رواية ملاكي الفصل الثاني والعشرون 22 بقلم نيللي ياسر

…..( عند مصطفى وكارلا)

كارلا: يلا انا خلصت.

مصطفى: يا بنتي انتي دراعك مكسور هتعرفي تلعبي.

كارلا: اه هعرف يلا بقي نروح.

مصطفى: يلا بس هتسمعي الكلام.

كارلا: اوكي يلا.

مصطفى: يلا.

   ” مصطفى راح هو وكارلا ملاهي كبيره بس الوقت متأخر اوي و مصطفى راح للأمن بتوع الملاهي واتكلم معاهم ودفع ليهم فلوس وخد كارلا ودخلو”

كارلا: الله الملاهي حلوه اوي بالليل.

مصطفى: انتي اللي حلوه.

كارلا: ايه!!

مصطفى: بقولك انتي اللي حلوه فيها حاجه دي؟!.

كارلا بكسوف: يلا نلعب بقي.

مصطفى بابتسامة: يلا.

  ” وقعدو يلعبو كتير لغايه لما مصطفى كان راكب لعبه ولقي كارلا نايمه علي كتفه فنزل وشالها و اخدها المستشفى تاني ونيمها علي السرير ونام علي الكنبه هو.”

    ” تاني يوم عند ملاك صحيت “

ملاك: ادهم…يا ادهم اصحي بقي.

ادهم: امممم ايه يا ملاك لسه بدري.

ملاك: بدري ايه بس اصحي هنتاخر علي الشغل.

ادهم: هنتأخر…لايه انتي جايه معايا.

ملاك: اه عندك مانع.

ادهم: اه عندي.

ملاك: ايه هو.

ادهم: هخبيكي فين من عيون الناس.

ملاك ضحكت: ههههه.. بطل هزار هنتأخر.

ادهم: انا مش بهزر انا عايز حل قوليلي اخبيكي فين؟!.

ملاك: امممم لا مش عارفه.

ادهم: يبقي مفيش شغل وتعالى ننام.

   ” ادهم كان هيمسكها بس هي جريت”

ادهم: انا لو قومت و مسكتك مش هرحمك.

    ” ملاك حطت اديها في وسطها واتكلمت”

ملاك: طب جرب يا ادهم وانا اصوت والم عليك الناس.

أدهم و هو بيقوم: استعنا على الشقي بالله.

ملاك بصريخ: هصووووووت يا ادهمممممممم.

ادهم: وانتي كده مش بتصوتي؟!.

   ” ملاك فتحت الباب وطلعت تجري وهو بيجري وراها لغايه لما تعبت وهو استغل الفرصة ومسكها عند الحيطه وهي بتنهج و ماسكه قميصه”

ادهم: يا تري اعمل فيكي ايه ..اعمل فيكي ايه .

ملاك بتنهج: س  سبني   و  انا  ه  هوريك.

ادهم: لا يا ماما مش هسيبك انا مسكتك خلاص مش هرحمك خالص.

ملاك: طب انت عايز ايه.

  ” ادهم شاور علي خده “

ملاك: لا يا ادهم مش هعمل كده.

ادهم: براحتك يبقي خليكي هنا طول اليوم.

ملاك: انت..انت قليل الأدب علي فكره.

ادهم: عارف هاتي البوسه بتاعتي بقي.

ملاك بكسوف: طب..طب غمض عينيك.

ادهم: ماشي يلا.

   ” ملاك بترفع نفسها علشان تطول خده وهو حس بيها ورفعها وهو لسه مغمض وهي حطت اديها علي رقبته وباست خده بسرعه وهو فتح عيونه”

ادهم: احلي بوسه في حياتي.

ملاك بغضب: هو في بنات باستك قبل كده؟!

ادهم بخبث: الصراحه كتيرررررر .

ملاك بتزقه: طب اوعي كده ..اوعي يا ادهم بقي.

ادهم: هههههه..يا بت أهدي.

ملاك: بت أما تبتك.

ادهم: بقي كده ( بص في عنيها جامد)

ملاك بتعلثم: اه..لا انت….ابعد عينك دي يا عم.

ادهم: ههههه..خلاص روحي البسي هاخدك معايا الشغل.

ملاك: ماشي.

 ” ملاك مشيت شويه و اتكلمت بأستفزاز”

ملاك: علي فكره بقي انا كنت هروح غصب عنك ( طلعت لسانها)

ادهم: ده انتي عايزه خناقه زي بتاعت امبارح بقي.( بيغمز)

   ” ملاك ضحكت وهو شاف ضحكتها اتجنن وطلع يجري وراها علي السلم”

…. ( عند اميره وحازم)

    ” حازم بيتصل باميره وهي كالعاده نايمه وبعدين ردت”

اميره: الو يا آخره صبري.

