رواية عشقت ملتزمة الفصل السادس عشر 16 بقلم ندى أنور

بعد اما الكل قرأوا الفاتحه دخلت بنت حالتها متبهدله خالص والكدمات ماليه جسمها ووشها 

سميه بخضه. ياسمين 

الكل وقف وبص عليها حور جريت جابت ليها ملحفه من بتاعت مامتها لأن هدومها كانت متقطعه ولبستها ليها

سميه خدتها وقعدتها على الكرسى 

مازن اتصدم إنه شايف أخته اللى بقالها سنين ماشفهاش ولما يشوفها يلقيها بالحاله دى 

مازن بصدمه. ياسمين …..ثم اقترب منها واحتضنها بشده و لا ياسمين تبكى بشده حتى فقدت الوعى

جنه بخضه. هى سكتت ليه ومش بتتحرك

نظر مالك لها فوجدها فقدت الوعى 

مالك بخضه. ياسمين ياسمين …..ثم قام بحملها وذهبوا إلى المشفى

وصل الجميع إلى المشفى 

مازن بصراخ .دكتور حد يجيب دكتووور بسرعه 

هنا تدخل محمود . انا دكتور يامازن هات اما اكشف عليها 

أتت الممرضات بسرير وضعها مازن عليه وانتظر بالخارج

*************

فى الخارج كان الجميع قلق على ياسمين وظل مازن يدعى ربه أن تكون شقيقته بخير وأن تصبح على مايرام

مازن بترجى وخوف. يارب يارب تقومها بالسلامه

أدهم مطمئناً. إن شاء الله هتبقى بخير 

مازن بحزن ودموع ملئت عيناه . هى اختفت مننا اربع سنين وانا بعد ماتعبت من التدوير عليها وفى الاخر اكتشفنا إنها ماتت وكمان شوفت جثتها انهرت انت عارف ياادهم ايه اللى حصلى وبعد دا كله رجعت انا زعلان على حالتها وعايز اعرف ايه اللى عمل فيها كده وكانت فين طول المده دى 

مالك وهو يربط. على أحد أكتافه. إن شاء الله هتكون بخير قول يارب 

مازن بدموع. يااارب 

************

فى الغرفه 

انتهى محمود من الكشف عليها وحزن كثيراً على هذه المسكينه فهى تتعرضت للعنف الشديد لا يعلم لما انخلع قلبه عندما وجدها بهذه الحاله 

محمود بداخله. بجد مش عارف ليه قلبى واجعنى كده ونفسى أقتل اللى عمل فيكى كده ربنا يتم شفاكى على خير 

ثم قام بالخروج من الغرفه..

اتجه نحوه الجميع ….مازن بلهفه. ياسمين عامله ايه طمنى عليها يامحمود

محمود بحزن . هى اتعرضت لضرب عنيف وجلد وحروق جسمها بقى مشوه فى بعض الأماكن بس 

كان الجميع يستمع لحديثه بحزن شديد ولكن عندما توقف فجاءه عن الحديث تحدث مازن 

مازن بخوف. ايه حصل ليها 

محمود بحزن. هى اتعرضت لمحاوله اغتصاب

شهقت الفتيات وصدم الجميع 

محمود بهلفه. لا لا ماتقلقوش انا خليت دكتوره تكشف عليها وقالتلى أنها كويسه بس هى آنسه دى كانت محاوله لكن الحمد لله قدر ولطف

تنهد الجميع براحه وحمدوا الله كثيراً

مازن . طب انا ينفع اشوفها

محمود. مش هينفع دلوقتى هى نايمه من تأثير العلاج اللى انا حطيته فى المحلول بكرا الصبح إن شاء الله

سميه بحزن . طب أنا هفضل معاها هنا 

جنه . لأ مش هينفع ياماما لازم نمشى وحد مننا يفضل معاها

مازن . انا هفضل مع اختى مش هسيبها ابدا 

أدهم . طب ياجماعه روحوا وانا ومازن هنفضل معاها 

جنه. وانا كمان 

أدهم . لأ مش هينفع

جنه . هى محتاجه ممرضه وانا هفضل هنا عشان اساعدها

أدهم بتفهم. طيب تمام انا هروح اكلم مدير المستشفى

رحل الجميع وذهب أدهم إلى مدير المشفى وتحدث معه بأنه سيظل هو وأخته ومازن ومحمود وأخبره أن محمود يكون دكتور

مدير المستشفى.مفيش مشاكل بس الدكتور محمود كان لازم مش يتصرف من دماغه ويكشف على المريضه كده بس حصل خير ومفيش مشاكل لو فضلتوا جنبها

أدهم بامتنان. شكراً جدا لحضرتك (أدهم ماتعصبش عليه وقال أنا ظابط أمن دولة وهدده لأ هو مدخلش شغله فى أمر من أمور الحياه وامر بيحصل بالعكس احترم المدير وشكره) 

ذهب أدهم وقضى الليل والجميع حزين لا يعلموا ماحكمه الله فى ظهورها مره اخرى غير أنها تسعد أهلها بعودتها ولكن هناك حكمه أخرى بالتأكيد

