روايات

رواية ملكة الزين الفصل الرابع 4 بقلم نانسي محمد

رواية ملكة الزين الفصل الرابع 4 بقلم نانسي محمد

رواية ملكة الزين البارت الرابع

رواية ملكة الزين الجزء الرابع

رواية ملكة الزين الحلقة الرابعة

صباح يوم جديد علي أبطال قصتنا عند تمارا

تمارا نايمه علي السرير ودخل احمد

احمد عند ودن تمارا

أحمد: تماااااااااااااااارا

تمارا: اي اي انا صاحيه اهه

أحمد: طيب يلا قومي

تمارا: ماشي روح وانا جايه وراك

تمارا: ماشي بس في ثانيه

تمارا: طبعا في ديلك علي طول

احمد: اوكي اما نشوف وطلع بره

بعد مرور ساعه رجع احمد لقي تمارا لسه نايمه علي سريرها قام شايلها ونزلها قدام الحمام ( الأخ حدوته حلوه في حياة كل بنت مهما كانت بتتمرمط زي تمارا كدا بس هو مهم في حياتها برده????????????)

احمد: يلا يا زفته في ثانية ألاقيكي تحت

تمارا: ماشي

تحت في غرفة السفرة

محمد: تمارا فين

صباح : احمد دخل يصحيها تاني

محمد:البنت دي بتنام كتير قووووي

صباح: هي عادتها ولا هتشتريها

تمارا: صباح الخيييييييير

محمد وصباح وفؤاد وليلي: صباح النور

صباح: يا بنت انت مبتبطليش نوم

تمارا: يا ماما دي موهبة

 صباح: ازاي يا فيلسوفة عصرك

تمارا: يعني انا مثلا عندي قدرة انام يومين تلاته اربعة بدون ما اصحي وبتمثل الحزن بس انا عيلتي مبتدعمش الموهوبين اللي زيي

فؤاد: كلي يا بت دا انت رخمه

تمارا: والنبي يا ابو عيون زرقاء ابعتلي زتونه لحسن اخوك ميت من الجوع

ليلي: حد ينام وهو يدوب واكل ويصحي جعان دا اي ده

محمد: بس يا ولاد الكلب محدش يزعل بنت ابوها

تمارا: ربنا يخليك ليا يا حمو يا ناصر المظلومين وطلعت لسانها لاخواتها وباباها شافها وضحك وصباح ساكته

تمارا: ماما

صباح :…………..لا رد

تمارا: يا مامااااااااااااااااااااااا

صباح: ها نعم في اي

تمارا: مالك يا حبيبتي

صباح: مفيش يا تمارا

تمارا: طيب انت لسه زعلانه مني

صباح بنظرت عتاب: مفيش حاجه تزعل اتفضلي كلي علشان تروحي الجامعه

تمارا وعيونها دمعت: حاضر

فطروا الشباب وكل واحد بعربيته علي شغله وتمارا السواق وصلها الكلية وليلي السواق التاني وداها المدرسه وفضل محمد وصباح

محمد: انت مش هتبطلي بقي يا صباح الموضوع ده مع تمارا هي عمرها ما هتتجوز بالطريقه دي وهتفضل رافضة الموضوع من اساسه بلاش تعاندي معاها

صباح: طيب اعمل اي ولادك و دايما يا ماما مش دلوقتي انا لسه ما كونتش نفسي كويس وتمارا انا شغلي وحياتي العملية اهم من الجواز انا تعبت يا محمد ما هو مش معقول كده نفسي اشوف عيل لحد من ولادي انا تعبت

محمد: مالك فيكي اي

صباح: مش قادرة يا محمد مش شايفه قدامي ولسه ما كملتش اغمي عليها

محمد قام جري من مكانه وبعدين شالها ووداها المستشفي وكشف عليها وكان عندها هبوط حاد بسبب الزعل

محمد: ضغطك مش مظبوط يارب نهتم بصحتنا شويه

صباح: ولادك تعبوني معاهم انا معرفتش اربي

محمد: بكره يحبوا ونصيبهم يجي مستعجله ليه اهدي كده

صباح: يارب بقي

محمد: طيب يلا نروح انا مش قاعد في المستشفي النهارده انا مروح معاكي

صباح: لا خليك علشان شغلك وهتصل بالسواق يوصلني

محمد: لا يلا انا لازم اخد باللي منك كويس قوي انت صحتك اهم من كل ده يلا و خرجوا اتغدوا بره وصباح فرحت قوي لانها مخرجتش معاه من زمان

