رواية مالك قلبي الفصل الخامس 5 بقلم بنت الصعيد

كريم …خلاص سيبيني افكر وارد عليكي

الفت….مافيش تفكير انت هتعقد في بيت عمك يعني هعقد خلص الكلام …أنا طالعة اجهزلك هدومك

كريم …..يمسح وجهه بيده ….مافيش فايدة

______________________________________ 

في منزل أمل 

والدة أمل …أمل مالك يا قلب امك من لما عرفتي أنه يوسف اتجوز وانتي حابسة نفسك في اوضتك …واخرتها ايه 

يعني ….يوسف مش حاسس بيكي ولابزعلك هو لو بيحبك ماكانش عمل كده كان فكر فيكي …انسيه يا حبيبتي 

أمل ولم تستطيع أن تحكم علي دموعها ….حاسة أنه قلبي واجعني يا ماما مش قادرة استحمل

حضنتها امها ….خلاص يا قلبي ما تعيطيش  قومي اغسلي وشك عشان محمد اخوكي جه من الجيش و بيسأل عليكي من الصبح وانا قلتله انك نايمة..

أمل …حاضر يا ماما 

______________________________________

في منزل سها 

والدة سها ….بت يا سهاااااا سهاااا …حمزة هنا اطلعي

سها …اشطا يا حجة جاية 

خرجت سها عند حمزة

سها ….ايه يالا يا حمزة انت ما قلتش انك جاي 

والدة سها….ايه يا بنتي اللماضة دي انتي مش هتبطلي اسلوبك الغبي دا في الكلام دا خطيبك يا هبلة ..اقعد يا حمزة يا حبيبي خد راحتك …أنا هاروح احضر الغدا …تهمس لسها..مش قادرة تلبسي حاجة احسن من كده انتي لابسة بنطلون اخوكي يا دي الكسوف

سها ….والنبي اسكتي يا حجة هو حمزة غريب

خرجت والدة سها 

حمزة …تعال يا جعفر اقعد جنبي

سها ..بغيظ..تصدق فعلا أنا جعفر ..عايز ايه بقا يا زميكي

حمزة ….زميكي؟؟؟!!…أنا مش عارف ابن الكلب اللي هنا دا (يشاور علي قلبه)حبك ازاي..انتي مصرة تفصليني منك 

سها …عشان قلبك دا راجل لكن انت سهونة وعايز تظيط في أي ظيطة بس علي مين أن كشفاك يا قلبي

حمزة….ابوس ايدك اهدي يا جعفر ….اقترب منها ما تروحي 

تلبسي حاجة كده بناتي بدل لبس عمرو اللي انتي لابساه دا 

سها  …لا أنا كده مرتاحة 

حمزة ….بغيظ …تمام لو ماغيرتيش الزفت دا انا همشي بقا

سها …بلا مبالاة….. بالسلامة

يتركها ويخرج

_______________________________________

في منزل مي 

يدخل كريم بشنطة هدومه

مليكة …..اهلا يا كريم انا مبسوطة جدا انك هتعقد معانا 

كريم …ابتسم لها…..شكرا يا مليكة

مليكة …يااااه انت اول مرة تكلمني بالهدوء دا 

كريم …أنا تعبان يا مليكة هاطلع انام

صعد كريم الي غرفته التي كانت بجوار غرفة مي 

فتح باب غرفة مي بعد ما وضع حقيبته في غرفته وجدها نائمة اغلق الباب واقترب منها كان ينظر إليها بهيام يدقق في كل تفاصيلها….وبدأيحدثها 

كريم…ليه يا مي ليه عمرك ما حسيتي بيا ولا بحبي ..أنا مش عارف ازاي هقدر اشوفك مع حد تاني 

خرج مسرعا من الغرفة عندما شعر أنها بدأت تستيقظ وفجأة خبط في مليكة  

مليكة بصدمة ..  انت كنت بتعمل ايه في أوضة مي

كريم ….مافيش كنت بشوفها صاحية ولا نايمة تعالي تعالي نتمشي شوية في الجنينة 

مليكة  ….تمام

اثناء سيرهم 

مليكة .. ممكن أسألك سؤال يا كريم

كريم …امممم

مليكة…انت لسة بتحب مي 

كريم ….اولا شكرا لأنك ما قلتيش لمي ع اللي حصل بنا 

ثانيا….الحب مش زرار هنضغط عليه نحب ونضغط عليه ننسي…بس بحاول اتعود ع الوضع الجديد

مليكة …بشرود ….عندك حق …أنا هاروح انام تصبح علي خير

_______________________________________

في الطريق من الصعيد إلي القاهرة

مالك ….اني مش عارف اشكرك كيف يا جدي انت بجد ونعمة الجد

العمدة ….اني عارف اني جسيت( قسيت )عليك يا مالك بس صدجني دا كله عشان زين واد اخوك سليم الله يرحمه

