رواية أحببت مشاغبة الحلقة السابعة والعشرون 27 بقلم ناهد

 رواية أحببت مشاغبة الحلقة السابعة والعشرون 27 بقلم ناهد 

رواية أحببت مشاغبة الحلقة السابعة والعشرون 27 بقلم ناهد

رواية أحببت مشاغبة الحلقة السابعة والعشرون 27 بقلم ناهد 

ليتها تمنحني بعض من الحب مما ف قلبي لها لعل جذوة الشوق ف قلبي تسكن انينها، ليتها تضع يدها على قلبي لعل نار الشوق تنطفئ سريعا..ليتها تهمس ف روحي بعض من همساتها لعل الروح تكف عن شكوى حنينها ليتني ارتمي كطفل صغير ف احضانها لعل الروح تفيض مني بسلام فوق راحتيها ????????????????????

*******************************************************

رزان :بابا 

ماجد :داليا ايه الي جابكوا هنا 

داليا:مقدرتش اقعد الدكتور مطلعش قالك حاجه 

لسه ماجد هيتكلم طلع الدكتور 

الدكتور:متخفوش هى كويسه بس مش عاوزه اي توتر ف الفتره دي بالذات اظن فاهميني 

مازن بقلق:ممكن ادخلها 

الدكتور:طبعا انا مديها منوم نامت بس تقدروا تاخدوها بكره ان شاء الله 

ماجد:خليكوا هنا انا هدخلها خلي بالك من رزان ياداليا 

مسكت داليا ايد ماجد وبصتله بحزن مسك ايديها براحه وبصلها وابتسم ابتسامه اطمئنان وسابها ودخل 

*****داليا لرزان بمرح:تيجي ناكل ايس كريم 

رزان بحزن:لاء انا عاوزه ماما 

داليا:ياروحي انتي لو روحنا كلنا ايس كريم ماما هتيجي بابا راح يجيبها 

رزان بسعاده:بجد يعني لو كلت ايس كريم ماما هتيجي 

داليا:طبعا 

رزان :يلا بسرعه ياداليا عشان تيجي تلاقيني 

دخل ماجد اوضة ندى لقاها نايمه قرب على السرير وقعد على كرسي جنبها ومسك ايديها 

ماجد :تعرفي اول لما شوفتك انصدمت انه ازاي مراتي تكون عايشه خمس سنين متيته وفجأه تظهر غريبه عرفت انك شبهها مش اكتر انتي مش مي ولا مي انتي كنت براقبك تصرفاتك كلامك غيرها خالص بحاول اقنع نفسي اني اتجوزك عشان شبه مي وتعوضيني انا ورزان على فقدانها لكن ملاقتش مي معايا لاقيت ملاك ملاكي انا رزان حبيتك انا انا كمان اتعلقت بيكي مرت ايام كنا بنتخانق معاكي تعرفي كنت لما اقعد مع نفسي افتكر الي بعمله معاكي ببتسم مكنتش عارف ايه الي بيضحكني بس كنت مبسوط انك معايا هنا جنبي اصحي ارجوكي متقلقنيش عليكي تاني انا بحبك متسيبنيش 

نزلت دمعه من عنيه مسحها من عنيه بسرعه وساب ايديها وخرج فجأه فتحت عنيها كانت بتعيط سمعت كل كلامه مكنتش تعرف انه بيحبها كانت بتحس بحاجه ناحيته بس كدبتها بكل طريقه كانت حاسه بيه وهو داخل وقعد جنبها ومسك ايديها قلبها دق جامد من شدتها كانت خايفه انه يسمع دقة قلبها ابتسمت وبعدها نامت تاني بعد اما قررت قرار مهم لازم تعمله 

**********************************************************

مازن :مش بنتك ياماما ندى مش اختي 

رقيه:انت انت بتقول ايه يامازن اختك ندى ياحبيبي متقولش كده 

مازن :قولتلك مش بنتك افهمى بقا ندى مش اختي كل الي الست دي قالته صح ندى تبقى بنتها هى كل حاجه حكتها والفحص كله صح 

رقيه حطت كف ايديها على وشها وقعدت تعيط جريت الست على مازن 

العجوز:بنتي فين يابني بنتي ها رد عليا ندى فين انا انا الي غلطانه انتي سيبتها كنت كنت خايفه عليها من الفقر الي انا عايشه فيه مكنتش عاوزاها تشوف الي شوفته انا اسفه سمحيني يارقيه ارجوكي 

رقيه:لاء ندى بنتي انا مش بنتك فاهماني امشي اطلعي برا برا 

ندى:ماما 

الكل بص ناحيته الصوت 

*************************************

آسر بغضب وصراخ:هقتله قسما عظما لاقتله 

مسكته ملك جامد من دراعه 

ملك :ارجوك اسمعني 

آسر بصراخ:اسمعك ايه انتي مجنونه ياملك وربنا لاقتله ده قتلها هو سبب الي جاسر فيه ده عاوز يقتل ابنه ده مجنون هخلص عليه 