حازم: الو يا اميره مش بتردي لايه.

اميره: الساعه ١٠ ونص هكون بعمل ايه اكيد نايمه.

حازم: انتي بتهزري صح…اميره انا تحت بيتك يلا علشان منتأخرش علي الشغل.

اميره: يا نهارك اسود يا فوزي.

حازم: في ايه؟!.

اميره: انت عايزني اروح شغل وانا لسه عروسه؟.

حازم بغضب: اميره هطلع اضربك .

أميره: لايه يعني علشان بقول الحقيقة.

حازم: حقيقة ايه دي كانت خطوبه مش فرح.

اميره: ولو ولو لازم مروحش النهارده.

حازم: اااااميره البسي بسرررعه علشان انا تعبتتتتتتتت.

اميره: ماشي انت متعصب لايه دلوقتي.

حازم بغضب: اميره البسي بسرعه.

اميره: طب الو … الو..بتقفل في وشي يا دومه طب والنعمه مش هرد عليك تاني…سامحني يا رب.

   ” اميره لبست بنطلون جلد اسود عامل زي الشيروال وتي شيرت أبيض عليه كلمه سوده بنص كم وكوتشي أبيض و ايس كاب اسود ونضارة سوده وفرت شعرها”

اميره: يلا انا جهزت.

حازم: انتي رايحه فين كده.

اميره: ولا انت هتسطعبط هنروح الشغل.

حازم: انا لم شوفت لبسك كده افتكرتك رايحه نايتكلب مش شغل محترم انتي شكلك حلو كده.

اميره: انا علطول حلوه.

حازم: اميره اطلعي غيري بنضاره المفتش كرومبو دي.

اميره: انت بتسخر من لبسي يا دومه.

حازم: اه يا عيون دومه وبمناسبة الهدوم بتاعتك دي انتي تقطعيها وتعمليها فوط مطبخ وتشتري دريسات علشان هتتحجبي.

اميره وهي تمشي: سلام يا حازم.

حازم: اميره أنتي رايحه فين.

اميره: انت عرفتني وانا مش محجبه وكان لبسي كده  وانا مش هتغير يا حازم ماشي.

حازم:_____.

اميره: رد عليا يا حازم ماشي؟!.

حازم: ماشي يا اميره انا مش هضغط عليكي بس حاولي.

اميره: يلا يا حازم علشان منتأخرش.

حازم بضيق: يلا.

….. ( عند جمال وسهير)

  “جمال بيلعب مع صحابه اومار وبيخسر وسهير واقفه في أوضتها وندهت عليه”

سهير: جمال..يا جمال تعالي عيزاك.

جمال: ثواني يا سهير.

سهير: تعالي دلوقتي عيزاك.

جمال بعضب: انت بتغش يا علي!!.

علي( صاحبه): انت اللي بتخسر وانا مالي.

جمال: لا يا روح امك الكلام ده مش عليا.

علي: انا ماشي يا جمال.

جمال: غور في داهيه ومترجعش تأني وتقول هلعب.

سهير: تعالي يا جمال.

.

.

.

جمال: عايزه ايه يا سهير سايب الناس لوحدها.

سهير: حرام عليك يا جمال اللي بتعمله في نفسك ده.

جمال: بعمل ايه؟!.

سهير: بتلعب اومار وكل يوم سهر وستات وانا عارفه وساكته انت راجل كبير اعمل حاجه لاخرتك حرام عليك.

جمال بغضب: انتي اتجننتي يا وليه ده انا هقطعلك لسانك..انا راجل كبير يا وليه زباله انا هخرج علشان الناس بس والمصحف هعلمك الأدب.

  ” وخرج وسهير صلت وعيطت كتير ونامت من التعب”

…. ” عند كارلا ومصطفى”

كارلا: صباح الخير.

مصطفى: صباح النور ما لسه بدري.

كارلا: اممم لسه بدري فعلا هنام شويه بقي.

مصطفى: بت انتي هتهزري.

كارلا: طب وسع بقي علشان الم هدومي.

مصطفى بضحك: لايه هتعزلي..هههه.

كارلا: لا يا خفه همشي.

مصطفى: تمشي تروحي فين انتي..انتي لسه تعبانه.

كارلا: لا انا كويسه وهخرج النهارده.

مصطفى: طب..طب هتروحي فين.

كارلا: مش عارفه بس هدور علي شغل ومكان وان شاء الله هلاقي.

مصطفى: يعني انتي ملكيش مكان تروحيه؟!.

كارلا:( هزت رأسها بمعني أيوه).

مصطفى: طب خلاص تعالي اقعدي معايا.

كارلا بصدمه: انت مجنون يا مصطفى انا ايوه من أمريكا بس بفهم الأصول وعارفه أن مينفعش بنت تقعد مع ولد مش أخوها أو جوازها .

