Uncategorized
رواية موسم الحب (حكاية زينة 2) الفصل السابع 7 بقلم سلمى تامر
رواية موسم الحب (حكاية زينة 2) الفصل السابع 7 بقلم سلمى تامر
 |
| رواية موسم الحب (حكاية زينة 2) الفصل السابع 7 بقلم سلمى تامر |
رواية موسم الحب (حكاية زينة 2) الفصل السابع 7 بقلم سلمى تامر
بليل حلم كانت واقفه فالبلكونه وشافت تايجر راجع البيت
جريت على أوضتها بسرعه ولبست فستان وفرديت شعرها وحطيت روچ خاص بيها وهي فقط اللي بتحطه وراحت فتحت الباب بسرعه وشافت تايجر طالع السلالم
لما شافها غض بصره بسرعه وكمل طلوع
-حلم بسرعه:عبد الرحمن
-تايجر وقف وعنيه فالأرض
:نعم ياحلم عايزه حاجه؟
-حلم بهيام:عايزاك
تايجر بصلها بحده:نعم؟؟!!
-حلم بتصحيح
:احم قصدي عايزاك تسلملي على زينه ولو ينفع يعني تخليها تنزل تقعد معانا شويه
-تايجر:هتبقى تعقد معاكم الصبح..بعد اذنك بقا
-حلم بهيام:اتفضل..وكملت بهمس
:يخربيت جمالك هموووت منه
-تايجر وهو طالع بهمس وسخريه
:تقعد معاكم؟! ده انا بتلم عليها بالعافيه!
ووقف لما سمع صرخه حلم ولقاها بتهجم عليه
:عاا صرصار اقتله بسرعه انا بخاف منهم
تايجر بعدها بضيق ملقاش حاجه
حلم بخوف مصطنع:كان هنا
تايجر: شكله هرب سلام
وسابها وطلع شقته
حلم وهي بتبصله وهو طالع ومبتسمه
بإنتصار
:كده أول خطوه نجحت
**
عند تايجر وزينه
طلع مفتاحه وفتح الباب لقى زينه بتهجم عليه
-تايجر بخضه:ايه يابت المجنونه فيه ايه؟
-زينه بلهفه:جبت اللي قولتلك عليه
-تايجر وهو بيص لفوق:انت الحنين على عبادك يارب هو اختبار
-زينه بحده:فيه حاجه ياتايجر ولا ايه
-تايجر بغيظ وهو بيديها الأكياس اللي فإيده
:اتفضلي ياست زينه..منزلاني الساعه اتنين بليل علشان اجيبلك شيكولاته وشيبسي واندومي..ده انا لو متجوز بت اختي مش هتعمل كده
-زينه بدلع:الله وانا مالي مش ابنك اللي عايز كده؟
-تايجر بسخريه وهو بيقلدها
:الله وانا مالي..ابني طلب منك شيبسي يازينه؟
-زينه وهي بتدعي البكاء:ايوه بقا بصلي فاللقمه ياسي عبدالرحمن
-تايجر بضحك وهو داخل أوضتهم
:لا ياروحي مبصلكيش فحاجه بس سبيني انام شويه بقا وسكتي ابن الكلب البلاعه اللي فبطنك ده
-زينه وهي بتمسح على بطنها بحنان وداخله وراه
:ابني حبيبي ونور عيني سيبه ياكل زي مهو عايز
-تايجر بصلها بغيرة:حبيبك ونور عينك؟ ده انتي مش بتقوليلي كده يازينه
وبعدين مهي ممكن تطلع بنت احنا لسه منعرفش انتي فالشهر الأول
-زينه بصتله بمكر وكملت
:خلاص بقا يا بودي راحت عليك وابنك اخد مكانك فقلبي
-تايجر فهمها وادعى الجديه وابتدى يغير هدومه وقلع التيشرت
:معلشان كده قولتلك اتجوز يازيزي وخليكي انتي لبيتك وعيالك اللي هييجو انشاء الله ياروحي
-زينه بغضب
:نهارك اسود تتجوز ايه؟
-تايجر وهو بينام عالسرير
:خلاص بقا يازوزو خليكي مع ابنك نور عينك وفكك مني
وغمض عنيه
-زينه عنيها دمعت وراحتله بعصبيه
:انت هتتجوز بجد؟
-تايجر فتح عين وقفل التانيه وهز دماغه
-زينه بغضب وبكاء
:ده علشان يبقى آخر يوم ف عمرك يانمر
تايجر ضحك وشدها عليه
-زينه بصراخ
:عااا اوعى يابارد
-تايجر بضحك
:انتي مركبه شلالات مايه فعيونك..يعني انتي عارفه اني بهزر وبرضه بتعيطي..
