قصة فرصة ثانية الفصل الأول 1 بقلم منى عبد الغني

=انا هتجوز تاني

_ايه انت بتقول ايه يا محمد؟

=زي ما سمعتي كدا انا خلاص قررت ومش هرجع في قراري 

_يبقى تطلقني 

=انتي طالق

انا ياسمين عندي 22 سنه ودا محمد جوزي ومتجوزين بقالنا 4 سنين وعندي اخ واحد وبابا وماما ميتين من وانا عندي 11 سنه. 

                                                     Flash back

+ياسمين تعالي عايزك

_نعم يا زياد

+جايلك عريس وانا موافق عليه

_طب ودراستي يا زياد انا لسه داخله الكليه ولما صدقت اني اخير حققت حلمي وبقيت في فنون جميله وكمان انا لسه 18 سنه ازاي عايزني اتجوز دلوقتي؟

+مليش دعوه بكل الكلام دا ولازم تتجوزيه وخلاص انا وافقت عليه واتفقنا على أن الخطوبه الخميس الجاي ومينفعش تصغريني قدام الناس لازم تسمعي كلامي انا عايز مصلحتك 

_حاضر يا زياد، زياد اخويا وكان هو الوصي عليا الوحيد بعد ما بابا وماما ماتوا وكنت بحترمه وبسمع كلامه 

                                                               Back

انا محبتش محمد بس خلاص  كنت اتعودت ان دا جوزي ومعنديش غيروا وعشان كدا كنت بعملوا كل حاجه هو عايزها قالي مش هتروحي الكليه تاني قولت حاضر قالي مش هتنزلي من البيت غير معايا وقولت حاضر قالي مش عايز خلفه خالص دلوقتي وقولت حاضر وكنت باخد برشام منع الحمل وفي الاخر جاي دلوقتي يقولي انوا هيتجوز واحده تانيه ازاي يعمل فيا كدا ازاي يرميني كده وميفكرش فيا ولا مره

_دخلت لميت هدومي ونزلت من البيت وكان الوقت متأخر والدنيا ليل والساعه بقت 10 بليل

+مين هيكون بيخبط دلوقتي

:مش عارفه قوم شوف يا زياد يمكن في حاجه

+ماشي

+ايوه جاي يا اللي بتخبط، ياسمين انتي اتجننتي بتعملي ايه هنا في وقت متأخر زي دا وفين جوزك

_اتفتحت في العياط  مح…محمد طلقني يا زياد

+انتي بتقولي ايه هو ايه اللي طلقك طب طب اهدي بس وادخلي دلوقتي ادخلي وكفايه عياط وفهميني ايه حصل

_بطلت عياط شويه، قالي انوا عايز يتجوز تاني فا انا قولتلوا طلقني لو هتتجوز غيري وفعلا طلقني طلقني بعد كل دا يا زياد وبعد لما كان بيمنعني اشوفك انت او عيالك او عمتي او اني اعمل اي حاجه في الاخر يطلقني يا زياد وكان عايز يتجوز عليا

+طب فيها ايه

_مصدقتش اللي بسمعوا وبصيتله وبرقت، انت بتقول ايه يا زياد

+ايوه فيها ايه يتجوز عليكي دا حقوا والشرع محللوا اربعه فا ليه انتي تيجي وتمنعيه دا مش حقك خالص وانتي غلطانه وانا هكلموا عشان يجي يرجعك ليه تاني

_زياد انت بتقول ايه انت سامع اللي بتقولوا بجد انت عايزني ارجعلوا بعد ما طلقني وكمان اسيبوا يتجوز عليا تاني انا مش موافقه يا زياد وكفايه بقى لحد كدا مش كل حاجه تحكمات انت وهو شايفيني لعبه وبتلعبوا بيها وبمشاعرها

مسك ايدي

+بقولك ايه انتي متعليش صوتك عليا انتي فاهمه وكلامي اللي اقولوا هو اللي يتنفذ مفهوم ولا لا

:في ايه يا زياد بتزعق ليه وايه دا ياسمين بتعملي ايه هنا

_شوفي يا نهى جوزك بيقولي ارجعلوا تاني بعد ما طلقني لا وكمان اسيبوا عادي يتجوز عليا

