Uncategorized

رواية أسيل الحب الفصل الثالث 3 بقلم شيماء كمال

 رواية أسيل الحب الفصل الثالث 3 بقلم شيماء كمال

رواية أسيل الحب الفصل الثالث 3 بقلم شيماء كمال

رواية أسيل الحب الفصل الثالث 3 بقلم شيماء كمال

السوبر ماركت في الطريق التاني هنا لسه لسه جايه تعدي الطريق لقت عربيه جايه اتجاها بسرعه كبيره من الخوف وقفت مكانها ومش قادره تتحرك وجايه تبص للعربيه لقتها وقفت ونازل منها شااب وسيم ذو دقن ونظرات عينه عليهاا 
فادي:انتي كويسه
هنا بتوتر:اه اه كويسه
فادي:انتي اي اللى بيعديكي من الطريق وفي عربيات جايه خصوصا ان ده الطريق اللى العربيات بتمشي فيه بسرعه
هنا:انت اللى غلطان يعني شايفني معديه من الطريق المفروض تقف
فادي:حصل خير.المهم لو عاوزاني اوصلك في اي مكان انا تحت امرك
هنا:لا شكرا مش عاوزه حاجه
فادي:دبش ماشاء الله.سلام 
هنا راحت اشترت الشوكلاته لاسيل  ومشيت لسهير ركبت معاها التاكسي وراحوا لفريده
___________
اسيل:عمر انت مش هتروح الشغل 
عمر:اكيد يعني واخد اجازه الفتره دي
اسيل:واخد اجازه لي مع ان يعتبر احنا…..
عمر:متكمليش يا اسيل مش معني كده ان انا ماخدش اجازه اقعد مع مراتي شويه يعني
اسيل:مراتك!!
عمر:اه مراتي عندك مانع!!
عمر كل ما يتكلم غمازاته تبان 
اسيل بضحك:هو جمالك ده ولا جمال عبدالناصر
عمر بابتسامه:اممم بتعاكسيني بس بطريقه جمال عبدالناصر ولا اي
اسيل:لا بجد انت جميل اووي
عمر:مش اجمل منك
اسيل:جبر الخواطر نعمه بردو
عمر: والله بتكلم بجد انتي مختلفه عن الجميع ودي حاجه حلوه مش وحشه وخلاص يبطل ميعاد العمليه قرب وهترتاحي اهو 
اسيل قربت منه وحضنته وهي بتبكي
عمر بضحك:اي لازمة العياط دلوقتي أمك هتيجي وتقولي انت عملتلها اي وتفكر اني ضربتك
________
سهير:خلاص وصلنا وفريدة واقفه هناك اهي بس مش عارفه مين اللى معاها ده
هنا:طب يلا نروحلها
___
فادى:ده الورق وسلميلى على عمر كتير
فريدة: يوصل يحبيبي يوصل
سهير:ازيك يا فريده
هنا:اي ده هو انت
فادي:انتي اللى كنتي.ااااه
فريدة:في اي يا ولاد انتوا اتجننتوا ولا اي
سهير:انتي تعرفي مين ده يا هنا
هنا:لاا اااه الله
فادي بضحك:كنت هخبطها بالعربيه من شويه
فريدة: بعد الشر يواد ..ده فادي صاحب عمر الانتيم 
هنا:اهلا وسهلا
فادي ركب عربيته ومشي وهنا وسهير وفريدة مشيوا رايحين لعمر
_________
عمر:هتفضلى في حضني كده كتير
اسيل:اي ده انا اسفه والله محسيت بنفسي اصلا
عمر:ولا يهمك 
___
شويه وجرس البيت رن
اسيل:اكيد دي ماما
عمر:طيب انا هروج افتحلهم
___
عمر:اهلا نورتوا البيت اتفضلوا
هنا جريت جوه البيت  على طول من غير ما تنطق بكلمه وبتقول بصوت عالى يااا اوسوو اسيل انا جيت يبت
سهير:معلش يبني متستغربش  هي شقيه شويه زي الطفله
عمر:احم لا ولا يهمك…..
فريدة:عامل اي يحبيبي
عمر: بخير يست الكل.هتفضلوا واقفين كده اتفضلوا
هنا:هي اسيل فين مش بترد عليا لي هاا لييي انت عملت فيها اي 
عمر:اكون عملت فيها اي يعني اسيل جوه في الاوضه دي ادخليلها صدعتيني
عمر دخل فريدة وسهير الصالون وهنا دخلت لاسيل الاوضه 
