا وانت حلو اوي وتعملها .
_ فقام مره واحدة وقرب منها وقال : طول عمري وانا حلو يا وعد .
_ اتوترت وعد من قربه وقالت : ابعد انت مقرب كده ليه .
_ شجاعتك بتتبخر في ثانيه .
_ اتعصبت وعد وقالت : عمرو انت حقيقي بارد .
_ بعد عنها وقال : عارف يا انسه وعد ممكن تروحي مكتبك علشان مشغول ولا حابه تفضلي معايا هنا .
_ غمضت وعد عيونها بغيظ وقالت : باااااارد ولفت علشان تمشي ولكن وقفها صوته وهو بيقول : على فكرة يا وعد انا مش كذاب انتي فعلاً المدير التنفيذي للشركة .
_ ولكن خرجت وعد على مكتبها من غير كلام .
☆ ————– بقلم الكاتبة/ آية إنسان ————–☆
_ في الاوتيل عند هاجر اللي قاعدة بتابع شغلها في الاوراق اللي قدامها فخبط الباب ودخلت نانسي السكرتيرة وقالت : مدام هاجر في بنت بره اسمها اسماء البكري عاوزه تقابل حضرتك .
_ دخليها يا نانسي .
_ فدخلت اسماء وقالت : صباح الجمال على احلى مديرة في الدنيا .
_ ههههه يا سلام يختي .
_ اه والله بس اش اش اش اي الحلاوة والشياكة دي كلها .
_ ههههه من بعض ما عندكم يا فندم .
_ بركاتك يا عم أسر .
_ ابتسمت هاجر بحزن وقالت : هو أنا كنت وحشه ولا اي يا بت .
_ لا يا قلبي انتي حلوة طول عمرك .
_ طيب قوليلي سر الزياره السعيدة دي .
_ كالعادة رنيت ١٠٠ مره ومفيش رد فروحت ليكي الفيلا وشوفت أسر وقالي انك هنا احترمي نفسك علشان مش كل شويه هجيلك الفيلا جوزك يقول عليا اي .
_ ههههه لا انتي مش هتحتاجي تروحي هناك تاني فمتقلقيش .
_ ليه يختي هتعزلي ولا اي .
_ لا بس خلاص انا مش هروح هناك تاني .
_ ليه يا هاجر كده .
_ مفيش بس خلاص انا وأسر هننفصل .
_ ليه يا هاجر كده .
_ دة كان إتفاق من الاول يا اسماء وانتهى خلاص .
_ بس انا حسيت أنه بيحبك .
_ مش كل الاحاسيس بتكون صح ومش كل القصص لازم تكون نهايته وردي .
_ حاولوا تدوا نفسكم فرصه يا هاجر .
_ خلاص يا اسماء اللعبه خلصت .
_ طب وهتعملي اي بعد كده .
_ هسافر يا اسماء .
_ تسافري فين .
_ مش عارفه بس عاوزه اروح بلد جديده أشوفها واتفسح شويه .
_ وهترجعي امتى إن شاء الله .
_ لا مهو دة اللي كنت هكلمك عنه .
_ اللى هو اي .
_ اني مش هرجع تاني يا اسماء .
_ نعم ! مش هترجعي تاني يعني اي .
_ اسماء انا عاوزاكي تفهمي انا مليش حد هنا فهسافر واستقر هناك .
_ يااااا ملكيش حد هنا طب وانا .
_ انتي هكلمك وإطمن عليكي وهستناكي تجيلي هناك او انا انزلك اشوفك وامشي تاني .
_ دة انتي مرتبه كل حاجه بقى من بدري يا هاجر .
_ اسماء انا مش عاوزاكي تزعلي بس انا مش عاوزه اكمل هنا .
_ براحتك يا هاجر اللي يريحك اعمليه سلام .
_ اتنهدت هاجر وقالت : هتزعلي شويه وهتنسي يا اسماء زي ما كل حاجه بتتنسي .
