رواية عشق الطفولة الحلقة الأولى 1 الجزء 2 بقلم هنا
رواية عشق الطفولة الحلقة الأولى 1 الجزء 2 بقلم هنا
 |
| رواية عشق الطفولة الحلقة الأولى 1 الجزء 2 بقلم هنا |
رواية عشق الطفولة الحلقة الأولى 1 الجزء 2 بقلم هنا
سما: اسررر اي رأيك ننزل مصر
اسر: ننزل مصر طيب والشغل بتاعي هنعمل فيه اي
سما: انا قصدي ننزل مصر نعيش فيها انا عايزة ملاك تنزل تتعلم في مصر وكمان مازن هينزل عشان ياخد جامعته في مصر(اي حد من مصر بيعيش في دولة عربية بينزل يكمل تعليمه هنا بيكون احسن له) واحنا اكييد مش عايزينه يفضل في مصر لوحده
اسر: طيب وشغلي يا سما وبعدين مازن ما هيعيش مع بابا وعمتي سهير يعني مش لوحده
سما: انقل شغلك هناك واظن ان دي حاجة بتتعمل عادي دلوقت وتقدر تنقل شغلك عادي
اسر: هشوف يا سما وبعدين لسة هنسأل هالة نشوف ردها
سما: ماشي يا اسر
*عدااا شهر واسر قدر ينقل كل شغله في مصر واشترى فيلاا كبيرة جدا وعاشوا فيها كلهم ومعاهم سهير وعادل
سما: الله كنت محتاجة جو العيلة دا يرجع تاني بجد
اسر: الحمد لله ان انا نقلت هنا الواحد حس براحة نفسية جامده
سمعو صوت مازن العالي: تعالي هنا يا بت انت والله لو الورق حصله حاجة هقطعلك ايدك
اسر: اي يا مازن في اي يابني بتزعق ليه كده
مازن: شوفت يا بابا بنتك المتخلفة ال قد البلية دي وانا قاعد بذاكر لقيتها بتشد الورق وطالعة تجري
اسر:طالعة لأمها بقى يبقى مش هنسلم منها
سما:بتقول حاجة يا اسر لا بجد بتقول حاجة
مازن:عمتووووو شيلي البت دي من قدامي وهاتي الورق دا منها عشان ما اقتلهاش ليكي
ملاك:لا مس حتهولك خيل لما تتيني 100 كنيه(لا مش هدهولك غير لما تديني 100 جنيه????)
مازن:نعممم يا روح امك..اححم اسف يا عمتو..هاتي يا خراا الورق خليني اذاكر(مازن في كلية هندسة وشاطر جدا ومحببوب من كل صحابه وليه صحاب كتيير ومعظمهم بنات????)
اسر:ملااااك حبيب بابا تعالي لياا هاتي حضن
ملاك:تؤتؤ حات 100 كنيه الاول انت كمان(هات 100 جنيه الاول انت كمان)
سما:لا دي شكلها واخدة كل حاجة مني بقى تعالي يا ملاكي خدي مني انا ال 100 جنيه
ملاك:لا انا حديهم(هديهم) لعدولة بس
عادل:قلب عدولة تعالي *خد منها الورق واداه لمازن وقاله:كمل مذاكرتك يا حبيبي يلاا
مازن:شكرا يا جدو يا ابو الجدود
اسر:ابو الجدود؟
*كل واحد دخل اوضته وملاك بتفضل تلعب مع عادل وسهير لحد ما تنام
“””في اوضة سما واسر
سما:اسر انا خايفة جدا لملااك تبقى زيي وعندها نفس صفاتي
اسر:ليه يا روح اسر خايفة ليه احنا نطول يبقى عندنا اتنين سما في البيت وبعدين مالها صفاتك يا ريت الناس كلها زيك يا قلبي
سما:لا افرض ملاك طلعت شكاكة ومتسرعة زيي دا ممكن تضيع حياتها زي ما انا كنت هضيعها
اسر خدها في حضنه:ما تخافيش يا حبيبتي وانت اكييد هتبقي تنصحيها وتعرفيها هتعمل اي