:ايه يا زياد مينفعش طبعا يتجوز عليها كلموا وقولوا انوا يرجعها بس يلغي حكايه الجواز دي خالص

_انتوا بتعملوا كدا ليه انا مش عايزه ارجعلوا انا خلاص بقيت بكرهه كفايه بقى اللى حصلي لحد كدا

+انا داخل انام وكلامي هيتسمع إذا كان برضاكي او غصب عنك انتي فاهمه ويلا يا نهى

:حاضر يا زياد، متزعليش يا حبيبتي وان شاء الله كل حاجه هتتحل

+انا قولت يلا

:حاضر اهو جايه

_قعدت وفضلت اعيط و افكر اعمل ايه انا مستحيل ارجعلوا تاني واسيبوا يتجوز عليا دا معملش خاطر ليا ولا لأي حاجه عملتهاله ومش هفضل طول عمري بسمع كلام زياد وباجي على نفسي و في الاخر بتعب انا لازم امشي انا ههرب، اه انا ههرب

خدت شنطه هدومي وخرجت من الشقه براحه وركبت اول قطر كان موجود في الوقت دا وروحت لعمتي في اسكندريه.

^ايوه ايوه جايه اهو، ياسمين! انتي بتعملي ايه هنا ومقولتليش ليه انك جايه 

_انا اسفه يا عمتي اني صحيتك من النوم واني جايه بدري اوي كدا 

^عيب يا ياسمين دا بيت عمتك وتيجي في اي وقت ادخلي يلا  دا انتي نورتيني والله     

_ربنا يخليكي يا عمتوا 

^بس قوليلي صحيح جايه لوحدك ولا جوزك وصلك ومشي 

_لا جيت لوحدي

^ماشي يا بنتي، بس ليه شكلك مدايق كدا انتي معيطه يا ياسمين هو في حاجه حصلت بينك انتي وجوزك

_فتحت في العياط تاني ، طلقني يا عمتوا

^طب اهدي اهدي يا نور عيني ومتدايقيش نفسك في داهيه ومش عايزينوا متعيطيش بس

*صباح الخير، ايه دا ياسمين ازيك ومالك بتعيطي ليه مالها يا ماما في ايه 

^مفيش يا عمر ادخل جوا دلوقتي 

*ماشي، استغربت من شكلها وهي بتعيط وقلبي وجعني عليها اوي وكان نفسي اخدها في حضني بس شيلت الأفكار دي من دماغي عشان مينفعش هي متجوره دلوقتي 

انا عمر بشمهندش ومعيد في الجامعه وعندي 27 سنه 

انا وياسمين كنا بنحب بعض بس مكناش قايلين لبعض بس من كلامنا وتصرفاتنا كان بيبان علينا وكنت مقرر اني هتجوزها لما تبقى في رابعه جامعه بس في الاخر حصل كل دا ومقدرتش اعترض ولا اتكلم لانوا حصل من ورانا فا حاولت استوعب أنها خلاص مبقتش ليا… 

^خلاص اهدي يا بنتي طب قوليلي مروحتيش قولتي لاخوكي ليه 

_قلتلوا يا عمتي وتخيلي بيقولي ايه بيقولي عادي يا عمتي وان دا حقوا واني لازم ارجعلوا عشان كدا هربت وجتلك هنا انا مش عايزه ارجعلوا يا عمتي انا خلاص تعبت من كل حاجه تعبت من محمد وتعبت من زياد ومن تحكمهم فيا يا عمتوا 

^خلاص يا قلب عمتك خلاص بطلي عياط وادخلي صلى الصبح وناميلك شويه يلا 

_حاضر يا عمتوا، دخلت صليت وقعدت على السرير افتكر كل حاجه عملها فيا وافتكر ضربوا ليا اللي كنت بسكت عليه واللي عمري ما قولت لحد عليه افتكرت انوا كان بيوديني اشوف اخويا بالعافيه ولما كنت اشتكي لزياد يقولي جوزك وحقوا يعمل فيكي اللي يعوزوا بطلت تفكير وحاولت انام شويه 