☆ —————– بقلم الكاتبة/ آية إنسان ————-☆
في فيلا السمري :
_ دخلت سارة الفيلا وسألت عن أسر وعرفت أنه جوه فدخلت تستناه .
_ نزل أسر وقال : خير يا سارة .
_ قامت سارة وجريت عليه حضنته وقالت : أسر علشان خاطري اسمعني بس .
_ وقف أسر متجمد مكانه حاسس بإحساس وحش جواه فبعدها عنه وقال بهدوء : عاوزه اي يا سارة .
_ أسر انا عملت كل دة علشان كنت غبيه ومش فاهمه انا لسه بحبك وعمرو فهمني انك وحش علشان كده بينتقم منك لكن أنا اكتشفت أن مفيش احسن منك سامحني علشان خاطري .
_ سارة انا راجل متجوز ومش هينفع الكلام دة.
_ انا عارفه انك هتطلقها علشان مش قادر تكمل معاها .
_ مين قالك كده .
_ هي .
_ انتي تعرفيها منين .
_ بصراحه انا روحت ليها وعرفتها اني لسه بحبك وأنك بس زعلان مني ومش عاوز تكلمني فهي قالتلي هو عندك روحي ليه وخليه يسامحك احنا هننفصل .
_ يعني هي قالتلك روحيله .
_ اه أسر انا بس عاوزه فرصه مش معقولة نسيت حبك الاول مش معقوله نسيت اننا كنا مع بعض سنتين علشان خاطري .
_ ابتسم أسر بمرارة وقال : وانا موافق يا سارة .
_ اي دة بجد يعني انت موافق نرجع لبعض .
_ اه موافق بس انا مضطر امشي دلوقتي علشان عندي شغل مهم .
_ ماشي يا حبيبي مع السلامة .
_ خرج أسر وركب العربيه وفضل يفكر كتير وقال في نفسه : هي ليه محبتوش رغم أنه حس انها حبته بس دي بعتت سارة علشان عاوزه تخلص مني واكيد هترجع عند إياد معقوله هتكمل معاه حياتها هتقدر تعيش معاه طب لو هي قدرت انا هقدر اعيش مع سارة بس خلاص يا أسر كفايه لحد كده كفايه .
☆ —————- بقلم الكاتبة/ آية إنسان ————–☆
في فيلا جيسيكا :
_ جيسي قاعدة عماله تكسر في كل حاجة من كتر الصداع ومش قادرة ووقفت ميرا بره مبتسمة وهي شيفاها بتتعذب زيها بالظبط وسابتها وخرجت من الفيلا خالص .
☆ ————— بقلم الكاتبة/ آية إنسان ————– ☆
في المستشفي عند أسر :
_ في اوضه المدير : اي اخبار بحثك اللي شغال عليه يا دكتور أسر .
_ تمام انا شغال عليه من سنين كتير وتقريباً خلص بس محتاج اعرف النتائج عملي ولكن مقدرش اجازف بحياة حد دلوقتي والامكانيات مش هتسمح هنا بكده .
_ انا متفائل خير ليك انت مجتهد .
_ شكراً بعد اذنك .
☆ ————— بقلم الكاتبة/ آية إنسان —————☆
في شركة العامري :
_ دخل عمرو عند وعد وقال : انسه وعد الساعه ٨ مش هتمشي .
_ بصت وعد ليه وقالت : لا لسه عندي شغل تاني محتاج يخلص .
_ كفايه كده وكملى بكره .
_ لا عادي انا اتعودت على كده اتفضل حضرتك روح .
_ تمام وانا قاعد لحد ما تخلصي .
_ نعم ! تقعد فين .
_ هنا في المكتب دة .
_ يا سلام دة من اي دة .
_ انا المدير واعمل اللي انا عاوزه .
_ يا سلام انت مدير على نفسك اطلع بره .
_ ميرسي يا وعد وفرد جسمة على الكنبه في الاوضه وطلع الفون يلعب فيه .
_ اي دة انت يا دكتور هو انت مش سامع بكلمك .
