رواية حكايات يونس وحور الفصل الثالث 3 بقلم نيرة عباس

_انتي ازاي تكسري كلمتي وتطلعي من البيت ده.

_قولتلك قبل كده اني هحقق حلمي حتي لو ده بعدم اذن منك انا مش هضيع سنين عمري في نجاحي المهني عشان اقعد في البيت بعد الجواز. 

_نجاحك المهني ،،انتي صدقتي نفسك،،كل ده عشان كام شهاده ؟ تبقي عبيطه انتي فاشله،، فاشله كونك ست ناجح وكونك ام ناجحه وكونك زوجه .

_انا فاشله فعلا عارف ليه ،،لان اختارت زوج زيك في يوم اكمل معاه حياتي.

كان رد الفعل صفعه قويه تتلي واحده ورا الثانيه.

_خلاص يا بابا عشان خاطري سابها.

_ابعدي انتي.

_سابها يا بابا عشان خاطري،، سابها يا بابا حرام عليك

_حور فوقي يا حور فوقي في ايه ؟

_ليه يا يونس؟

_بس اهدي ،،كابوس !

_كان بيضربها.

_ليه ؟

_بيعاقبها علي نجاحها،،اصل انتوا فيكوا طبع ،،بتحبوا يتقالكوا من الست حاضر ونعم زي العسكري في الجيش.

_مش كلنا .

_مفيش حد وحش بيقول علي نفسه وحش.

_كنت بتشوفيهم.

_كنت بشوف كل حاجه.

Flash back.

_انا هسيب البيت وامشي وورقتي تيجي عند بيت اهلي.

_غوري في داهيه،،انتي طالق.

_وبنتك انا مش عايزها انا مش جيالك بيها.

_ماما لا ونبي متسبنيش. 

_اسكتي انتي بابكي اولي بيكي ،،خليه يتحمل مسؤوليتك.

_يا ماما متسبنيش.

Back.

_سابتك ؟

_ساعتها مشيت ومسمعتنيش كاني هواء.

_وبابكي؟

_قالي بمنتهي القوه_لو عايزه تروحيلها اتفضل اطلعي وراها.

_طلعتي؟

_قعد علي السلم لحد ما حن قلبه ودخلني وهي رجعت بعديها ب اسبوع ،،وكل اسبوع خناقه .

_ازاي فاكره كل ده.؟

_لو اتجرحت في وشك بعد الشر ممكن الجرح يروح بس هيسيب علامه صح ؟

_اكيد.

_الجرح راح بس سايب علامه كبيره يا عمو يونس .

_عمو يونس !

_اه مالك مستغرب ليه ؟

_انا توهت انتي مين فيهم؟

_في مين؟

_مش عارف.

_تعالي نتفرج علي كرتون روبانزل لحد ما يصحوا.

في مشهد تاني..

_بس حلوه اوي البنت اللي في بيت يونس دي بفكر اتقدملها.

_عيب عليك يا عم تلاقيها قريبت صاحبنا.

_يا عم وهو انا بقولك همشي معاها ده انا بقولك ممكن اتقدملها يعني بالحلال.

_طيب وانت تعرفها منين يا تميم.

_معرفهاش بس شوفتها مره البت بطل يجدع وشكلها محترمه وبنت ناس .

_طيب وناوي تعمل ايه؟

_هاخد رأي  يونس الاول وكده عشان يفتحها ف الموضوع.

_ربنا يستر.

في بيت عم “ادريس”

_يلا يا حور قومي روقي ونصفي البيت ده كله.

_حاضر.

_ويتمسح.

_حاضر.

_انتي واقفه مكانك لسه.

_لا خلاص ماشيه.

بعد ساعه ،، اتنين ،، كده كل حاجه خلصت .

_كل حاجه ؟

_اه .

_بتعرفي تعملي اكل .

_لا بصراحه.

_يعني ايه لا؟

_بعرف ،،هعرف.

_روحي افتحي الباب ده اكيد يونس 

اتنهد حور ب ارتياح بعد ما سمعت تكه مفتاح يونس في الباب.

_مش تقول انك معاك المفتاح.

_عادي.

قالت بهمس_ وحشتني اوي.

_ها ؟

_ايه ؟

_ايه انتي يا بنتي بقي .

_خلاص اسفه طلعت كده غصب عني .

_غصب عنك وانا اللي كنت فرحان بيها.

_امال خوفتني ليه.

_انا امي لو سمعتك هتولع فينا والله. 

_مامتك مبهدلني اخر بهدله.

ضحك _باين بصراحه من التراب اللي علي مناخيرك.

_عايزني اعمل اكل.

_طيب وفيها ايه ؟

هزيت كتافي بالامبالاه_مبعرفش!

_هعمله انا بس تقولي ان انتي اللي عامله.

_قول والله ؟

_والله.

_انت جميل اوي،،اوي.

_يستي ونبي بلاش كده انا بضعف بسرعه .