هنا:اوسوو وحشتيني اووي مرتاحه هنا ولا اخدك معايا البيت ونهيص مع بعض وهيصه اوعي يكون زعلك في حاجه اموته لا يبت بس باين عليه مهيصك على الاخر يمحظوظه
اسيل:اي ده كله اهدي شويه اهدي انتي بتسالى وتجاوبي على نفسك اهدي طب
هنا:بتزعقيلى اااه مهو خلاص قلبك بقى جامد بقى ايوه يعم عمر 
اسيل:يبت بهزر معاكي انتي مبتفصليش خالص
هنا:عارفه انا جبتلك اي
اسيل:جبتيلى اي
هنا: شوكلاته بتحبيها
اسيل:بجد.طب فين طلعيها بسرعه
هنا:لا مش هديكي حاجه علشان زعقتيلى
اسيل: بطلى رخامه بقى وهاتي الشوكولاته
هنا بابتسامه:احلى شيكولاته علشان عيونك الحلوه دي
_____
سهير:هي اسيل مش هتطلعلنا ولا اي
عمر:ها..هدخل اناديلها اهو
____
عمر: اسيل يلا علشان مامتك عاوزه تشوفك
اسيل:حاضر
عمر قرب منها وشالها وهنا كانت لسه قاعده معاها
هنا:خد هناا سيب صاحبتي انا هساعدها
عمر بصلها بصه رعبتها
هنا:لا لا خلاص شيلها براحتك انشالله توديها ايطاليا انا مالى
اسيل:انا ممكن امشي على فكره عادي
عمر:هششش خلاص في اي
عمر شالها ودخلها الصالون
سهير فضلت مبتسمه اول ما شافته شايلها كده
فريدة:حبيبت قلبي عامله اي
اسيل:انا كويسه يطنط
سهير قامت وحضنت بنتها وقعدت جمبها وبتقولها
سهير:البيت وحش من غيرك اووي يبنتي 
هنا:اي اللى بتقوليه ده يطنط هي لحقت تبعد عنك ده يوم يعني وبعدين انا مش ماليه عينك ولا اي
عمر:سيبلهم فرصه يتكلموا مع بعض متبقيش حشوره هانم كده
اسيل وهي حاسه بالغيرة:خلاص يهنا بطلوا عند في بعض بقى في اي
هنا : حااضر
____
سهير:الدكتور اللى متابعه معاه بيقول خلاص اخر ميعاد للعمليه الاسبوع الجاي
عمر:متقلقيش يحماتي هنكون هناك في الميعاد بالظبط
سهير: ربنا يباركلك يا ابني ياارب
فريدة:اه صح كنت هنسي ده ورق فادي بعتهولك معايا وقالى اديه لعمر
عمر:ااه تمام 
سهير فضلت تكلم اسيل مع نفسهم وهنا وعمر وفريدة بيتكلموا مع بعض شويه وقرروا يمشوا
اسيل:ما تقعدوا شويه كمان انتوا لحقتوا
عمر:لا هما اتاخروا فعلا يلا مع السلامه (قال كده علشان هنا تبطل رخامه)
اسيل:نعم!!
عمر:لا لا قصدي انهم ممكن يقعدوا معانا شويه مفيش مشكله
اسيل:اه بحسب
هنا:بتطردنا من البيت طييبب يلا يطنط
سهير بضحك:ربنا يهديكوا يلا نمشي
__________
في منزل فادي
فادي:هي حلوه ااه بس حسيت ان لسانها طويل بطل تفكير فيها بقى دي مجرد بنت شوفتها خلاص هسال عمر عليها ..يحول الله يااربي اي اللى انا بقوله ده.
لا لا مش هفكر في الموضوع ده
_________
عمر: ادخلى نامي وارتاحي بقى شويه
اسيل:بس انا مش عاوزه انام
عمر:طب نعمل اي نكسر الملل ده
اسيل:اممم تعالى اوريك صورى كلها قبل الحادث
عمر:يلا وانا اوريكي صورى وانا كنت صغير
اسيل طيب
__
اسيل:الصوره دي كان عندي فيها اربع سنين واللى جمبي ده بابا الله يرحمه 
عمر:الله يرحمه يارب ويرحم والدى
اسيل:يارب..ودي الصوره كنت في الابتدائي
عمر: احلى طفله
اسيل:ودي في الاعدادي 
عمر:حلوو
اسيل:والصوره دي كنت في الثانوية العامة 
عمر: لحظه مين اللى جمبك في الصوره ده
اسيل بضحك:ده ابن خالتي كان حشور اووي
