Uncategorized
رواية بنت الجيران الفصل العاشر 10 بقلم ايما محمد
رواية بنت الجيران الفصل العاشر 10 بقلم ايما محمد
 |
| رواية بنت الجيران الفصل العاشر 10 بقلم ايما محمد |
رواية بنت الجيران الفصل العاشر 10 بقلم ايما محمد
اسلام: انا هكتب عليكي النهاردة
جميلة تحتله وحكمت شرقت وفضلت تكح
حكمت: انت بتتكلم بجد؟
اسلام وهو باصص لجميلة: اها
جميلة: بس…
حكمت بتزوقه: طب غور من وشي عشان اجهزها
اسلام بص لامه باستغراب
اسلام: غور؟ بقي بتقوليلي غور؟
حكمت بتزوقه برا الاوضة: اطلع خلينا نلحق
طلعته وقفلت الباب وهو انفجر ضحك علي تصرفات مامته سابهم وراح ع شقته اتصل بالماذون واتفق معاه يجيله ع بالليل وكلم صحابه عزمهم وكلم هدي بعد ما اخد رقمها من فون مامته واتفق معاها تعزم بقية اصحابها وبعدين بدا يجهز نفسه
********
في بيت نورسين
ثرية قاعدة متوترة ومش علي بعضها بتفكر تتصل باسلام اللي هوس بنتها بيه بيزيد يوم عن التاني وتقوله انها اللي عملت كدا في خطيبته وفي نفس الوقت خايفة عليها نفخت بضيق واتنفضت بفزع اول ما فونها رن بصت واسترخت لما لقته اخوها ردت عليه بسرعة و..
ثرية: ازيك يا محمد
محمد: الحمد لله.. مالك يا ثرية قولتي محتاجة اتكلم معاك ضروري
ثرية: نورسين يا محمد
محمد بضيق: مالها نورسين.. هي مش هتنعدل بقي؟
ثرية: مش دي المشكلة.. المصيبة اني سمعتها امبارح بتتكلم مع واحدة وبتتفق معاها علي حاجة كدا
محمد بشك: علي ايه بالظبط
ثرية: هفهمك…
**********
الساعة 9 في شقة جميلة
صوت مزيكا جامدة مالية الشقة وزغاريد واسلام قاعد برا مع صحابه اللي قاعدين يهزروا معاه ويهيصولوا وسايبين البنات في اوضة جميلة متجمعين حواليها وبيرقصوا كلهم ، جميلة علي الرغم من انها فرحانة لانها خلاص هتبقي مرات حبيبها كمان شوية الا انها مضايقة جدا بسبب كلام نورسين اللي لسة بيرن في ودانها وبسبب جبس ايدها اللي مخليها مش عارفة تتحرك براحتها هدي شديتها بالراحة وبدات ترقص معاها والكل بيصقفلهم وبرا صحاب اسلام قاعدين يضحكوا معاه ، هدي فونها رن فسابت جميلة وبالراحة طلعت من الاوضة وبالراحة طلعت من الشقة خالص عشان الدوشة اسلام بصلها وقام يشوفها
اسلام: في حاجة يا هدي؟
هدي: لا دي ماما بتطمن بس
اسلام: تمام.. جميلة كويسة؟
هدي: اه كويسة.. مش حاسس انك اتسرعت شوية؟
اسلام بابتسامة: لا.. قوليلها الماذون علي وصول
هدي هزت راسها ماشي ودخلت وهو صاحبه طلعله وهو بيصفر
حسام: مين الموزة؟
اسلام: انت مالك ياض؟
حسام: يابني احترمني شوية انا اكبر منك
اسلام: عارف لو ممشتش من وشي هعمل فيك ايه؟
حسام بيضحك: خلاص يا عم اهدي انا ماشي
حسام دخل تاني واسلام كان هيدخل بس اتفاجئ بنوسين اللي كانت جاية عليه وهي بتعيط وقفت قدامه مش قادرة تاخد نفسها من العياط و..
نورسين: انت بجد بتتجوز؟
اسلام: عرفتي ازاي؟
نورسين: رد عليا انت بجد بتتجوز؟
اسلام ببرود: لما تردي انتي الاول.. عرفتي ازاي؟
نورسين: الممرض اللي في عيادتك قالي.. كنت.. رايحالك.. انت مش بتتجوز صح؟ انت بس بتهزر
اسلام: لا مش بهزر يا نورسين.. كتب كتابي دلوقتي انا عملت نفسي ناسي اللي حصل وانك جيتي لجميلة وهبلتي معاها في الكلام وقلتي كلام محصلش وعديت الموضوع فاحسنلك تمشي دلوقتي
نورسين بعياط: بس انا بحبك
اسلام : وانا سبق وقولتلك اني بعتبرك زي اختي واكتر
نورسين بغيظ: كله منها.. هي اللي سرقتك مني
اسلام : افهمي بقي انا عمري ما حبيتك اصلا
هزت راسها لا بجنون وسابته وطلعت تجري وهو غمض عينيه بضيق ورجع لاصحابه
عدت نص ساعة وبعدين وصل الماذون وبعد مدة..