مصطفى: كارلا انا بعتبرك اختي متخافيش.

  ” كارلا حست انها اتضايقت من كلمه اختي كانت مستنيه كلمه تانيه زي مراتي مثلاً بس ردت بسرعه”

كارلا: لا طبعاً مينفعش يا مصطفى.

مصطفى: كارلا انتي قاعده معايا بقالك فترة لو كنت عايز حاجه منك كنت خدتها لاكن انا شايفك محترمه ومش عايزك تتبهدلي.

كارلا بخوف: طب…طب احلف.

   ” مصطفى أبتسم علي براءتها “

مصطفى: والله العظيم ما هعملك حاجه.

كارلا: طب اوعي بقي علشان الم الشنط.

مصطفى: ههه..تعالي يا أختي.

….. ( حازم وصل هو اميره وكل واحد راح مكتبه و ادهم و ملاك وصلو برضو بس محدش يعرف في الشركه أنهم اتجوزو )

…” عند ملاك”

   ” ملاك قاعده علي المكتب وفجأة نادر جيه عليها”

نادر: ده انا قولت مش هتيجي تاني.

ملاك: اعتذرت لمستر ادهم وجيت.

نادر: معقول هو قبل اعتذارك طب إزاي.

ملاك: أبقي احكيلك بعدين.

نادر: بس الشركه كانت مضلمه من غيرك يا كوكو.

ملاك: احم…مش لدرجه كوكو يا استاذ نادر.

نادر: قوليلي يا كوكو انتي مخطوبة.

ادهم: لا متجوزه يا روح امك.

ملاك بصدمه: ادهم!!.

….” عند أميره وحازم”

  ” حازم زعلان جدآ أنه زعل اميره الصبح وعايز يصالحها”

حازم: اميره ممكن تيجي دلوقتي.

اميره: حاضر يا مستر حازم.

اميره: تك…تك.

حازم: ادخل.

اميره: حضرتك عايزني في ايه.

حازم وهو بيقفل باب المكتب: موضوع مهم جدا.

أميره بتوتر: م.. موضوع ايه.

حازم: بقولك موضوع مهم ( بيغمز).

اميره بعدت: لا احنا لسه متجوزناش.

  ” حازم قعد يضحك علي أميره اللي عمرها ما فشلت تضحكه”

حازم: يخربيتك مش قصدي.

اميره: اومال تقصد ايه.

حازم: اقصد اني اصالحك مثلاً.

اميره بغرور: مش بتصالح.

حازم: طيب براحتك.

اميره: انت لما صدقت بقي.

حازم: يا مجنونه انا عايز مصلحتك يعني انتي مش بتشوفي الحجاب بيبقي جميل إزاي والبت نهي المحاسبة لبساه.

أميره بغضب: نهي مين يا رووووووح امك!!.

حازم: المحاسبه.

اميره: حازم انت بتستفزني صح؟!.

حازم: والله مقصد بس انا عايز اقولك براحتك يا اميره ولما تحسي انك عايزه تلبسيه البسيه.

اميره بغضب: ماشي عن أذنك يا مستر حازم.

حازم: اميره انا….( بس كانت خرجت)

  ” حازم اتضايق جدا لما حس انها زعلت اكتر هو مينفعش يجيب سيره بنت تانيه قدامها بس هو كان عايز يشوفها وهي غيرانه بتبقي جميله اوي ومناخيرها بتحمر بس هي فهمت أن شكلها وحش كده وان الحجاب حلو في نهي وهو شايف نهي احلي منها بس هو عرف هيصالحها ازاي بس بعد الشغل”

….. ” عند كارلا ومصطفى”

   ” مصطفى خد كارلا وراح بيها الڤيلا بتاعته وهي كانت في كمبوند مشهور جدا وكانت لونها من بره ابيض زي الباقي”

مصطفى: يلا أدخلي.

كارلا بتوتر: مصطفى انت حلفت.

مصطفى: عارف يلا أدخلي بقي الشنط تقيله.

  ” كارلا دخلت وكانت مبهور بشكل البيت من بره وازاي شاب عايش لوحده بس بيته منظم وهادي ونضيف كده بس سمعت صوت الشنط وراها ولفت لقت مصطفى بيقلع الچاكت وبيقرب منها”

كارلا بدموع: انت هتعمل ايه يا مصطفى ابعد عني متقربش.

مصطفى بيقرب: هقضي معاكي ليله.

كارلا: بس انت حلفت.

مصطفى: عادي ربنا يسامحني.

كارلا ببكاء: أرجوك متعملش كده أرجوك ابعد.

  ” مصطفى قرب من و دنها واتكلم”

مصطفى:******

يتبع..