*هو في ايه يا ماما مالها ياسمين 

^ياسمين أطلقت يابني محمد طلقها 

*بجد!  قصدي ازاي وليه كده 

^هي لو عايزه تحكيلك يا بني تبقى تحكيلك لكن مش هحكي انا 

*ماشي يا ماما خلاص هبقي اسألها هي لما تصحى، فرحت بطلاقها فرحت انها رجعت حره تاني حسيت ان الأمل اتجدد في روحي تاني وان ممكن يبقى في فرصه اننا نرجع لبعض وان دعوتي تتحقق وانها تبقى نصيبي وبردوا زعلت عليها وعلى اللي حصل فيها مش كفايه أن زياد ضغط عليها تتجوز بدري وانوا خلاني انا وهي منبقاش لبعض وكمان في الاخر تطلق. 

_صحيت من النوم و فتحت عيني وافتكرت الواقع اللي بقيت فيه واني خلاص بقيت واحده مطلقه. 

ايه يا عمتي بتعملي ايه 

^ولا حاجه يا بنتي انا بس بعملك اكل يقوي قلبك شويه روحي انتي ارتاحي وكملي نوم ولما اخلص هندهلك 

_لا يا عمتوا انا خلاص نمت قوليلي اساعدك في ايه بس 

^طيب، روحي قطعي السلطه 

_من عنيا يا عمتوا 

*كنت شايفها وهي مع امي في المطبخ وواقفه تساعدها وبتضحك حقيقي شكلها قمر اوي وافتكرت ايام زمان لما كانت بتيجي تقعد معانا بالاسابيع وكانت بتخلي البيت ليه روح حلوه.. 

_ااااه 

*جريت عليها، ياسمين انتي كويسه هاتي ايدك حطيها تحت الميا بسرعه

_ خلاص يا عمر دي تعويره صغيره محصلش حاجه انا كويسه 

*سيبت ايدها، انا اسف انا بس خوفت عليكي قصدي خوفت على السلطه خوفت السلطه يعني تقع فيها دم ولا حاجه 

_ضحكت على توتره، محصلش حاجه يا عمر عادي، قولي عامل ايه واخبارك في الجامعه لسه بتشيل العيال المواد 

*الحمدلله ولاء انا مش شرير اوي كدا يعني بنجح شويه، فرحت انها لسه برغم كل اللي فيها بس لسه بتهزر زي زمان وبتحاول تبقى لطيفه مع اللي حواليها

_طب كويس الحمدلله 

^كفايه رغي ويلا طلعوا الاكل 

_حاضر يا عمتوا، خدت الاكل وطلعت 

^ايه يالا اللي عملتوا دا 

*ايه يا أمي وهو انا عملت حاجه 

^لا انا اللي عملت يا فضيحه، خد خد الطبق دا واطلع 

*ماشي متزوقيش يا أمي بس 

_قعدنا ناكل وبعدين قومت دخلت الاوضه وشويه ولقيت حد بيخبط

_ايوه نعم 

*دا انا يا ياسمين ينفع ادخل 

_ثانيه واحده يا عمر، خدت حجابي لبسته بسرعه.. ادخل 

*معلش انا بس كنت عايز نتكلم شويه مع بعض 

_طب بقولك ايه لسه عندكوا المج اللي بحبوا دا 

*اه طبعا 

_تمام هروح اعملنا كوبيتين قهوه زي زمان وانت ظبط البلكونه 

*اشطا جدا 

في مكان تاني 

:صباح الخير يا زياد 

+صباح النور يا حبيبتي، امال فين ياسمين 

:مش عارفه والله صحيت ملقتهاش في البيت ممكن تكون رجعت لجوزها بقى 

+طيب كويس 

:يلا عشان نفطر 

+ماشي 

_انا خلصت وعملت القهوه 

*وانا خلاص خلصت البلكونه وحطيت الكراسي وكل حاجه 

_تمام خد الكوبيات بقى وانا جيالك 

*تمام

*لا لسه شاطره زي زمان وبتعملي القهوه حلوه جدا 

_تسلم يارب، قولي صحيح كنت عايز تتكلم معايا في ايه 

* احم لو مش هدايقك يعني كنت عايز اعرف ايه اللي حصل 

_لا عادي يا عمر هحكيلك 

…………. 