“بارك الله لكما وبارك عليكما وجمع بينكما في خير”
الكل بيزرغد وبيبارك وجميلة مش مصدقة انها خلاص بقت مراته.. اسلام استاذن سميرة ياخد جميلة ويخرجها وهي معترضتش خدها ونزلوا وراح بيها قدام البحر قعد وهي قعدت جنبه بس عاملة ما بينهم مسافة و..
اسلام: فرحانة؟
جميلة مردتش وفضلت باصة قادمها لمنظر البحر والقمر
اسلام بصلها: جميلة
جميلة بصتله وكانت هترد بس اتجمدت لما لقته قريب منها اوي
اسلام بهدوء: ينفع متفكريش فيها؟.. انا عمري ما كان بيني وبينها اي حاجة
جميلة هزت راسها بتوهان وهو ضحك علي توهانها اللي عجبه نوعا ما قرب اكتر ورجع شعرها لورا و..
اسلام: بحبك
جميلة: احيييه
اسلام ضحك علي رياكشنها ونام علي ضهره وهو ماسك بطنه من الضحك
اسلام: لا مش قادر.. منظرك تحفة
جميلة باذبهلال: انت قلت بتحبني صح؟
اسلام بيضحك: اه
جميلة: نهارك عسل
اسلام: مالك؟ زعلتي؟
جميلة: اسكت بس لما استوعب بعدين ابقي اتكلم (في نفسها) جووووون طلع بيحبني لولولولولولولييي لا عايزة ارقص مش هينفع كدا.. طلع بيحبنييييي.. هيييح
اسلام: جميلة.. سرحتي في ايه؟
جميلة انتبهت: لا مفيش.. الا قولي صحيح.. انت جبتنا هنا ليه؟
اسلام زقها بغيظ: يا غلسة بقولك بحبك ايه مفيش حاجة كدا؟
جميلة بسماجة: لا مفيش وبعدين مش يمكن اكون مش بحبك
اسلام: لا بتحبيني
جميلة: وانت مين قالك؟
اسلام بيقرب منها: محدش قالي.. انا عارف ومتاكد انك بتحبيني
جميلة احمرت من قربه ومن كلامه بس بعدت وشها
جميلة: لا مش بحبك
اسلام ابتسم: هستني لحد ما تحبيني
جميلة ابتسمت ورجعت تبص للقمر وهو كمان شوية وحست بيه بيحضنها من الجنب كانت هتتكلم بس سبقها..
اسلام: انتي مراتي يا جميلة
سكتت وحطت راسها علي كتفه وابتسمت وهي حاسة بانها اسعد انسانة في العالم
*********
نورسين رجعت البيت معيطة ومكياجها مبهدل وشها واول ما دخلت اتفاجات بخالها وابنه قاعدين
محمد: ازيك يا نورسين؟
نورسين مردتش وطلعت جري علي اوضتها وهنا امها قالتله
ثرية: اكيد عرفت انه اتجوز
سامح (ابن اخوها): وانتي عرفتي ازاي انه اتجوز؟
ثرية: كلمت التمرجي اللي بيشتغل عند دا وقالي انه اجازة عشان كتب كتابه النهاردة
محمد: بنتك حالها مش مظبوط ومش هيتظبط طول مانتي سايباها ماشية علي حل شعرها كدا
ثرية: مانا جايباك عشان تفكر معايا وتعدلها
محمد: وانا فكرت وخلاص بنتك هتتجوز سامح الاسبوع الجاي
ثرية بصت بقلق للسلم ورجعت بصت لاخوها
ثرية: بس هي مش..
محمد: وانا مشش باخد رايها يا ثرية.. انا بقولك اللي هيحصل عشان تبلغيها.. يلا يا سامح بينا
سامح قام مع ابوه ومشوا الاتنين وسابوا ثرية بتحاول ترتب افكارها عشان تطلع تبلغ بنتها بقرار خالها
يتبع……
لقراءة الفصل الحادي عشر والأخير : اضغط هنا
لقراءة باقي فصول الرواية : اضغط هنا
نرشح لك أيضاً رواية عنيد غير حياتي للكاتبة لبنى عبدالعزيز