وكمل بخبث:بس اي ده يابت مالك احلويتي كده ليه
-زينه وهي بتحاول تقوم
:اوعى وسبني وروح لمراتاتك اللي هتتجوزهم
-تايجر وهو بيرجعلها خصله من شعرها لورا بحنان
:هو انا اقدر ابص لغيرك برضه
زينه:تؤتؤ
تايجر بضحك:اومال ايه بقا؟
زينه بدلع:بتدلع عليك عادي
تايجر بمكر:كده يازوز؟ طب انا هوريكي
•••
(يا حال مقلوب ميشبهنيش..مفيش مبدء يديم حالي..ياعود مكسور مبيغنيش يدوم الهم من حالك..خبايا الروح دي متسعنيش..عشان همي مكتفني..بغني كتير متسمعنيش.. بعيد الفرح لو جمبي..)
ماسه كانت قاعده فأوضتها وقافله على نفسها الباب وبتفتكر ادهم واللي حصل
ماسه ببكاء:انا بحبك اوي يا أدهم..اوي..بس مينفعش….مينفعش ابقى معاك وانا عارفه ان اختي بتحبك وعايزاك
الباب خبط ودخلت حياة وشافت ماسه على وضعها ده جريت عليها
حياة بخضه:اي ده مالك فيه ايه؟
ماسه حضنتها ببكاء:الحقيني ياحياة انا هموت
حياة برعب:فيه يابنتي متتكلمي
ماسه حكيتلها علاقتها بأدهم وفهمتها هي ليه مش عايزة ترتبط بيه
حباة بهدوء:يعني انتي بتحبيه؟
ماسه هزيت دماغها
حياة بعقلانيه
:بصي ياماسه مش هقدر اقولك اللي عملتيه غلط..لأني ممكن لو كنت مكانك كنت هعمل كده لكن فنفس الوقت حرام تظلمي ادهم معاكم
ادهم طرف تاني فالعلاقه وبيحبك..
