Uncategorized

رواية زوجتي المجهولة الحلقة الخامسة عشر 15 بقلم إيمان شلبي

 رواية زوجتي المجهولة الحلقة الخامسة عشر 15 بقلم إيمان شلبي 

رواية زوجتي المجهولة الحلقة الخامسة عشر 15 بقلم إيمان شلبي 

رواية زوجتي المجهولة الحلقة الخامسة عشر 15 بقلم إيمان شلبي 

في منزل مالك استيقظت ليال لتجد نفسها مكبله بين احضان مالك انتفضت بفزع ليستيقظ علي اثره مالك ولكنه مازال مكبلها 

ليال وهي تحاول الابتعاد:انت حاضني ا كده لي ابعد

مالك وهو يكبلها:اهدي 

ليال بصراخ:بجولك ابعد 

مالك بحده:اهدي والا انتي عارفه عقابك صمتت ليال خوفا من ان يكرر فعلته 

ليال ببكاء:ط طب انت عايز اي 

مست دموعها قلبه ليمسحها برقه بأطراف اصابعه ويقول بهمس حاني:ممكن تبطلي عياط 

ليال وهي تنظر داخل عينيه بحب شديد ظاهر في حدقه عينيها:مش جادره 

مالك وهو ينظر داخل عينيها ايضا:للدرجادي 

ليال بحزن:واكتر

مالك وهو يبتعد عنها ببرود:طب قومي اغسلي وشك ويالا عشان عندنا شغل كتير 

ليال وهي تنظر له بدهشه من تحوله المفاجئ لتقول بدون وعي:انت مجنون كاد مالك ان يدلف الي المرحاض ولكنه توقف والتفت بجسده الي تلك الغبيه والتي لا تعلم عقاب من يتجرأ علي مالك وخاصه ولو كانت زوجته بدأ يقترب منها ببطئ شديد لتتشبث هي في الفراش بخوف وتنزلق تحت الغطاء خوفا منه حتي وصل هو امامها وجذب الغطاء بقوه لتصرخ هي بذعر وقبل ان تتحدث وجدته يميل بجسده حتي كان وجهه قريب من وجهها لتلفح انفاسه الحاده والغاضبه بشرتها كل ذلك وليال كادت ان تموت من الرعب لتنظر الي عينيه الحمراء وترتعب اكثر من صمته الغير متوقع ليتحدث واخيرا بانفاس حاده:عيدي كده اللي قولتيه 

ليال بخوف وارتعاش وهي تحمي وجهها بخوف ان يصفعها تفاجئ هو من رده فعلها فهو بالتأكيد لن يصفعها ابعد يديها عن وجهها ليجد وجهها شاحب ودموعها تغرق وجهها ليقول بنفاذ صبر:في اي 

ليال بخوف :خ خايفه منك عشان هتضربني 

مالك وهو يجذبها من ذراعيها بقوه ليقول وهو يجذ علي اسنانه بعنف:انا اه ممكن اعاقبك علي كلمتك ديه بس مش بالضرب مش انا اللي اضرب ست ليقول بحده اكبر:انا مش عايز اطلع الوش التاني عليكي ياليال لسانك ده ميطولش عليا عشان متزعليش مني فاهمه 

ليال وهي تهز رأسها اكثر من مره:فاهمه 

مالك بجديه:طيب قومي البسي عشان ننزل الشغل

ليال:ا انا مش عايزه اكمل انا عايزه ارجع الصعيد

مالك ببرود:مش بمزاجك انتي هتكوني في المكان اللي جوزك في ليدلف الي المرحاض ويغلق الباب بقوه 

ليال ببكاء:منك لله ياعدي انا اي اللي عملته في نفسي ده ربنا ياخدك يامالك لتضع يديه علي فمها بصدمه:لا لا متاخدهوش يارب انا بحبه انا مهزجه وبحبه اهئ اهئ منك لله ياجلبي يامهزج انت يامعدوم الكرامه (يعني مش انتي اللي مهزقه؟تؤ تؤ قلبي المهزق ????)

……………………………………………………………………..

في منزل محي الفيومي كانت تجلس روفيده في غرفتها امام المرآه وتنزل دموعها علي حظها والذي اوقعها في عمها القاسي هو وزوجته لم تشعر يوما بحنان الاب او الام بعد وفاه والدها ووالدتها قطع شرودها دلوف زوجه عمها 

فيروز لتلوك فمها (تعوج بوقها) بسخريه وتقول بمياعه:يالا ياختي قومي عشان تقابلي عريسك يابت المحظوظه 

نظرت لها روفيده بدموع لتقول لها بسخريه:محظوظه يارب تشوفي ربع حظي 

فيروز:طب يالا ياختي قومي 

نهضت روفيده لتخرج هي وفيروز وتجد عريس الغفله والذي بعمر جدها ولن اقول والدها نظرت له لتجده يبتسم ببلاها لتشمئز من مجرد ابتسامته اتجهت اليهم لينهض هو ويمد يديه ويسلم عليها مدت هي اطراف اصابعها بقرف وسحبتها سريعا لتستمع الي صوت عمها والتي تكررهه وتكره زوجته :منور ياشوقي بيه 