***********

حل الصباح على الجميع 

بعد وقت اجتمع الجميع فى غرفه ياسمين لكى يطمئنوا عليها وكان مازن يحضنها خوفاً من أن ترحل مره اخرى فلقد عانى الكثير بسبب اختفاء شقيقته المفاجئ

مازن بحنان. قوليلى ياحبيبتى ايه اللى حصل طول السنين دى كلها 

ياسمين ببكاء. اختك اتعذبت كتير اوووى يامازن 

مازن بألم. احكى ياحبيبتى قوليلى ايه حصل 

بدأت تحكى ياسمين ماحدث منذ أربع سنوات

فلاش باااااك 

كانت تسير ياسمين فى الطريق وهى تتمتم بقول “لا اله الا الله” وكانت هناك سياره ستصطدم بها توقفت السياره فجاءه ونزل شخص منها 

الشخص.مش تفتحى

ياسمين بغضب . اللهم طولك ياروح ….وجائت لترحل إلا أنه وقف أمامها

الشخص بغضب وصوت مرتفع. انا لما اكلمك تردى عليا وماتسبنيش وتمشى

ياسمين بغضب. ماتحترم نفسك يابنى ادم انت اولا انت اللى غلطان عشان ماشى بسرعه جدا ولا كأنه الشارع ملكك وابعد عن طريقى

جائت تمشى مره اخرى إلا أنه أمسك يدها فوجد صفعه على وجهه 

ياسمين بغضب. تصدق إنك واحد حيوان مفكر نفسك مين عشان تلمس أيدى يامتخلف

ثم رحلت ياسمين وظل هذا الشخص واقف فى صدمه كيف تتجرأ أن تصفعه وظل يتوعد لها أنه سيجعلها تندم أشد ندم على فعلتها

عادت ياسمين إلى المنزل وكانت تشعر بالضيق 

مازن . مالك ياياسمين 

ياسمين وقد قصت عليه ماحدث 

مازن بغضب . ومين الحيوان ده

ياسمين: معرفش بس يستاهل خد جزاته

مازن . خلى بالك من نفسك ياحبيبتى وانا كل يوم هوديكى الجامعه واجيبك عشان مايحصلش حاجه تانى 

ياسمين . ياحبيبى مفيش داعى

مازن بصرامه. انا قولتها كلمه 

ظل مازن يوصل أخته إلى الجامعه وعندما يأتي وقت الرحيل يقوم بالذهاب لها ويعودون إلى المنزل ولكن فى يوم كانت هناك حاله طارئه واستدعوا مازن إلى المشفى وفى ذلك اليوم لم يستطيع أن يحضر ياسمين إلى الجامعه ظلت ياسمين تنتظره كثيراً وطلبت رقمه أكثر من مره ولكن لا يوجد رد ؛فرحلت وعندما كانت تسير وجدت احد ما يضع منديل على أنفها ولم تستطيع أن ترى من هذا

بعد وقت فاقت ووجدت نفسها فى غرفه غير الغرفه قامت بفزع وظلت تطرق على باب الغرفه كثيراً وتستغيث بأحدهم إلا أنها وجدت الباب يفتح 

ياسمين بصدمه. أنت

الشخص . اه انا ايه ياقطه كنتى فكره نفسك هتفلتى لأ دا القلم اللى انتى ادتهولى يومها هردهولك عشره وهحرق قلب اهلك عليكى انا اللى محدش اتجرأ يبصلى حته بت تضربنى بالقلم

ياسمين بقوه. واديك بالجزمه طالما انت مش محترم

وهنا وجدت نفسها ملقاه على الأرض من أثر الصفعه التى نالتها منه

الشخص بغضب. وحياه أمى لاوريكى

وظل يضربها كثيراً وهى تصرخ وبعد وقت ابتعد عنها: اعملى حسابك المأذون جاى ولو انتى موافقتيش هخليكى تترحمى على اخوكى الغالى

فزعت ياسمين عندما ذكر اسم أخاها وبعد وقت وصل الماذون وتم كتب الكتاب رغماً عنها 

الشخص بسخريه. ايه ده تؤ تؤ تؤ بتعيطى ماانتى كنتى عامله فيها شرسه

واقترب منها كى يمسح عبراتها ولكنها دفعته بيديها

ياسمين بحده وبكاء. ابعد ايدك القذره دى عنى أنت سامع اطلع برا 

الشخص بغضب: دا انتى ليلتك سوده….وظل يضربها وما إن انتهى من ضربه حتى تركها غارقه فى دمائها وفاقده الوعى وخرج من الغرفه 

ظلت ياسمين فاقده الوعى ثلاثه أيام فدخل عليها هذا الشخص وظل يركلها بقدمه ركلات خفيفه كى تفيق ولكن لا حياه لمن تنادي حملها ووضعها على الفراش واتصل بطبيبه 

جائت وانتهت من فحصها

الطبيبه. ياباشا البت كانت هتموت بس الحمد لله عدت على خير انا علقت ليها محلول وهى لازمها راحه وكمان طهرت جروحها

الشخص . تمام ومش عايز مخلوق يعرف باللى حصل 

الطبيبه . تمام ياباشا

دلف إلى الغرفه وظل يجلس بجانبها وبعد مرور شهر تحسنت ياسمين وفى يوم ما دلف إلى غرفتها وهو فى قمه غضبه

الشخص غضب. مين بقى أدهم ده اللى انتى بتحبيه

ياسمين بصدمه. انت مالك وبعدين عرفت ازاى

الشخص وهو يقترب منها.: عرفت من المذكرات اللى على الفون بتاعك انتى خاينه

وظل يضربها ولكن هذه المره صدم رأس ياسمين فى الحائط وفقدت الوعى

الشخص بصدمه . يانهار ابيض دى ماتت ولا ايه …..

