رواية هل من القدر نصيب الفصل العاشر 10 بقلم آية أحمد

زين:يا نهار اسود مقولتلهاش…… (مكالمه هاتفية ) 

سالم الشامي :يا ابني مالك من امبارح

زين :اقفل يا سمسم  بكلم مراتي بص لسيلين لقاها بتبصله بقرف 

سالم :متتاخروش عاوز اتعرف عليها عاوز اشوف زوقك 

زين :جرا اي يا بوب  على فكره دي مراتي مش واحدة جايبها من جامعه الدول  

سالم  :متشوفلي صاحبتها او اقولك تعالى نعمل حفله وتقولها اعزمي كل صحابك وانا أختار   

زين  : هي امي مش جنبك والا اي

سالم وهو متوقع رده ضحك وقال  :مع أصحابها بتسلم عليهم

زين : هنفكر في الموضوع دا بعدين اقفل وهي معانا  عشان جاي في الطريق  وبص لسيلين بصي يا ستي عشان لازم تحفظي إلى هقوله اولا  اهلي هيسالوكي اتعرفنا ازاي   

سيلين :قدري ونصيبي  يا اخويا

زين بصلها بقرف 

سيلين :بهزر كشكشها كده متعرضهااش 

زين:من الاخر كده اسمعي كلامي ومتعارضيش     شوفنا بعض في النادي ومره والتانية اتصاحبنا وحبيبنا  بعض  وانا متخليتش عنك واتجوزتك… البوب  لو هزر  معاكي أن شوفتك  رديتي عليه هقتلك ملكيش كلام معاه  اعتبريها اي حاجة بقااا والا مع أي ولد من أساسه سامعه؟؟ 

سيلين :دك داء السل اما يسلك انت وابوك 

زين :انتي عبيطة يا بت 

سيلين :عبيطة في عينك 

زين :اي يا بت مالك فجأه 

سيلين :ليا اسم يااااض  وحركة كمان وهديك بوكس في وشك اخليهولك خريطة

زين وحط ايدو على جبهتها  : يمكن انتي سخنه 

سيلين :روحنا ااااي روحناااي  مجنووون  بيغير عليه مجنووووون 

زين :اغير عليكي يا بتاعه انتي   مبصتيش لنفسك في المرايه 

سيلين :لايا اخويا  سيبتهالك اصل الى بيشوف نفسه في المرايه دول المعفنين إلى بيظبطوا نفسهم انا احط على وشي شويه ميه كده هوبااا ابقى بت محصلتش هو انا زيك يا معفن 

زين :انا هسكتلك بس والمصحف أن كلمة من كلامك دا طلعت قدام اهلي هخليكي بقا المرايه فعلا متبصيلهاش بس عشان هيبقى ساعتها تشوهات في وشك سامعه 

سيلين :ما خلاص يااض سامعه سامعه اي انت بتحفظني دا انت زنان اكتر  من حشره الماموث   كتك نيله  

زين :نعم  هو الماموث إلى انقرض إلى شبه الديناصور دا حشره عندك. 

سيلين :ششش انت احلى من الماموث  دا يا عمري متقولش كده 

 زين برفع حاجب :علي 

 العموم انا خلصت كلامي ابقى اعملي حاجة عكس كده 

______

 اتحرك زين  حتى وصل منزله    أمه مع أصحابها وسيلين اتصلت بمي  وقالت إنها رجعت ونزل سالم أبو زين عشان يسلم عليهم 

_________________________

سالم :قمر   متعرفنا يا ابني 

سيلين :شالله يخليك يبا   

زين :احمم

سيلين :علينا النعمة انت قمر ومحصلتش يا عم سالم ما تجيب رقمك 

زين :احممممممم

سيلين: بقولك اي يا ابو السماسم تعالى كده نتمشي ومسكت ايد سالم وكانت هتمشي  

زين : واحيات امك أن ما اتلميتي لمعرفك    وشد ايدها من ايدو ووشه كان بيطلع نار وللحظه كان هيضربها 

سالم انفجر من الضحك :انت جبت البت دي منين عسل ودمها خفيف   وبيضحك على منظر ابنه إلى هيموت من الغيره …. 

