Uncategorized
رواية أسيل الحب الفصل الثاني 2 بقلم شيماء كمال
رواية أسيل الحب الفصل الثاني 2 بقلم شيماء كمال
 |
| رواية أسيل الحب الفصل الثاني 2 بقلم شيماء كمال |
رواية أسيل الحب الفصل الثاني 2 بقلم شيماء كمال
عمر قام من النوم وكان ماشي قدام غرفه اسيل حب يطمن عليها لسه جاي يخبط على الباب لقاه مفتوح ااول ما دخل لقى اسيل.واقعه على الأرض بوضع شخص مغمى عليه مش نايم خالص
عمر حط ايده على وجه اسيل وبصوت عالى قعد يردد في اسمها
عمر:اسيل قومي ..يااربي اعمل اي دلوقتي
عمر وهو متلبك ومش عارف يعمل اي دخل على طول المطبخ جاب مايه وبيرش على وشها وجاب برفان شممهولها قعد يفوق فيها لحد ما صحيت
عمر:اي ده انتي اي اللى حصلك يبنتي انتي كويسه
اسيل:في اي
عمر شالها قعدها على السرير
عمر:حاسه بتعب او حاجه
اسيل: دماغي مصدعه اووي مش قادره
عمر:متقلقيش شويه وهتكون كويسه هدخل اعملك حاجه تشربيها
اسيل :لا خليك معايا متسبنيش والنبي
عمر بضعف: حاضر انا معاكي اهو متقلقيش بس اي اللى وقعك على الارض كده
اسيل بتعب:ان انا كنت قايمه اجيب مايه اشرب حسيت بدوخه شديده ومش عارفه اي حصل بعدها
عمر:مش انا قولتلك لو عاوزه اي حاجه تقوليلى
اسيل:بس بس انت كنت نايم ولو مقدرتش اجي اوضتك مثلا كنت رنيت عليك بس انت كنت نايم
عمر:طب اهدي اهدي.خدي اشربي الاول كده
اسيل:حاضر
عمر:انت لي مغيرتيش الفستان اللى كنتي لابساه امبارح في كتب الكتاب ده
اسيل:…………………..
عمر:في اي ساكته لي
اسيل:لا مفيش
عمر: انتي خايفه مني ولا متوتره من حاجه ولا اي بالظبط
اسيل:لا لا مش خايفه منك بس
عمر:بس اي
اسيل بتوتر:ان انا مش بقدر اعمل اي……
عمر وهو متلبك:انا اسف مش قصدي اجرحك بسؤالى بس انا ممكن اساعدك عادي
اسيل :لا انا هحاول انا هحاول
عمر:مالك خوفتي كده ليه على فكره انا جوزك يعني خلاص مبقتش حد غريب عنك
اسيل :مش قصدي بس بس انا هغير الفستان لوحدي
عمر:هتقدرى يعني؟!
اسيل: بتردد ااه ااه
عمر:طيب انا هدخل اغير هدومي واتوضي واصلى على ما تخلصي
اسيل:طيب
___________________
عمر دخل ياخد شاور واسيل في اوضتها
اسيل:ياربي سااعدني ياارب انا مش عاوزه حد يشفق علياا باي حاجه نفسي بس اقدر اعمل كل حاجه لنفسي ياارب
اسيل فضلت تحاول تغير الفستان اللى هي لابساه بس مش قادره جلد ايديها حسااس ومتهتك لدرجة انها مش بتقدر تمسك اي حاجه ما بالك بقى تغير ملابسها
عمر طلع من التويلت وهو طالع سمع صوت بكاء طالع من غرفة اسيل
عمر وهو بيخبط على الباب :اسيل انتي كويسه اسيل
اسيل فضلت تبكي ومش بترد
عمر:اسيل ردي علياا انتي كويسه
عمر فتح الباب ودخل لقاها بتبكي
عمر:اسيل في اي بتعيطي لي تعبانه طب محتاجه حاجه اجبهالك
اسيل وهي بتبكي :عمر انا اسفه
عمر:انا مش فاهم حاجه وبعدين بتتاسفي لي
اسيل:اسفه علشان انت اتجوزت واحده زيي واحده مشوها واحده عجزه تعمل اي حاجه حتى واجبتها الزوجيه مش قادره تعملها واحده مش قادره تخدم نفسها
عمر غضب من كلامها:هشش في اي خلاص كل ده يعني عشان عشان مش قادره تغيرى الفستان ده طب والله لساعدك ومتقوليش لا علشان انتي مراتي فاهمه مراتي واجبي اخدمك ومن واجبي اعملك اي حاجه انتي مش قادره تعمليها فبلاش شغل الاطفال اللى انتي فيه ده بقى
اسيل:بس انا مش عاوزه حد يتعب معاياا
عمر:ومين قال اني هتعب معاكي
اسيل…………….