_ ولكن لا حياة لمن تنادي فهو مش سامعها وعمال يصفر .
_ اتعصبت وعد منه اوي وبعدين خدت قرار أنها تخليه متذنب كده وكملت شغل .
☆ —————- بقلم الكاتبة/ آية إنسان ————-☆
في الاوتيل :
_ دخل ممدوح وقال : مدام هاجر الساعه ٨ مش هتمشي.
_ لا همشي اهو .
_ اوكي في اي حاجه مش مفهومة في الشغل .
_ لا كدة تمام بشكرك جداً انك واقف جنبي في حاجات كتير مدام جيجي كان عندها حق لما اتكلمت عنك انت شخص محترم .
_ دة من ذوق حضرتك يا فندم بس حضرتك على الرغم من أنك لسه جديدة هنا بس قدرتي تكسبي قلوب كل اللي هنا بذوقك واحترامك للكل .
_ متأكد أنه للكل .
_ هههههه مش اوي بس الاغلب .
_ ماشي يا ممدوح انا هامشي بقى سلام .
_ ومشيت هاجر ولكن طلعت على عيادة هي متعوده تروحها كل فتره ودخلت وقالت : دكتور محمد موجود .
_ اه يا فندم ومنتظر حضرتك جوه .
_هاجر : مساء الخير يا دكتور .
_دكتور محمد : أهلاً ازيك يا هاجر عامله اي .
_ انا الحمد لله زي الفل .
_ انتي كذابه يا هاجر .
_ نعم !!! .
_ حرام عليكي نفسك يا هاجر هي دي الراحه اللي قولنا عليها كل شويه في بلد شكل انتي اخر ٦ شهور سافرتي ٤ مرات انتي مدركه انتي بتعملي اي .
_ دكتور محمد انت معصب نفسك ليه انا بقولك انا كويسه .
_ مش انتي اللي تقولي دة انا اللي احدد انا عاوز اعرف انتي بتعملي في نفسك كده ليه .
_ مفيش منه فايدة الكلام يا دكتور .
_ هاجر كل يوم بيعدي عليكي نبض قلبك بيقل .
_ هههههه يا دكتور انت بتحاول تجمل الجملة ليه قولها صريحه قول هاجر انتي الباقي من عمرك شهور او يمكن اسابيع أو احتمال ايام .
_ يا بنتي افهمي الإعمار دي بتاعه ربنا ملناش دخل فيها .
_ بالضبط هو دة اللي بحاول أقوله ليك يا دكتور كل واحد ليه ميعاد يمشي فيه فليه اندب حظي وانا ممكن استمتع بالباقي من حياتي .
_ دة مش استمتاع انتي هتقضي على نفسك انتي اللي هتموتي نفسك كده العلاج جسمك خد عليه فمبقاش يحوق معاكي .
_ دكتور محمد خلاص الكلام مش هيفيد انا كده كده همشي كمان اسبوعين من هنا .
_ مفيش فايدة فيكي يا هاجر .
_ يا راجل انا معاك بقالي ٩ سنين وجاي تكتشف دلوقتي طب والله عيب .
_ ابتسم الدكتور غصب عنه وقال : علشان خاطري خلي بالك من نفسك .
_ من عيوني سلملي على المدام والاولاد كتير سلام .
_ سلام يا هاجر .
_ نزلت هاجر تتمشي في الشارع بلا هدف وبعد ساعتين من اللف رجعت الفيلا .
☆ ————— بقلم الكاتبة/ آية إنسان ————–☆
في شركه العامري :
_ بصت وعد على عمرو اللي نام على الكنبه وابتسمت غصب عنها وسرحت في ملامحة وقالت : اول مرة اخد بالي أنه وسيم اوي كدة وشعره اللي نازل على وشه مدي ليه اطلاله جذابه بس في حزن مستخبي جوه عيونه يا ترى حكايتك اي يا عمرو وبعدين قامت راحت عنده وقالت : عمرو عمرو ففتح عينه وقال : معلش نمت وانا قاعد هي الساعه كام .