عارفه لو حب من طرف واحد وانتي بس اللي بتحبيه..يبقى فالوقت ده تكتمي مشاعرك وتداريها
لكن انتو الاتنين بتحبو بعض يبقى ليه تقتله حبكم
ماسة ببكاء:وعنود؟
حياة اتنهدت
:عنود متملكه ياماسه وعنيده..ممكن يكون اللي فقلبها لأدهم مجرد اعجاب عادي..بس الفرق بقا ان دي لما حاجه بتعجبها بتعتبرها ملكيه خاصه وبتاعتها هي بس ومش من حق أي حد غيرها
ماسه بحزن
:يعني اعمل ايه؟
حباة بقوه
:تدافعي عن حبك ياماسه وتبقي مع ادهم وفكك من الطيبه والهبل ده
اراهنك ان عنود لو كانت مكانك كان زمانها متجوزه ادهم دلوقت ومخلفه منو سبع عيال
ماسه مسحت دموعها وبصتلها بتردد
حياة بادلتها النظره بدعم وقوه
••
ادهم كان واقف فالبلكونه اللي فأوضته وكل ميفتكر اللي عملته ماسه يتجن اكتر
:غبي….غبي اني اعترفتلك بحبي وانتي رفضتيه ودستي على قلبي بمنتهى القسوه
وكمل بعيون حمراء وغضب
:عارف انك بتعملي كده لسبب ياماسه وانك بتحبيني….بس أيا كان السبب ده ميدكيش الحق انك ترخصي حبنا وتضحي بيه…مفيش حاجه فالدنيا تستاهل
هوجعك ياماسه زي موجعتيني
•••
ف احد الكباريهات
الباب اتفتح وبنت دخلت وهي لابسه فستان احمر ناري وفارده شعرها الاسود الحرير
ومشيت بدلع على مزيكا الاغنية اللي شغاله لحد موصلت للإستيدچ ووقفت جنب المغني ورقصت بإحترافيه واغراء عليها
:كل يوم بيفوت ويمشي
ساب أكيد جواك علامه
ذكريات مع ناس نضيفه
أو مآسي وناس لمامه
اللي حبك رغم حِملك
شال معاك الحِمل ياما
واللي مهما بيبتسملك
فيه صفار ف الابتسامه
اللي سابك غصب عنه
واللي اديك ارتحت منه
واللي مش ممكن تقابله
تاني غير يوم القيامه
لمحت حد قاعد وبيبصلها بإعجاب ظاهر ابتسمت بإنتصار وخبث وحددت هدفها وكملت رقص بإغراء ودلع اكتر
اللي بالغالي اشتريتهم
لما كانوا ولا اليتامى
بس طلعوا ما عندهمشي
لو برُبع جنيه شهامه
اللي عاش وحقيقته واضحه
واللي لسه عليه غيامه
خير عملته وخدت تمنه
خير دفعت عليه غرامه
الراجل اللي كان قاعد شاور لواحده وجاتله همسلها بحاجه وعنيهم اتعلقت بالبنت اللي بترقص
ابتسمتله :اعتبره حصل..اديني خمسايه وهجبهالك يا باشا
الراجل:بسرعه يا سوسكا
سوسكا:من عنيا
سوسكا راحتلها وهمستلها فودنها
البنت بصيت للراجل ولقيته بيغمزلها وشاورلها تجيله
ابتسمتله بدلع وهزيت دماغها وراحتله
بعد فتره وصلو لفندق هي اللي قالتله عليه وطلعت معاه الأوضه
الراجل: انتي متعرفنيش..انا س
البنت بمقاطعه:سليم الشرقاوي..عرفاك طبعا..بص بقا ياسولي لبسالك فستان احمر وعملت نمرة ولا أجدعها رقاصه وكل ده علشان اوصلك
انا هكلمك بمنتهى الهدوء والرزانه
فين الفلاشه؟
سليم بإستغراب:فلاشة ايه انتي مجنونه؟انتي مين اصلا
البنت ابتسمت بمكر وطلعت مسدس من وراها:انا قدرك الاسود ياروح امك
سليم بصلها برعب:ا اي ده ارمي اللي فإيدك ياشاطره انتي متعرفيش انا مين ولا ايه
