رواية خدعتني برائتها الفصل السادس 6 بقلم روان ريحان

احمد بصوت عالي؛ ندي 

ندي بخوف؛ نعم 

احمد؛ رايحه فين 

ندي؛ طالعه الاوضه

احمد؛ طب اطلعي غيري هدومك عشان خارجين

ندي؛ خارجين فين

احمد؛ اعتبري اليوم بتاعك 

ندي بفرحه؛ بجد                 

احمد بابتسام؛ ايوه بجد      

ندي طلعت 

الام؛ انت ناوي ع ايه يا احمد 

احمد بصلها ورفع ايده؛ ولا حاجه عادي هخرجها 

ندي نزلت كانت لابسه فستان اسود ونقشه لونها اصفر من تحت وع الكمام وربطه شعرها 

احمد قرب منها شويه 

ندي بتوتر؛ ايه في ايه 

احمد قرب اكتر وفك شعرها وقالها؛ كده احسن بحبه كده

ندي ابتسمت وخرجو وركبو العربيه 

احمد؛ امم تحبي نروح نتعشي

ندي؛بس احنا لسه متغدين اقولك تعالي نروح الملاهي الاول وبعدين نبقا نتعشي 

احمد رفع حاجبه؛ ايه ياربي معايا طفله

ندي؛ يلا يا احمد بقا عشان خاطري عايزه اروح الملاهي 

احمد بابتسام؛ عشان اليوم بتاعك فانا موافق 

ندي؛يس يس يس

وصلوا الملاهي 

ندي؛ يلا 

احمد؛ يلا فين 

ندي؛ تعالي معايا نلعب

احمد؛ لالا روحي انتي وانا هتفرج عليكي 

ندي؛ لاء يا احمد تعالي معايا مش هروح لوحدي 

احمد؛ لا لا مستحيل 

بعد فتره 

احمد وندي خارجين من الملاهي بعد مالعبوا هما الاتنين

احمد؛ يلا نتعشي

ندي؛ هو انا مش جعانه اوي بس يلا 

وصلوا المطعم وبعد فتره 

احمد بصحك؛ اومال لو كنتي جعانه كنتي عملتي ايه  

ندي؛ ايه يا احمد مش عايزني اكل يعني

احمد؛ لاء كلي ياقلبي براحتك بس استني اشيل اللي ع وشك ده 

بعد مده   

احمد؛ تعالي نروح السينيما 

ندي بفرحه وسقفت بايديها؛ يلا

احمد ضحك 

راحوا السينما وخرجوا وبعدين احمد اخدها وراحوا اشتروا شويه هدوم وبعدين راحوا قعدوا ع البحر 

احمد؛ندي انت بتثقي فيا 

ندي؛ايوه طبعا بثق فيك جداا

احمد؛متأكده

ندي؛ايوه فيه ايه يا احمد مالك

احمد بابتسام؛لا ابدا مفيش

ندي؛ الجو اتأخر اوي يلا نروح 

احمد؛ ايه ده انتي خايفه وانا معاكي

ندي؛ لاء 

احمد؛……. 

ندي؛ تعرف انا طول عمري نفسي اعمل حاجه كده 

احمد؛ حاجه ايه 

بعد فتره 

احمد؛ هو ده اللي كان نفسك فيه 

ندي؛ جداااااا كان نفسي اوي اتمشي كده في نص الليل ومحدش يقولي حاجه وابقا ماشيه مطمنه

احمد؛ وانتي مطمنه 

ندي؛ طبعا طول مانت معايا ببقي مطمنه بجد انا بحبك اوي

احمد؛ ها قولتي ايه 

ندي وشها احمر؛ لاء مقولتش يلا نروح 

احمد ضحك وقالها؛ ليه ماحنا بنتمشي اهو 

اتمشوا شويه وبعدين رجعوا البيت 

كل واحد راح اوضته 

ندي غيرت وكانت لابسه ترنج رياضي وبعدين فكرت كتير وقالت هتروح تقول لاحمد الحقيقه وراحت خبطت 