_بس عشان كدا جيت هنا وهنزل ادور على شغل وهبدأ تاني من جديد بعيد عن محمد وعن زياد 

*طب ليه مكنتيش بتحاولي تحكيلي حتى والله كنت هساعدك 

_خلاص مش لازم يا عمر الكلام دا الوقت فات عليه 

*ايوه عندك حق وان شاء الله هتبقى احسن بس هو لازم تنزلي تشتغلي لو على الفلوس انا بشتغل والحمدلله بجيب فلوس كويسه وهتقضينا انا وانتي وامي 

_لا يا عمر انا عايزه انا اللي اكون بصرف على نفسي وكمان انا مش عايزه اتقل عليكم واصلا انا مش هحب اقعد في البيت طول الوقت كفايه الوقت اللي عدا من عمري وانا محبوسه ومبنزلش 

*متقوليش كدا انتي عمرك ما كنتي تقيله علينا بالعكس وكمان خلاص ما دام انتي عايزه كده فا دي حاجه ترجعلك وانا هشجعك فيها 

_تسلم يا عمر، قولي صحيح لسه متجوزتش ليه 

*ها لا عادي مجاتش بنت الحلال اللي اتجوزها بس 

_امم ربنا يبعتهالك قريب 

*لا ما هو شكله بعتها خلاص 

_ايه؟ 

*ايه لا ولاحاجه انا هدخل انام بقى تصبحي على خير 

_ضحكت، ماشي يا عمر وانت من اهله رغم ان دا مش وقت نوم 

*لا ما اصلي بقيت انام بدري 

_ضحكت، والله؟ 

*ضحكت على ضحكها، شوفتي الزمن بيغير بقى. 

_ماشي 

:ايوه يا اللي بتخبط جايه 

“دا بيت الاستاذه ياسمين احمد 

:اه هو في حاجه ولا ايه 

” الطرد ده من المحكمه اتفضلي امضي هنا 

:تمام 

+مين يا نهى 

:دا طرد من المحكمه يا زياد 

+محكمه! طب هاتيه 

ايه دا دي ورقه طلاق هو طلقها بجد وبعدين ازاي هي مش عنده في البيت المفروض! 

:صحيح اومال جايبها هنا ليه! 

+استنى هرن عليه 

=الو خير يا زياد 

+خير وهو انت خليت فيها خير انت بطلقها بجد يا بن ال***وبعدين هي فين وقاعده عندك ليه لو طلقتها وباعت الورقه على هنا ليه 

=هي مين اللي عندي دي

+انت هتهزر يا روح امك ياسمين فين يالا 

=احترم نفسك وأنت بتتكلم معايا وبعدين هي مش عندي مشيت من امبارح لمت حاجاتها ومشيت 

+ماشي يا محمد لما اعرف هي فين بس وساعتها هاخد حقها منك كويس 

=حق مين ياض دا انا متجوزها عشان الثفقه اللي كانت بيني وبينك إنساني احسنلك يا زياد عشان محطكش في دماغي سلام 

+……… 

:ايه مش عندوا 

+لا هتكون راحت فين يعني يا ويلك مني يا ياسمين بقى بتهربي مني ماشي يا ياسمين ماشي 

_كنت قاعده بقرأ قرآن ولقيت موبايلي بيرن فا روحت اشوف مين، محمد!  اتوترت فا طلعت ادور على عمر 

_عمر عمر انت نمت 

*ايه يا ياسمين في حاجه 

_ينفع تيجي ثانيه 

*حاضر، في ايه

_ محمد محمد بيتصل 

*طب في ايه مالك خايفه ليه 

_خايفه يرجعني ليه انا مش عايزه اتعذب تاني يا عمر انا خلاص زهقت وكمان مش هستحمل انوا يتجوز عليا 

*تمام ممكن تهدي ولو مش عايزه تردي مترديش او هاتي انا ارد 

_لا مش هينفع انت ترد وكمان دي تالت مره يرن هو ممكن يكون حصل حاجه؟ 

*طب خلاص ردي طيب وافتحي السبيكر 

_الوا 

=الوا يا هانم انتي فين ومخليه اخوكي يتصل بيا يهزقني والله يا ياسمين لو حصل دا تاني أو أن اي حد فيكوا يكلمني بطريقه مش عدله تاني فا هيبقى هو الجاني على نفسه وعلى فكره انا بعت ورقه طلاقك لاخوكي كلميه بقى وقوليله هربانه فين ومع مين يا حلوه سلام. 