عمر:تسمحيلى بقى اساعدك.عشان ادخل اجهز احلى فطار لاحلى ملكه
اسيل: بدموع :بتجبر بخاطرى طيب هسمحلك بس ممكن تبص في الاتجاه التاني وانت بتساعدني
عمر بمزح: حاضر هبص وراياا يستي عشان حضرتك مكسوفه
عمر قرب منها شويه وبدأ يساعدها في خلع الفستان وهو باصص وراه ومش شايفها وعشان اسيل متحسش بالاحراج
ساعدها في خلع الفستان وجابلها ملابس من الدولاب وبدأ يساعدها تلبسها.
عمر:كده كله تمام ولا اي
اسيل:اها تمام ممكن تبص عادي بقى
عمر:كده تعبت بقى هل انا كده تعبت!!
اسيل بالسلامه:شكراا يا عمر بجد انت طيب اووي
عمر بضحك:شكرا جدا يا عمر بجد انت طيب اووي
اسيل:بتتريق علياا
عمر:مفيش شكر بيناا ماشي!!
اسيل:ماشي
عمر بمزح:اسرحلك شعرك الحلو ده بقى عشان نكون خلصنا مع انه يعني متسرح بس عشان اكون خلصت مهمتي عارف ان انتي اتوجعتي وانا بساعدك في تغير هدومك بس اكيد هسرحلك براحههه خااالص
اسيل بابتسامه:ماشي.
_________
عمر جاب مايه وحطها على قطن وبدأ يحركها على وشها براحه وبعد كده سرحلها شعرها (هو في زوج حنين اووي كده هل في شاب عسل كده يناااس اااه يااني)
عمر:وكده خلصنا
اسيل: تسلملى ياارب بجد مش عارفه اقولك اي انا فعلا محظوظه
عمر: يسلم قلبك ياارب ويتم شفاكي على خير.هروح بقى اصلى واعمل الفطار واجي
اسيل:تمام
_____________
هنا:ازيك يا طنط
والدة اسيل(سهير):ازيك يحبيبتي اتفضلى
هنا: عامله اي يست الكل انتي
سهير: نحمد ربنا
هنا:تستاهلى الحمد يا ام اسيل يا عسل انتي..فطرتي ولا لسه بقى
سهير:والله دماغي مشغوله ب اسيل ومش جايلى نفس لاي حاجه
هنا:لا بقى اسيل موصياني عليكي انى اخد بالى منك وبعدين من غير ما اسيل تقولي كده انا كنت هاجي واشوفك انتي امي التانيه والله ف انا هدخل اجهز فطار وناكل انا وانتي اي رايك
سهير:ربنا يحفظك يبنتي ويخليكوا لبعض انتي واسيل ياارب
هنا:يارب يطنط يارب ويسعدها يارب
سهير:تفتكرى اسيل كويسه دلوقتي
هنا:اكيد طبعا طالما عمر معاها وانتي عارفه عمر اكيد هياخد باله منها
سهير:يسمع من بوقك ربنا يحبيبتي ياارب
هنا:هقوم بقى اجهز فطار واجي
سهير:اقعدي انتي متعبيش نفسك انا هقوم احضره
هنا:ولا تعب ولا حاجه ارتاحي انتي بس
_____________
عمر خلص صلاه ودخل المطبخ يجهز الفطار واول ما دخل المطبخ هووب كسر كوباايه (احنا مالناش في المطبخ اي بس اللى عمل فينا كده يلا الحمد لله)
اسيل:اي ياا عمر اللى وقعع ده
عمر:لا لا ده كوبايه اتكسرت عادي جداا
اسيل:وبتعمل اي بالكوبايه يا عمر ده فطار مش بتعمل شاي
عمر: والله يبنتي مش عارف انا لقيت نفسي ماسك كوبايه بايدي
اسيل:طيب حصل خير
عمر بصوت منخفض:الحمد لله ربنا رزقني بواحده بتقول حصل خير مش واحده تعملى فضيحه يااه لو كان فنجان من النيش كان اتعملى احلى فضيحه فيكي ياا بلد
_____________
هنا:احلى فطار لست الكل اهو
سهير:تعبتك معايا والله يحبيبتي