صباح :انا فرحانه قوي يا محمد بجد اليوم حلو جدا ربنا يخليك ليا

محمد:و يخليكي ليا يارب ويجعلني ابقي سبب في فرحتك

صباح بصتله وابتسمت واتكلمت: يا يا محمد بعد كل السنين دي لسه بتحبني زي زمان

محمد: و اكتر انت وقفتي معايا يامه قوي ايام ما كنت مش معايا اي حاجه غير اني متخرج من كلية الطب ومش معايا ولا جنيه وانت وقفتي جمبي وفتحنا المستشفي و قعدتي في البيت إحتراما لرغبتي مع انك كنتي مهندسه كبيرة وشاطرة كمان وبتديري اغلب مشاريع ابوكي

صباح: بابا دايما عودني ان الحاجه اللي اعملها لازم اكون متأكده منها وانا اتأكدت اني بحبك وانت كمان بتحبني واحترم رغبة جوازي منك وهو اصلا كان بيحبك لانه شايفك راجل وقد نفسه انت عانيت كتير قوي اخوك الله يرحمه ضحك عليك وبيعك كل حاجه و علشان انت قلبك كان طيب عملتله توكيل بكل حاجه وهو حول كل حاجه لنفسه واصلا باباك كان شخص مهم جدا في السوق وله سمعته الله يرحمه وكل الناس كانت عارفاه

محمد: الله يرحمه انا بحبك قوي

صباح: وانا بموت فيك

في الكلية عند تمارا خارجه بسرعه خبطت في حد وهو سندها قبل اما توقع وعرف انها تمارا وهي عرفت انه زين وفضلوا يبصوا لبعض كتير وبعدين هي قطعة الصمت ده وزقته جامد

تمارا: مش تفتح يا اعمي انت

زين: اه اللي انت بتقوليه ده وبعدين انت اللي كنتي جايه بسرعه غلط اني سندتك

تمارا: ايوا غلطان ولازم تعتزر

زين: انا اصلا غلطان اني واقف بتكلم مع طفلة ومشي وسابها وهي اتعصبت جدا منه وراحت عند اصحابها

تمارا بعصبية: السلام عليكم

مي ومريم بصوت واحد: وعليكم السلام ورحمة الله وبركاته

تمارا باقتضاب : المحاضرة امتي انا زهقت

مي: هانت فاضل نصف ساعه

تمارا: كويس قوي

مريم: تمارا مالك

تمارا باندفاع: شخص همجي ومتخلف ومبيفهمش ومبيحترمش حد والبنات مركزين علي حاجه وراها وعيونه حلوه وقمر يخربيت امه اي ده هو فيه كدا وهو هدي نوعا ما وابتسم وبعد كده رجعت تاني بس برده ده مش مبرر انه يقولي يا طفله والله ارزعه بوكس انتوا عارفني وبعدين انا بلعب بوكس كويس يعني مش هيقدر عليا هنفخه اقسم بالله دا اي البجاحه دي

مريم: طيب اهدي

تمارا: لا مش ههدي بقولك شخص همجي وبيقولي يا طفله بقي انا طفله دا اي القرف ده

مي: طيب بصي وراكي

تمارا بصت وراها

تمارا:ا ا ا انت????????

زين:اها☺️

تمارا:ما ما ما

زين: كفايه مش جايبين معزة هنا

تمارا:بقولك اي اتكلم معايا كويس

زين:انت يا بت انا اتكلم براحتي

تمارا: بت اما تبتك اخرص يلا

زين: ولا في عينك اتكلمي عدل يا بت

تمارا: تاني هيقولي بت والله ازعلك

زين: انا عايز ازعل وريني

تمارا: حاااضر

قامت تمارا من مكانها وقفت قصاد زين واخد بوكس في وشه وهي اخدت بعضها ومشيت

يتبع..

لقراءة باقي حلقات الرواية اضغط على (رواية ملكة الزين)

اترك رد