_ الساعة ١٢ .
_ تمام يلا علشان اروحك الوقت اتأخر .
_ انا معايا عربيتي شكراً .
_ خلصي يا وعد .
_ وانا قولت مش هركب معاك وانت مالك بيا اصلا .
_ تمام اتفضلي انزلي خلينا نخلص وبالفعل نزلت ركبت عربيتها ولكن الغريبه أن عمرو ماشي وراها بالعربيه بتاعته رفعت وعد عيونها في المرايا شافته وراها فقالت : مجنون .
_ فضل عمرو ماشي وراها لحد ما وصلت الفيلا ونزلت دخلت فنزل قفل باب الفيلا من بره وركب عربيته ومشي .
☆ ————– بقلم الكاتبة/ آية إنسان —————-☆
_ عدى الليل وجاء الصباح يحمل فيه الكثير من المفاجآت .
_ نزلت اسماء وراحت مبني الإذاعة والتليفزيون علشان تقدم اول حلقه ليها بس رغم حماسها إلا أنها كانت حزينه واول مره متكلمش هاجر تقولها أنها خايفه ومتوترة .
☆ ————– بقلم الكاتبة/ آية إنسان ————–☆
في فيلا السمري :
_ دخل أسر وقال : ازيك يا بابا .
_ الحمد لله بخير يا ابني انت عامل اي .
_ كويس يا بابا .
_ مش باين عليك .
_ بابا هو أنا لو قولتلك اني عاوز ارجع لسارة هتوافق .
_ اتنهد اكمل وقاله : لو دة اللي هيريحك اعمله يا أسر انا المهم عندي راحتك .
_ اتنهد أسر وقاله : انا هتجوزها اخر الاسبوع الجاي يا بابا .
_ ربنا يسعدك يا ابني .
_ بعد اذنك انا هروح الشغل .
_ إتفضل .
☆ ————– بقلم الكاتبة/ آية إنسان ————-☆
في شركة العامري :
_ دخلت بنت مكتب وعد وقالت : آنسة وعد مستر عمر عاوز حضرتك .
_ مين انتي .
_ انا جني السكرتيرة الجديدة يا فندم .
_ تمام اتفضلي وانا جايه وراكي .
_ بعد اذنك .
_ خرجت وعد وقالت لجني : بلغي عمرو بيه اني بره .
_جنى : اتفضلي يا فندم هو مدي إذن أن حضرتك تدخلي على طول .
_ خبطت وعد وقالت: خير يا مستر عمرو .
_عمرو : اتفضلي اقعدي يا وعد ، النهاردة بالساعه ٨ في مقابلة مع الوفد الأسباني محتاجك تحضري المقابلة علشان تشوفي الأفكار الجديدة اي اللي ممكن الوفد يقدمها .
_ أسباني !! بس احنا متعملناش مع شركة اسبانيه قبل كده حضرتك ناوي تلغي الوفد الإيطالي .
_ لا بالعكس الوفد الإيطالي كويس جداً لينا بس مفيش مانع انك تقبلي الوفد الأسباني اسمعي منه شوفي اي الأفكار والمقترحات الجديدة يعني لو عندهم افكار جديده ممكن نستغلها ونطورها لصالحنا يبقى مفيش مشكله احنا الكسبانين في الحالتين .
_ ازاي بقى .
_ بصي يا وعد البيزنس عاوز المكسب وبس ولكن جنب المكسب في خبرات خديلك من كل بلد صاحب يمكن تحتاجي ليهم بكرة في حاجه .
_ يعني مصلحة .
_ مش بنفس الفكرة بالضبط .
_ اومال ازاي دول مش نفس أسلوبنا ولا نظامنا ولا اي حاجه .
_ اسمعي يا وعد قسمي البنى آدمين اربع تربع وخدى منو الربع اللى يناسبك و إللى نناسبو ممكن متصحبيهوش واللي هنصاحبو ممكن متشاركوش واللي تشاركه ممكن متعاشروش احنا شركه مش قليله وهما كمان مش قليلين خلينا نشوف بيفكروا ازاي لو كسبنا معلومه واحده احنا الكسبانين .