شوقي بسماجه:ده نورك يامحي 

محي وهو ينهض:طب عن اذنكوا انا هقوم واسيبكوا تتعرفوا علي بعض لينهض وينظر لها بتحذير ان ترفض 

عندما غادر محي نهض شوقي ليجلس بجانبها حتي كان شبه ملتصق بها لتنتفض هي من مكانها بخوف :في اي حضرتك 

شوقي :اي ياعروسه مالك بس 

روفيده:م مفيش لو سمحت ابعد شويه مينفعش كده

شوقي بسماجه:ماشي ياعروسه كلها ايام واقرب براحتي ليبتعد عنها وتتنفس هي الصعداء ظل شوقي يتحدث اليها وهي في كل مره ترد بقرف حتي دلف محي

محي:ها ياعريس نقول مبروك 

شوقي بلهفه:انا موافق المهم رأي القمر 

محي بابتسامه صفراء وهو ينظر اليها بتحذير:رأيك اي ياعروسه 

روفيده وهي تحبس دموعها:موافقه 

محي:يبقي علي بركه الله نقرا الفاتحه كادوا ان يقرأو ليجدو باب المنزل يدق بعنف اتجهت فيروز لتفتحه لتجد مجموعه من افراد الشرطه يقتحموا المنزل 

فيروز بذعر:في حاجه حضرتك 

الظابط:فين محي الفيومي 

محي:انا ياحضره الظابط اتفضل 

الظابط:مطلوب القبض عليك 

فيروز وهي تلطم:ياندمي لي 

الظابط:بتهمه خطف المدام روفيده السيد محمد 

محي :مدام مين انت بتقولوا اي ديه بنت اخويا

مراتي اللي خطفتها وضربتني انت وعصابتك وجريتوا يامحي باشا كان هذا صوت قصي من خلفهم ليدلف وسط صدمه الجميع وخاصه روفيده التي اتسعت عينيها لتجد رأسه ملتفه بشاش ابيض وذراعه معلق وكأن احد هاجمه 

محي:نعم انت بتقول اي انت اتهبلت مراتك مين وضرب مين 

قصي وهو ينظر الي روفيده ويتجه نحوها:روفيده حبيبتي انتي كويسه حد عملك حاجه 

روفيده وهي مازالت في صدمتها:ها 

ضمها قصي بقوه ليهمس بخفوت:انا جاي انقذك خليكي معايا في اللعبه 

روفيده:ح حاضر شكرا

قصي:احضنيني 

روفيده:نعممم 

قصي:ياغبيه احضنيني عشان محدش يشك 

ضمته روفيده بقوه وكأنها كانت تحتاج الي هذا العناق والتي احست بالأمان بين ضلوعه

الظابط:الورق ده يثبت ان كلامي صح وان مدام روفيده مراته ليشير للعساكر:هاتوهم قبض العساكر عليهم وسط صياحهم جميعا انهم لم يعلموا شيئ عن تلك الزيجه 

قصي وهو يضع يديه علي كتفها:بجد شكرا جدا ياحضره الظابط 

الظابط:متقولش كده وحمد لله علي سلامتها عن اذنكوا ذهب الجميع ولم يتبقي سوي قصي وتلك العاشقه والتي تنظر له بحب 

روفيده:لي 

قصي:هو اي اللي لي. 

روفيده:لي انقذتني مع انك مش مضطر

قصي:هتصدقيني لو قولتلك معرفش

روفيده:شكرا جدا واسفه علي القلم 

قصي:طب يالا

روفيده:يالا فين 

قصي:انتي مينفعش تفضلي هنا بعد كده ادخلي حضري شنطتك ويالا 

روفيده بصدمه:ها 

قصي: يالا عشان هتيجي معايا مينفعش تفضلي لوحدك لحد ما نشوف هنعمل اي 

روفيده:حاضر

…………………………………………………………………….

في الشركه كانت ليال تجلس وتعمل وهي تنظر الي مالك بغيظ والتي ملامحه بارده وينظر لها ببرود كادت ان تنهض لتقتله ولكنها تعلم ان قوتها تتبخر امامه طرق باب المكتب ليسمح مالك للطارق بالدخول ولم تكن سوي مرام دلفت مرام وتمايلت بمياعه بذلك الحذاء الكعب التي ترتديه والفستان القصير والملتصق بجسدها نظرت اليها ليال بغيظ وفتحت عينيها بصدمه عندما اتجهت تلك الحربايه الي مالك وقبلته من وجنته ليتنحنح مالك بخشونه 

مرام بدلع:سوري يامالك لو جيت من غير معاد بس انا جايه اعتذرلك لاني مشيت امبارح فجأه