_قفل وانا قعدت اعيط، زياد مش هيسبني في حالي يا عمر انا زهقت بجد زهقت من حياتي دي 

*اهدي يا ياسمين اهدي محدش يقدر يعملك حاجه وزياد لو قربلك هزعله وبعدين افرحي انك أخيراً بقيتي حره ومتفكريش في حاجه تانيه

_بجد يا عمر يعني مش هتخليه يتحكم تاني فيا 

*لا محدش هيقدر يقربلك طول ما انتي معانا هنا ويلا امسحى دموعك دي وادخلي نامي 

_حاضر، اطمنت من كلام عمر فعلاً ودخلت نمت. 

_صباح الخير يا عمر 

*صباح النور صاحيه بدري ليه كده 

_اصلي متعوده اني اصحى بدري عشان محم….. قصدي يعني لما كنت بصحي اعمله فطار 

*امم تمام 

_انت نازل ولا ايه! 

*اه عندي محاضرات عايزه حاجه من برا 

_لا تسلم بس استنى اعملك حاجه تفطر بيها 

*لا انا متعود انزل من غير فطار 

_لا مينفعش من هنا ورايح انا هفطرك قبل ما تنزل 

*يا سلام دا انا هاخد على الدلع كدا 

_ضحكت ومالوا ما تاخد 

*ماشي يا ستي هلبس عقبال ما تخلصي 

* السندوتشات حلوه جدا تسلم ايدك 

_بالهنا والشفا بقولك يا عمر 

*نعم 

_انا هنزل النهارده ادور على شغل فا ادور فين الأول 

*طب استني طيب في يوم اجازه وهبقي اجي ادور معاكي 

_لا عادي انا هنزل انا 

*يا هند انتي مش هتعرفي تنزلي لوحدك وممكن تتوهي انتي بقالك كتير مجتيش اسكندريه 

_لا يا عمر هعرف انا مش صغيره وعادي مش هتوه ومش معنى اني بقالي خمس سنين مجتش ابقى نسيتها لاء انا فاكراها فا متعاملنيش على اني طفله لو سمحت 

*خلاص طيب اهدي انا اسف انا بس بقولك كدا عشان خايف عليكي يحصلك حاجه 

_لا مش هيحصل ويلا بقى انزل انا غلطانه اني بسألك اصلا 

*ابتسمت، يا ستي خلاص حقك عليا انا اسف متزعليش 

_ماشي 

*خلاص بقى متزعليش ويلا انا هنزل عشان هتأخر سلام 

_… 

^ايه دا انتي صاحيه 

_اه يا عمتي، صباح الخير 

^صباح النور يا حبيبتي، انتي لابسه ورايحه فين دلوقتي 

_هنزل ادور على شغل 

^ليه يا ياسمين احنا قصرنا معاكي في حاجه 

_لا يا عمتي والله مش كدا انا بس عايزه انزل افك عن نفسي ومفضلش قاعده في البيت كدا كفايه الخمس سنين اللي فاتوا من حياتي وانا محبوسه فيهم 

^طب استريحي شويه دا انتي لسه جايه امبارح وملحقتش اشبع منك حتي

_منا موجوده معاكي يا عمتي ادعيلي بس اني الاقي شغل 

^ان شاء الله هتلاقي يا حبيبتي ربنا يحفظك يارب ويوقفلك ولاد الحلال وييسر حالك يا بنتي 

_بوست ايدها، ان شاء الله يا عمتي يلا سلام 

نزلت فضلت ادور في الأماكن القريبه من البيت الأول زي مكتبه او مشتل زهور او اي حاجه تنفع تشغلني بشهادة الثانويه عشان مكملتش جامعه 