_ ابتسمت وعد وقالت : وجهه نظر تحترم بعد اذنك .
_ وعد شدي حيلك علشان الصفقه الجايه شركه الصاوي هتنزل فيها .
_ ازاي يعني .
_ الأولوية هتكون لشركة الصاوي وهكون هناك وانتي هنا و الصفقه للي يستحق .
_ عادي الشركتين بتوعك يعتبر .
_ افهم من كده انك منسحبه من الجوله .
_ مش وعد العامري اللي تنسحب .
_ اوكي شدي حيلك .
_ هنشوف سلام .
_ ابتسم عمرو على تلك العندية .
☆ ————– بقلم الكاتبة/ آية إنسان ————–☆
_ الساعة جت ٦ واسماء قاعدة على الكرسي بس حاسه ان صوتها مش عاوز يطلع متوترة وقلقانة خلاص باقي ساعة علي ميعاد الحلقه وحواليها الفريق اللي متعرفش حد فيه غير يوسف المعد للبرنامج ولكن مرة واحدة دخل ليل وقال : قولت اشارك حصري لو مش هضايقك .
_ ابتسمت اسماء وقالت : اي اللي جابك هنا .
_ جيت اشوف واحد صاحبي هنا بيلعب ماتش قولت اشجعه .
_ بطل غلاسة .
_ جيت اشوفك في أولي حلقات برنامج الساعة السابعة .
_ ابتسمت اسماء وسكتت .
_ مالك .
_ مفيش بس متوتره شويه بس .
_ اول مره في كل حاجه بتكون بتوتر بس متقلقيش انتي ادها .
_ جايب الثقه دي كلها منين .
_ انا متأكد هو انتي اي حد ولا اي دة انتي المذيعة اسماء البكري .
_ هههههه يا عم اقعد هو لسه حد يعرفني .
_ كفايه انا عارفك .
_ في الوقت دة دخلت هاجر وابتسمت وقالت : دلوقتي عرفت ليه متصلتيش عليا .
_ رفعت اسماء عيونها بنظرات عتاب ولوم وسكتت .
_ انا قولت اجي أتصور معاكي قبل ما تتشهرى ومعرفش اكلمك .
_ في الوقت دة انفتحت اسماء في العياط .
_ سابهم ليل وخرج بره بس الاوضه ازاز فشايفهم من بعيد .
_ قربت هاجر من اسماء ومسحت دموعها بإيديها وقالت : النهاردة يوم مميز مش عاوزين زعل خلينا نركن العتاب على جنب لكن دلوقتي اجهزي كده عاوزه حلقه من نار .
_ بس انا خايفه .
_ شششش خدي نفس عميق وبالفعل عملت اسماء زي ما قالت ليها هاجر وبعدين قربت هاجر منها وحضنتها جامد وقالت : انا واثقه فيكي يلا وخرجت هاجر وقفت بره جنب ليل يتفرجوا عليها .
_ صوت من الاعداد بيقول جاهزه يا استاذه .
_ بصت أسماء لهاجر اللي هزت دماغها بأيوة فقالت اسماء : جاهزه .
_ بص ليل عليهم بإستغراب وقال : بقالي ساعه بكلمها وانتي مسكتي أيديها وادتيها حضن بقت الفتاة الخارقه صحيح مفيش تقدير ليا خالص عملتيها ازاي ها .
_ ههههه علشان الأيد بتعرف تعبر كويس اوي يا ليل .
_ ازاي مش فاهم .