البنت بصتله بسخريه:انت اللي متعرفش انا مين..انا أوليفيا
سليم بصلها بصدمه:اللي بتشتغل لحساب چون وعصابته؟
أوليفيا ضحكت بشر:مفجأه مش كده
وابتسامتها اتحولت لملامح جحيميه وهجمت عليه لكمته وسليم حاول يلكمها لكن أوليفيا لفت رجليها على دماغه وقعته عالأرض بعنف ومسكت المسدس وجهته على راسه
:بقول الفلاشه فين؟
سليم بتعب وهو بيطلع دم من بقه:م مش معايا
أوليفيا بإبتسامه:واضح انك هتتعبني معاك ..قدامك دقيقه لو مقولتش دماغك دي هتتفرتك
سليم برعب:ف فالچاكيت
أوليفيا بسخريه:طب اهدى طب مالك خايف كده
وهبدته براس المسدس على دماغه وفقد الوعي
قامت ومسكت الچاكيت بتاعه ودورت على الفلاشه ولقيتها
بصيت لسليم بسخريه ووجهت المسدس نحيته وقتلته
وكانت حاطه عازل للصوت
أوليفيا بإستحقار:انت وامثالك حلال فيكم القتل
وفكرت ازاي تهرب من رجالته اللي مستنينهم تحت
بصت للشباك ولقت نفسها فالدور التاني
وقفت عالسور وفضلت تتحرك لحد مامسكت فعمود ونزلت من عليه بمنتهى الحرافيه والخفه ولقيت نفسها فشارع جانبي
بصيت وراها ملقتش حد مسكت الفستان بإيدها وجريت بسرعه
هي بضحك:شلح واجرااااااااي هعهع
وبعد فتره وصلت لمكان ودخلت قلعت الماسك اللي على وشها وبقيت بشكلها الطبيعي
وغيرت هدومها
وطلعت من المكان
وراحت لقصر كبير
الحراس أول مشفوها رحبو بيها ودخلوها
وهناك راجل امريكي كان قاعد عالكرسي بتكبر وهيبه لمحها ورحب بيها
:مرحبا بعميلتي العزيزه
:لا يوجد داعي لهذا النفاق اعرف ماذا تريد مني واحضرته لك جون
جون بسعاده:كنت اعلم انك سوف تستطيعي فعلها أوليفيا..هيا اعطيهالي
أوليفيا بسخريه:اتمزح چون؟اين المبلغ الذي اتفقنا عليه
جون:اوه عزيزتي اعتقد انك فعلتيها وقتلتي سليم من اجلي
أوليفيا:هل انت من بقية عائلتي ايها المعتوه؟هيا اعطيني النقود
جون كتبلها شيك وادهولها وأوليفيا سحبته بعنف وسلمته الفلاشه واتحركت علشان تمشي لكن جون وقفها
:الزعيم سعيد بك كثيرا أوليفيا..سوف تحصلين على منصب اكبر في المافيا عزيزتي
أوليفيا بغرور:اخبره ان يحمد الله كل يوم انني اعمل معكم ..وانني سوف احصل على مكانته ذات يوم
چون :هل انتي مجنونه ايتها الفتاة؟طموحك مرتفع
سابته ومشيت بثقه وغرور وهي بتقول:لا تسب رب عملك جون سوف ترى بعينيك عزيزي..اخبره انني سوف أأخذ استراحه لمده
أوليفيا:واخيرا هاخد بريك من أوليفيا وهرجع لبتول..جايالك ياحياة
(ملحوظه:أوليفيا ده اسم الشهره والاسم اللي هتكمل بيه بتول )
***
الصبح عند زينه
مسكت تيشرت تايجر ولمحت لون روچ غريب عليه
بصتله بإستغراب وفكرت ان ممكن يكون مقلب من خالد او مؤمن
زينه لنفسها:بلاش يازينه تفضلي كل شوية تبينيله انك شاكه فيه..اكيد حد من صحابه وبيهزر زي كل مره اهدي
وحطيت التيشرت فالغساله
وراحتله
تايجر:انا ماشي ياحبيبتي بقا خلي بالك من نفسك
زينه:طب حاول متتأخرش