_السلام عليكم 

°وعليكم السلام يا بنتي 

_كنت بدور على شغل حضرتك محتاج حد يشتغل معاكم اي حاجه  

°طب معاكي ال C. V 

_اه اتفضل 

°امم متخرجه من ثانويه، ومطلقه!،. تمام بتعرفي تحسبي وكدا 

_اكيد يا فندم 

°تمام اهم حاجه تتعاملي كويس مع الزباين بس وتكوني عارفه تحسبي كويس ومتتلغبطيش عشان انتي هتقفي على الكاشير وهنجربك ونشوف بردوا

_ تمام يا فندم شكرا جدا لحضرتك شكرا جدا، اقدر ابدأ شغل من امتى 

°تقدري تجي من بكره ان شاء الله 

_انا متشكره جدا لحضرتك، خرجت وكنت مبسوطه اني اتقبلت اخيرا في شغل بعد ما عديت على أماكن كتير واترفضت  

*الوا يا ياسمين في حاجه ولا ايه 

_لا مفيش حبيت اتصل بيك واقولك اني لاقيت شغل 

*بجد بتتكلمي جد! 

_اه والله انا فرحانه اوي بجد انا بقالي 9 ساعات بلف ومحدش كان قابل يشغل واحده مش واخده شهاده 

*طب كويس الحمدلله وبعدين ثانيه انتي بقالك 9 ساعات في الشارع يا ياسمين 

_اه فيها أي يا عمر 

*فيها ان الساعه بقت 8 فا خلصي يلا وروحي

_هو انت هتتحكم فيا انت كمان يا عمر وعلى فكره بقى انا كنت مروحه ومكنتش واخده بالي ان الوقت اتأخر يعني قد ما كان هاممني اني الاقي شغل 

*ياسمين انا مش بتحكم انا خايف عليكي تتأخري عن كدا بس وتتوهي 

_يووه يا عمر قولتلك انا مش صغيره وبعرف اروح في كل حته لوحدي ويلا سلام عشان هركب

*ياسمين اس…. ،كانت قفلت وبجد انا مش عارف هي ليه دايما شايفه خوفي عليها تحكم.. 

_التليفون رن فا افتكرت انوا عمر بيرن تاني فا رديت من غير ما اشوف مين 

عايز ايه يا عمر! 

+عمر! انتي فين يا ياسمين 

_اتوترت جامد، زياد انا انت.. 

+انتي فين بقولك وازاي تهربي كده وتمشي ومتسمعيش كلامي ارجعي احسنلك يا إما تقوليلي انتي فين حالاً وانا هاجي اخدك وكمان مين عمر دا انتي هربتي مع واحد يا بت من ورايا 

_زياد انت فاهم غلط انا… 

+مش عايز اسمع اي تبرير قولي انتي فين وبس 

_انا عند عمتي وبالله سيبني عندها يا زياد انا مش عايزه ارجع 

+مفيش الكلام دا وانتي هترجعي ويا اما انتي ومحمد ترجعوا لبعض لا اما هتتجوزي واحد غيره انتي سامعه 

_زياد انت بتقول ايه انا مستحيل ارجعوا دا واحد عايز يتجوز عليا وكمان انا مش هتجوز تاني كفايه اللي حصلي يا زياد كفايه 

+انتي ملكيش دعوه واللي اقوله يتسمع واخر كلام هترجعي بكره ولو مرجعتيش بمزاجك هاجي ارجعك غصب عنك انتي سامعه.. 

_قفل وفضلت اعيط لدرجه ان كل اللي كانوا معايا فا الميكروباص كانوا بيبصولي ومستغربين بس انا مكنتش مهتمه بنظرات اي حد، نزلت ورحت قعدت على البحر وقعدت اشكيلوا واعيط 

*ازيك يا أمي 

^الحمدلله يا ابني 

*ياسمين جوا

^لا يا بني لسه مجتش ورنيت عليها وموبايلها مغلق 

*ازاي انا مكلمها من ساعه ونص وقالتلي انها هتركب وتيجي 

^والله مش عارفه يا ابني، طب هي ممكن تكون تاهت ولا حاجه يالهوي يا بني ليكون جرالها حاجه

*يا أمي انتي بتقلقيني اكتر ليه طب اعمل ايه دلوقتي ولا انزل ادور عليها فين انا معرفش هي ممكن تكون فين 