_ يعني زي انك تكون ماشي مع حبيبك فيلمس ضهرك بخفه علشان يبعدك عن الزحمة أو العربيات ، أو أنه يطبطب عليك في الحضن مثلاً ، أو يمسح على عينك وانت بتعيط زي ما قريت في مرة لنينا لاكور جمله بتقول 《مسح الدموع من على خدي فإستخدم يديه لقد كان يحبني حباً شديداً》 ، أو انك تبقي متوتر فصاحبك يمسك ايدك ويعرض عليك يجبلك قهوة ؟ أو زي ما تكون رايح ميعاد مهم وتكون مرتبك فاللي رايح تقابله يشد على أيدك في السلام . يعني حاجة كده زي اللي قالها فؤاد المهندس في الشموع السودة {زي ما يكون القلب في كف الايد } .
_ سمعها ليل واستغرب جداً منها وسكت خالص وبص في الأرض بحزن وبعدين رجع بص على اسماء وشافها وهي مبتسمه ومندمجه في البرنامج وشاف نظرة الفخر اللي في عيون هاجر لصاحبتها فبعد عنهم اتكلم في الفون ورجع تاني .
_ بعد ساعه خلصت اسماء والفريق كله سقف ليها وخرجت حضنت هاجر وقالت : شكراً انك جنبي وبصت لليل وابتسمت من سكات .
_ قال ليل : بالمناسبة السعيدة دي عازمكم على العشاء .
_ قالوا الاتنين : يلا بينا وبالفعل نزلوا راحوا مطعم حلو ولما قعدوا دخل عليهم أسر وقال: مساء الخير .
_ بصت هاجر لأسر بإستغراب بس سكتت وقعدت فبصت لأسماء نظرات اللي هو انتي كنتي تعرفي بس اسماء هزت دماغها بلا .
_ قال أسر : في اي يا ليل جايبني ليه .
_ عادي يا عم قولت نسهر شويه الشغل مش هيطير ثم ينفع تسيب مراتك تسهر لوحدها كده .
_ بص أسر لهاجر واللي بصت للناحية التانيه .
_ مسك ليل المنيو وقال : يلا علشان جعان جداً وكل واحد طلب اكل فقالت اسماء : اي يا هاجر مش هتاكلي ولا اي .
_ لا مش جعانه .
_ لا هتكلي معايا .
_ لا لا الاكل دة مش هينفع اكله مش مناسب .
_ نعم يختي لا بقولك اي انتي من وقت ما دخلتي الاوتيل دة واكلك وشربك اتغير اتعدلي كده وكلي زي الناس .
_ لوكل اوي ارتقي شويه يا مذيعة .
_ الله يرحم عربيه الفول يا هاجر .
_ طيب انزل يا عم باللي في المنيو علشان الهانم ترتاح .
_ خد الجارسون الطلبات وقال لهاجر : اجيب لحضرتك حاجه تانيه يا فندم .
_ ردت اسماء وقالت : لا مش هتعرف تجيب ليها الحاجة اللي عوزاها .
_ نعم مش فاهم حضرتك تقصدي اي .
_ ابتسمت هاجر وقالت : اتفضل انت دي بتهزر .
_ كل دة وأسر متابع بصمت وليل بيكلمه في الشغل بس هو عيونه على هاجر .
_ شويه ونزل الاكل ورجع سأل الجارسون وقال : حاجه تاني فردت اسماء : ما انا قولتلك .
_ فقالت هاجر : شكراً وبعدين وجهت كلامها لأسماء وقالت : وبعدين يا بت انتي احترمي نفسك .
_ الله انتي نسيتي مش كنت كل لما حد يقولك الجمله دي تردي بقصيدة .
_ كان زمان يا اسماء خلاص .
_ رد ليل وقال : خير اي حكايه القصايد دي كمان انتي متعدده المواهب يا اسماء .
_ ههههه لا مش لدرجة قصائد دي هاجر اللي بتقول .
_ ردت هاجر وقالت : سيبك منها دي بتخرف .
_ طب تصدقي هقوله انا .
_ اسماااااء .
_ طب والله لقول شوف يا ليل اي حد لما يقولها اجبلك حاجه تاني ترد تقول اي :
هات لى مخدة احط عليها راسى انام ، هات لى قلب يزعل بس يصفى قوام ، هات لى ساعة راحة بال وحبة فرح ولو بريال
وهات اقفال اقفل بيها باب الحزن ، وهات م الحب مليون حضن ،وهات لى معاك شوية صبر ، و هات لى للخواطر جبر
هات لى أمان وضحكة طالعة باطمئنان…..