هنا: متقوليش كده تاني انتي امي بردو
سهير: تسلميلى يارب
هنا:يلا بقى ابدأي كلى
سهير:حاضر وانتي كمان يلا
هنا:حاضر:بقولك يا طنط مش هتروحي لاسيل انهارده ولا اي
سهير:هروحلها بس شويه كده مش حالا
هنا:طيب ما تاخديني معاكي والنبي
سهير:اخدك معايا!!يحبيبتي ده الصباحيه احنا هنروح ونيجي بسرعه يعني مش هنقعد كتير
هنا:هتروحي انتي ومين
سهير:انا وفريدة والدة عمر
هنا:طب خلصانه هاجي معاكوا
سهير بضحك:طيب هاخدك معايا
هنا:هييييه
_____________
فريدة والدة عمر: اي ياا فادي يا حبيبي عامل اي
فادي:بخير الحمد لله والله اسف علشان رنيت عليكي الصبح كده
فريدة:ولا يهمك يا حبيبي انت زي عمر ابني وبعدين صبح اي الساعه١١ اهي يولا
فادي بضحك:اصل انا لسه صاحي معلشي
فريدة:ااه قول كده بقى
فادي: المهم في ورق مهم عاوز اديه لعمر يخص الشركه وكده بس انتي عارفه مينفعش اشوفه اليومين دول
فريدة:اه فهمتك.طيب بص انا رايحه عنده كمان ساعه كده ابقى ابعتهولى وانا اديهوله
فادي:شكرا جدا.خلاص اتفقنا.ساعه وهرن عليكي تاني
فريدة:ماشي يحبيبي
________
عمر: احم الفطار جهز اهو اتاخرت شويه بس معلشي
اسيل:لا ولا يهمك خالص
عمر بدأ يأكلها وهي تقوله كل انت كمان بقى ياكل مره وهي مره (حب ده ولا مش حب يا متعلمين يا بتوع المدارس)
اسيل: خلاص شبعت
عمر:متاكده
اسيل:اها
عمر:طيب.
اسيل: عاوزه اطمن على ماما
عمر:حاضر هرن عليها تكلميها اهو
عمر لسه بيرن على والدة اسيل لقى الموبايل بتاعه بيرن
عمر:اهو يستي هي اللى بترن عليكي اهي
اسيل بضحك:القلوب عند بعضها بقى
عمر:الو ازيك يحمااتي
هنا:الله انا بقيت حماتك امته
عمر:مين!!
هنا بمزح:ادي الفون لاسيل وهي هتعرف انا مين
عمر:طيب يا اخت ظريفه
عمر: في واحده عاوزه تكلمك معرفش هي مين
اسيل:الو
هنا:الاخت اسيل اي اخباره
اسيل:هنا حبيبيتي عامله ايه
عمر: ياارب صبرني
هنا:بخير يحبيبتي المهم انتي عامله ايه ؛كويسه!
اسيل:اها كويسه جدا.انتي رنيتي من فون ماما لي
هنا:علشان قالتلى خدي رني على اسيل وقوليلها ان احنا جااين
اسيل:تنوروا يحبيبتي بس هي مكلمتنيش هي لي
هنا:بتلبس يختي
اسيل:طيب ماشي
هنا:يلا سلام
___
اسيل:دي هنا بتقول انهم جااييين
عمر:ينوروا طبعا
_____
فريدة:ايوه يا فادي بص انا طالعه من البيت رايحه عند عمر
فادي:في حد جاي معاكي!!
فريده:ايوه والدة اسيل مراته جايه معايا هي زمانها جايه دلوقتي هستناها
فادي:طيب انا بكلمك وانا جايلك اهو
فريدة:طيب يحبيبي
____
هنا: خليكي هنا في التاكسي يطنط هروح اشترى حاجات من السوبر ماركت ده وهاجي بسرعه
سهير:حاجات اي يحببتي
هنا:اسيل بتحب الشوكلاته اووي هجيبلها منها
سهير:في حد بيعمل اللى بتعمليه ده طيب روحي انا مستنياكي اهو
السوبر ماركت في الطريق التاني هنا لسه لسه جايه تعدي الطريق لقت ………….
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية نبض السيف للكاتبة سارة محمد