سما:فاكر يا اسر لما كنت مكسورة وحزينة فاكر لما كنت بعيط بدل الدموع دم من كتر ندمي على تسرعي انا مش عايزاها تندم ابدا في حياتها ولا عايزاها تنكسر والتسرع دا ممكن يأذي قلوب كتيير جدا
اسر:خلااص بقى دا ماضي وانتهى يا حبيبتي
فلاااش بااك????️
لما رجعوا مصر بعد ما اتفقوا ان هما هيتجوزوا خلاص
سما:اسر فاكر اوضتي ولما كنا بنفضل قاعدين فيها للصبح ونتكلم
اسر:كانت ايام جميلة والله اي رأيك نقعد نتكلم شوية
سما:يلاا نقعد ونتكلم انا نفسي اتكلم
اسر:اتكلمي يا حبيبتي انا سمعك
سما:بص بقى انا فهمت كل حاجة وفهمت ان اسر مش ابنك وكل دا ال مش فاهماه بقى انت ليه واحنا كنا في المول ليه سيبتني امشي لوحدي ليه مش جبرت بخاطري ولو بكلمة ليه مش مشيت ورايا وفهمتني كل حاجة وليه قولت ل هالة لما تروح هصالحها ليه
اسر……….
سما:ما تستغربش انا كنت لسة واقفة هناك وسمعت كل حاجة
اسر:اممم ماشي يا ستي بدال كده هقولك…مازن كنت بعامله احسن من اي اب بيعامل ابنه مش بسيبه نفسه في حاجة واي حاجة كنت بعملهاله وعمري ما بعدت عنه وسافرت وفضلت كتيير بعيد عنه كده فلما شوفته يومها مش كنت قادر اسيبه وامشي واجرحه مش كان ينفع وهو كان لسة مش عارف ان انا مش ابوه وكمان انت يومها مشيتي بسرعة وما وقفتيش حتى تعاتبيني
سما:طيب وداا مش مبرر انك تسيبني امشي وبعدين سمعت انك ما روحتش البيت غير بعدها بيومين ودا معناه ان انا مش فارقة معاك ولا فارق معاك زعلي
اسر:والله العظيم عارف اني غلطان عشان سيبتك تمشي وهفضل ندمان طول حياتي
سما:طيب وبخصوص رجوعك للبيت بعدها بيومين
اسر:يا بنتي انت عارفة ان انا ظابط وليا اعداء كتيير وانا وعلاء كنا مع بعض في كل حاجة ونفس الناس ال قتلت علااء كانت ماشية ورا مازن وهالة عشان تقتلهم واحنا نازلين من المول وقفتهم عند العربية ودخلت تاني اجيب حاجة ولما رجعت لقيت هالة سايحة في دمها واسر مش موجود وبعدين نقلنا هالة المستشفى وفضلت اتصل عليكي كتيير بس كان مغلق بعد كده روحنا المكان ال خاطفين مازن وحطينه في وفي وسط الاشتباك تليفوني اتكسر….وبعد ما انقذنا مازن وهالة طلعت من المستشفى بعدها بيومين عشان الاصابة مش كبيرة طلعت من معاهم واستأذنت عشان اجيلك وانا والله كنت ناوي اجيلك علطول
سما بعيااط:طيب وبعدين كل دا حصل انا كنت مفكراك مش بتحبني وبتقلل مني انا اسفة بجد اسفه انا ال اتسرعت وكنت السبب في بعدنا عن بعض كل المدة دي
اسر خدها في حضنه: مش مهم يا حبيبتي المهم ان احنا مع بعض دلوقت
سما:انا غبيه وهفضل طول عمري غبيه وهفضل ندمانة اني مشيت…
اسر:بعدين لما جيت البيت لقيتك مشيتي وكنت مدمر جدا يعني ومحتاجك تقعدب معايا واسند عليكي وانا بعيط وتخففي عني بس للأسف كنتي مشيتي وبعدها بشهر علطول انا مشيت لما فقدت الامل اني هلاقيكي وانت كنتي قفلتي تليفونك ما عرفتش اوصلك وخدت هالة ومازن وسافرنا
