اسكريبت يقين وحسام الجزء الأول 1 بقلم أسماء يحيى

يا انسه ي انسه العربيه هتدوسك ي انسه

فجأه وقعت البنت ف الأرض

نزل من العربيه شاب كان يبدو عليها التهذيب وأنه من عائله راقيه 

الشاب _أنا آسف والله هي اللي جت قدام العربيه

رجل_انتو كدا تعملو العمله وتقولو هي اللي جت قدامنا 

الشاب_مش وقته حضرتك ساعدوني بسرعه نوديها المستشفى

 في المستشفي_ انقلوها العمليات بسرعه 

الطبيبه_ متقلقش ي دكتور حسام احنا هننقذها ان شاء الله

حسام _ انا داخل معاكم انا اللي هعملها العمليه انا رايح أجهز على م تجهزوا كل حاجه

بعد ساعات

الطبيبه_احنا عملنا كل حاجه ي دكتور بس لو مفاقتش بعد  24 ساعه يبقى هي دخلت ف غيبوبه

خرج حسام من العمليات وغير ملابسه

الطبيبه_ دي باين عليها حادثه احنا لازم نبلغ البوليس ي دكتور

حسام_انا اللي خبطها مش هتبلغي حد بحاجه انا لازم اعرف اللي خلي البنت تقف قدام عربيتي

الطبيبه_ بس…. 

حسام من غير بس مش هنبلغ البوليس بحاجه لحد م هي تفوق 

الطبيبه_تمام ي افندم 

حسام _هي اسمها ايه

الطبيبه لسه منعرفش ثواني اجيب شنطتها لحضرتك

أحضرت الطبيبه الحقيبه.

فتحها حسام ولم يجد بداخلها اي شيء يدل على هويتها غير كتاب صغير للكاتب دستوفيسكي 

ومفكره مكتوب عليها اسمها 

حسام_اممم يعني اسمك يقين 

وضع حسام الأشياء على مكتبه وظل ينظر إلى المفكره بفضول

ثم توجه نحو غرفتها التي وضعوها فيها

حسام للمرضه_ مفيش أي مؤشرات هي هتفوق ولا لأه

الممرضه_ جسمها رافض أي حاجه بنديهالها تقريبا هي مش عاوزه تعيش

ظل حسام ينظر إليها حتى تذكر أنه عندما رأها كانت ترتدي نقابها 

كانت نائمه على السرير كالملائكه وجهها كالأطفال ولكن يبدو وجهها شاحبا وحزينا ويوجد بعد الكدمات في وجهها وكان شعرها مبعثرا بطريقه عشوائيه حول وجهها 

أفاق حسام من شروده.

محدش يدخل يغيرلها على الجرح أو يديلها العلاج غير ممرضه فاهمه مفيش أي راجل يدخل هنا

توجه حسام نحو مكتبه بفضول أكبر_

حسام _هو في ايه ي حسام فوق كدا واستغفر ربنا انت المفروض تغض بصرك مش كدا 

ثم وجه نظره نحو المفكره وأمسكها باهتمام

حسام لنفسه_ م انا لازم اعرف وراها ايه…..