احمد؛ ادخلي ياندي 

ندي دخلت؛ انت عرفت ازاي انها انا 

احمد؛ مغيش حد بيجيلي في الوقت ده غيرك 

ندي؛ امم احمد انا عايزه اقولك ع حاجه 

احمد؛ امم تعالي بس اقعدي الاوي 

ندي؛ اسمعني بس

احمد حط ايده تحت دقنه 

ندي وهي بتفرك ايديها؛ احمد انا انا كن كنت انا كن انا كنت

احمد وقف وقرب منها وهي تبعد وهو يقرب لحد مااتخبطت في الدولاب وبعدين هو قرب وهي غمضت عينيها وجاب تيشرت من الدولاب وقالها؛ مالك متوتره كده ليه                                              

ندي فتحت عينيها وبصت ع التيشرت اللي في ايده؛ وضربته في كتفه وخرجت 

واحمد ضحك جامد؛ طب مش هتقولي كنتي جايه ليه 

ندي بصتله؛ وقت تاني بقا 

‘صباح يوم جديد’

احمد اخد اجازه عشان خطوبته واليوم كله كان ترتيبات للخطوبه اتعملت في فيله احمد 

وقت الخطوبه جه وسيف وزين جم ومامت ندي جت 

ام ندي عنيها دمعت لما شافت ندي

ندي جريت عليها وحضنتها وقالتلها بدموع؛ مسمحاكي ياماما مسمحاكي 

وبعد حضن طويل 

الام؛عملالك مفاجأه 

ندي؛ايه

ريم جت من خلف ام ندي؛ازيك ياجميل 

ندي بفرحه وعنيها دمعت؛ايه ده ايه ده ريم وحشااني قوي وحضنتها جامد

ريم؛بقا تبعدي كده مره واحده من غير ماتعرفيني

ندي؛اسفه والله بس جت فجأه 

«ريم صاحبه ندي المفضله ومعاها كل اسرارها وبتحبها جداا.» فضلوا يتكلموا شويه بعض العتاب وبعض المزاح 

الام ؛ يلا بقا ياعروسه اطلعي غيري هدومك عشان الحفله هتبتدي 

ندي؛ حاضر ياماما 

ندي طلعت فوق اوضتها ولسه بتفتح الباب لقت احمد قاعد ع الكرسي وحاطط رجل ع رجل وايده تحت دقنه 

ندي؛ احمد بتعمل ايه هنا

احمد قام من ع الكرسي ومسك علبه وقالها؛ جبتلك الفستان ده البسيه 

ندي؛ بس انت جايبلي هدوم كتيره امبارح

احمد ابتسم؛ لاء ده بقا بتاع الخطوبه 

ندي اخدته وابتسمت وهو خرج وهي غيرت ونزلت كانت لابسه فستان فضي ديق من فوق وواسع من تحت مع طبقه ذياده شفون وكانت فارده شعرها بس صبغه الاطراف من شعرها باللون الفضي

 احمد كان لابس بنطلون جينز اسمر وقميص ابيض وجاكت بليزر جملي وكانوا هما الاتنين قمر 

والكل كان فرحان ولبسوا الدبل وبقوا مخطوبين

وبعدين الموسيقي ابتدت 

وبعد مده من الحفله وطبعا كان احمد وندي بيتكلموا طول الحفله 

ندي حست بخنقه قالت لاحمد انها رايحه الحمام وخرجت بره وفضلت ماشيه لحد مالقت مكان مليان زهور

 وفيه كرسيان قعدت ع واحد وفضلت تفكر كتير احمد لما يعرف الحقيقه هيعمل ايه وبعدين لقت حد حط ايده ع عنيها 

هي اتخضت بس هديت بعدها وقالت احمد 

احمد؛ قاعد لوحدك ليه ياجميل

ندي بضحك؛ انت بتراقبني بقا   

احمد بعد عنها ولف واتكلم؛ طبعا مش لازم اراقبك يا 

وبعدين بصلها ورفع المسدس في وشها؛ حياتي….