رواية موسم الحب (حكاية زينة 2) الفصل الثاني عشر 12 والأخير بقلم سلمى تامر

عديت شهور وأيام وجيه المعاد المنتظر

في بيت زينه وعبدالرحمن

كانو الاتنين نايمين في هدوء وفجأه زينه قامت تصرخ بألم وتايجر قام من نومه بخضه

تايجر:اي فيه اي

زينه بصراخ:الحقني ياعبدالرحمن بولاااااااااااااد

تايجر اتنفض برعب:اي ب بتولدي طب اعمل اي اروح فين ط طب

زينه بصراخ:وديني المستشفى بسرعه انت لسه هتفكر

تايجر شالها بسرعه ولسه هيتحرك بيها بص عاللي هي لابساه

هو بغضب:ينهار امك اسود عايزاني اوديكي المستشفى كده 

زينه بغضب بصراخ: انجز بقا بقولك بولد وبطني بتتقطع انت مبتفهمش

تايجر سحب ملايه بسرعه ولفها بيها وطلع يجري وفتح الباب وهو نازل باب شقه الشباب فتح وطلع خالد بنعاس

:اي ياعم مراتك بتصوت ليه

تايجر بسخريه وهو نازل:سنانها وجعاها

خالد:طب استنى عندي كتافست

تايجر بغضب:ياجدع غور بقا ياجدع قرفتني دي بتولد خلي كنان يجيلي على مستشفى(….)

وفتح باب العربيه وحط زينه وقعد بسرعه فكرسي السواق وانطلق للمستشفى 

خالد دخل لمؤمن :ولااا ولااا يامؤمن يالااا قوم بسرعه هتبقى خال

مؤمن بنعاس:ياعم سبني انام منا عارف اني هبقى خال هبقى عمة مثلا

خالد وهو بيشده:يابني اختك بتولد وربنا والواد جوزها خدها المستشفى قوووم

مؤمن قام بسرعه:انت بتتكلم بجد

خالد:اه وربنا يلااا

وراح صحاهم كلهم واتحركو عالمستشفى اللي تايجر قال عليها

راحوله ولاقوه واقف قلقان وكنان وادهم فضلو يهدوه

بعد فتره 

الدمتوره طلعت من أوضه العمليات وكلهم اتلمو عليها 

الدكتوره بإبتسامه:مبروك جالك توأم زي القمر ولدين شبهك انت ومامتهم

تايجر متفاجئش كتير لأنه كان عارف ان زينه حامل فتوأم 

وقال للدكتوره بلهفه:طب ينفع ادخلها

الدكتوره:طبعا اتفضل

تايجر دخل ولقى زينه نامت من التعب وجنبها ولادهم 

راحلها وبصلها بعشق وباسها من دماغها وهمسلها:حمدلله على سلامتك ياحبيبتي

وبعدين سابها وراح شال ولاده وحس بإحساس غريب سيطر عليه واول مره يحس بيه عيونه دمعة وهو شايفهم قدامه 

دخلو كلهم عليه ومؤمن جرى واخد واحد فيهم

مؤمن:حبيبي حبيبي ياناس حبيب خالو والله قول كده خالو قول يلا خ ا ل و قول يا ياض اسمع الكلام

خالد وهو بياخد التاني من ايد تايجر:مشاء الله ياتايجر هو عنده كام سنه

ادهم راحلهم واخد منهم الولاد:لأ بس انت وهو ابعدو عن العيال مش ناقصه خالد ومؤمن جداد خليهم يبقى رجاله يعتمد عليهم

خالد بغضب:جرى اي ياعم انت هات الواد

مؤمن:ده انا خالهم والخال والد

حياة:والنبي متتخانقو دلوقت خلينا نطمن عالبت اللي نايمه 

بعد شويه طلعو كلهم وسابو تايجر مع زينه واولادهم

زينه فاقت وبصيت حواليها ولقيت تايجر قاعد جنبه 

تايجر بإبتسامه:حمدالله على سلامتك ياحبيبتي

زينه بإبتسامه وحب:الله يسلمك ياحبيبي وبصيت حواليها:اي ده ولادي فين

تايجر جابهم ليها وعطاهم لها 

زينه مسكتهم بحب وعنيها دمعت:صغيرين اوي ياتيجو 

تايجر بضحك: عايزاهم يبقو ف كليه يعني ياحبيبتي ده حجمهم الطبيعي يلا بقا شدي حيلك عايز اجيب تلاته تانيين 