_طيب يلا ندخل بسرعه دوس علي طرف صباعك. 

_هتحس بينا لو في الخرطوم دي امي.

_يونس انت جيت .

_همس بضحك وقال _مش قولتلك.

_لا لسه يا فوفا مجتش عايزه حاجه؟

_انت بتهزر ؟

_لا.

_انتي واقفه عندك بتعملي ايه فين الاكل.

_هي مستنياني يا فوفا.

_ده ليه؟

_عشان اراقب عليها ،،نعرفها منين احنا عشان ندخلها مطبخنا بالساهل كده ،،مش يمكن تحطلنا سم فران؟ 

_اتصدق عندك حق يا يونس خلاص خليك واقف معاها الدنيا مبقتش امان.

_اجري بسرعه علي مطبخ.

_ده انت طلعت ممثل شاطر لا وطباخ كمان ايه الحلاوه دي كلها.

_عجبتك؟

_لا.

_خلاص اقفي اعملي انتي الاكل مش عامل.

_لا خلاص عجبتني بهزر معاك.

_اتعلمي ،،عشان بعد كده انتي اللي تعملي واكل من ايدك بجد.

_حاضر.

_هو انت ليه متجوزتش.

_عشان ملاقتش ،،اه!

_انت اتعورت؟

_شش اهدي مفيش حاجه. 

_استني هجبلك حاجه ،،انا اسفه مكنتش أقصد. 

_حور اهدي محصلش حاجه بتعيطي ليه؟

_عشان انا اتكلمت معاك وخليتك تتعور.

_بالك انت تعرفي الرجاله الشاطره في المطبخ من الحوادث والاصابات اللي بتحصلهم.

_حوادث ايه واصابات ايه ،،ده صباعك واتعور تعويره بسيطه اصلا.

_ما تقولي لنفسك.

_عندك حق.

_المهم هجاوب يا ستي ،، متجوزتش عشان ملاقتش الانسانه اللي ف خيالي.

_عايزها بطير ولا ايه ؟

_هنهزر؟

_سوري.

_عايزها سلاسه،،مسالمه ،، في نفس الوقت ليها شخصيتها ،،عايزها نجاحها وافتخر بنجاحها قدام الكل كأنه نجاحي تماما،، عايزه صاحبه قبل الزوجه واخت قبل ما تكون حبيبه،، عايز واحده احس انها بيت واسكن فيه مهما حصل مطلعش منه.

_بتتفرج انت علي بيدج احتواء كتير غلط عليك.

_بس افهمك انتي يا طفله.

_بس انا مش طفله دلوقتي .

_هو انتي ازاي بتتغير في ثانيه من شخصيه للثانية.

_مش هينفع احكي. 

_سر ؟

_اه سر ،، كلنا عندنا اسرار في حياتنا مدرينها. 

_بس انا عايز اعرفه.

_سايبه لوقته. 

_طيب بما ان بتكلم مع حور العاقله بقي ،، نفسك يكون عامل ازاي؟

_نفسي ميبقاش زي بابا.

قرب مني وهمس_تعالي قطعي السلطه عشان لما احلف ان انتي اللي عملتي الاكل مبقاش بكدب.

_حاضر،، هو انت هتخليني عندك لحد امتي.

_لحد ما افهم حكايتك ،، بعديها حاجات كتير هتتغير.

_وان مفهمتش؟

_خلاص هتفضلي قاعدة. 

_وان فهمت ؟

_سبيها لوقتها.

_حبيت قبل كده .

_اه واتخطبنا بس ربنا اختارها.

_يعني ايه ربنا اختارها.

_يعني سافرت مع اهلك السفريه اللي هما مسافرينها.

_ ومتصلتش بيك ؟

_لا للاسف لسه.

_يلا ان شاء الله تتصل بيك قريب متزعلش. 

_قطعي السلطه وانتي ساكته.

_انت زعلت ؟

_خلينا نخلص الاكل.

_ماشي.

_تعرفي انك شبها. 

_كانت حلوه ؟

_اوي.

_مين احلي فينا ؟

_الاكل جهز يلا هطلعهم علي السفره.

بقي بتهرب مني يا يونس تمام اوي.

علي السفره كانت أول مره حور تحس بمعني الاسره والدفاء رغم معامله مامت يونس الا ان حست انها في امان،، امان جديد عليها .

_الباب بيرن .

_قومي افتح الباب يا حور .

_خليكي يا حور انا هفتح .

_تميم تعالي اتفضل .

_ لا انزل انت يسطا عشان عايزك في موضوع مهم .

_ في حاجه ولا ايه ؟

_حابب اتكلم معاك .

_طيب تعالي.

نزلنا اهو يا صحبي في حاجه ولا ايه.

_انا كنت جاي وطلب القرب منك.

ابستم_عايز تتجوز فوفا ؟ اه قلبي والله ل اطلع اقول للحج دلوقتي .

_حور .

اختفت الابتسامه تدريجيا _نعم ؟

_عايز اتجوزها.