زين كان غيران جدااا  خصوصا أن سيلين مش بتكلمه كدا   وبعصبيه : جبتها من مكان ما جبتها هتفرق معاك يعني هي الوقتي مراتي انت عايز اي بقاا

سالم :وانا هعوز اي من مرات ابني  اهدي كده شكلك بتحبها أوي 

زين :  مش مراتي !! طب بعد ازنك هعرفها علي البيت   وشد سيلين من ايديها ولسه بيمشوا سيلين لفت بوشها نحيه سالم وقالت :معلش غيره متجوزين بقا وبتاع يا ابو السماسم يا جامد  

زين شد ايديها جامد وطلعها  الجناح الخاص بيه في الفله دي اوضتي   واقسم بالله يا سيلين  أن شوفتك بتكلمي  البوب كده تاني  هموتك  وهعرفك مقامك 

سيلين  مشغلتش بالها بكلامه  التاني بصت للمكان إلى كان جميل جدااا جناح بس يشبه القصر باللون الفضي الأبيض  وجزء كبير مخصص للملابس  والعطر  أجزاء وقالت بزعيق    :يخربيتك بتنام في كل دي لي    دا اوضتك قد شقتنا مرتين 

زين :مش فاهم 

سيلين  : ابعد كده انا هنام هنااا وانت هتنام تحت صح 

زين :عارفه امك 

سيلين :مالها 

زين :عندها 

سيلين وتحاول تبقى رقيقه : لاحظ اني لسه راجعه من سفر ومحتاجه ااخد شاور وانام 

زين :هو انا كلمتك 

سيلين: اللهم طولك يا روح افهم يا ابني  

زين :عايزاني امشي صح 

سيلين:  ما انت طلعت بتفهم اهو اومال عاملي فيها دور أنثى البغل لي يا ولااا ما ترحمني بقاااا

زين :هخرج برا عشان تنامي بس بشرط 

سيلين :قول يا اخر صبري 

زين ضحك : هتنامي علي الكنبه وانا على السرير 

سيلين :يلا ياااض من هنا بدل ما ارميك في  البسين إلى تحت داا

زين ضحك بصوت عالي  :خارج  وهتنفذي إلى قلتلك عليه…. 

سيلين بعد ما مشي  :يخربيت ضحكتك والا ضحكة الرقصات انا معرفش اضحك كده 

سيلين اتصلت بمي :

مي : جيتي ومقولتليش 

سيلين :اومال انا كنت بقول لمين يسطا من شويه أن انا جيت

مي :ما انتي قلتي بس مشرحتيش كده احنا في بينا اختصارات لازم بالتفصيل 

سيلين :اسكتي مش انا اتجوزت زين ااه يا اختي   ودخلت أوضته ايووا بقااا   بس المشكله ان نفسي في طبق محشي العببب وتبقى كده  تمت بحمد  الله اوي

مي :قولي من  اول

سيلين :ربنا  رازقني باتنين اغبيه في حياتي 

مي :بس اي يا سيلين صدمه انكم اتجوزتوا دي انا عارفه انك عايزه تتجوزيه وكنت بمثل يا بت من اول  واقوله لو هي مش موافقه….. وضحكووا الاتنين  

سيلين :بس هو  اجبرني اصلا  يا مي 

مي :بس انتي بتحبيه 

سيلين :تناحههههه انا معجبه بس مش بحب حد انا يوم ما احب احب  أنثى بغل 

مي :همووت انتي بتقولي اي 

سيلين :هتجيلي بكره اعملي أن انا عروسه وانتي جايه تشوفيني 

مي :كده كده هجيلك بس اعرفي ان عقد جوازك اكيد زين مضى عليه شهود وسجله بتاريخ قديم 

سيلين :يا ستي مش فارقة المهم تيجي 

مي :من بكره الصبح هكون عندك سلام بقا عشان اصلي العصر 

سيلين :طيب وانا هصلي وانام 

___________________________

 زين  خرج وكان نازل عشان يكون مع والده مكالمه هاتفية 

خالد :اي يا دكتور فينك 

زين :في البيت 

خالد :والله وبقت سيلين تأخذك مننا يا زعيم 

 زين اتعصب :انت مش بتكلم معايا بتجيب سيرتها لي هو كله سيلين عسل  وسيلين بتاخدك اخبيها يعني مش فاهم 

خالد :اهدي اهدي انا مقصدش انا متصل عشان اقولك على حفله الجامعه 

زين :حفله اي

خالد :بارتي (حفله )   أداره الجامعه عملاها شوف هتيجي لوحدك أومع مراتك زي ما انت عاوز  وتعالى هتبقى بكره الساعه 8في الجامعه 

زين :هشوف ولسه بيلف بوشه لقييييي……. 

التفاعل يا  جماعه التفاعل قل جدااااا لو مش حلوه ممكن مكملهاش عادي وشكرا……

يا ترى فين هاجر

 اي حصل زين شافه واي  المفجأت إلى فى البارت الجاي  رايكم

يتبع…..