انا غلطان اني سيبتها لوحدها كان لازم اروح معاها حتى لو معترضه 

^خلاص يا ابني ان شاء الله مش هيحصلها حاجه وهترجع بالسلامه هتلاقيها بتجيب حاجه ولا كده 

_يارب يا أمي يارب 

فوقت من عياطي وسرحاني وجيت افتح الموبايل  اشوف الساعه لقيتوا فاصل شحن استوعبت ان الوقت اتأخر اكيد واني لازم ارجع

^ياسمين انتي جيتي اخيرا اتاخرتي كدا ليه يا بنتي قلقتينا عليكي 

_اسفه يا عمتي مخدتش بالي من الوقت والتليفون كان…. 

*هو ايه انتي بتستهبلي هو انا مش كنت مكلمك من ساعه ونص عشان ترجعي بتعملي ايه كل دا برا وازاي متتصليش بحد فينا هو ايه انتي مش عامله حساب لحد ولا للناس اللي قاعده هنا خايفه عليكي وقلقانه… 

_بدأت اعيط لما لقيته بيزعق جامد وافتكرت ايام لما كنت مع محمد وكان بيفضل دايما يزعق وكان بيضربني، انت انت مش من حقك تزعقلي يا عمر واصلا انا غلطانه اني افتكرتك غيرهم لكن انت طلعت زيهم متحكم وعصبي سيبتهم ودخلت اوضتي 

^ليه يا ابني بتزعقلها ليه دا بدل ما تعوضها انت على ابوها اللي مات واخوها اللي مش هموا غير الفلوس وجوزها اللي طلقها ورماها في الشارع ليه تقسى عليها انت كمان 

*يا أمي والله مكنتش قاصد انا كنت خايف عليها بس مش اكتر وهي مش عارفه الأماكن هنا كويس وكمان خوفت حد يعمل فيها حاجه وعارف اني غلطان والله بس من خوفي عليها متحكمتش في عصبيتي 

^ادخل يا عمر صالحها متسبهاش زعلانه كفايه اللي هي فيه 

*حاضر 

*ياسمين انتي نمتي 

_…… 

*طب ممكن تفتحي بس اقولك حاجه، كنت واقف وسامع صوت عياطها 

_…. 

*طب وحياتي ما تزعلي يا ياسمين مكنش قصدي والله انا اسف 

_…… 

*طب ممكن تبطلي عياط طيب وافتحي واسمعيني 

_مش عايزه اتكلم معاك سيبوني لوحدي بقى 

*طب هسيبك دلوقتي عشان انتي تعبانه ونتكلم بكره ماشي! 

_….. 

*لو هتفضلي بتعيطي كدا هفتح الباب وادخل 

_لا اوعي تدخل انا مش لابسه طرحه 

*يبقى تبطلي عياط سامعه 

_ماشي امشي بقى 

*حاضر، دخلت اوضتي وفضلت صاحي ومدايق اني زعلتها كدا 

_فضلت صاحيه طول الليل بفكر اتصرف ازاي واعمل ايه انا مش هينفع ارجع مع زياد دا عايز يجوزني تاني وقعدت افتكر كلام عمر واللي كان بيحصلي من محمد لا انا مش هرجع مع زياد ولا هرجع لمحمد ولا هتجوز تاني 

خرجت اتوضي عشان اصلي الفجر

*سمعت صوت باب اوضه اتفتح فا خمنت انها هي عشان امي مش بتصحي دلوقتي فا خرجت اكلمها، انتي لسه صاحيه! 

_بصتلوا ومردتش عليه وكملت مشي للحمام. 

*وقفت قدامها ،يا ستي حقك علي راسي بقى متدايقيش مني بس وحياتك لاتردي عليا متسبنيش بكلم نفسي كدا 

_عمر حاسب لو سمحت 

*مش هتردي عليا يعني 

_….. 