زينه بشهقه:نعم

تايجر بتأكيد:ايون وبنات كمان

زينه:ده عند مامتك فالإسماعليه ياحبيبي

تايجر :كده يازوزو من اولها هتتغيري معايا علشان بقى عندك عيال

زينه بحب:وهو انا اقدر برضه

تايجر ابتسملها ومسك ايديها وباسها:ربنا يخليكي ليا انتي وولادنا 

زينه:ويخليك ليا ياروووح زينه

تايجر بص للولاد وشالهم:ها بقا هنسميهم اي

زينه بتفكير:امممم بصراحه لسه محتارة اي رأيك ف تميم وتيام

تايجر:حلوين اوي ياحبيبتي وردد الاسماء:تميم وتيام عبدالرحمن حامد البحيري يلهوووي عالجمااال

**!!**!!**

حلم كانت بتجيب حاجه من كافيتريا المستشفى وهي راجعه واحد قطع عليها الطريق وفضل يضايقها ومؤمن اللي كان مراقبها شافهم وراحلهم بغضب ومسكه ضربه ووجه كلامه لحلم بغضب:مهو لو انتي ماشيه عدل مكنش عمل كده

حلم ببكاء:والله ماشيه فحالي

مؤمن بغضب وغيره:وشعرك اللي مبيناه ده اي بتعملي عرض

حلم بضتله ببكاء وخجل:خلاص بقا يامؤمن علشان خاطري سامحني على اللي عملته زمان

مؤمن:ربنا يسهل

حلم بلهفه:يعني سمحتني

مؤمن:يلا ياحلم امشي قدامي علشان ارجعك لأخواتك

حلم بصتله بقلة حيله وحزن ومشيت

مؤمن:حلم

حلم بصتله 

مؤمن:تبقي تتحجبي علشان معندناش حريم فعيلتنا تمشي بشعرها

حلم بصتله بصدمه وفرحه وهو هزيلها راسه بتأكيد 

مؤمن:تقبلي تكوني ليا ياحلم؟

حلم هزيت راسها بموافقه وفرحه ودموع وجريت عليه حضنته 

حلم:انا بحبك اوي يامؤمن…اسفه

مؤمن:خلاص ياحبيبتي اللي عدى عدى متفتحيش الموضوع ده تاني 

حلم:ربنا يخليك ليا يارب

مؤمن باس دماغها بحنان:ويخليكي تعالي ومسك ايديها وراحلهم

**!!**!!**

عديت سنين وشهور وايام وفيهم اتغير حال كل واحد فيهم اتخرجو من الجامعه وكل واحد اتجوز حبيبته وعملو شغلهم الخاص وخلفوا وكل ده ومحافظين على صداقتهم وحبهم لبعض اللي متأثرش بالسنين اللي عديت

عشر سنين وفيهم تايجر وزينه علاقتهم بقيت اقوى واجمل من الاول بكتير

وفيوم كان فيه حفله فالقصر الكبير اللي تم شرائوه علشان يعيشو كلهم مع يعض فيه

والحفله كانت بمناسبة ترقيه تايجر لمقدم فالشرطه

كلهم كانو متجمعين مع بعض

خالد:اه يابن المحظوظه انت بقيت مقدم وانت مكملتش ال٣٠ احنا مبنقرش

انس:لأ ومش بس كده معاه اربع عيال كمان 

خالد:احنا مبنقرش

تايجر بضحك:اومال لو بتقرو بقا…بس الشركه اللي عملتوها مكتسحه السوق اهو وانت يا انس المستشفى بتاعتك بقيت من اكبر مستشفيات مصر انا بقر بقا

كلهم ضحكو

مؤمن بص لحاجه :اي ده ياشباب بصو كده

الشباب بصوا للمكان اللي بيشاور عليه مؤمن وشاف تجمع عيال قاعدين مع بعض

تيام ابن تايجر:بقولكم اي يرجاله اختك يانور الواد زياد اللي معانا فالمدرسه بيضايقها لو انت هتسكت فأنا مش هسكت