مالك…الله يرحمه يا جدي …اني عارف بس ياسمين حرام نظلمها يا جدي 

العمدة بعصبية ….هي شكتلك ولا ايه

مالك….لا يا جدي بس مش لازم تشتكي ..أني مش عارف اديها الحنان اللي هي محتاجاه 

العمدة …باين رباية امك اثرت عليك يا واد السيوفي حنان ايه يا دكتور…هي دلوجتي تربي والدها وتتلكلك وتسكت بلا حنان بلا احسان بص جدامك وسوج من سكات  عكرت دمي

___________________________________

مالك وجده وصلوا القاهرة وتحديدا في شقة مالك 

مالك في الحمام بياخد شاور…..وفجأة وصلت رسالة علي فونه من رقم غريب

العمدة محمود مسك الفون  وكان هيقرا الرسالة وإذ ب مالك يمسك الفون من يد جده

مالك…دي رسالة يا جدي …..فتح الرسالة

(مالك انت عارف ان مي مريضة قلب وهتموت قريب )

فاعل خير

مالك القي بهاتفه بعيدا بعصبية 

العمدة…..خبر ايه يا مالك الرسالة بتجول ايه

ادرك مالك وجود جده ….لا يا جدي شوية مشاكل في الجامعة يلا ندخل ننام عشان أنا جعان نوم

العمدة ….طيب يا ولدي …انت خدت معاد من الجماعة ناس العروسة 

مالك ….ايوا يا جدي أنا كلمت مي وجولتلها تبلغ ابوها وناسها أن احنا هنزورهم بكرة بالليل

العمدة ….زين ….ربنا يتمم علي خير …عشان تعرف يا واد يا 

مالك جدك عيحبك جد ايه

مالك ….قبل يد جده ….عارف يا جدي ربنا يخليك لينا

بقلمي :إيزيس بنت الصعيد 

______________________________________

عند أمل 

تجلس أمل أمام  الاب توب وقررت أن ترسل رسالة ليوسف

كتبت امل 

(مبروك ع الجواز….وشكرا ع الوعد …. وربنا يسمحك علي كسرة قلبي)

جلست شاردة تتذكر يوم سفر يوسف للندن

فلااااااااش باااااااك

_____________________________________

أمل ….انت خلاص هتسافر وتسبنا يا يوسف

يوسف ….أنا صحيح مسافر بس سايب قلبي هنا قلبي عمره ما هيحب حد ولا يفكر في حد غيرك توعديني يا امل انك تستنيني مهما اتاخرت 

أمل ….اوعدك ….وانت كمان توعدني انك ترجعلي يا يوسف

يوسف …اوعدك يا قلب يوسف

                          باااااااااك

أمل ..تنهدت ..ربنا يسامحك يا يوسف

&&&&&&&&&&

في الصباح في الجامعة

مايا تدخل مكتب مالك

مايا….بدلع …..دكتور ممكن ادخل ؟؟؟

مالك ….بجمود…..مانتي دخلتي خلاص

مايا ….سوري يا دكتور بس انا مش فهمت حاجة من المحاضرة انهاردة ممكن تشرحها لي 

مالك ….روحي للمعيدة اروي قوليلها الدكتور مالك عايزك تشرحي لي المحاضرة وهتشرحلك ..

مايا اقتربت منه وقالت بدلع ….بس انا عايزاك انت اللي تشرحلي يا دكتور

مالك أبعدها عنه بغضب ….احم …تفضلي برا يا آنسة وهتصرف كأنه مافيش حاجة حصلت 

خرجت مايا بغضب ولكنها لمحت مي فلخبطت شعرها وملابسها وتظاهرت أنها ترتب ملابسها

مي نظرت إليها بشك …كنتي بتعملي ايه جوا 

مايا …احم ولا حاجة ومشت بسرعة

مي دلفت الي مكتب مالك

مايا كانت بتعمل ايه هنا 

مالك …كانت عايزة اشرحلها محاضرة بس انا مش فاضي 

مي …انت كداب 

مالك….بصدمة …كداب !؟؟؟؟ انتي ايه اللي انتي بتقوليه دا

مي ….هدومها وشعرها كانوا ملخبطين هو ايه اللي كان بيحصل هنا

مالك اقترب منها …..انتي بتشكي فيا ولا ايه 

مي بتوتر …لا بس بشك فيها هي 

 مالك امسك يدها ووضعها علي قلبه ….أنا مافيش في قلبي غير واحدة بس مش شايف غيرها …ممكن بقا تحافظيلي عليها ومتخلهاش تزعل ولا تتعب