اخذ يفيقها ولكن لا اجابه منها ووجد رأسها ينزف

حملها ووضعها على الفراش واتصل بالطبيبه 

جائت الطبيبه وفحصتها

الطبيبه . للاسف دخلت فى غيبوبه 

الشخص بصدمه. ايه وانا اعذبها ازاى دلوقتى

الطبيبه . أهدى ياباشا دى غيبوبه ومقدرش احدد هتصحى امتى بس لازم تروح مستشفى عشان فى اجهزه لازم تتحط عليها

الشخص. لا لا انا هجبلها الاجهزه دى هنا لكن مش هوديها المستشفى

الطبيبه . تمام 

بالفعل احضر الاجهزه الطبيه لها وترك معها ممرضه ظلت ياسمين فى تلك الغيبوبه فتره ثلاث سنين وشهرين

وفى يوم ما استيقظت لأنها رأت أن هناك شخص يناديها 

وعلم هذا الشخص بأنها استيقظت ولكن صدم عندما علم أنها فقدت الذاكره 

طلبت منه الطبيبه أن لا ياذيها حتى تتحسن حالتها وبالفعل تجنبها ولكن فى يوم ما 

الشخص . بقولك ايه انا زهقت انا جوزها وعايز حقى

الطبيبه .مهو دلوقتى غلط عليها اصلا وبعدين أنا ماوحشتك

الشخص بضحكه خبيثه. طبعا وحشتينى

وأخذها فى إحدى الغرف وفعلوا ماحرمه الله 

وكانت تسير ياسمين كى تنزل للمطبخ لأنها شعرت بالعطش فوجدت هذا المنظر البشع وفى لحظه كانت بغرفتها كانت الصدمه حليفتها واخذت تبكى وهنا هاجمتها بعض الذكريات والصور لأشخاص تعرفهم ولكن لا تتذكر من هم هؤلاء الأشخاص ظلت تمسك برأسها حتى غفت 

فى وقت الفجر استيقظت ياسمين وهى تنهج بشده وكانت تردد اسم مازن 

ياسمين بداخلها. مين مازن ده وليه بشوف الناس دى

إلا أنها تذكرت أن كان هناك هاتف جائت أن تمسكه ولكن منعها هذا الشخص منعها وخبئه بغرفه المكتب

تسللت لغرفه المكتب وبعد أن بحثت به وجدته وفتحت الهاتف ولاحظت نوت فتحتها ووجدت بها العديد من الأحداث خرجت من غرفه المكتب وعادت مره اخرى إلى غرفتها وفتحت هاتفها الذى أعطاه لها هذا الشخص وظلت تنقل جميع الأحداث واعادت الهاتف مره اخرى الى المكتب دون أن يشعر أحد ذهبت إلى غرفتها؛ ظلت تقرأ جميع الأحداث المدونه فى النوت 

ياسمين . بصدمه انا ليا اخ وعيله…. وظلت تهاجمها هذه الذكريات مره اخرى وهنا تذكرت كل شىء

ياسمين. يارب ساعدني يارب ….وأخذت قرارها أنها لن تخبره أنها عادت لها ذاكرتها مره اخرى 

وفى أحد الأيام سمعت حديثه مع شخص ما 

الشخص. انت عارف انا مخليها ليه عشان اندمها واخليها تخرج من هنا ميته 

ابراهيم. طب ماانت ياباشا جبت جثه فى نفس جسمها بنفس فصيله دمها وكل حاجه فيها وشوهت وشها وخليتنى انا والرجاله نرميها على الطريق والدنيا كلها عرفت إن ياسمين سعد المنشاوى اخت مازن المنشاوى ماتت 

صدمت ياسمين ووضعت يدها على فمها

الشخص. بس نارى مش هتبرد غير لما اعرف مين أدهم ده ليه تحبه انا فيا ايه وحش 

ابراهيم . ماعاش ولا كان اللى يقول عليك كده ياباشا

الشخص . انا هعرفها إن الله حق وهاخد منها حقى عشان تبقى تتحدى عادل كامل بعد كده ظابط امن دوله

باااااك 

صدم الجميع من ماقالته

أدهم بصدمه. عادل كامل 

ياسمين ببكاء. اه هو اسمه عادل كامل 

أخرج أدهم هاتفه وبحث عن صوره لعادل كامل واعطاها لياسمين 

ياسمين بهلع وخوف. هو هو اللى خطفنى هو ده المجرم

صدمه شلت الجميع وزو

يتبع…..