سما:بس على فكرة كده انت غلطت عشان بعد ما سافرت ازاي ما تتصلش على ماما وبابا تطمن عليهم
اسر:انت اتصلتي عليهم بعد ما سافرتي بكام شهر
سما:شهر واحد ولما اتصلت على ماما قالتلي ان انت لسة مسافر
اسر:طيب ما انا كمان اتصلت بعديها بشهر وعمتي قالت انك اتصلتي وقالتلك ان اسر مش بيسأل علينا من بعد ما مشي
سما:هااا طيب ازاي ماما مش عرفتني بعد كده ما انا كنت بتصل عليها
اسر:انا ال قولتلها عشان انت تحسي ان انا بعدت خلاص ومبقاش في اخبار عني فترجعي تاني مصر وانا اجيلك وافهمك كل حاجة بس انت بقى عنيدة وما رجعتيش خالص يا قطتي
سما قلبها دق:يااااه كنت مشتاقة اسمع الكلمة دي تاني
اسر مسك ايديها:سما اوعديني لما يحصل اي حاجة تاني ما تتصرفيش غير لما تفهمي كل حاجة الاول وما تبعديش عني تاني
سما:اوعدك يا اسر…وانا بجد ندمانة جدا ع السنين الضاعت علينا دي
انتهاء الفلاش????️
في اوضة عادل وسهير…
عادل:يا ملاك يا بنت الكلب (عادي جدها يشتمها براحته????) اتهدي بقى يا شيخة اي جن ولا اي
سهير:طالعة لأمها يعني مفيش حتى سنة صغيرة مش زيها
ملااك:سحيير(سهير)
عادل بضحك وتريقة:الحقي بتناديلك يا سحيير????
سهير:هي سهير دي بتلعب معاكي يا بت انت ولا اي..عايزة اي اخلص
ملاك:حايسة انام(عايزة انام)
عادل بضحك:اخيراا والله بعد الصبر جبر
في اوضة مازن…….
مازن بيغني في التليفون:حبيبي ياااا يا اغلى مني انا(بصوت محمد فؤاد)
=قلبي عامل اي واحشني موووت بجد
مازن:انت الوحشاني مووت مووت موووت…بقولك اي انا عاملك مفاجئة كبيرة
=ياااه بجد مفاجئة اي
مازن:اممم انا.. انا ..انا
=انت اي بقى يا بارد
مازن:نزلت مصر يا قلبي
=يااااه بجد طيب هنتقابل امتى بقى يا مازن
مازن:حبيبتي لو ينفع دلوقت والله يا امل نتقابل نفسي اشوفك بقى
(امل عندها 18 سنة اصغر من مازن بسنة مش بتدرس قاعدة في البيت مستنية الفرج????ومن مصر ام الدنيا ????وبشرتها فاتحة وقصيرة ومش محجبه بس اي حاجة قمر كده مرتبط بمازن من وهي عندها 17 سنة بس ع السوشيال بس ما اتقابلوش في الحقيقة)
امل:لا يا قلبي مش هينفع نتقابل النهاردة الدنيا ليل بكرة نتقابل ونفضل مع بعض طول اليوم
مازن:هيكون احسن يوم في حياتي يا قلبي
امل:حبيبي انا هقفل عشان ماما بقى سلام
مازن:هتوحشيني(انا اسفة للسناجل البؤساء واسفة لنفسي ع المحن دا????)
في اوضة هالة….
هالة بتتكلم في التليفون:هتردي بقى ولا اي نظامك انت كمان
=الو
هالة:هااا الخطة ماشية تمام وكل حاجة صح؟
=تمام يا معلمتي
————–
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية لو كان خيراً لبقى للكاتبة نورهان صبري.