نور ابن كنان بغضب:نعم ده انا هنفخه لما اشوفه

عدي ابن ادهم:وانا معاكم

حمزه ابن انس:وانا أولكم

تميم ابن تايجر:اعتبرو الواد ده مات خلاص الله يرحمه زعلان عاللي هيحصل فأمه لما تعرف ابنها جراله ايه

حامد ابن خالد:يعم الواد ده فذمه الله خلاص بس منا كمان بعاكس اختك يانور

احمد ابن مؤمن:وانا كمان

تيام بغضب:طب غور ياض انت وهو من هنا

احمد:لا ياعم بنهزر الواد الله يرحمه كان عسل

حامد:هتوحشني يازياد

تيام بفخر:الله ينور عليكم يرجاله يلا بينا

الولاد:يلا يا أسد

خالد بصدمه:اسد!

انس بصدمه:ده التاريخ بيعيد نفسه اقسم بالله

كنان:العيال قتلو الواد فعقولهم هما هيعملو فيه اي 

ادهم:رجاله من ضهر رجاله

مؤمن بفخر وصوت عالي:عاااش يرجاله

تايجر بصلهم وابتسم:واضح ان صداقتنا مكمله مع عيالنا برضه

كلهم اكدو على كلامه وابتسمو بفرحه وفخر وبعد شويه جيه بلال هو وخطيبه اللي كانت جميله جدا ومحترمه وهاديه وبيحبو بعض جدا

تايجر راح لزينه اللي واقفه مع الخدم ومشغوله وشاورلها تيجي

زينه بإستعجال:اي فيه اي

تايجر بإبتسامه وحب:مفيش نسيت اقولك بحبك النهارده وجيت اقولهالك

زينه بصتله بخجل:اسكت الناس هتسمعنا

تايجر وهو بيبصلها بحب:طب ميسمعونا واي اللي فيها واحد وبيقول لمراته بحبك ولا عايزاني اطلع بره واقول كده بصوت عالي طب استني واتحرك علشان يمشي لكن زينه مسكت ايده بسرعه وضحك:استنى يامجنون خلاص عرفت

تايجر طلع من ايده علبة وفتحها وكان فيها خاتم جميل:ايه رأيك

زينه شهقت بفرحه:الله جميل اوي ياحبيبي ربنا يخليك ليا

:اي ده اي ده اي ده وانا ياسي بابا

:وانا كمان ياسي بابا

تايجر بص ولقى بناته حور وايلين واقفين بيبصوله بغيره

ضحك وراح اخدهم فحضنه :وهو انا اقدر برضه كل واحده الهديه بتاعتها فالأوضه

تميم:تعالى بقا ياأسد نروح نشرب من البحر مخلاص ابوك نسانا 

تيام بضحك:على رايك ياتوينز يلا بينا

تايجر:جرى اي يابن الكلب انت وهو ده انا جايبلكم حاجات معديه ال٥٠ الف جنيه النهارده وباصين لاخواتكم على عروستين

زينه راحت لولادها وهي بتضمهم:ومتجبلهومش تاني ليه ولادي حبايبي يطلبو زي مهما عايزين

تايجر بغيره:طب يلا ياض انت وهو خدو اخواتكم واخلعو 

تميم بغمزه:بتوزعنا ياشقي وجرى بضحك من تايجر لما لقاه هيهجم عليه ووراه اخواته

تايجر شد زينه عليه:اولادي حبايبي هه

زينه بدلع:ايون

تايجر:طب مش قولتلك متضميش حد علشان حضنك ده بتاعي انا وبس

زينه:انت اللي بدأت

تايجر بضحك:لسه بتغيري من بناتك برضه

زينه:وهفضل اغير عليك لحد ماموت

تايجر بلهفه:ششش بعد الشر عليكي…بس مالك احلويتي كده لي

زينه بغضب:يووه

تايجر بضحك:طب خلاص بس هتروحي مني فين 

زينه:طب يلا نروحلهم بقا 

تايجر:يلا ……زينه

زينه بصتله بإستفهام

تايجر:بحبك

زينه ضحكت وقالت بحب:وانا بووووت فيك

تمت