مي …. أبتسمت له وهزت رأسها …انت هتيجي انهاردة بالليل 

مالك …إن شاء الله

بقلمي :إيزيس بنت الصعيد 

______________________________________

في المساء في بيت عزمي 

وصل مالك وجده سويا ووالدته نادية العقاد وأخوها اللواء نجيب العقاد…استقبلتهم سارة وكريم ومليكة 

ووالد مي وأخوها كانوا يخرجوا من المكتب

حسام بهمس  ….بابا انتهي الكلام أنا مش موافق يعني مش موافق انه مي تتجوز صعيدي

كامل(والد مي)…اللي فيه الخير يقدمه ربنا

جلسوا جميعهم في الصالون

كامل ….اهلا اهلا شرفتوا 

العمدة ….الله يكرم اصلك ….اني هدخل ف الموضوع دغري 

اني العمدة محمود عبدالرحيم السيوفي ودا حفيدي الدكتور مالك السيوفي وجايين نطلبوا يد كريمتكم لابننا ..جولتوا ايه

كامل نظر إلي ابنه حسام 

حسام موجه كلامه لمالك…سليم ادهم السيوفي …هو انت تعرف الشخص دا ولا تشابه اسماء

مالك….المقدم سليم ادهم السيوفي الله يرحمه اخويا 

حسام ….انت اخو سليم السيوفي الله يرحمه وحش مكافحة المخدرات وجرايم تهريب الآثار في وجه قبلي

العمدة….ايوا يا ولدي الله يرحمه..ودا ابوهم ادهم السيوفي 

صاحب مصانع السيوفي لمنتجات الألبان …أما عن مالك 

فهو راجل عصامي حابب يبني نفسه بنفسه اسس لنفسه شركة المستجبل (المستقبل ) للمعمار بفلوسه الخاصة

كامل …ونعمة الشباب ربنا يباركلك

بس ماعرفتناش …بحضراتهم

مالك …دي امي ودا خالي اللواء نجيب العقاد 

حسام ….اهلا بحضراتكم شرفتوا

نجيب ….. الشرف لينا يا سيادة المقدم 

كامل….حيث كده يا حسام نقرأ الفاتحة 

حسام ….اكيد دا اخو الغالي …فاكر يا بابا اول عملية اقوم بيها كانت في الصعيد واتصبت فيها سليم أصر أنه ياخدني بيتهم لغاية ما أخف خالص وبالفعل فضلت عندهم ١٥يوم

بس غريبة أنا ماشوفتكش يا مالك ابدا

مالك…..أنا كنت بعمل الماجستير والدكتوراه ف لندن

حسام ….اه طيب علي بركة الله نقرأ الفاتحة بقا

بدأوا يقرأون الفاتحة ومي وصديقتها سها كانوا يتابعون المشهد من أعلي الدرج ومي هتموت من الفرحة و تنتظرهم لينادوا عليها 

كريم حس أنه نفسه  بيضيق فاستأذن وخرج بالعريبة أما مليكة فخرجت خلفه ركب كريم سيارته ومليكة ركبت سيارة طلبت من السواق أنه يتبع كريم

بقلمي: إيزيس بنت الصعيد 

____________________________________

في نادي ليلي

وصل كريم ودلف الي الداخل وامسك كأسا وبدأ يسكر مليكة ظلت منتظرة ومترددة هل تدخل هذا المكان المشبوه ام ترحل وتتركه ينجرف خلف مشاعره ويضيع في عالم الفساد …وبعد صراع بين عقلها وقلبها قررت الدخول

دخلت مليكة بخوف من نظرات الشباب وتعليقاتهم علي حجابها واخيرا لمحت كريم يشرب الخمر وبجواره فتاة تحسس علي شعره

وقبل وصول مليكة الي كريم إذا بشاب سكران يمسكها من ذراعها …هو. الحجاب بقا موضة هنا ولا ايه يا جميل ما تشيليه خلينا نشوف القمر بوضوح

مليكة بدأت ترتعش وصرخت ….كرييييييييم. ..كرييبييم 

كريم سمع صوتا لف وجد شاب يحاول سحب حجاب مليكة فانقض عليه ضربا في وجهه والشاب لم يقصر ايضا وفجأة أخرج الشاب مطوة وغرسها في جنب كريم..

مليكة صرخت ……كرييييييييم…..