_ وبعدين نسيت اسماء بقيت النص فبص آسر لهاجر وكمل وقال :
اقول لك علشان ما تتلخبطش ، هات لي العمر من الأول وهات حبايبنا من تاني وهات الجيرة والصحبة وهات قلب مايسودش وعيون جميلة ماتحسدش وعيش وملح ما يتخانش.
_ رفعت هاجر عيونها ليه وإلتقت العيون بتحكي من الكلام دواوين .
_ فقالت اسماء : الله ينور عليك هو دة باقي الكلام .
_ في الوقت دة دخلت سارة وحضنت أسر من ضهرة فالكل بص ليها فقال أسر : انتي جيتي ليه .
_سارة : انت مش كنت هتخرج معايا واتفقننا بس انت قولتلي هتقابل صاحبك هنا فقلت اجي ولو خلصت نمشي ونكمل سهرتنا سوى .
_ بص أسر لهاجر اللي تعبير وشها خاليه جامدة فقال ليل : مش تعرفنا يا أسر مين دي .
_ فردت سارة وقالت : انا سارة خطيبته وكلها كام يوم وهكون مراته .
_ بص ليل لأسر وقال : نعم انتي بتقولي اي وهاجر .
_ فقالت هاجر : عادي يا ليل انا وآسر هنطلق وكل واحد من حقه يشوف حياته وبصت لأسر وقالت : مبروك يا أسر مبروك يا سارة .
_ ردت سارة وقالت : هتحضري الفرح مش كده .
_ لو فرحكم قبل ما أسافر هحضر اكيد معلش بقى انا مضطرة استأذن بعد اذنكم .
_ قالت ساره : أسر لو خلصت يلا نمشي فإستأذن أسر ومشي هو كمان مع سارة.
_ بص ليل لأسماء وقال : هو اي اللي بيحصل .
_ مش عارفة بس انا عارفه انهم هيطلقوا بكرة بس انا شايفه أنهم بيحبوا بعض .
_ انا متأكد أن دة مش قرار آسر دة قرار هاجر خليها تراجع قرارها .
_ مش عارفه بس هكلمها يلا خلينا نمشي يا ليل .
☆ ————— بقلم الكاتبة/ آية إنسان————–☆
_ خرجت هاجر من المطعم وركبت العربيه وطلبت من السواق أنه يقف عند النيل شويه وبعدين طلعت الفون كلمت وعد .
_ هاجر : ايوه يا وعد انتي فين .
_وعد : انا في مقابله شغل لسه مخلصاها .
_طيب فينك اعدي عليكي علشان عاوزه اتكلم معاكي شويه .
_ لا خليكي وانا جايه ليكي .
_ انا على الكورنيش مكان ما كنا بنقعد .
_ تمام جايه .
_ لفت وعد وشها شافت عمرو واقف وبيقول : خلصتي .
_ انت هنا بتعمل اي .
_ كنت في عشاء عمل تبع شركة الصاوي انتي خلصتي مع الوفد الأسباني .
_ اه خلصت .
_ طب تعالي امشي الجو اتأخر ونتكلم واحنا ماشين .
_ لا معلش عندي ميعاد دلوقتي بكرة نتكلم في الشركة .
_ ميعاد اي اللي دلوقتي يا وعد .
_ نعم وانت مالك بقى .
_ وعد اتكلمي عدل معايا .
_ ما انا بتكلم عدل بعد اذنك علشان اتأخرت وسابته وخرجت ركبت العربيه وطلعت وهو اتعصب اوي وطلع وراها .
_ بعد شويه نزلت وعد عند هاجر وقالت : وحشتيني .
_هاجر : وانتي كمان يا وعد طمنيني عملتي اي في موضوع السفر خلصتي حاجتك هنا .
_ بصراحة لسه يا هاجر الدنيا ملعبكة في الشركة .