تايجر وهو بيبوسها من دماغها:مش هتأخر سلام
وفتح الباب ونزل وقابل الشباب وراحو شغلهم
**
فالكافيه
:الواد قلبه بيوجعه وعايز حد يدلعه الواد بيقول الأه ااااههههععععع
:انت ياحمار ياللي اسمك خالد فين الاوردر
خالد بصلها بضيق:اي يابو الليل مبراحه علينا فيه ايه؟
ليل بعصبيه:انت بني آدم عديم المسئوليه الزبون بقاله ساعه طالب وانت قاعد هنا بتتشمس وتغني وفين الجحش التاني صاحبك
مؤمن جالها بغضب: وه اتحشمي ياحرمه عندنا فالصعيد اللي تكلم راچل اكده نطخها
خالد:اهو عاجبك كده طلعت الصعيدي اللي جواه وانت اهدى يامؤمن ومتقولهوش حرمه علشان بتضايقه الكلمة دي
:اي يارجاله واحشني
خالد ومؤمن بصو للي بيتكلم
مؤمن بصدمه:بلال؟
خالد بهمس:هو يوم اسود من أوله وكمل بصوت عالي:حبيبي ياغالي اللي مشوفتهوش من ايام عملية البواسير
سلمو عليه واخدو وقعدو على تربيزة وليل قعدت معاهم بفضول
بلال:انا عايزكم فخدمه يرجاله
ليل بفضول:هو انت ليه يكابتن حاطط ملوخيه فجيب الجاكيت بتاعك
بلال بص للمكان اللي بتشاورله عليه وضحك
:لا يا انسه ده مش ملوخيه ده بانجو
خالد هجم عليه وحط ايده على بق بلال:اخرص الله يحرقك روحي ياليل جبيله عصير
ليل ببرود:لا انا قاعده معاكم
مؤمن لبلال:ايه ياعم بلال الخدمه دي بقا
بلال:طبعا انتو عارفين اني مليش غيركم وانتو صحابي و
خالد بملل:ياعم انجز
بلال:انا ماشي
مؤمن:يختاااي اقعد يعم انت لسه قموصه
بلال:البت اللي انا بحبها
مؤمن:مالها
بلال:مش راضيه تعبرني وتقلانه عليا
ليل:ميمكن تكون مش بتحبك
بلال بصلها بضيق:انا ماشي
خالد بغضب:يعم يخربيت القمص قعد يبني وفهمنا
بلال كمل كلامه:دخلتلها فيس مردتش دخلتلها انستا مردتش دخلتلها واتس مردتش روحت اتقدملها رفضتني للمره ال١٥ بس متأكد انها بتحبني وبتتقل عليا
ليل لخالد:هو صاحبكم ده عبيط
خالد:انت يبني عديت مرحله التهزيق وبقيت حلوف قد الدنيا
مؤمن بسخريه:تتقل عليك ايه يابلال دي فاضلها شويه وهتغزك بمطوه ياحبيبي
بلال بضيق:انا ماشي
خالد :قعد بس وهنشوفلك حل …بص انت لازم تقابلها وتتكلم معاها وتفهم هي رفضاك ليه
بلال:مهو انا مش عارف اكلمها الايام دي علشان حنتها كمان كام يوم وهي مشغوله
مؤمن بصدمه:ح ايه يعنيا؟
ليل:طب استنى شويه وكلمها ف سبوع ابنها علشان تبقى فاضيه
بلال بصلهم بضيق:انا ماشي
خالد وقف بصراخ:ياعم غور غوووووور حنتها يابلال ومتأكد انها بتحبك وبتتقل عليك؟؟؟؟
بلال:ياعم والله بتحبني..تعالو معايا وهوريكم نظراتها ليا
مؤمن:نيجي معاك فين ؟
بلال:المكان اللي بتشتغل فيه
خالد:يلا علشان نشوف اخرتك ايه
بلال:هجيلكم بكره وهاخدكم للمكان علشان تتأكدو بنفسكم وتساعدوني اتجوزها
وبعد شويه جاله انس وقعد معاه ومؤمن وليل وخالد قاموا يكملو شغلهم
انس لبلال:اي يعم مالك متضايق كده ليه
بلال:البت اللي انا بحبها
