رواية حب ضايع الفصل الأول 1 بقلم هبة محمد الفاقوسي

_متمشيش عشان خاطرى

_وجودى زى عدمه يا حسام مش هقدر اسعدك ، انا تعبت منك

بصلها بحزن_ انا مليش غيرك ازاى اهون عليكى تسيبينى!

بصتله بقسوه_ محدش قالك تحبنى ، كلها يومين وتنسانى

تهته بكسره_ انا مش زيك كداب فى مشاعري عشان انساكى

سابها ومشى وفى قلبه بيتمنى تندهله بس ظنه خاب فكمل مشى.

حسام عنده 25سنه بيحب الغنا جدا وصوته حلو بيكتب ساعات وساعات يكره كتاباته عشان بتفكره بيها، مامته متوفيه من 3سنين وعايش مع اخته سلمى اللى عندها 22سنه فى كلية التجاره.

سلمى_ وبعدين معاك انساها يا حبيبى فيه غيرها بيتمنوا قربك

حسام_ ياريتنى كنت اقدر انساها وكنت نسيت بس هى غيرهم يا سلمى رغم إنها محبتنيش بس انا روحى فيها وبرضو مش قادر ارجعلها

سلمى_ ربنا يريح بالك ويرزقك خيرا منها، يلا عشان توصلنى الجامعه

حسام_ يلا يا اخرة صبرى

اول ما وصلوا قدام بوابة الجامعه حسام لمح بنت جميله جدا وملامحها هاديه واقفه لوحدها بس مركزش كتير

سلمى_ متنساش تعدى عليا بعد ساعتين وبالمره هتوصل ندى صحبتى

حسام_ محسسانى انى الشوفير بتاعك

سلمى_ بس يلا 

حسام_ ماشى يام لسانين

______

ندى_ اتأخرتى ليه انتى متعرفيش ان المحاضره اللى علينا ﻷخويا احمد!

سلمى_ يا نهار ابيض اجرى بسرعه

وصلوا المدرج وكانوا بينهجوا من الجرى واول ما شافهم الدكتور..

_ الاتنين اللى دخلوا دول يقفوا ، انتوا ازاى تدخلوا من غير استئذان داخلين زريبه!

سلمى بخوف_ اصل اص…

الدكتور_ انتى لسه هتهتهى اتفضلوا اطلعوا برااا

سلمى دموعها نزلت وخرجت بسرعه ومعاها ندى

ندى بضحك_ خلاص يا سلمى مش اول مره نطلع برا يعنى متكبريش الموضوع ههههه

سلمى_ معاكى حق بس حبيت اعمل نفسى مجتهده واحضر النهارده ، حاسه ان اخوكى حالف علينا مندخلش محاضراته

ندى_ هو كده دماغه ناشفه

سلمى_ مش زى اخويا قلبه حنين قوى

ندى_ اخوكى ده هيبقى قرة عينى إن شاء الله وبعدين مش ناويه تخلينى اشوفه بقى انا…

لسه مكملتش كلامها لقيت واحد قمر وشيك جاى عليهم من بعيد..

ندى_ بت يا سلمى مين الكاريزما ده!

بصتلها سلمى وقالت_ اخويا

ندى ارتبكت جدا وكلامها ضاع منها

حسام_ هفضل واقف كتير؟

سلمى مسكت ايد ندى وراحوا للعربيه..

حسام بصدمه لاحظ ان البنت الجميله هى نفسها ندى وهى نفسها البنت اللى حبها وسابته!!