عمر:وفين ابن خالتك ده
اسيل:مسافر وجاي الاسبوع اللى جاي
عمر:اممم ماشي
اسيل بحزن: ودي الصوره قبل الحادثه بيوم
عمر في سره:يالهوي على الجمال اي الجمال ده قمر قمر
عمر:احم طب على فكره بقى انتي لسه قمر زي اللى في الصوره ده
اسيل بضحك:والله انت بتجبر بخاطرى كتير اووي
عمر:يلا دورى انا بقى اوريكي صورى
عمر قعد يفرجها على صوره وقعدوا يهزروا شويه مع بعض 
______
في مكان ما
الشخص:شوفتي عمل اي طب والله مهاسيبهم في حالهم هخليه يندم على اللى عمله ده
شخص٢: يبنتي خلاص اتجوز ريحي دماغك بقى
شخص١:انا مش هرتاح غير لما ادمره رايح يتجوز واحده غيرى لا واي واحده محروقه
شخص٢:طب هتعملى اي
شخص١: ده انا هعمل وهعمل وهعمل بس اتقلى
________
في مساء اليوم:
عمر:يلا علشان تاكلى وتاخدي العلاج
اسيل:حاضر
عمر قعد ياكلها واداها العلاج 
اسيل:عاوزه انام ..تصبح على خير وبجد بجد انا مش هنسى اي حاجه من اللى بتعملها دي
عمر:في حد بيقول لزوجه كده اااه ياارب..يلا تصبحي على خير
اسيل:عاوزه اطلب منك طلب بس متفهمنيش غلط
عمر:بطلى الرسميات دي وقولي اللى انتي عاوزه
اسيل:حاضر..انا بخااف انام لوحدي وامبارح كنت خايفه اووي
عمر بابتسامه: خلاص فهمت قصدك  انا هنام هنا في الاوضه.هنام على الارض وانتي نامي على السرير
اسيل:لا لا انا هنام على الأرض وانت على السرير
عمر:اسمعي الكلام بقى 
اسيل:لا مش هينفع خلاص روح نام في الاوضه التانيه على السرير مش عاوزه حد معايا
عمر:انتي رخمه لي كده.خلاص هنام احنا الاتنين على السرير مع اني كنت عاوز اسيبك على السرير لوحدك علشان تاخدي راحتك
اسيل باحراج:طيب..بس انا عاوزه اصلى الاول
عمر خلى اسيل تحاول تتوضى وتصلى وبعدها اسيل قالتله سرح شعرى كويس عشان البس الطرحه
عمر:ادي الاسدال البسيه وهسرحلك شعرك اهو
اسيل:ممكن تعملى شعرى زعروره مدوره
عمر:ازاي دي يعني
اسيل :كحكه مدوره بس عاوزاهم الاتنين واحده شمال وواحده يمين
عمر:اي الحاجات اللى البنات بتعملها دي لا حول ولا قوه الا بالله
اسيل:معلش معلش
عمر سرحلها شعرها وعملوا زي ما هي عاوزه ولكن لما لبست الطرحه شكلها كان يضحك اووي خاصة بالزعرورتين اللى عاملاهم تحت الطرحه دي
اسيل:بتضحك على اي
عمر بضحك:احم لا ولا حاجه .انتي قايمه لي مش هتقدرى تصلى وانتي واقفه صلى وانتي قاعده
اسيل:ربنا هيقويني انا على طول بحاول اصلى وانا واقفه ولو تعبت وانا بصلي بكمل الصلاه وانا قاعده
عمر:طيب 
اسيل:انتي مش هتصلى
عمر:انا صليت قبلك
اسيل:طيب
اسيل خلصت صلاه ونامت
عمر نام جمب اسيل على السرير وفضل صاحي لحد ما هي نامت 
عمر قعد يبص لوجه اسيل طفله بريئه نايمه 
عمر: ملاك والله انا شايف ملاك  ملامح طفوله زي ما تكون بنتي نايمه جمبي مش مراتي خالص 
لا حول ولا قوه الا بالله انا بخرف بقول اي بس
قاطع تفكير عمر رنة الموبايل
عمر:مين اللى بيرن في الوقت ده ورقم مش معروق كمان
عمر:الو
الشخص:عمر بيه حبيب قلبي وحشني
عمر:مين
الشخص:………………..
يتبع…..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية نبض السيف للكاتبة سارة محمد

اترك رد