مالك:لا طبعا يامرام متقوليش كده اتفضلي 

ليال بغيظ:اه يابنت الكلب ياخرابه 

مرام بدلع:عامل اي 

مالك:الحمد لله يامرام وانتي اي اخبارك 

مرام :م مالك كنت عايزه اقولك حاجه

مالك:اتفضلي 

مرام:مالك انا بحبك 

ليال باندفاع وهي تنهض:نعم ياختي بتحبي مين ياروح امك 

مرام بخضه:عاااا في اي 

ليال وهي تجذبها من شعرها بعنف حتي ان مالك صدم من رده فعلها الشرسه والغير متوقعه ابدا :انتي جايه تقولي لجوزي بحبك وعايزاني اسكت 

مرام وهي تحاول ابعادها:عاااا الحقوني جوزك مين انتي اتهبلتي 

نهض مالك سريعا ليحاول جذب تلك المجنونه من فوقها واخيرا وبعد محاولات جذبها من خصرها 

ليال بصراخ وهي تحاول ان تصل اليها:سيبني يامالك سيبني اضربها انا سكتلها كتير خطافه الرجاله 

مرام بخوف:اوعي تسيبها يامالك والنبي هتضربني انت ازاي متجوز هي كذابه صح 

مالك وهو يحاول السيطره علي ليال:لا هي مش كذابه يامرام ليال مراتي

مرام:ليال مين هي مش كانت ساره 

ليال بشراسه:شيئ ميخصكيش واطلعي برررا بدل ما اقتلك 

مرام:انا بحبك يامالك لي تتجوز غيري

مالك بغضب:مرررام احنا صحاب مش اكتر ولو سمحتي اخرجي برا لاني مش عارف اسيطر عليها اكتر من كده خرجت مرام سريعا بخوف منها وقد قررت الابتعاد عن تلك المجنونه فهي ليست مستغنيه عن حياتها في سبيل شخص لا تحب سوي امواله فقط لتقرر انها ستتعرف علي شخص جديد(حقيره اوي????)

في الداخل كانت ليال تتنفس بحده ومالك مازال يكبلها حتي خرجت مرام ليديرها مالك اليه ويجد وجنتيها حمراء من الغضب وتحولت لون عينيها الي اللون الاحمر استغرب بشده الهذه الدرجه اعمتها الغيره 

مالك بهمس:اهدي خلاص مشت

ليال بغضب:بنت الكلب بتقولك بحبك وانا قاعده مسبتنيش اقتلها لي ها لي 

مالك بخبث:للدرجادي بتغيري عليا

ليال بخجل:ها ا اصل انت جوزي 

مالك:بس كده

ليال:اه بس مينفعش وانت جوزي واحده تانيه تقولك بحبك

مالك بمكر:طيب يالا كملي شغلك 

ليال بغيظ:طيب

……………………………………………………………………..

مر اسبوع علي تلك الاحداث ولم يحدث شيئ سوي تحسن علاقه رعد ومريم وذهاب سلمي والتي يأست من تلك الماكره زوجته اما عن ابطال قصتنا فقد كان هذا الاسبوع هو اسبوع العناد فقط فقد كانت ليال دائما تعانده في اي شيئ وهو يفقد اعصابه اما عن عدي واريج فمنذ ان خرجت تلك اليوم من غرفته وهما لم يتحدثوا ابدا وايضا اريج لم تذهب الي المدرسه وتجلس تذاكر في المنزل لان اقتربت امتحاناتها والتي من بعدها ستتزوج معذب قلبها عدي البحرراوي اما عن قصي وروفيده فقد كانت تعيش معه تلك الاسبوع وفي الحقيقه بدا قصي ان يتعلق بها واحب وجودها في حياته وفي يوم ما في منزل قصي ارتدت روفيده ملابسها والتي كانت عباره دريس قصير يصل الي ما قبل الركبه وكات كادت ان تخرج ليوقفها صياح قصي 

روفيده وهي تلتفت لتجده امامها مباشره ليدق قلبها بعنف من قربه المهلك بالنسبه لها 

روفيده:ق قصي في اي 

قصي وهو يحاصرها بكلتا ذراعيه:انتي خارجه بلبسك ده رايحه فين ياهانم 

روفيده بتوتر:ر رايحه الشغل 

قصي بغضب:ورايحه كده باللبس ده 

روفيده بعصبيه:في اي ياقصي انت بتتعصب عليا لي

قصي بنفاذ صبر:ادخلي غيري لبسك ده بدل ما الطشلك 

روفيده بغضب شديد:لا مش هغيره وبعدين انت مش من حقك تديني اوامر 

قصي وهو يقترب منها ليهمس في اذنيها:لا ليا لانك هتبقي مراتي ياقطه………………………………………………. 

يتبع..

لقراءة الحلقة السادسة عشر : اضغط هنا

لقراءة باقي حلقات الرواية : اضغط هنا 

نرشح لك أيضاً رواية عشق من الماضي للكاتبة إيمان شلبي.

اترك رد