*تمام، اتحركت من قدامها وقعدت على الكنبه 

_خرجت من الحمام كان لسه قاعد على الكنبه مكلمتهوش وكنت هدخل اوضتي علشان اصلي

*طب ما تستنى اصلي بيكي 

_تمام 

_حرماً

*جمعاً ان شاء الله 

_يلا تصبح على خير 

*ياسمين استنى طيب 

_نعم يا عمر 

*كان مالك وايه اللي كان اخرك 

_مفيش 

*مش انا عمر صاحبك احكيلي بقى ووالله اسف على زعيقي ليكي انا بس كنت خايف عليكي 

_تمام يا عمر مش مدايقه وهحكيلك 

*سامعك.. 

_زياد عرف مكاني و عايز يرجعني لمحمد يا إما هيجوزني حد تاني واكيد هيبقي حد اغني من محمد عشان زياد مش بيهموا غير الفلوس.. 

*لا دا اخوكي دا اتجنن اوي بقي والله العظيم لو حاول يقرب منك أو يفكر يجوزك حد تاني انتي مش عيزاه انا مش هسكتله

_عمر وطي صوتك عمتي هتصحي بسببك 

*متخافيش صدقيني مش هخليه يقرب منك 

_ازاي يا عمر انت عارف ان زياد مش هيسيبني هنا ولو حصل ايه وهياخدني معاه غصب عني وعنك 

*انا هتصرف ادخلي نامي انتي بس ومتفكريش في حاجه 

_تمام 

_تاني يوم صحيت ولبست ونزلت الشغل الجديد، صباح الخير يا فندم 

°صباح الخير، يلا اجهزي وتعالي ابدأي شغلك 

_حاضر 

+الو 

*الوا يا زياد الكلب انت فاكر نفسك راجل باللي بتعمله في اختك دا انت عايز تجوزها لأي حد غني وخلاص عشان تاخد فلوس انت مش بتفكر هي بيحصلها ايه بسببك 

+انت اهبل ولا ايه انت ازاي تكلمني كدا وهي بقى اللى قالتلك تقولي كدا اه ما الهانم تهرب براحتها وتروح تقعد معاكم من غير ما تقولي لا وكمان مش عايزه ترجع لجوزها 

*اه هي اللي قالتلي وانا ابن عمتها وليا حق اقول ايه اللي يحصل وايه لاء وانا مش هخليها ترجع لمحمد دا ومش هتتجوز تاني يا زياد وانسى انها ترجع القاهره تاني ياسمين هتقعد معانا هنا ومش هترجع غير لما تعوز هي 

+انا مبتهددش يا عمر ودي اختي وانا اللي ليا حق اقول هي تعمل ايه انت مجرد ابن عمتها ماشي وبعدين انت عايز تقعدها معاك بصفتك ايه وانا اصلا اثق فيك ازاي انك مش هتستغلها وتحاول تعملها حاجه ياسمين هترجع القاهره يعني هترجع ولو مرجعتش انا هاجي اخدها انت فاهم 

*هنشوف يا زياد مين اللي كلامه هيتنفذ سلام.. 

_الو عايز ايه 

+اتكلمي معايا عدل يا بت انتي وبعدين انتي فاكره انك لما تخلي عمر يكلمني انا هرجع في كلامي أو هخاف مثلا اسمعي يا ياسمين لو مرجعتيش في خلال الأسبوع دا انا اللي هاجي اخدك ومش هبقي لوحدي هيبقى انا والمأذون والراجل اللي هيتجوزك فا تيجي هنا احسنلك بدل ما اجوزك غصب عنك وانتي في مكانك سلام 

_فضلت اعيط، اتصرف ازاي يارب انا تعبت انا مش فاهمه هو ليه مسترخصني كدا ليه مش شايف اني اخته وليا حق اني اختار اللي اعيش معاه واني انبسط بحياتي ليه كل ما ابدأ خطوه انا حباها يجي هو ويبقى عايز يدمرها… 

خلصت شغلي في الكافيه عشان الشفت بتاعي من 10 الصبح ل5 بليل، روحت قعدت على البحر تاني وفضلت اعيط.. البحر بقى هو المكان اللي بيريحني وبقيت احب اقعد احكي ليه واشتكيلوا.. 

*الوا يا ياسمين 

_ايوه يا عمر 

*انتي فين 

_قاعده علي البحر 

*طيب انا هجيلك 

_تمام 

*بتفكري في ايه 

_ولا حاجه 

*تمام 

_…… عمر تتجوزني؟!