دخلتلها واتس مردتش دخلتلها فيس مردتش دخلتلها انستا مردتش
••
ماسه كانت واقفه ومراقبه ادهم ولما لقيته فاضي قربت نحيته
ماسه بتردد:أدهم انا ك كنت عايزة اقولك حاجه
ادهم بصلها بجمود
ماسه:انا كنت ….احم عايزة اعتذرلك على طريقتي معاك امبارح
ادهم بجفاء:عادي محصلش حاجه….وبعدين انا اللي كنت متسرع ومندفع وقولت اني بحبك
ماسه بصدمه:يعني انت مش بتحبني؟
ادهم بجمود:لأ…وانتي بالنسبالي زي اختي مش اكتر بعد اذنك
واتحرك علشان يمشي لكن ماسه منعته
ماسه بغضب:لأ يا ادهم مش من حقك تنكر مشاعرك نحيتي
ادهم بصلها بغضب هو الاخر:وهي فين المشاعر دي اصلا علشان انكرها
ماسه بدموع:انت بتحبني يا ادهم
ادهم قلد كلامها:سمعتي انا قولت ايه؟
انا مش بحبك ياماسه ومش هحبك انسيني
ماسه ببكاء:انت بتردهالي يا ادهم؟
ادهم ببرود رغم الالم اللي جواه:انا مش لعبه فإيدك ترفضيها وقت متحبي وترجعيلها وقت متحبي
انا متأكد انك بتحبيني…لكن اتنازلتي عن حبنا ده علشان سبب وبعتيني
وانا مستحيل ابقى مع واحده سلبيه زيك ياماسه
وسابها ومشى
••••
زينه كانت طول اليوم بتفكر فتايجر واي اللي على قميصه ده
قررت انها تتصل بيه وتفهم منه
:ألو
زينه سمعت صوت انوثي بيرد عليها
زينه بغضب:اي ده انتي مين وفين تايجر؟
حلم بدلع:انا حلم يازينه ايه مش عارفه صوتي
زينه حاولت تتمالك اعصابها:وتليفون جوزي معاكي ليه ياحلم
حلم بمياعه:هو سابه معايا علشان عنده شغل وهيرجع ياخده…خير كنتي عايزاه فحاجه؟
زينه بغضب:وانتي مالك انتي…روحي اديله التليفون
حلم ادعت انها مش سامعه:ألو زينه انتي معايا؟الو الووو وقفلت السكه وضحكت بدلع وخبث
زينه الدم غلي فعروقها واتوعدتله لما يرجع
تايجر طلع من الحمام ولقى حلم ماسكه تليفونه
بصلها بإستغراب لما لقاها اتوترت
:خير ياحلم فيه حاجه؟وماسكه فوني ليه
حلم بتوتر:هه احم لا مفيش كنت بشوف الساعه…وجبتلك ملف الحسابات انس عطاهولي
**
فنص اليوم
تايجر لأنس وكنان:انا راجع البيت ياشباب علشان مينفعش اسيب زينه لوحدها اكتر من كده استلم مكاني انت ياكنان
حلم جتلهم بسرعه:ينفع ارجع معاك ياتايجر علشان تعبانه
تايجر بصلها:تمام تعالي عادي
حلم جريت تغير هدومها وهي مبتسمه بفرحه
خلصت وركبت معاه العربيه وفضلت تفتح فمواضيع معاه لكن تايجر بيرد عليها بإختصار وبيقفل الكلام وده ضايقها جدا
••••
زينه كانت واقفه فالبلكونه وهي متعصبه وبتغلي شافت عربية تايجر من على اول الشارع
وبعدين ركن ونزل واتصدمت لما شافت حلم نازله معاه
زينه بغضب وصدمه:هي اي الحكايه بقااا
????????????????????
جميله جدا وتحفه ❤❤❤❤
تم
تم
تم
تم
تم
جميله اوووي بجد
تم
فين باقي الفصول
تم
نزلي الفصول كلها
اتاخرتو فيهااووووي،
نزلى الفصول كلها
تم
حلوة اووى
فين الفصل السابع
جميله
????
❣️
????
♥
????
الباقى بسرعة
جميله جدا جدا
بجد حاجه تحفه