ملك :ارجوك استنى لازم تعرف حاجه 

ملك:مش عاوز افهم اي حاجه ياملك وسعي عشان ممدش ايدي عليكي 

خرج من اوضته وغضب الدنيا معاه 

ملك بصراخ:آسر آسيل مماتتش 

اتصدم وقف مكانه من المفاجأه رجعلها تاني وشدها ودخلها للاوضه 

ملك:ايوه ممتتش انا هحكيلك كل حاجه 

آسر:يعني ايه 

ملك :ملك كانت شاكه ف زين ياآسر وحاكتلي مصدقتش ف الاول وقلتلها انه تخيلات 

***************نرجع للماضي 

ملك:انتي مجنونه ياآسيل 

آسيل:صديقيني انا مش بكدب زين كان بيحب ندى اخت جاسر انا عرفت 

ملك:ازاي 

آسيل:شوفي نسخه من فونه شوفي كل الصور دي ليها عنده وكمان انا كنت براقبه طول اليوم انهارده اكتشفت حاجه 

ملك بترقب:ايه 

آسيل:الساعه كانت واحده طلعت وراه كنت حاسه انه هيحصل حاجه افهم منها كل الموضوع خدت تاكسي وروحت وراه لاقيته دخل عماره سألت البواب قلي انه ليه شقه هنا ليه ملكه عايش فيها من سنين حسيت إن الشقه دي فيها حاجه اديت البواب فلوس وإداني نسخه من مفتاح الشقه وبعدها خدت التاكسي ورجعت البيت 

ملك :انتي مجنونه ازاي تعملي كده 

آسيل:كان لازم اعرف هو بيعمل ايه لازم اكشف حقيقته قدامكوا روحت بعدها بيوم لاقيت البواب اديته مبلغ كويس وسمحلي اني ادخل الشقه 

ملك:لقيتي حاجه 

آسيل:لاقيت حاجات كتير عقلك ميتصورهاش ياملك زين قتل ندى وإتهم بيها مازن كان بيحبها بس جاسر موافقش على ارتباطهم لما حس انها هتروح منه بعت رساله من فون مازن وقلها مش عاوزك ومعرفتش ايه الي حصل لندى بعتها بس اتوقع انها انتحرت بعد الرساله دي وكمان الجواب الي كانت كاتبه فيه إن مازن هو السبب صدقيني مظور مش خطها ده 

ملك:عرفتي ازاي كل ده 

آسيل:ساعدني على ومازن عشان اتأكد فتشت عن اي أثر يعرفني ان الي ف الجواب ده مظور دورت كتير لحد اما يأست بعدها لاقيت لسه صغيره تحت المكتب لاقيت فيها حد بيحاول يكتب الجواب اكتر من مره بيحاول يقلد خط ندى جمعت الاوراق كلها حاولت ادور على القلم الي اتكتب بيه الجواب لحد اما لاقيته ف صندوق تحت المكتب برضوا صدفه 

ملك:عملتي ايه 

آسيل:كان لازم اعرف الشرطه فهمت خالد كل حاجه اثبت التحليل الطبي إن الي كتب الجواب ده ايده شوله بيكتب بالشمال ومافيش حد ف العيله كلها بيتكتب بالشمال غير زين  وبكده اتأكدت انه هو ورا الي بيحصل ده كله انا خايفه متأكده انه عرف الحقيقه ياملك 

ملك بتوتر:يعني ايه 

آسيل:انا خايفه على جاسر ده مخطط يقتله ياملك هو اكيد البواب قاله الحقيقه البواب طماع باين عليه مش هيسكت لو زين دفعله اكتر انا خايفه على الي ف بطني 

ملك حضنتها وقالت:متخفيش مش هسيبك هفضل معاكي لازم نعرف آسر 

آسيل:لاء متقوليش لحد دلوقتي مش عاوزه حد يعرف ابدا ساره هتحكيلك كل حاجه بس ف وقتها هو دلوقتي زمانه بيخطط لقتلي انا دبرت كل حاجه متخفيش بس لازم يحصل حاجه تخليني اطلع من البيت هنا عشان ينفذ خطته دي لو نجحت خطتنا هبقا ابعتلك حد يعرفك وهنبقى نتقابل 

لازم نفكر ف حاجه بسرعه 

****************************نرجع لدلوقتي 

آسر بهدوء:وبعدين 

ملك :بس ظهرت فكرة الحفله الي نعملها لآسيل ومن هنا عملت نفسها انها مش قابله جاسر ولا عوزاه وطلبت الطلاق وانها تخرج من البيت لما خرجت كان زين مجهز كل حاجه وخطفها 

*********************************

**************************

رقيه جريت على ندى وحضنتها ندى قعدت تعيط 

ندى :وحشتيني قوي يام 

سكتت مقدرتش تكملها حست بالذنب لإنها خبت عليهم 

رقيه:قوليها ياندى قوليها انتي لسه بنتي حتى لو مكنتش الي خلفتك انا الي ربيتك انتي بينتي 

حضنتها وقعدت تعيط جامد ابتسم مازن اول لما حطط عنيه ف عنيها راحت ناحيته وبصت للأرض وقالت 

ندى بحزن:انا اس

شدها عليه وخدها ف حضنه 

مازن:شششششش المهم انك رجعتي هتفضلي اختي مهما حصل ياندى كل الي حصل ده سوء تفاهم مش اكتر 

ندى بعياط:بس انا غلطت كتير يامازن غلط جامد مش لازم تسامحني انا عملت جريمه 

مازن :ششششش معملتيش حاجه انتي ندى اختي الي ليا ف الدنيا دي مهما تعملي مش هزعل منك عارف  انك انتي الي حطفتي آسيل 

ندى بصدمه وعياط:اسفه والله مكنش قصدي الشيطان ضحك عليا وغمى عيوني