_ طب حاولي تخلصي لان انا عاوزه امشي بسرعة .
_ كان عمرو ماشي بالعربيه وإطمن أن وعد مع هاجر فكمل ومشي وبعد ما مشي شويه شاف أسر ماشي من بعيد وماشي بإتجاه هاجر ووعد فإبتسم بمكر ولف العربيه ورجع تاني عندهم وركن العربيه بعيد وراح عندهم وقال : لو كنت أعرف يا وعد انك جايه تقابلي مدام هاجر السمري كنت جيت معاكي .
_ لفت وعد دماغها هي وهاجر وبعدين قالت وعد : نعم تيجي معايا ليه إن شاء الله وعاوز تشوف هاجر ليه ثم انت تعرفها منين أصلاً .
_ مش انتي بقيتي المدير الحالي لفندق مدام جيجي .
_ هاجر : اه صح .
_ انا كنت عاوز اكلمك علشان اتفق معاكي أن في وفد تبع شغلي عاوز احجز ليهم في الفندق .
_ ممكن حضرتك تقابل مدير أعمال مدام جيجي وتشوف معاه كل الإجراءات .
_ معلش مش هعرف اجي الفترة دي مشغول جداً بس ممكن اخد رقم مدير اعمالك واتكلم معاه وحط أيده في جيبه وقال : نسيت الفون معلش يا وعد لو مش هتقل عليكي عربيتي هناك ممكن تجبيه منها .
_ وانت إتشليت .
_ لا يا ام لسانين عقبال ما تيجي اكون خلصت الكلام وامشي علشان تفضلوا مع بعض .
_ يا رب نخلص وسع كده وراحت تجيب الموبايل بتاعه وكان أسر قرب عليهم فمد عمرو أيده وقال : نسيت اعرفك انا عمرو الصاوي مدير شركه الصاوي والعامري .
_ فسلمت عليه هاجر وإبتسمت وقالت : اتشرفت بحضرتك .
_ في الوقت دة شاف أسر المنظر ووقف متجمد من بعيد .
_ قال عمرو : قولي لبنت عمك تحترمني شويه عيب انا المدير ماسحة بكرامتي الأرض .
_ ضحكت هاجر غصب عنها بصوت عالي شويه وضحك عمرو جامد معاها .
_هاجر : يا عيني يا مدير معلش هقولها تخف عليك شويه .
_ مش عارف اقولك اي انتي كده خدمتيني خدمة عمري واكون اخدت حقي تاني .
_ ضيقت هاجر عيونها ولسه هتسأل يقصد اي بس جت وعد وقالت : خد .
_ شايفه .
_ حرام عليكي يا وعد خفي عليه شويه .
_ طب اسكتي وخلينا نمشي علشان الدنيا ساقعه وعاوزه اروح .
_ خد عمرو الرقم منها وقال : الكلام بينا مخلصش في تفاصيل كتير متكلمناش فيها باي وسابهم ومشي .
_ يلا يا هاجر خلينا نروح ونتكلم بكرة .
_ يلا يا وعد .
_ أسر واقف بيغلي لتاني مرة عمرو يعلم عليه يعني طول الوقت دة كان تمثيل هي كمان اشتراها عمرو ورجع آسر ركب عربيته ومشي وهو متعصب ومش قادر يصدق اللي سمعه .
_ في الوقت دة دخلت هاجر الفيلا وحست بحركة غريبه ولفت وراها ولكن كان في حد خدرها وخدها ومشي في نفس الوقت كان أسر ماشي بسرعه فظهرت ست من العدم فإتخبطت فنزل أسر بسرعة يشوف في اي ولكن لما قرب عليها كانت لعبه بس في شكل ست وفي حد خبطه على دماغه وخده ومشي .
☆ ————– بقلم الكاتبة/ آية إنسان —————-☆
_ في مكان تاني في أحد المخازن يدور هذا الحوار :
_ ايوه يا باشا كله تحت السيطرة .
☆ ————-